დღე: აპრილი 18, 2025

დონალდ ტრამპის განცხადებით, აშშ მზად არის უკრაინაში ომთან დაკავშირებით „სამშვიდობო ძალისხმევა“ შეწყვიტოს თუ მხარეები ყველაფერს „გაართულებენ“. ამის შესახებ დონალდ ტრამპმა თეთრ სახლში მედიასთან განაცხადა. კერძოდ, ტრამპს კონკრეტულ ვადებზე ჰკითხეს, როდის იქნება აშშ მზად მიატოვოს „სამშვიდობო ძალისხმევა“, რაზეც აშშ-ის პრეზიდენტმა უპასუხა: „დღეების კონკრეტული რაოდენობა არაა, მაგრამ სწრაფად, ამის [სამშვიდობო შეთანხმების] მიღწევა გვინდა“. „თუ რაიმე მიზეზით ორიდან რომელიმე მხარე ძალიან გაართულებს საქმეს, უბრალოდ ვიტყვით „სულელები ხართ, სულელები ხართ, საშინელი ხალხი ხართ“ და უბრალოდ ხელებს „დავიბანთ“. მაგრამ, ვიმედოვნებ, ამის გაკეთება არ მოგვიწევს“, – განაცხადა ტრამპმა. ტრამპმა პასუხი არ გასცა კითხვას, აშშ მთლიანად მიატოვებს…

„შტატები უკრაინაში მშვიდობის დამყარების გეგმის ფარგლებში რუსეთის წინააღმდეგ სანქციების შემსუბუქების წინადადებით გამოდის“, აღნიშნულთან დაკავშირებით ინფორმაციას „ბლუმბერგი“ ავრცელებს. როგორც „გამოცემა აღნიშნავს“ შტატებმა მოკავშირეებს წარუდგინა წინადადება, რომელიც მიმართულია რუსეთსა და უკრაინას შორის სამშვიდობო შეთანხმების მიღწევისკენ. ეს პროექტი მოიცავს უკრაინაში საბრძოლო მოქმედებების შეჩერებას და დაზავების შემთხვევაში, მოსკოვის წინააღმდეგ დაწესებული სანქციების შემსუბუქებას. როგორც „ბლუმბერგს“ ევროპელმა მაღალჩინოსანმა განუცხადა, აშშ-ის გეგმის კონტურები პარიზში გამართული მოლაპარაკებების დროს იყო გაჟღერებული. ამ მოლაპარაკებებში აშშ-ის სახელმწიფო მდივანი მარკო რუბიო, აშშ-ის სპეცწარმომადგენელი სტივ უიტკოფი, საფრანგეთის პრეზიდენტი ემანუელ მაკრონი, ასევე საფრანგეთის, გერმანიის, ბრიტანეთისა და უკრაინის ლიდერების მრჩევლები მონაწილეობდნენ. „ბლუმბერგის“  ცნობით, აშშ ფაქტობრივად კონფლიქტის…

,,უკრაინაში ჩვენი უსაფრთხოება საფრთხეშია”, – ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ განაცხადა და აღნიშნა, რომ სანქციები დაწესდება რუსეთის წინააღმდეგ. „რუსეთი ჩვენთვის ეგზისტენციალურ საფრთხედ იქცა. იმისათვის, რომ მშვიდობა იყოს ხანგრძლივი, უკრაინის არმია უნდა გაძლიერდეს წვრთნების, ტექნიკის მხარდაჭერისა და ტექნიკის ადგილობრივი წარმოების გზით. გრძელვადიანი მშვიდობა მხოლოდ ევროპელების თანხმობითა და წვლილით მიიღწევა. ეს არის საფრანგეთის დიპლომატიური წარმატება, რადგან ეს არის პირველი შემთხვევა, როდესაც ამერიკელები, უკრაინელები და ევროპელები ერთ მაგიდასთან იყვნენ. ეს სამიტი არსებითი იყო, რადგან საუბარია იმ მიზანზე, რომელიც ჩვენ საერთო გვაქვს: მშვიდობა. იმისათვის, რომ ეს წარმატებული იყოს, ჩვენ უნდა გავაგრძელოთ…

