დღე: აპრილი 8, 2025

საქართველოს პარლამენტის მიმდებარე ტერიტორიაზე აქციის მონაწილეები არიან შეკრებილი. მანამდე რამდენიმე მსვლელობა მოეწყო. მოქალაქეებს 9 აპრილის მემორიალთან მოტანილი აქვთ ტიტები და სანთლები. გარდა ამისა, წუთიერი დუმილით პატივი მიაგეს დაღუპული გმირების ხსოვნას. 9 აპრილის მემორიალთან ღამეს გაათენებენ აქციებზე დაკავებულების ოჯახის წევრები, რომლებმაც საზოგადოებრივი მოძრაობა შექმნეს.

ფილარმონიის ტერიტორიიდან მედიის წარმომადგენლების მარში მიმდინარეობს. ისინი საპროტესტო მსვლელობით პარლამენტთან გადაინაცვლებენ. პარალელურად თბილისის სახელმწიფო უნივერსიტეტის ეზოში სტუდენტები იკრიბებიან და საპროტესტო მსვლელობისთვის ემზადებიან. ახალგაზრდები, 9 აპრილთან დაკავშირებით, ტიტებით ხელში მოაწყობენ მარშს და მსვლელობით რუსთაველის გამზირზე, პარლამენტის წინ მივლენ. დღეს, აქციის მონაწილეები რუსთაველის გამზირზე მთელი ღამით აპირებენ დარჩენას.

კონგრესმენმა ჯო უილსონმა რუსეთის ქმედებებზე ისაუბრა საქართველოში, უკრაინაში, მოლდოვაში, ბელარუსსა და რუმინეთში. “ჩემი რწმენით, რასაც ვხედავთ არის ის, რომ კრიმინალი პუტინი ყველა ძალისხმევას მიმართავს წარუმატებელი საბჭოთა კავშირის აღსადგენად. რუს სამხედროებს რეალურად არასდროს არ დაუტოვებიათ მოლდოვაში მდებარე დნესტრისპირეთი. მათ უნდა დაეტოვებინათ [დნესტრისპირეთი], მაგრამ არ დატოვეს, ასე რომ, მოლდოვის ნაწილი აქვთ ოკუპირებული. დამატებით, ვიცით, რომ მათ არჩევნები გააყალბეს ბელარუსში”- აღნიშნა მან. როგორც კონგრესმენი აცხადებს, რუსეთი საქართველოში შეიჭრა, ხოლო შემდეგ უკრაინაში. “შემდეგ იყო საქართველოში შეჭრა და სამხრეთ ოსეთისა და აფხაზეთის ანექსია. და შემდეგ იყო უკრაინაში შეჭრა, რომელშიც ათობით ათასი ადამიანი დაიღუპა, 2014 და 2022…

თბილისის მერი კახა კალაძე მიიჩნევს, რომ დღეს ქვეყანაში ძალიან დიდი შესაძლებლობებია იმისთვის, რომ გაჩნდეს ახალი პოლიტიკური პარტიები, რადგან, ფაქტობრივად, ოპოზიცია საქართველოში არ არსებობს. „რაც შეეხება ოპოზიციურ ველს, რა თქმა უნდა, ზოგადად, ძალიან დიდი შესაძლებლობებია – არსებობს უკვე დიდი პლატფორმა და შესაძლებლობა იმისა, რომ გაჩნდეს ახალი პოლიტიკური პარტიები იმიტომ, რომ დღეს ოპოზიცია, ფაქტობრივად, არ არსებობს. არსებობს რადიკალური დაჯგუფება, რომელიც გამარგინალებულია და მხოლოდ და მხოლოდ წარმოადგენს პრობლემას, როგორც საკუთარი თავისთვის, ასევე ამ ქვეყნის განვითარებისთვის“, – განაცხადა კახა კალაძემ. ჟურნალისტის შეკითხვაზე, თუ რამდენად შესაძლებელია ახალ ოპოზიციურ ძალაში ყოფილი პრემიერ-მინისტრის, პარტია „ქართული ოცნების“ თავმჯდომარის…

„ნუ გვაშინებენ ამ სანქციებით, არც კაია კალასს და არავის მიეცემა შესაძლებლობა, საქართველოს ინტერესები ფეხქვეშ გათელონ“, – ამის შესახებ დედაქალაქის მერმა ევროკავშირის უმაღლესი წარმომადგენლის საგარეო საქმეთა და უსაფრთხოების საკითხებში, კაია კალასის განცხადების საპასუხოდ ისაუბრა. როგორც კახა კალაძემ მედიასთან საუბრისას აღნიშნა, საქართველოს ხელისუფლება ატარებს და იცავს ქვეყნის ინტერესებს. „ნუ გვაშინებენ ამ სანქციებით. ჩვენ ვიცავთ ჩვენს ქვეყანას, ჩვენი ქვეყნის ინტერესებს. კაია კალასი ქართველი ხალხის უფროსი ვერ იქნება. ზემოდან ყურება და მბრძანებლობა ვისთანაც გასდით, იმათთან გაუვიდეთ. არც კაია კალასს და არავის მიეცემა იმის შესაძლებლობა, რომ საქართველოს ინტერესები გამოყენებული იყოს თავიანთი ქვეყნის ინტერესების გასატარებლად და…

