დღე: აპრილი 14, 2025

აშშ-ის პრეზიდენტი, დონალდ ტრამპი აცხადებს, რომ რუსეთსა და უკრაინას შორის ომი ბაიდენის ომია. „რუსეთსა და უკრაინას შორის ომი ბაიდენის ომია და არა ჩემი. მე აქ ახლახან მოვედი და ჩემი ვადის ოთხი წლის განმავლობაში ამის წარმოქმნა უპრობლემოდ აღვკვეთე. პრეზიდენტი პუტინი და ყველა სხვა თქვენს პრეზიდენტს პატივს სცემდა. მე არაფერი მაქვს საერთო ამ ომთან, მაგრამ მე ვმუშაობ იმისთვის, რომ სიკვდილი და ნგრევა დასრულდეს“, – წერს დონალდ ტრამპი. მისი თქმით, „2020 წლის საპრეზიდენტო არჩევნები რომ არ გაყალბებულიყო ეს საშინელი ომი არასოდეს მოხდებოდა“.

ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ევროკავშირის საგარეო საქმეთა მინისტრების შეხვედრის დასრულების შემდეგ გამართულ პრესკონფერენციაზე განაცხადა, რომ რუსეთს მშვიდობა არ სურს. „ნათელია, რომ მათ დრო გაჰყავთ და მშვიდობა საერთოდ არ სურთ. უკრაინა ერთი თვის წინ დათანხმდა ცეცხლის უპირობო შეწყვეტას, მაგრამ ჩვენ ვხედავთ, რომ რუსეთს ომი სურს, რადგან ჩვენ გასულ შაბათ-კვირას სუმზე განხორციელებული ყველაზე სასიკვდილო თავდასხმის მომსწრე გავხდით“ – განაცხადა კაია კალასმა. მისი თქმით, უკრაინაში მშვიდობის მიღწევით ევროკავშირის ყველა წევრი ქვეყანაა დაინტერესებული

,,თუ კომისია „სამართლიანი და ნეიტრალურია“, სხდომაზე უნდა დასმულიყო კითხვა, ვინ ჩამოიყვანა გავრილოვი საქართველოში”, – ასე გამოეხმაურა შს ყოფილმა მინისტრი, გიორგი გახარია პარლამენტის დროებითი საგამოძიებო კომისიის თავმჯდომარის, თეა წულუკიანის შეკითხვებს 20 ივნისს განვითარებულ მოვლენებთან დაკავშირებით. წულუკიანმა კიდევ ერთხელ იკითხა, რატომ არ დატოვა გახარიამ შს მინისტრობის თანამდებობა, რომელიც მაშინ საქართველოს საზღვარს აკონტროლებდა. „იმიტომ, რომ როგორც თქვენ ბრძანეთ, მაშინ შსს-ს მთავარი ვალდებულება პარლამენტის შენობის შტურმისგან დაცვა, შევასრულეთ და თქვენც ასე თვლით. კიდევ უნდა დავუბრუნდე იმ საკითხს. რატომ ვამბობ, რომ კომისია თუ არ არის ნეიტრალური და სამართლიანი, ამდენი ხანი ვსაუბრობთ და ერთი კითხვა არ…

ამერიკის შეერთებულ შტატებსა და ირანს შორის ბირთვული მოლაპარაკებების მეორე რაუნდი, სავარაუდოდ, რომში გაიმართება. გამოცემა „აქსიოსის” ცნობით, მოლაპარაკებების გამართვა 19 აპრილს იგეგმება. გავრცელებული ინფორმაციით, მიუხედავად იმისა, რომ მოლაპარაკებების მეორე რაუნდი არ იქნება ომანში, ომანელი შუამავლები წარმოდგენილი იქნებიან მოლაპარაკებებზე. მოლაპარაკებების მეორე რაუნდის წინ, ატომური ენერგიის საერთაშორისო სააგენტოს (IAEA) გენერალური დირექტორი, რაფაელ გროსი მიმდინარე კვირაში სავარაუდოდ, თეირანს ეწვევა. გროსი, სავარაუდოდ, განიხილავს სააგენტოს მონიტორინგსა და გადამოწმების აქტივობებს ირანის ბირთვულ ობიექტებში. როგორც გამოცემა წერს, ტრამპის ადმინისტრაცია კმაყოფილი დარჩა ომანში მოლაპარაკებების პირველი რაუნდით, რომელიც, მათი მოსაზრებით, გეგმის მიხედვით წარიმართა. ეს რვა წლის განმავლობაში აშშ-სა და ირანის…