სისხლის სამართლის საერთაშორისო სასამართლომ უნგრეთის წინააღმდეგ გამოძიება დაიწყო. ამის მიზეზია ბუდაპეშტში ისრაელის პრემიერ-მინისტრის, ბენიამინ ნეთანიაჰუს ვიზიტი, რომელზეც ჰააგის სასამართლოს დაკავების ორდერი აქვს გაცემული. სისხლის სამართლის საერთაშორისო სასამართლოს აინტერესებს, რატომ არ დააკავეს ბენიამინ ნეთანიაჰუ უნგრეთში ყოფნის დროს. ოფიციალურ განცხადებაში ნათქვამია, რომ გამოძიება უნგრეთის მიერ რომის სტატუტით გათვალისწინებული ვალდებულებების შეუსრულებლობის გამო დაიწყო. უნგრეთს საკუთარი პოზიციის დასაცავად მტკიცებულებების წარსადგენად ვადა 23 მაისამდე აქვს. ცნობისთვის, უნგრეთის პრემიერ-მინისტრმა, ვიქტორ ორბანმა ბენიამინ ნეთანიაჰუს ვიზიტის დრო განაცხადა, რომ ბუდაპეშტი ჰააგის საერთაშორისო სასამართლოს დატოვებს, რადგანაც ჰააგის სასამართლო აღარ არის მიუკერძოებელი და ის პოლიტიკურ სასამართლოდ გადაიქცა.

უნგრეთის პრემიერ-მინისტრი ვიქტორ ორბანი ელოდება, რომ შეერთებულ შტატებთან ბიზნესგარიგებას ხელს უახლოეს მომავალში მოაწერს. მისი თქმით, ამჟამად აშშ-თან ეკონომიკურ საკითხებთან დაკავშირებით მოლაპარაკებები მიმდინარეობს, რომლებიც უნგრეთის ეკონომიკას ტარიფების შემოღებით გამოწვეული ზარალისგან თავის დაღწევაში დაეხმარება. ორბანს იმედი აქვს, რომ ამ გარიგებას ხელი მომდევნო ექვსი თვის განმავლობაში მოეწერება.

აშშ-ს სირიიდან 600 სამხედრო მოსამსახურე გაჰყავს. NYT-ის ცნობით, ამერიკელი სამხედროები სირიის ჩრდილო-აღმოსავლეთ ნაწილში განლაგებული რვა ოპერატიული ბაზიდან სამს ხურავენ, რის შედეგად სირიაში მყოფი ამერიკელი სამხედოების რიცხვი 2000-დან 1400-მდე შემცირდება. როგორც მედია წერს, მომდვენო 60 დღის განმავლობაში ასევე მიიღება გადაწყვეტილება სირიაში დისლოცირებული კონტიგენტის შემდგომ შემცირებასთან დაკავშირებით. გამოცემასთან საუბარში ანონიმური წყარო ამბობს, რომ, სირიაში ამერიკელი სამხედროების შემცირების მიუხედავად, ისინი გააგრძელებენ „სირიის დემოკრატიული ძალების“ მხარდაჭერას, რომელიც ქურთების ხელმძღვანელობის ალიანსს წარმოადგენს და აკონტროლებს სირიის ჩრდილო-აღმოსავლეთს, ასევე ტერორისტულ დაჯგუფება „ისლამურ სახელმწიფოს“ ებრძვის. 10 მარტს ცნობილი გახდა, რომ „სირიის დემოკრატიულმა ძალებმა“ შეთანხმებას მიაღწიეს სირიის ახალ მთავრობასთან…

,,დასავლეთმა უკრაინაში ომი წააგო”, – განაცხადა უნგრეთის პრემიერ-მინისტრმა, ვიქტორ ორბანმა. მისი თქმით, შეერთებული შტატების პრეზიდენტი, დონალდ ტრამპი კონფლიქტიდან გასვლით და მისი დარეგულირების მცდელობით ამერიკის გადარჩენას ცდილობს, ევროპელ ლიდერებს კი არ სურთ, ომში დამარცხება აღიარონ. „დასავლეთმა წააგო ეს ომი, რაც ძალიან დიდ ტვირთად იქცა. დონალდ ტრამპი ამ კონფლიქტიდან გასვლით და იმ ძალისხმევით, რასაც კონფლიქტის დარეგულირებაში დებს, ცდილობს ამერიკა დამარცხებისგან იხსნას. დასავლეთ ევროპაში, კი სხვა ვითარება გვაქვს. ევროპელი ლიდერები, რომლებმაც ევროპა ამ ომში ჩაითრიეს, არ აპირებენ იმის აღიარებას, რომ დამარცხდნენ“, – თქვა ორბანმა.

