დღე: აპრილი 9, 2025

რუსეთში საქართველოს მოქალაქეს, გიორგი გოგლიძეს, 9 წლით თავისუფლების აღკვეთა მიუსაჯეს. მას ბრალს სდებენ,  უკრაინის მხარეს ბრძოლაში. ინფორმაციას რუსეთის საგამოძიებო კომიტეტის პრესსამსახური ავრცელებს. რუსეთის საგამოძიებო კომიტეტის განცხადებით, საქართველოს მოქალაქე გიორგი გოგლიძე დამნაშავედ ცნეს “დაქირავებულ მებრძოლად ყოფნისთვის” და ის მისჯილ 9 წელს მკაცრი რეჟიმის სასჯელაღსრულების კოლონიაში გაატარებს.

ნატალი ლუაზომ ევროპარლამენტის საგარეო საქმეთა კომიტეტის სხდომაზე განაცხდა, რომ ევროკავშირმა საქართველოში უნდა იმუშაოს სამოქალაქო საზოგადოებასთან, ვინაიდან, შეუძლებელია მთავრობასთან მუშაობა, რომელსაც დე ფაქტო ლეგიტიმურობა არ გააჩნია. “ვითარება გვაქვს, როდესაც დემოკრატიული მისწრაფებების, ევროკავშირში გაწევრიანების მისწრაფებების მქონე ხალხი ძალიან რთულ ვითარებაშია მაფიური ავტორიტარული რეჟიმის პირობებში. ამ მომენტში ვხედავთ ევროკავშირის წარუმატებლობას, უპასუხოს ქართველი ხალხის ამ მისწრაფებებს და რეპრესიებს, რომელსაც აწარმოებს “ქართული ოცნება”, არსებითად კი “ქართული კოშმარი”- ამბობს ევროპარლამენტარი.

ევროკავშირის წევრი ქვეყნები აშშ-ის წინააღმდეგ საპასუხო ტარიფებზე შეთანხმდნენ. განცხადებას ევროკომისიის პრესსამსახური ავრცელებს. “ევროკომისიის წინადადება მარტში შეიქმნა აშშ-ის გადაწყვეტილების საპასუხოდ, რომ შემოიღოს ტარიფები ევროკავშირიდან ფოლადისა და ალუმინის იმპორტზე. ევროკავშირი შეერთებული შტატების ტარიფებს უსამართლოდ და დამაზიანებლად მიიჩნევს, რომლებიც ეკონომიკურ ზიანს იწვევს ორივე მხარისთვის, ისევე როგორც გლობალური ეკონომიკისთვის. ევროკავშირმა ნათლად განაცხადა თავისი პრიორიტეტი, იპოვოს შეერთებულ შტატებთან მოლაპარაკებების შედეგად გამოსავალი, რომელიც იქნება დაბალანსებული და ორმხრივად მომგებიანი” – ნათქვამია განცხადებაში. მათივე განმარტებით, ევროკავშირის საპასუხო ზომები ძალაში შევა მას შემდეგ, რაც დასრულდება ევროკომისიის შიდა პროცედურები და სააღსრულებო აქტი გამოქვეყნდება. ტარიფები 15 აპრილიდან დაიწყება.

აზერბაიჯანის პრეზიდენტმა, ილჰამ ალიევმა ბაქოში “ახალი მსოფლიო წესრიგის წინაშე” ფორუმზე განაცხადა, რომ საქართველოს შიდა საქმეები ქართველმა ხალხმა უნდა გადაწყვიტოს და არა ბიუროკრატებმა ბრიუსელიდან. „ევროკომისიაში საქართველოს შიდა პროცესისადმი დამოკიდებულება სრულიად მიუღებელია. ეს კოლონიალისტების საქციელია. ისინი ცდილობენ ქართველი ხალხის ნებას თავისი კოლონიალისტური წარსულის პრიზმიდან უყურონ. ეს სრულიად მიუღებელია. ქართველმა ხალხმა იცის, რომ მათთან ვართ, საქართველოს მთავრობამ იცის. საქართველოს შიდა საქმეები ქართველმა ხალხმა უნდა გადაწყვიტოს, არა ბიუროკრატებმა ბრიუსელიდან” – განაცხადა ალიევმა.  

