დღე: აპრილი 13, 2025

აშშ-ის სახელმწიფო მდივანი რუსეთის მიერ სუმზე მიტანილ იერიშს ეხმაურება. მის განცხადებას ახელმწიფო დეპარტამენტი ავრცელებს. „აშშ გამოთქვამს ღრმა მწუხარებას სუმში რუსეთის საზარელი სარაკეტო თავდასხმის მსხვერპლთა გამო. ეს არის ტრაგიკული შეხსენება, რატომ ხარჯავენ პრეზიდენტი ტრამპი და მისი ადმინისტრაცია ამდენ დროსა და ძალისხმევას ამ ომის დასასრულებლად და სამართლიანი, მყარი მშვიდობის მისაღწევად“ – ნათქვამია განცხადებაში. რუსეთმა სარაკეტო დარტყმა მიიტანა ქალაქ სუმზე. შედეგად, სულ მცირე, 34 ადამიანი დაიღუპა, დაშავებულია 84 ადამიანი.

მეტი...

ევროკომისიის პრეზიდენტი, ურსულა ფონ დერ ლაიაენი ეხმაურება რუსეთის სარაკეტო თავდასხმას უკრაინის ქალაქ სუმზე. მისი განცხადებით, დაუყოვნებლივ საჭიროა მტკიცე ზომები ცეცხლის შეწყვეტის უზრუნველსაყოფად. „დღეს დილით, რუსეთის სისასტიკე კვლავ განმეორდა ქალაქ სუმში – მოკლული კაცები, ქალები და ბავშვები. ბარბაროსული თავდასხმა კიდევ უფრო ამაზრზენი გახადა იმან, რომ მოხდა მაშინ, როდესაც ხალხი მშვიდობიანად ბზობის დღესასწაულის აღსანიშნავად შეიკრიბა. ეს უკანასკნელი ესკალაცია დაუნდობელი შეხსენებაა: რუსეთი იყო და რჩება აგრესორად, საერთაშორისო სამართლის აშკარა დარღვევით”- ამბობს ევროკომისიის პრეზიდენტი.

მეტი...

დიდი ბრიტანეთის პრემიერ-მინისტრი კირ სტარმერი აცხადებს, რომ რუსეთის პრეზიდენტი ვლადიმერ პუტინი უნდა დათანხმდეს ცეცხლის სრულ და დაუყოვნებლივ შეწყვეტას პირობების გარეშე. “შეძრწუნებული ვარ რუსეთის საშინელი თავდასხმებით მშვიდობიან მოსახლეობაზე სუმში. ჩემი ფიქრები ამ ტრაგიკულ დროს მსხვერპლებთან და მათ ახლობლებთანაა. პრეზიდენტმა ზელენსკიმ აჩვენა თავისი ერთგულება მშვიდობისადმი. პუტინი ახლა უნდა დათანხმდეს ცეცხლის სრულ და დაუყოვნებლივ შეწყვეტას პირობების გარეშე”, – წერს ის.

მეტი...

აშშ-ის პრეზიდენტის დონალდ ტრამპის სპეციალური წარმომადგენელი, კიტ კელოგი უკრაინაში რუსეთის სარაკატო თავდასხმას ეხმიანება. „ბზობას რუსული ძალების მიერ სუმში სამოქალაქო ობიექტებზე თავდასხმა ყოველგვარ ზღვარს სცილდება. ათობით მშვიდობიანი მოქალაქე დაიღუპა და დაიჭრაროგორც ყოფილ სამხედრო ლიდერს. მესმის, ობიექტების მიზანში ამოღება და ეს არასწორია. სწორედ ამიტომ მუშაობს პრეზიდენტი ტრამპი ამ ომის დასასრულებლად“ – აცხადებს კელოგი. დღეს დილით რუსებმა სუმზე სარაკეტო იერიში მიიტანეს. ბოლო მონაცემებით, დაიღუპა 32 ადამიანი, 99 კი – დაშავდა.

მეტი...

