დღე: აპრილი 6, 2025

უნგრეთის საგარეო საქმეთა მინისტრმა, პიტერ სიიარტომ ესტონეთის საგარეო საქმეთა მინისტრის განცხადებას გამოეხმაურა, რომლიც უნგრეთისთვის ევროკავშირის საბჭოში ხმის მიცემის უფლების ჩამორთმევას ითხოვს. “ახლახან წავიკითხე, რომ ესტონეთის საგარეო საქმეთა მინისტრმა, მარგუს ცაჰკნამ, უნგრეთისთვის ხმის უფლების შეჩერება მოითხოვა. ის ევროპის ერთ-ერთი ყველაზე ფანატიკოსი ომის მომხრე ხმაა – უკრაინაში ომის გახანგრძლივებას უბიძგებს და ამავე დროს სხვებს ესკალაციის რისკების შესახებ ლექციებს უკითხავს,” – წერს უნგრეთის საგარეო საქმეთა მინისტრი პიტერ სიიარტო.

პოლიციამ ბრიტანელი დეპუტატი დააკავა. მმართველი ლეიბორისტული პარტიის ერთ-ერთი ლიდერი ბავშვთა სექსუალურ დანაშაულებსა და გაუპატიურებაშია ეჭვმიტანილი. ამის შესახებ ინფორმაციას Theguardian  ავრცელებს.

ისრაელის პრემიერ-მინისტრი ბენიამინ ნეთანიაჰუ აშშ-ში გაემგზავრა. „მივემგზავრები აშშ-ში, რომ შევხდე პრეზიდენტ ტრამპს, რათა განვიხილოთ მძევლების საკითხი და დავასრულოთ ღაზაში გამარჯვების საკითხი. ასევე, რა თქმა უნდა, ისრაელის მიმართ დაწესებულ ტარიფებზეც ვისაუბრებთ. იმედი მაქვს, შევძლებ ამის მოგვარებას. შემიძლია გითხრათ, რომ მე ვარ პირველი საერთაშორისო ლიდერი, რომელიც ტრამპს ისრაელის ეკონომიკისთვის ასეთ მნიშვნელოვან საკითხთან დაკავშირებით ხვდება“ – აღნიშნა ნეთანიაჰუმ გამგზავრებამდე.

გაერო-ს ადამიანის უფლებათა უმაღლესი კომისარი, ვოლკერ თურქი უკრაინის ქალაქ კრივი-რიჰზე განხორციელებულ თავდასხმას ეხმაურება.  მისი განცხადებით, რუსეთის სრულმასშტაბიანი შეჭრის შემდეგ ამ თავდასხმას ყველაზე მეტი ბავშვი ემსხვერპლა. „ეს არის ყველაზე სასიკვდილო დარტყმა ბავშვების წინააღმდეგ რაც კი ოფისს 2022 წლის თებერვალში სრულმასშტაბიანი შეჭრის დაწყების შემდეგ გადაუმოწმებია. ეს წარმოუდგენელი საშინელებაა – ცხრა ბავშვი დაიღუპა, უმეტესობა პარკში თამაშის დროს. ერთმა აფეთქებამ დაასრულა 18 ადამიანის სიცოცხლე კრივი-რიჰში თბილ პარასკევს საღამოს, როდესაც ოჯახები შეკრებილები იყვნენ სათამაშო მოედანთან, რესტორანთან და საცხოვრებელ კორპუსებთან. რუსეთის ფედერაციის მიერ მჭიდროდ დასახლებულ რაიონში ფართო მოქმედების მქონე ასაფეთქებელი იარაღის გამოყენება გამოხატავს მათი მხრიდან მშვიდობიანი მოქალაქეების…

აშშ-ის მიერ დაწესებული ტარიფების გამო, ბრიტანული ავტომწარმოებელი Land Rover-ი ერთი თვით აჩერებს ამერიკის შეერთებული შტატებისთვის საკუთარი პროდუქციის მიწოდებას. “აშშ მნიშვნელოვანი ბაზარია ძვირადღირებული ბრენდებისთვის. ჩვენ ვმუშაობთ ჩვენს ბიზნესპარტნიორებთან ახალი სავაჭრო პირობების გადასაჭრელად და შუალედური და გრძელვადიანი გეგმების დასახვისას გვიწევს მოკლევადიანი ქმედებებიც, როგორიცაა აპრილში მიწოდების შეჩერება” – განაცხადა კომპანიის სპიკერმა.  

უკრაინის პრეზიდენტის აპარატის ხელმძღვანელის მრჩეველი, მიხაილო პოდოლიაკი მიიჩნევს, რომ ვოლოდიმირ ზელენსკიმ მეორე ვადით უნდა იყაროს კენჭი. პოდოლიაკი განმარტავს, რატომ ფიქრობს ასე – “ის ღრმად არის ომში და ესმის, როგორ გამოვიდეს იქიდან. ჩემი პოზიცია უცვლელი რჩება – ზელენსკიმ მეორე ვადით უნდა იყაროს კენჭი”- ამბობს ის. პოდოლიაკის თქმით, ზელენსკიმ უკვე დაამტკიცა თავისი ეფექტურობა საგარეო პოლიტიკაში და შეძლებს უზრუნველყოს პარტნიორების კონსოლიდაცია ომის შემდეგ ქვეყნის აღდგენისთვის – “მას აქვს გამარჯვების ყველა შანსი” – დასძინა პოდოლიაკმა.