რუსეთისა და აშშ-ის დელეგაციები თურქეთის ქალაქ სტამბულში მოლაპარაკებების მეორე რაუნდს ხვალ გამართავენ. ინფორმაციას სახელმწიფო დეპარტამენტის სპიკერი, ტემი ბრიუსი ავრცელებს. „10 აპრილს აშშ-ისა და რუსეთის დელეგაციები სტამბულში მეორედ შეხვდებიან ერთმანეთს იმისთვის, რათა შეეცადონ მიაღწიონ პროგრესს ორმხრივი ურთიერთობის დარეგულირების კუთხით“, – თქვა ბრიუსმა. მისი თქმით, სტამბულში შეხვედრის დროს უკრაინის საკითხი და უსაფრთხოების სხვა თემები განხილული არ იქნება. მთავარი თემა მხოლოდ რუსულ-ამერიკული ურთიერთობები იქნება. ცნობისთვის, რუსეთისა და ამერიკის დელეგაციებმა პირველი შეხვედრა სტამბულში 27 თებერვალს გამართეს.

აზერბაიჯანის თავდაცვის სამინისტროს განცხადებით, სომხეთის საჯარისო შენაერთებმა ბასარკეჩარის რაიონის გარაიმანისა და იუხარი შორჯას მიმართულებებიდან აზერბაიჯანულ პოზიციებს ცეცხლი გაუხსნეს. როგორც განცხადებაშია აღნიშნული, სომხური ქვედანაყოფები ავტომატური ცეცხლსასროლი იარაღიდან ისროდნენ. „აზერბაიჯანის საჯარისო შენაერთებმა აღნიშნულ მიმართულებებზე ადეკვატური ზომები მიიღეს“, – აღნიშნულია აზერბაიჯანის თავდაცვის უწყების განცხადებაში.

დიდი ბრიტანეთის საგარეო საქმეთა მინისტრმა, დევიდ ლემმა „პოლიტიკოსთან“ ინტერვიუში განაცხადა, რომ რუსეთის პრეზიდენტის, ვლადიმერ პუტინის სურვილია დასავლეთ ბალკანეთი მისი შემდეგი სათამაშო მოედანი იყოს. ,,პუტინის ინტერესია არასტაბილურობის შენარჩუნება. მისთვის სასარგებლოა, რომ დასავლეთ ბალკანეთის ქვეყნები დარჩნენ დაძაბულ მდგომარეობაში, დესტაბილიზებული მოსახლეობით და კიბერ და ჰიბრიდული ომის წარმოება შეძლოს“, – განაცხადა დიდი ბრიტანეთის საგარეო საქმეთა მინისტრმა. მისი თქმით, ბრიტანეთი შეშფოთებას გამოთქვამს დასავლეთ ბალკანეთში დაძაბულობის ზრდის გამო და მოუწოდებს რეგიონს, „წინ წაიწიოს“, წინააღმდეგ შემთხვევაში, ის „რუსეთის სათამაშო მოედნად დარჩება“. ლემის აზრით, როდესაც ევროპაში ომია და შეინიშნება „რუსული ჩარევის გრძელი ხელი ამ რეგიონშიც“, არ ღირს თვალის…

