დღე: აპრილი 10, 2025

რუსეთის არმიამ უკრაინის ქალაქი დნეპრი ბალისტიკური რაკეტით დაბომბა.  დაბომბვას 42 წლის მამაკაცი ემსხვერპლა, არიან დაშავებულებიც. მანამდე რუსეთის არმია უკრაინის ქალაქ დნეპრს „შაჰედის“ ტიპის უპილოტო აპარატებით დაესხა თავს. თავდასხმის შედეგად 15 ადამიანი დაშავდა.

უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის ტერიტორიაზე რუსეთის ჯარის შემადგენლობაში ჩინეთის 155 მოქალაქე ომობს. „ჩვენ ინფორმაციას ვაგროვებთ და ვფიქრობთ, რომ ჩინეთის მოქალაქეების რიცხვი დიდია. ჩვენ გვაქვს 155 საპასპორტო მონაცემი, სადაც წერია მათი ასაკი და ადგილები, სადაც ისინი მსახურობენ: 70-ე, 71-ე და 225-ე მოტომსროლელი პოლკები და ასე შემდეგ“, – თქვა ზელენსკიმ. მისი თქმით, ჩინელებს სოციალურ პლატფორმა „ტიკტოკის“ მეშვეობით იბირებენ. გადაბირების სხვა სქემებიც არსებობს. ჩინეთის ხელისუფლებამ ამის შესახებ კი არაფერი იცის. ,,ჩინეთის გადაბირებული მოქალაქეები მოსკოვში ჩაჰყავთ. იქ ისინი სამედიცინო შემოწმებას გადიან, ხოლო შემდეგ ერთი-ორი თვით საწვრთნელ ცენტრში სამხედრო მომზადებას გადიან. ჩინელებს…

ევროკავშირმა უკრაინასთან უვიზო სატრანსპორტო მიმოსვლა ნახევარი წლით, 2026 წლამდე გაახანგრძლივა. გავრცელებული ინფორმაციით, სატვირთო გადაზიდვებისთვის ვიზალიბერალიზაციის შეთანხმების ვადა 2025 წლის 31 დეკემბრამდე იმოქმედებს და მისი მიზანია, უკრაინას გაუმარტივოს ევროკავშირისა და მსოფლიო ბაზრებზე წვდომა. ბრიუსელის ცნობით, 2022 წლის 29 ივნისს შეთანხმების ამოქმედების შემდეგ, უკრაინასა და ევროკავშირს შორის სავაჭრო ურთიერთობები მნიშვნელოვნად გაიზარდა. შეთანხმება დღეს მეოთხედ გახანგრძლივდა.

რუსეთისა და აშშ-ის დელეგაციებმა თურქეთის ქალაქ სტამბულში მოლაპარაკებების მეორე რაუნდი დაასრულეს. რუსული მედიის ცნობით, მხარეებს შორის მოლაპარაკებები თითქმის ექვსი საათი გრძელდებოდა. მხარეებმა რუსეთის გენერალური საკონსულოს შენობა კომენტარების გარეშე დატოვეს. რუსულ მხარეს აშშ-ში ახალდანიშნული ელჩი ალექსანდრე დარჩიევი, ხოლო ამერიკულ მხარეს ამერიკის სახელმწიფო მდივნის თანაშემწის მოადგილე ევროპისა და ევრაზიის საკითხებში სონატა ქოულტერი წარმოადგენდა. ცნობისთვის, რუსეთისა და ამერიკის დელეგაციებმა პირველი შეხვედრა სტამბულში 27 თებერვალს გამართეს. შეხვედრა ექვსი საათი გრძელდებოდა.

გაერთიანებული სამეფოს მთავრობამ ადამიანის უფლებების გლობალური სანქციების რეჟიმის ფარგლებში 4 ადამიანი დაასანქცირა. გაერთიანებული სამეფოს მთავრობის ვებგვერდზეა განთავსებული ინფორმაციის თანახმად, სანქციების ეს პაკეტი მიმართულია საქართველოს ოფიციალური პირების მიმართ, რომლებიც პასუხისმგებელნი არიან ადამიანის უფლებების სერიოზულ დარღვევებზე, 2020 წლის ადამიანის უფლებების გლობალური სანქციების რეგულაციის თანახმად. სანქციები დაუწესდათ გენერალურ პროკურორს გიორგი გაბიტაშვილს, შს მინისტრის მოადგილეს შალვა ბედოიძეს, განსაკუთრებულ დავალებათა დეპარტამენტის დირექტორის მოადგილე მირზა კეზევაძესა და სპეციალური საგამოძიებო სამსახურის უფროსს კარლო კაციტაძეს. სანქციები ითვალისწინებს აქტივების გაყინვას, დირექტორის დისკვალიფიკაციის სანქციასა და სამოგზაურო აკრძალვას.