თურქული მედია იუწყება, რომ მომავალ კვირაში ანკარაში შავი ზღვის უსაფრთხოების საკითხთებზე შეხვედრა გაიმართება, რომელშიც უკრაინისა და რუსეთის წარმომადგენლები მიიღებენ მონაწილეობას. წყაროების ცნობით, რუსეთისა და უკრაინის ოფიციალური პირები ანკარაში 15-16 აპრილს შეხვდებიან. მედიის ინფორმაციაში ასევე აღნიშნულია, რომ შეხვედრაში მონაწილეობას მიიღებენ სხვა ქვეყნების სამხედრო წარმომადგენლებიც, თუმცა კონკრეტულად რომელი ქვეყნები, არ ზუსტდება. შეხვედრაზე განიხილავენ სამხედრო გეგმებს, რომლებიც შეიძლება განხორციელდეს შავ ზღვაში მშვიდობის შესანარჩუნებლად.

მეტი...

მოლდოვის პრეზიდენტი, მაია სანდუ უკრაინაში ადამიანების სიცოცხლის გადასარჩენად საჰაერო თავდაცვის გაძლიერებას მოითხოვს. „ბზობა მშვიდობის დღეა. დღეს დილით, როდესაც ხალხი ლოცვისთვის შეიკრიბა, რუსეთმა სუმი დაბომბა – მოკლა და დაჭრა მშვიდობიანი მოქალაქეები. აგრესორმა პასუხი უნდა აგოს. ასეთ ბოროტებას გამართლება არ აქვს“ – აცხადებს მაია სანდუ. შეგახსენებთ, დღეს დილით რუსებმა სუმზე სარაკეტო იერიში მიიტანეს. ბოლო მონაცემებით, დაიღუპა 24 ადამიანი, 80-ზე მეტი კი – დაშავდა.

მეტი...

საფრანგეთის პრეზიდენტის, ემანუელ მაკრონის განცხადებით, იმისთვის, რომ რუსეთი აიძულონ, ცეცხლი შეწყვიტოს, მკაცრი ზომებია საჭირო. „დღეს დილით, ორი რუსული რაკეტა უკრაინის ქალაქ სუმის გულში დაეცა, რამაც უამრავი მშვიდობიანი მოქალაქე, მათ შორის ბავშვები, იმსხვერპლა. ყველამ იცის: ეს ომი მხოლოდ რუსეთმა დაიწყო. დღეს კი ცხადია, რომ მხოლოდ რუსეთმა აირჩია მისი გაგრძელება – ადამიანების სიცოცხლის, საერთაშორისო სამართლისა და პრეზიდენტ ტრამპის დიპლომატიური ძალისხმევის აშკარა უგულებელყოფით“, – წერს მაკრონი. უკრაინის პრეზიდენტის, ვოლოდიმირ ზელენსკის ცნობით, ამ დროისთვის ცნობილია, რომ სუმში რუსული ბალისტიკური რაკეტის დარტყმის შედეგად 31 ადამიანი დაიღუპა. დაღუპულთა შორის ორი ბავშვია. 84-ზე მეტი ადამიანი კი დაიჭრა,…

მეტი...

უკრაინის პრეზიდენტი, ვოლოდიმირ ზელენსკი აცხადებს, რომ რუსეთზე ზეწოლა უნდა მოხდეს ომის დასასრულებლად და ხალხის უსაფრთხოების უზრუნველსაყოფად. მისი თქმით, ამ დროისთვის ცნობილია, რომ სუმიში რუსული ბალისტიკური რაკეტის დარტყმის შედეგად 31 ადამიანი დაიღუპა. დაღუპულთა შორის ორი ბავშვია. 84-ზე მეტი ადამიანი კი დაიჭრა, მათ შორის 10 ბავშვი. „მნიშვნელოვანია, რომ მსოფლიო არ დარჩეს ჩუმად ან გულგრილად. რუსული დარტყმები მხოლოდ დაგმობას იმსახურებს. რუსეთზე ზეწოლა უნდა მოხდეს ომის დასასრულებლად და ხალხის უსაფრთხოების უზრუნველსაყოფად. ნამდვილად ძლიერი ზეწოლის, უკრაინისთვის საკმარისი მხარდაჭერის გარეშე, რუსეთი გააგრძელებს ამ ომის გაჭიანურებას. უკვე მეორე თვეა, რაც პუტინი უგულებელყოფს აშშ-ის წინადადებას სრული და უპირობო…

მეტი...