ევროკავშირის უმაღლესი წარმომადგენელი კაია კალასი აცხადებს, რომ ომის დასასრულებლად საჭიროა რუსეთზე მაქსიმალური ზეწოლის განხორციელება. ამის შესახებ მან ლუქსემბურგში, ევროკავშირის საგარეო საქმეთა მინისტერიალის დაწყების წინ განაცხადა, სადაც უკრაინის საკითხი განიხილება. „ვფიქრობ, ჩვენ უნდა მოვახდინოთ მაქსიმალური ზეწოლა რუსეთზე, რათა ომი ნამდვილად დასრულდეს. მშვიდობისთვის საჭიროა, ეს ორივე მხარეს უნდოდეს და მხოლოდ ერთი მხარის სურვილია საჭირო ომისთვის. ჩვენ ვხედავთ, რომ, სინამდვილეში, რუსეთს ომი სურს. მაქსიმალური ზეწოლა უნდა განახორციელოს რუსეთზე ყველამ, ვისაც სურს, ადამიანების ხოცვა დასრულდეს“, – განაცხადა კაია კალასმა.

უნგრეთში ოპოზიციური პარტიის, „ტისას“ მიერ ჩატარებული სოციოლოგიური გამოკითხვის შედეგად, გამოკითხულთა 60% უკრაინის ევროკავშირში გაწევრიანებას ემხრობა. კვლევაში მონაწილეობა 1.1 მილიონზე მეტმა ადამიანმა მიიღო და 58.18%-მა კითხვას „მხარს უჭერთ თუ არა უკრაინის ევროკავშირში გაწევრიანებას?“ დადებითი პასუხი გასცა. კვლევაში ცალკე პუნქტად იყო გატანილი კითხვა საზოგადოების პოზიციაზე იმასთან დაკავშირებით, უნდა დარჩეს თუ არა უნგრეთი ევროკავშირისა და ნატო-ს წევრად, რაზეც გამოკითხულთა 98.68%-მა დადებითი პასუხი გასცა.  

სომხეთის თავდაცვის სამინისტრო აზერბაიჯანის არმიას დასახლებული პუნქტის მისამართით ცეცხლის გახსნაში ადანაშაულებს. სომხეთის თავდაცვის უწყების განცხადების თანახმად, აზერბაიჯანის შეიარაღებულმა ძალებმა 13 აპრილს, 22:20 საათზე ცეცხლი გაუხსნეს სიუნიქის ოლქის დასახლებულ პუნქტ ხნაცახს, რის შედეგადაც სოფლის კულტურის ცენტრი დაზიანდა. ერევანში აცხადებენ, რომ ინციდენტს მსხვერპლი არ მოჰყოლია. სომხეთის თავდაცვის სამინისტროს მიერ გავრცელებულ განცხადებას აზერბაიჯანის თავდაცვის სამინისტრო არ გამოხმაურებია.

,,სომხეთი ევროპულ გზას თუ აირჩევს, ეს მტკივნეული პროცესი იქნება, მათ შორის, სამწუხაროდ, სომხეთის მოსახლეობისთვის”, – ამის შესახებ რუსეთის საგარეო საქმეთა მინისტრის მოადგილემ, მიხაილ გალუზინმა განაცხადა. მისი თქმით, გასულ წელს რუსეთს და სომხეთს შორის სავაჭრო ბრუნვა დაახლოებით 12 მილიარდი დოლარი იყო. „ლოგიკურია ვივარაუდოთ, რომ ქვეყნის ხელმძღვანელობა თავის მოსახლეობას აუხსნის, რა შეიძლება დაკარგოს ევრაზიის ეკონომიკური კაშირიდან გასვლით და რეალურად, რა მოიპოვოს ევროკავშირში გაწევრიანებით. ეს ყველაფერი ძირითადად ეფემერული იდეოლოგიებია და არა რეალური ეკონომიკური თანამშრომლობა. დღესაც სომხეთის სავაჭრო ბრუნვა ევროკავშირის თითოეულ ქვეყანასთან რამდენჯერმე დაბალია, ვიდრე რუსეთთან. რომ აღარაფერი ვთქვათ, რომ ევროკავშირი ღიად ახორციელებს მტრულ…