უკრაინის პრეზიდენტი, ვოლოდიმირ ზელენსკი აცხადებს, რომ ქვეყანში საჰაერო თავდასხმების რაოდენობა იზრდება. მისივე თქმით, რუსეთი ტერორს გააგრძელებს, მანამ სანამ ამის საშუალებას მსოფლიო მისცემს. „რუსეთზე ზეწოლა ჯერ კიდევ არასაკმარისია და ამას ადაატურებს რუსეთის ყოველდღიური დარტყმები უკრაინაზე. წუხელ კიევის წინააღმდეგ ბალისტიკური რაკეტები გაუშვეს, ხოლო დრონები რეგიონს დაესხნენ თავს. დარტყმები. ასევე დარტყმა განხორციელდა მიკოლაივის, სუმის, ხარკოვის, ხმელნიცკის და ჩერკასის რეგიონებში. საჰაერო თავდასხმების რაოდენობა იზრდება. ასე ავლენს რუსეთი თავის ნამდვილ ზრახვებს – გააგრძელოს ტერორი მანამ, სანამ მსოფლიო ამის საშუალებას მისცემს“ – აცხადებს ზელენსკი.

რუსულმა ძალებმა 6 აპრილის ღამეს უკრაინას საჰაერო, სახმელეთო და საზღვაო ბაზირების 23 რაკეტით და 109 უპილოტო საფრენი აპარატით შეუტია. ინფორმაციას უკრაინული მედია ავრცელებს. თავდასხმის შედეგად დაზარალდა კიევის, სუმის, ხარკოვის, ხმელნიცკის, ჩერკასისა და ნიკოლაევის ოლქები. უკრაინელებმა 53 საჰაერო სამიზნე ჩამოაგდეს, მათ შორის Х-101/Х-55СМ ტიპის 6 ფრთოსანი რაკეტა, „კალიბრის“ ტიპის 6 ფრთოსანი რაკეტა, „ისკანდერ -მ“ ტიპის 1 ბალისტიკური რაკეტა და Shahed-ის ტიპის 40 დრონი. ჩამოგდება: 6 Kh-101/Kh-55SM საკრუიზო რაკეტა; 6 საკრუიზო რაკეტა “კალიბრი”; 1 ბალისტიკური რაკეტა ისკანდერ-მ; 40 შაჰედის ტიპის თავდასხმის უპილოტო საფრენი აპარატი. კიდევ 53 დრონი კი დაიკარგა.    

რუსეთმა კიევზე ბალისტიკური რაკეტებით იერიში მიიტანა. ამის შესახებ კიევის მერი ვიტალი კლიჩკო აცხადებს. თავდასხმის შედეგად სამი ადამიანი დაშავდა, რომელთაგან ორი ჰოსპიტალიზებულია. „მტრის თავდასხმის შედეგად ხანძარი გაჩნდა დარნიცკისა და ობოლონის რაიონებში. ადგილზე იმყოფებიან მაშველები“ – აცხადებს კლიჩკო.

გაერთიანებული სამეფოს პრემიერ-მინისტრის კირ სტარმერის განცახდებით, გააგრძელებს შეერთებულ შტატებთან ეკონომიკური შეთანხმების გაფორმების მცდელობას, რათა თავიდან აიცილოს გარკვეული ტარიფები. „მზად ვართ, გამოვიყენოთ ინდუსტრიული პოლიტიკა, რათა დავეხმაროთ ბრიტანულ ბიზნესს ქარიშხლისგან თავის შეფარებაში. ზოგიერთმა შეიძლება თავი უხერხულად იგრძნოს ამის გამო – იდეას, რომ სახელმწიფო პირდაპირ უნდა ჩაერიოს ბაზრის ფორმირებისთვის, ხშირად დასცინოდნენ, მაგრამ არ შეგვიძლია მივეჯაჭვოთ ძველ გრძნობებს, როდესაც სამყარო ასე სწრაფად იცვლება“, – წერს სტარმერი მისი თქმით, სავაჭრო ომში გამარჯვებული არავინაა.  

უკრაინის პრეზიდენტის, ვოლოდიმირ ზელენსკის განცხადებით, დუმილი მხოლოდ აქეზებს რუსეთს, გააგრძელოს ომი და დიპლომატიის იგნორირება მოახდინოს. „მსოფლიოში ბევრმა გამოხატა თავისი პოზიცია კრივოი როგზე დარტყმის შემდეგ, პოზიცია რუსული ტერორის მკაფიო უარყოფის. ვინც ამას ხედავს და არ ხუჭავს თვალებს, არამედ მკაფიოდ და ნათლად ამბობს სიმართლეს, არა მხოლოდ უკრაინა, არამედ მთელი მსოფლიო უნდა იყოს მათი მადლიერი. გაჩუმება იმის თაობაზე, რომ სწორედ რუსეთი კლავს ბავშვებს, ეს არასწორია, ეს სახიფათოა. ამიტომ მადლობელი ვარ ყველა ქვეყნისა, რომლის წარმომადგენლებმაც გამოთქვეს აზრი: ლიდერებმა, საგარეო საქმეთა მინისტრებმა, საელჩოებმა. რუსეთი უნდა აგებდეს პასუხს ყველაფრისთვის, რაც ჩაიდინა და მათზე ზეწოლა უნდა განხორციელდეს…