საბერძნეთში გამოცხადებული ერთდღიანი გაფიცვის გამო, ტრანსპორტის მიმოსვლა შეჩერდა. ქვეყანაში შეჩერდა საბორნე და სარკინიგზო მიმოსვლა, გაუქმდა ავიარისები. ათენში მუშაობა შეაჩერეს მეტრომ და ავტობუსებმა. ქვეყნის უმსხვილესი პროფკავშირი, საცხოვრებელი ხარჯების ზრდის ფონზე, ხელფასების ზრდას ითხოვს. პირველი აპრილიდან საბერძნეთის ხელისუფლებამ მინიმალური შრომითი ანაზღაურება 880 ევრომდე გაზარდა, 2027 წლისთის კი, 950 ევრომდე გაზრდას გეგმავს. თუმცა პროფკავშირებში აცხადებენ, რომ ოჯახების ნაწილს მაინც უჭირს თავის გატანა საკვებ პროდუქტებზე, ენერგიასა და საცხოვრებელი ხარჯების ზრდის ფონზე. „ფასები იმდენად გაიზარდა, რომ 2019 წელთან შედარებით, ჩვენ ვყიდულობთ 10%-ით ნაკლებ პროდუქტს. ჩვენ ვიფიცებით იმისთვის, რაც ცხადია. გაზრდილი ხელფასები და კოლექტიური შრომითი კონტრაქტები…

,,დაუჯერებელია, რასაც ზოგიერთი თქვენგანი თავს უფლებას აძლევს, განსაკუთრებით უნგრეთთან მიმართებით. უნგრეთმა გაგზავნა ქართულ პოლიტიკაში ასობით მილიონი დოლარი? უნგრეთმა გაგზავნა ამდენი ფული საქართველოში არჩევნების დროს? არა, ეს არ იყო უნგრეთი. ეს იყო USAID, ეს იყო ბაიდენის ადმინისტრაცია და ეს იყო „ევროპის დემოკრატიის ფონდი“, რომლებმაც ეს ყველაფერი გააკეთეს”, – ამის შესახებ უნგრელმა ევროპარლამენტარმა, ანდრაშ ლასლომ ევროპარლამენტის საგარეო ურთიერთობათა კომიტეტზე განაცხადა. „თქვენ ასევე მხარი დაუჭირეთ ოპოზიციის პროტესტს – ბევრი ევროპელი გამომსვლელი გამოჩნდა ამ საპროტესტო აქციებზე საქართველოს ქუჩებში. და შემდეგ თქვენ გვეუბნებით, რომ იცავთ დემოკრატიას? ეს სამარცხვინოა. თქვენ თავს ესხმით უნგრეთს – რა თანხა…

,,ქვეყნები გვირეკავენ, უკანალზე მკოცნიან, შეთანხმების მიღწევის სურვილით კვდებიან, ბატონო, გთხოვთ, შეთანხმება დავდოთო”, – ამის შესახებ აშშ-ის პრეზიდენტმა, დონალდ ტრამპმა ვაშინგტონში, აშშ-ის კონგრესის ეროვნული რესპუბლიკური კომიტეტის შეხვედრაზე განაცხადა. მისი თქმით, მსოფლიო ლიდერები ტარიფებთან დაკავშირებით შეთანხმების დადებას სთხოვენ. „ეს ქვეყნები გვირეკავენ, უკანალზე მკოცნიან, შეთანხმების მიღწევის სურვილით კვდებიან. ბატონო, გთხოვთ, გთხოვთ შეთანხმება დავდოთ, ბატონო, ყველაფერს გავაკეთებთ“, – განაცხადა ტრამპმა.

,,რუსეთის საგარეო საქმეთა სამინისტროს თანამშრომელი საფრანგეთის აეროპორტში დროებით დააკავეს. დემარშების შედეგად, ჩვენს კოლეგას ქვეყანაში შესვლის უფლება მიეცა, თუმცა აეროპორტის სასაზღვრო ზონაში ერთი დღის გატარება მოუწია. ამას პასუხის გარეშე არ დავტოვებთ“, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა. მისი თქმით, შემთხვევა 6 აპრილს პარიზის შარლ დე გოლის საერთაშორისო აეროპორტში მოხდა, როდესაც „ფრანგმა მესაზღვრეებმა რუსეთის საგარეო უწყების თანამშრომელი ყოველგვარი ახსნა-განმარტების გარეშე დააკავეს და მას კომპიუტერი და ტელეფონი ჩამოართვეს“. მარია ზახაროვამ აღნიშნა, რომ მომხდარის შემდეგ რუსეთის საგარეო უწყებაში მოსკოვში საფრანგეთის ელჩი დაიბარეს.