„სამოქალაქო მოსახლეობაზე თავდასხმები აკრძალულია საერთაშორისო სამართლით და დაუყოვნებლივ უნდა შეწყდეს”, -ამის შესახებ გაერო-ს გენერალური მდივანი, ანტონიო გუტერეში სოციალურ პლატფორმა X-ზე წერს. მისი თქმით, საჭიროა ცეცხლის გრძელვადიანი შეწყვეტა, რომელიც სრულად დაიცავს უკრაინის სუვერენიტეტს, დამოუკიდებლობას და ტერიტორიულ მთლიანობას. „კიდევ ერთხელ ვიმეორებ მოწოდებას მდგრადი ცეცხლის შეწყვეტის შესახებ და ვადასტურებ გაერო-ს მხარდაჭერას მნიშვნელოვანი ძალისხმევის მიმართ სამართლიანი, მდგრადი და ყოვლისმომცველი მშვიდობისთვის, რომელიც სრულად დაიცავს უკრაინის სუვერენიტეტს, დამოუკიდებლობას და ტერიტორიულ მთლიანობას“, – წერს გუტერეში. შეგახსენებთ, რომ რუსებმა გუშინ უკრაინის ქალაქ სუმს ბალისტიკური რაკეტებით დაარტყეს. ბოლო მონაცემებით, დაიღუპა 34 ადამიანი და დაშავდა 119.

,,მშვიდობის მიღწევა შეუძლებელია აგრესორის დაშოშმინებით სხვა ერების თავისუფლების ხარჯზე. ჭეშმარიტი მშვიდობა ძლიერებით მიიღწევა”, – ამის შესახებ ესტონეთის საგარეო საქმეთა მინისტრი, მარგუს ცაჰკნა სოციალურ პლატფორმა X-ზე წერს. ,,წარმატებისკენ მიმავალი გზა ნათელია: უკრაინისთვის სამხედრო მხარდაჭერის გაგრძელება და რუსეთისთვის ეკონომიკური რესურსების შეწყვეტა, რომლებიც ამ ომს კვებავს”, – აცხადებს მარგუს ცაჰკნა.

უკრაინის პრეზიდენტის, ვოლოდიმირ ზელენსკის განცხადებით, უკრაინა მზადაა, შეერთებული შტატებისგან 15 მილიარდი დოლარის სანაცვლოდ Patriot-ის საჰაერო თავდაცვის 10 სისტემა შეიძინოს და ევროპელი პარტნიორები მზად არიან, ქვეყანას გარიგების დაფინანსებაში დაეხმარონ. როგორც ზელენსკიმ აღნიშნა, ზოგიერთი ევროპელი პარტნიორი მზადაა, ამ სისტემების შეძენაში უკრაინას ფინანსური დახმარება გაუწიოს. „მაგრამ აშშ ამბობს, რომ დღეს ამის შესაძლებლობა არ არსებობს. მაგრამ ამ დროს ისინი ასეთ სისტემებს, მაგალითად, ისრაელზე ყიდიან. არ ვამბობ, რომ ისრაელს ისინი არ სჭირდება, მაგრამ თუ ჩვენ პარტნიორები ვართ, ნუთუ მართლა შეუძლებელია უკრაინის დასაცავად გზის გამონახვა?“, – აღნიშნა ზელენსკიმ. მისი თქმით, პრეზიდენტ დონალდ ტრამპთან საუბრისას სხვადასხვა ვარიანტი…