უკრაინამ და ამერიკის შეერთებულმა შტატებმა ხელი მოაწერეს მემორანდუმს მინერალების შეთანხმების გაფორმების შესახებ. როგორც უკრაინის ეკონომიკის მინისტრი იულია სვირიდენკო განმარტავს, აღნიშნული შეთანხმება ადასტურებს მხარეების განზრახვას, დაასრულონ და გააფორმონ შეთანხმება, რომელიც სასარგებლო იქნება ორივე ქვეყნის ხალხისთვის. მისივე თქმით, მზადდება საინვესტიციო ფონდი უკრაინის აღდგენისთვის. სვირიდენკოს განცხადებით, ამ დოკუმენტით მხარეებმა დაადასტურეს „ამერიკელი ხალხის სწრაფვა, ინვესტიცია ჩადოს უკრაინელ ხალხთან ერთად თავისუფალ, სუვერენულ და უსაფრთხო უკრაინაში“. ახლა საჭიროა აღნიშნული შეთანხმების ტექსტის დასრულება, ხელმოწერა და პარლამენტის მიერ რატიფიცირება.

რუსეთის პრეზიდენტის პრესსპიკერის, დიმიტრი პესკოვის განცადებით, რუსეთის პრეზიდენტ ვლადიმერ პუტინის მიერ ენერგეტიკულ ობიექტებზე დარტყმებზე გამოცხადებული მორატორიუმი ამოიწურა. როგორც მან აღნიშნა, კიევისგან განსხვავებით, მოსკოვი ენერგეტიკულ ინფრასტრუქტურაზე თავდასხმების აკრძალვას იცავდა. შეგახსენებთ, 18 მარტს, აშშ-ის პრეზიდენტს, დონალდ ტრამპსა და რუსეთის პრეზიდენტს, ვლადიმერ პუტინს შორის სატელეფონო საუბრის შემდეგ კრემლმა განცხადება გაავრცელა, სადაც აღნიშნული იყო, რომ დონალდ ტრამპმა კონფლიქტის მხარეებს შესთავაზა, ენერგეტიკული ინფრასტრუქტურის ობიექტებზე დარტყმები 30 დღით შეაჩერონ, ვლადიმერ პუტინი ამ ინიციატივას დადებითად გამოეხმაურა და რუს სამხედროებს შესაბამისი ბრძანება მისცა.

Reuters-ის ცნობით, იემენის საწვავის პორტზე აშშ-ის მიერ განხორციელებული საჰაერო თავდასხმის შედეგად სულ მცირე 38 ადამიანი დაიღუპა, 100-ზე მეტი კი დაშავდა. აშშ-ის ცენტრალური სარდლობის ინფორმაციით, ამ დარტყმების მიზანი ჰუსიტების ეკონომიკური ძალაუფლების წყაროს დასუსტება იყო. „ამ დარტყმების მიზანი იყო ჰუსიტების ეკონომიკური ძალაუფლების წყაროს დაკნინება, რომლებიც აგრძელებენ ექსპლუატაციას და დიდი ტკივილის მიყენებას თანამემამულეებისთვის“, – ნათქვამია განცხადებაში, რომელიც აშშ-ის ცენტრალურმა სარდლობამ სოციალურ ქსელში გაავრცელა. აშშ-მა წითელ ზღვაში ჰუთების ნავთობის პორტი დაბომბა