საფრანგეთის პრეზიდენტმა, ემანუელ მაკრონმა განაცხადა, რომ მისი ქვეყანა პალესტინის სახელმწიფოს აღიარებას ივნისში გეგმავს. „ასევე მსურს, მონაწილეობა მივიღო კოლექტიურ დინამიკაში, რომელმაც ასევე უნდა მისცეს საშუალება ყველას მათ, ვინც იცავს პალესტინას, თავის მხრივ აღიარონ ისრაელი, რასაც ბევრი მათგანი არ აკეთებს. ეს საშუალებას მისცემს საფრანგეთს, ნათელი იყოს ჩვენს ბრძოლაში მათ წინააღმდეგ, ვინც უარყოფს ისრაელის არსებობის უფლებას“, – აღნიშნა ემანუელ მაკრონმა. ცნობისთვის, ივნისში ნიუ-იორკში საფრანგეთი უხელმძღვანელებს გაერო-ს ორდღიან კონფერენციას, საუდის არაბეთთან ერთად. კონფერენცია მიზნად ისახავს ორი სახელმწიფოს პრინციპით გადაწყვეტის მხარდაჭერას. თითქმის 150 ქვეყანა აღიარებს პალესტინას, როგორც სახელმწიფოს. 2024 წლის მაისში ირლანდიამ, ნორვეგიამ და ესპანეთმა…

ამერიკელი ჟურნალისტის, ტაკერ კარლსონის განცხადებით, აშშ-მა რუსეთთან უკრაინაში ომი წააგო. „რუსეთმა უბრალოდ გაიმარჯვა. მათ ჩვენ დაგვამარცხეს“, – თქვა კარლსონმა. მისი თქმით, უკრაინაში კონფლიქტის განვითარების კვალდაკვალ რუსეთმა შეიარაღების წარმოების კუთხით ნატოს და აშშ-ს გაუსწრო. დღესდღეობით რუსეთი ნატოსა და ამერიკასთან შედარებით ოთხჯერ მეტს იარაღს აწარმოებს.

ისრაელის და თურქეთის ოფიციალურმა პირებმა სირიის საკითხზე აზერბაიჯანში მოლაპარაკებები გამართეს.  ისრაელის მედია წერს, ისრაელის და თურქეთის დელეგაციებმა განიხილეს კონფლიქტის თავიდან არიდების მექანიზმები, რომელიც სირიაში არასასურველი ინციდენტების პრევენციას ისახავს მიზნად. ,,სირიაში უცხოური ძალების განლაგების ნებისმიერი ცვლილება, კერძოდ, თურქული ბაზების განთავსება პალმირას რაიონში, არის წითელი ხაზი. მსგავსი ქმედებების თავიდან აცილება სირიის მთავრობის პასუხისმგებლობაა. ნებისმიერი ქმედება, რომელიც საფრთხეს უქმნის ისრაელს, საფრთხეს შეუქმნის სირიის პრეზიდენტის, აჰმედ ალ-შარას მმართველობას“, – აცხადებს ისრაელის ოფიციალური პირი. ,,თურქეთსა და ისრაელს შორის პირველი ტექნიკური შეხვედრა გაიმართა კონფლიქტის პრევენციის მექანიზმის შესახებ. შეხვედრა მიზნად ისახავს სირიაში „არასასურველი ინციდენტების“ თავიდან აცილებას. თურქეთის…

უკრაინის პრეზიდენტმა, ვოლოდიმირ ზელენსკიმ განაცხადა, რომ დონალდ ტრამპი ძალიან გაღიზიანებულია ვლადიმირ პუტინის გამო, რომელიც ცეცხლის შეწყვეტის რეჟიმთან დაკავშირებულ დაპირებებს არ ასრულებს. „საჭიროა პუტინის შესაბამის პირობებში ჩაყენება, რის შემდეგაც პუტინი შეასრულებს თავის დაპირებებს. ძალიან მინდა, რომ ეს დრო რაც შეიძლება მალე დადგეს. ეს დრო უფრო სწრაფად მიგვიყვანს რაიმე გადამწყვეტ ნაბიჯამდე. სანქციების გარდა, ცეცხლის უპირობო შეწყვეტის იძულებამდე, დიპლომატიამდე და დიპლომატიურ გზამდე, რომელიც ომის დასრულებამდე მიგვიყვანს”, – აღნიშნა ზელენსკიმ.