ლიეტუვის პრეზიდენტი, გრიტანას ნაუსედა რუსეთის მიერ უკრაინის ქალაქზე განხორციელებულ თავდასხმას ეხმიანება. „კიდევ ერთი საზიზღარი რუსული ომის დანაშაული – ამჯერად სუმის გულში. ეს არის სილის გაწვნა ყველასთვის, ვინც ეძებს და სურს მშვიდობა. ცივილიზებულმა სამყარომ ძალა უნდა გამოიყენოს ამ ბარბაროსების შესაჩერებლად, რომლებიც მშვიდობიან მოსახლეობას და ბავშვებს კლავენ“- აცხადებს ლიეტუვის პრეზიდენტი. “მოსახლეობა ბზობის დღეს შეიკრიბა, მაგრამ რუსული რაკეტები დახვდათ”- კალასი სუმზე თავდასხმას ეხმაურება

მეტი...

კრემლის პრესსპიკერმა, დიმიტრი პესკოვმა, განაცხადა, რომ ვლადიმერ პუტინი და დონალდ ტრამპი ერთმანეთს პირისპირ აუცილებლად შეხვდებიან. „ეს შეხვედრა შედგება. პრეზიდენტებმა გამოხატეს თავიანთი პოლიტიკური ნება, რომ ის უნდა შედგეს, მათ შორის, ამას საჯაროდაც აცხადებდნენ. მაგრამ ეს შესაბამის დროს მოხდება. ამისთვის მომზადებაა საჭირო“ – განაცხადა კრემლის წარმომადგენელმა. ჟურნალისტმა პესკოვს დაუსვა შეკითხვა, შეიძლება თუ არა, გასულ კვირას ვლადიმერ პუტინსა და დონალდ ტრამპის სპეციალურ წარმომადგენელს, სტივ უიტკოფს შორის საუბარი იყოს წინ გადადგმული ნაბიჯი მომავალში ტრამპთან შეხვედრისთვის. „რა თქმა უნდა, ეს გახდება დამატებითი ნაბიჯი ამ შეხვედრისკენ. ყველაფერი კარგად მიდის. საქმე ისაა, რომ თითქმის ნულიდან ურთიერთობების აღდგენა…

მეტი...

“მტრის სარაკეტო თავდასხმა იმ დღეს მოხდა, როდესაც ხალხი ეკლესიაში მიდის ბზობას, უფლის იერუსალიმში შესვლის დღესასწაულზე, მხოლოდ არამზადას შეეძლო ამის გაკეთება” – ასე ეხმაურება უკრაინის პრეზიდენტი, ვოლოდიმირ ზელენსკი რუსული ძალების მიერ ქალაქ სუმზე განხორციელებულ სარაკეტო თავდასხმას. მისი თქმით, რუსეთი ომს აჭიანურებს და საჭიროა მასზე ზეწოლა იმისთვის, რომ აგრესია შეჩერდეს. „მსოფლიოს მხრიდან მკაცრი რეაგირებაა საჭირო. ამერიკის შეერთებული შტატები, ევროპა, მსოფლიოში ყველა, ვისაც სურს ამ ომისა და მკვლელობების დასრულება. რუსეთს სწორედ ასეთი სახის ტერორი სურს და ამ ომს აჭიანურებს. აგრესორზე ზეწოლის გარეშე მშვიდობა შეუძლებელია. ლაპარაკს არასდროს შეუჩერებია ბალისტიკური რაკეტები და საჰაერო ბომბები. გვჭირდება რუსეთის მიმართ…

მეტი...

უკრაინის ხელისუფლების ინფორმაციით, რუსეთის სარაკეტო დარტყმას  ქალაქ სუმზე, 20 ადამიანი ემსხვერპლა. დაღუპულების უმეტესობა სამოქალაქო პირია. ადგილობრივი მთავრობა იუწყება, რომ რუსეთმა იერიშის დროს ორი ბალისტიკური რაკეტა გამოიყენა. მომხდარს უკვე გამოეხმაურა უკრაინის პრეზიდენტი. მისი თქმით, სუმზე იერიშის შედეგად ათობით ადამიანი დაიღუპა და დაშავდა.