აშშ-ის სახელმწიფო მდივნის, მარკო რუბიოს განცხადებით, თუ უკრაინაში ომის დასრულება შეუძლებელი იქნება, შეერთებულმა შტატებმა თავისი ძალისხმევა უნდა შეწყვიტოს და გაეცალოს. ამის შესახებ რუბიომ ჟურნალისტებს პარიზიდან გამგზავრებამდე განუცხადა. „ეს ჩვენი ომი არ არის. ჩვენ არ დაგვიწყია. შეერთებული შტატები ბოლო სამი წლის განმავლობაში ეხმარება უკრაინას და ჩვენ გვსურს მისი დასრულება, მაგრამ ეს ჩვენი ომი არ არის. პრეზიდენტმა ტრამპმა 87 დღე გაატარა ამ მთავრობის უმაღლეს თანამდებობაზე და არაერთი ძალისხმევა გაწია ამ ომის დასასრულებლად. ახლა ჩვენ მივაღწიეთ წერტილს, როდესაც უნდა გადავწყვიტოთ და განვსაზღვროთ, შესაძლებელია თუ არა ეს საერთოდ. სწორედ ამიტომ ვთანამშრომლობთ ორივე მხარესთან“, –…

,,რუსეთმა შესაძლოა უკრაინის ოკუპირებული ტერიტორიების ნაწილი თავისი კონტროლის ქვეშ შეინარჩუნოს”, – ამის შესახებ აშშ-ის პრეზიდენტის დონალდ ტრამპის სპეციალურმა წარმომადგენელმა სტივ უიტკოფმა The Wall Street Journal-თან ინტერვიუში­ განაცხადა. მისი თქმით, რუსეთმა უკრაინის იმ ხუთი რეგიონიდან, რომლებსაც საკუთარ ტერიტორიად მიიჩნევს, შესაძლოა, ზოგიერთი მიიღოს, მაგრამ არა ყველა. „როდესაც ამ ხუთი რეგიონის განხილვას იწყებთ, რუსეთი დაინტერესებულია მათით და, სხვათა შორის, უკრაინაც, მაგრამ თუ ზოგიერთი მათგანი ძირითადად რუსულენოვანია, მაშინ შესაძლოა უკრაინას ნაკლებად ადარდებდეს ისინი?“, – აღნიშნა უიტკოფმა. The Wall Street Journal-ი წერს, რომ უკრაინაში ომის შესახებ აშშ-სა და რუსეთს შორის მოლაპარაკებები უკრაინის ხუთ რეგიონზეა ორიენტირებული,…

იტალიის პრემიერ-მინისტრმა ჯორჯია მელონიმ დონალდ ტრამპთან შეხვედრის შემდეგ განაცხადა, რომ აშშ-ის პრეზიდენტი, დონალდ ტრამპი რომში ოფიციალურ ვიზიტზე დათანხმდა და იქ ყოფნისას ევროკავშირის წარმომადგენლებთან შეხვედრასაც განიხილავს. „მინდა მადლობა გადავუხადო პრეზიდენტ ტრამპს იმისთვის, რომ მიიღო მოწვევა რომში უახლოეს მომავალში ოფიციალური ვიზიტით ჩამოსვლაზე და ევროპელებთან შეხვედრის შესაძლებლობის განხილვისთვის“, – განაცხადა იტალიის პრემიერმა. გავრცელებული ინფორმაციით, მელონის აშშ-ში ვიზიტი ვაშინგტონსა და ბრიუსელს შორის სატარიფო დავის ფონზე გაიმართა და ის აღიქმებოდა, როგორც მცდელობა, ხელი შეეწყო დიალოგისა და ორ ლიდერს შორის კარგი ურთიერთობის გაძლიერებისთვის.

აშშ-ის პრეზიდენტი დინალდ ტრამპი უკრაინაში ომის დაწყებაზე პასუხისმგებლობას პრეზიდენტ ვოლოდიმირ ზელენსკის არ აკისრებს. ,,ზელენსკის არ ვაკისრებ პასუხისმგებლობას, მაგრამ მთლად აღფრთოვანებული არ ვარ იმ ფაქტით, რომ ეს ომი დაიწყო. ეს ომი არასდროს არ დაიწყებოდა, მე რომ ვყოფილიყავი პრეზიდენტი. ასე რომ, კმაყოფილი არ ვარ მისით და კმაყოფილი არ ვარ არავისით, ვინც ჩართულია. მას არ ვაბრალებ, მაგრამ იმას ვამბობ, რომ არ ვიტყოდი, რომ საუკეთესო სამუშაო შეასრულა. დიდი თაყვანისმცემელი არ ვარ, ნამდვილად”, – განაცხადა ტრამპმა.