თბილისის მერი კახა კალაძე აცხადებს, რომ მმართველი გუნდი აქტიურად ემზადება ადგილობრივი თვითმმართველობის არჩევნებისთვის და არანაირი სხვა, რიგგარეშე არჩევნების ჩატარების საკითხი არ განიხილება. როგორც მან შესაბამისი შეკითხვის საპასუხოდ განაცხადა, საპარლამენტო არჩევნები ჩატარდება 2028 წელს, როგორც ეს ქვეყნის კონსტიტუციითაა გაწერილი. „არანაირი რიგგარეშე საპარლამენტო არჩევნები არ იგეგმება. „ქართული ოცნება-დემოკრატიული საქართველო“ ემზადება ადგილობრივი თვითმმართველობის არჩევნებისთვის, რაც ძალიან მნიშვნელოვანია. ყველაფერს გავაკეთებთ იმისთვის, რომ ჩავატაროთ ღირსეული საარჩევნო კამპანია, შევხვდეთ მთელი ქვეყნის მოსახლეობას, არ დავტოვოთ არცერთი რაიონი, ქალაქი და სოფელი – უბნების დონეზეც კი მივიდეთ და ხალხს ვუთხრათ, თუ რის გაკეთებას ვაპირებთ; როგორ ვუპასუხებთ იმ გამოწვევებს, რომლებიც…

თბილისის მერის კახა კალაძის განცხადებით, სალომე ზურაბიშვილი ოპოზიციის ლიდერი ვერ იქნება, რადგან ის მათთვის საინტერესო იყო პრეზიდენტის სტატუსის გამო. ამის შესახებ კალაძემ ჟურნალისტებს ოპოზიციის მხრიდან ზურაბიშვილის მისამართით გახშირებული კრიტიკის შესახებ დასმული კითხვის პასუხად განუცხადა. „ეს დაპირისპირება დიდი ხანია გრძელდება. სალომე ზურაბიშვილის ლიდერობა ვერ შედგება. სალომე ზურაბიშვილს იყენებდა ეს რადიკალური დაჯგუფება და თვითონაც გახდა მისი წარმომადგენელი თავისი სტატუსიდან გამომდინარე, რომელიც ჰქონდა მას პრეზიდენტის შემთხვევაში. დღეს მას არანაირი სტატუსი არ გააჩნია და ამ რადიკალურ დაჯგუფებასაც უსტატუსო სალომე ზურაბიშვილი არ სჭირდება. ეს არის მოცემულობა“, – განაცხადა კახა კალაძემ.

თბილისის მერის კახა კალაძის განცხადებით, კანონში დაგეგმილი ცვლილება, რომლის თანახმად, უცხოური გრანტების მიღებაზე მთავრობის თანხმობა იქნება საჭირო, დაკავშირებულია ქვეყანაში რევოლუციების მოწყობის მცდელობის აღკვეთასთან. „აღნიშნული გადაწყვეტილების მიღება საჭირო გახდა ბოლო წლების განმავლობაში ამ ქვეყანაში რევოლუციების მოწყობის არაერთი მცდელობის გამო. თქვენ იცით, რომ ზოგიერთი არასამთავრობო ორგანიზაცია თანხებს იღებდა არაგამჭვირვალედ. ეს ყველაფერი იფუთებოდა. ერთ კონკრეტულ მაგალითს მოვიყვან: მძიმე სენით დაავადებული ბავშვების მშობლებისთვის ცნობიერების ამაღლების მიზნით იყო ერთი ასეთი შემთხვევა და ამ დროს რეალურად მიმდინარეობდა ტრენინგი, თუ როგორ უნდა მოეწყოთ სახელმწიფო გადატრიალება, „კანვასი“ იყო თუ არ ვცდები, არ მინდა შემეშალოს. ეს კატეგორიულად მიუღებელია. შესაბამისად,…

უკრაინული მედიის ცნობით, ბელგიის პრემიერ-მინისტრი, ბარტ დე ვევერი კიევში საგარეო და თავდაცვის მინისტრებთან, მაქსიმ პრევოსთან და ტეო ფრანკენთან ერთად ჩავიდა. გავრცელებული ინფორმაციით, კიევში ვიზიტის ფარგლებში ბელგიელი მინისტრები უკრაინის პრეზიდენტთან, ვოლოდიმირ ზელენსკისთან მოლაპარაკებებს გამართავენ. „ეს სიმბოლური ჟესტი არ არის. ეს სოლიდარობის, იმედისა და ურყევი მხარდაჭერის მისიაა უკრაინელთა თაობებისთვის, რომლებიც თავისუფლებისა და მომავლისთვის იბრძვიან. ბელგია უკრაინის გვერდით დგას. სამართლიანობამ უნდა გაიმარჯვოს“, – წერს ბელგიის საგარეო საქმეთა მინისტრი X-ზე.  

საქართველოს მეხუთე პრეზიდენტი, დღეს ჩეხეთის რესპუბლიკას ეწვევა. სალომე ზურაბიშვილის პრესსამსახურის ცნობით, მეხუთე პრეზიდენტი 9 აპრილს ჩეხეთის სენატს სიტყვით მიმართავს, სიტყვით გამოსვლის შემდეგ კი დაგეგმილია სალომე ზურაბიშვილის შეხვედრები სენატის პრეზიდენტსა და სენატის წევრებთან. „პრაღაში საქართველოს მეხუთე პრეზიდენტი ვაცლავ ჰაველის ბიბლიოთეკას ეწვევა, სადაც რამდენიმე შეხვედრა გაიმართება, როგორც ბიბლიოთეკის დირექტორსა და მისი გუნდის წევრებთან, ასევე არასამთავრობო ორგანიზაციების, ჟურნალისტებისა და კვლევითი ცენტრების წარმომადგენლებთან. ანალიტიკოსებთან შეხვედრას, რომელიც კითხვა-პასუხის რეჟიმში წარიმართება, მოდერაციას გაუწევს ბიბლიოთეკის დირექტორი ტომაშ სედლაჩეკი. დაგეგმილია სალომე ზურაბიშვილის ინტერვიუები საერთაშორისო მედიასთან“, – აღნიშნულია ინფორმაციაში.