მეტი...

რუსულმა ძალებმა სუმზე სარაკეტო თავდასხმა განახორციელეს, არიან  დაღუპულები. „დღეს, სარაკეტო დარტყმის შედეგად, ბევრი მსხვერპლია. მტერმა კვლავ დაარტყა მშვიდობიან მოსახლეობას“ – წერს სუმის მერის მოვალეობის შემსრულებელი. გავრცელებული ინფორმაციით, არიან დაშავებულებიც, მათ შორის ბავშვი.  

მეტი...

აშშ-ის პრეზიდენტმა, დონალდ ტრამპმა განაცხადა, რომ უკრაინაში ომის დასრულებისკენ მიმართული მოლაპარაკებები კარგად მიმდინარეობს. „ვფიქრობ, უკრაინასა და რუსეთს შორის ურთიერთობები შეიძლება, კარგად ვითარდებოდეს, და თქვენ ამის შესახებ ძალიან მალე შეიტყობთ. დადგა მომენტი, როდესაც ან უნდა იმოქმედო, ან გაჩუმდე. ვნახოთ, რა მოხდება. თუმცა ვფიქრობ, ყველაფერი კარგად მიდის“- განაცხადა დოლანდ ტრამპმა ჟურნალისტებთან საუბრისას. ამასთან, აშშ-ის პრეზიდენტის თქმით, ირანთან ბირთვულ პროგრამაზე მოლაპარაკებები „ნორმალურად“ მიმდინარეობს.

მეტი...

ისრაელი ღაზას სექტორში სამხედრო ოპერაციების გაფართოებას გეგმავს. ამის შესახებ ქვეყნის თავდაცვის მინისტრმა, ისრაელ კაცმა განაცხადა. მან მშვიდობიან მოსახლეობას მოუწოდა, დატოვონ ის ადგილები, სადაც ისრაელის თავდაცვის ძალები ოპერაციებს განახორციელებენ. „ისრაელის თავდაცვის ძალების ინტენსიური ქმედებები მალე ღაზას ტერიტორიის უმეტესი ნაწილის სხვა ადგილებშიც გავრცელდება და თქვენ საბრძოლო ზონებიდან ევაკუაცია მოგიწევთ“ – მიმართა კაცმა ღაზის მოსახლეობას. მინისტრმა ასევე მოუწოდა პალესტინელებს, თავიდან მოიშორონ „ჰამასი“ და გაათავისუფლონ ყველა მძევალი.  

მეტი...

აშშ-ის პრეზიდენტის დონალდ ტრამპის ადმინისტრაცია წელს  1 მილიონი მიგრანტის დეპორტაციას აპირებს.  გავრცელებული ინფორმაციით, ადმინისტრაცია ახლა მოლაპარაკებებს აწარმოებს დაახლოებით 30 ქვეყანასთან, რათა მიიღონ დეპორტირებული ადამიანები. შიდა უსაფრთხოების დეპარტამენტის სპიკერის, ტრიშ მაკლაფლინის თქმით, მარტის ბოლოსთვის 100 000-ზე მეტი ემიგრანტი იქნა დეპორტირებული. მას შემდეგ, დეპორტაციის რიცხვი კიდევ 17000-ით გაიზარდა.  

მეტი...

გერმანიის მომავალი კანცლერი, ფრიდრიხ მერცი აცხადებს, რომ უკრაინა ნატო-სა და ევროკავშირში ვერ გაწევრიანდება, სანამ ომი გრძელდება. „უკრაინა ომის მდგომარეობაშია და ომის მდგომარეობაში მყოფი ქვეყანა ვერ გახდება ნატო-ს, ან ევროკავშირის წევრი. ეს ეხება ამჟამინდელ მომენტს“ – განაცხადა მერცმა. მან ხაზი გაუსვა, რომ დაპირება უკრაინის ევროკავშირში გაწევრიანების შესახებ, ისევე როგორც ნატო-ში გაწევრიანების პერსპექტივა, ძალაში რჩება, თუმცა, ამის მისაღწევად, ჯერ ომი უნდა შეწყდეს. ამასთან, მერცის თქმით, რუსეთის ამტანობა არასათანადოდ არ უნდა შეფასდეს.

მეტი...