,,მჭიდრო ტრანსატლანტიკური ურთიერთობების შენარჩუნება ევროპელებისა და ამერიკელების საერთო პასუხისმგებლობაა, დროებითი ტურბულენტობის მიუხედავად”, – ასე ეხმაურება პოლონეთის პრემიერ-მინისტრი, დონალდ ტუსკი აშშ-ის მხრიდან ტარიფების შემოღებას 90 დღით დაპაუზებას. „ასე რომ, მოდით, მაქსიმალურად გამოვიყენოთ მომდევნო 90 დღე“, – წერს ტუსკი X-ზე. ტრამპმა ტარიფებზე 90-დღიანი პაუზა დაამტკიცა იმ ქვეყნებისთვის, რომელთაც აშშ-ის მიმართ საპასუხო ზომები არ მიუღიათ

ევროკავშირი აშშ-ის ტარიფების საპასუხო ზომების ამოქმედებას 90 დღით აჩერებს. ინფორმაციას ევროკომისიის პრეზიდენტი, ურსულა ფონ დერ ლაიენი ავრცელებს. „გავითვალისწინეთ პრეზიდენტ ტრამპის განცხადება. გვსურს, მოლაპარაკებებს შანსი მივცეთ. ვასრულებთ რა ევროკავშირის საპასუხო ზომების მიღების პროცესს, რომლებსაც ჩვენი წევრი სახელმწიფოები მტკიცე მხარდაჭერას უცხადებენ, ჩვენ მათ 90 დღით შევაჩერებთ. თუ მოლაპარაკებები დამაკმაყოფილებელი არ იქნება, ჩვენი საპასუხო ზომები ამოქმედდება. შემდგომი საპასუხო ზომების მოსამზადებელი სამუშაოები გრძელდება. როგორც ადრე ვთქვი, ყველა ვარიანტი მაგიდაზე რჩება“, – წერს ურსულა ფონ დერ ლაიენი X-ზე.

ევროპის საბჭოს საპარლამენტო ასამბლეამ (PACE) საქართველოს შესახებ მორიგ რეზოლუციას მხარი დაუჭირა. რეზოლუციას მხარი 89 დაუჭირა, 3 წინააღმდეგი იყო. ,,რაც შეეხება PACE-ს მოწოდებას ხელისუფლებისადმი, დაუყოვნებლივ გაათავისუფლოს ყველა პოლიტპატიმარი და დაიწყოს ინკლუზიური პროცესი, რომელშიც ჩართული იქნება ყველა დაინტერესებული მხარე და სოციალური აქტორი, მათ შორის მმართველი უმრავლესობა, ოპოზიცია და სამოქალაქო საზოგადოება, რათა ბოლო საპარლამენტო არჩევნების დროს გამოვლენილი ხარვეზები სასწრაფოდ აღმოიფხვრას და შეიქმნას ისეთი საარჩევნო გარემო, რომელიც ხელს შეუწყობს ახალი, ჭეშმარიტად დემოკრატიული პარლამენტის არჩევნების გამოცხადებას – ასეთი ნაბიჯები არ გადადგმულა”, – ნათქვამია დოკუმენტში. ევროპის საბჭოს საპარლამენტო ასამბლეამ 29 იანვარს მიიღო რეზოლუცია, რომლის თანახმად, საქართველოს…

,,უფრო მალე, ვიდრე ბევრს ჰგონია, საქართველო იქნება თავისუფალი და ჩვენ შევხვდებით რუსთაველზე, ისევ ვიმღერებთ, „თბილისო, მზის და ვარდების მხარეო“, საქართველოს გაუმარჯოს”, – ამის შესახებ უკრაინელმა დეპუტატმა, ევროსაბჭოს საპარლამენტო ასამბლეის წევრმა, ალექსეი გონჩარენკომ საპარლამენტო ასამბლეის სესიაზე განაცხადა. „1989 წლის აპრილი, გაზაფხული, ხეები ყვავის, მშვენიერი თბილისი, შოთა რუსთაველის გამზირი და ქართველები დგანან მათი პარლამენტის შენობასთან, საქართველოს დროშებით, თავისუფლებისთვის, დემოკრატიისთვის, საქართველოსთვის იბრძვიან, მღერიან სიმღერებს. 9 აპრილს 4:00 საათზე, მოსკოვში გაიცა ბრძანება, რომ იერიში მიეტანათ ამ ადამიანებზე და რუსი ჯარისკაცები, სამხედრო ტექნიკით თავს დაესხნენ ამ მოქალაქეებს. მათ მოკლეს 20 ადამიანი, უმეტესად ქალები, მათ თავს…

აშშ-ის პრეზიდენტმა, დონალდ ტრამპმა კიდევ ერთხელ განაცხადა, რომ თუ ირანი ბირთვული პროგრამის დასრულებას არ დათანხმდება, მის წინააღმდეგ, შესაძლოა, სამხედრო ქმედება გამოიყენონ. „ბევრს არ ვითხოვ. მაგრამ მათ არ შეიძლება ბირთვული იარაღი ჰქონდეთ. თუ სამხედრო ქმედებაა საჭირო, გვექნება. ცხადია, ისრაელი იქნება ამაში ლიდერი. არავინ გვმართავს. ჩვენ იმას ვაკეთებთ, რაც გვინდა“, – აღნიშნა ტრამპმა. ამასთან, მან არ დააკონკრეტა, თუ როდის შეიძლება დაიწყოს რაიმე სამხედრო მოქმედება.