დღე: აპრილი 5, 2025

დიდი ბრიტანეთის პრემიერ-მინისტრმა, კირ სტარმერმა და საფრანგეთის პრეზიდენტმა, ემანუელ მაკრონმა აშშ-ის პრეზიდენტის, დონალდ ტრამპის მიერ დაწესებულ ტარიფებზე ისაუბრეს. სტარმერის ადმინისტრაციის მიერ გავრცელებულ განცხადებაში ნათქვამია, რომ  სავაჭრო ომი არავის ინტერესებშია, თუმცა მაგიდაზე ყველა ვერსია უნდა იდოს. მათივე ცნობით, სტარმერმა და მაკრონმა უკრაინის საკითხზეც ისაუბრეს.

აშშ-ის პრეზიდენტის მიერ მსოფლიოს უმეტესი ქვეყნების მიმართ დაწესებული ტარიფებს თურქეთში ეხმიანებიან. ქვეყნის ვიცე-პრეზიდენტის, ჯევდეთ ილმაზის განცახდებით, ტრამპის ამ გადაწყვეტილებით, შეიძლება თურქეთმა ისარგებლოს. „თურქეთთან მიმართებაში 10-პროცენტიანი ტარიფები გამოცხადდა. ჯერ-ჯერობით ეს ჩვენთვის სასარგებლოა. ტარიფების ზრდა იქამდე მიდის, რომ ქვეყნები, რომლებიც ამერიკის ბაზარზე ყიდიან პროდუქტს, აგრესიულად გადადიან სხვა ბაზრებზე და ჩვენ ამას უნდა მივაქციოთ ყურადღება. მეორე მხრივ, საქონელზე ფასებმა იკლო, ამიტომ ამ თვალსაზრისით დადებით ეფექტზე შეიძლება ვისაუბროთ“, – განმარტა თურქეთის ვიცე-პრეზიდენტმა.  

აშშ-ის პრეზიდენტის, დონალდ ტრამპის განცხადებით, ტარიფების დაწესებიტ „ჩინეთი უფრო დიდად დაზარალდა, ვიდრე აშშ“. „ეს ეკონომიკური რევოლუციაა და ჩვენ გავიმარჯვებთ, სამუშაო ადგილებსა და ბიზნესს უკან ვაბრუნებთ. უკვე ხუთ ტრილიონზე მეტი ინვესტიცია განხორციელდა და ეს კიდევ იზრდება. მტკიცედ დადექით, ეს მარტივი არ იქნება, მაგრამ საბოლოო შედეგი ისტორიული იქნება. ამერიკას კვლავ დიდებულს გავხდით“ – წერს დონალდ ტრამპი. ცნობისთვის, 2 აპრილს დონალდ ტრამპმა აშშ-ში იმპორტირებულ ყველა სახის ჩინურ საქონელზე დამატებითი 34%-იანი ტარიფები გამოაცხადა, რასაც 4 აპრილს ჩინეთმა ამავე რაოდენობის ტარიფებით უპასუხა.

უკრაინის პრეზიდენტი ვოლოდიმირ ზელენსკი აცხადებს, რომ გაკვირვებულია აშშ-ის საელჩოს გამოხმაურებით რუსეთის მიერ კრივოი როგზე თავდასხმასთან დაკავშირებით. ზელენსკიმ გამოხატული “პრინციპული” პოზიციისთვის მადლობა გადაუხადა ჩეხეთის, ფინეთის, ლიეტუვის, ლატვიის, ესტონეთისა და ავსტრიის საგარეო საქმეთა მინისტრებს, ასევე ევროკავშირის, იაპონიის, ბრიტანეთისა და შვეიცარიის დიპლომატებს. „სამწუხაროდ, არასასიამოვნოდ მაოცებს ამერიკის საელჩოს რეაქცია, ასეთი ძლიერი ქვეყანა, ასეთი ძლიერი ხალხი და ასეთი სუსტი რეაქცია. სიტყვა „რუსულის“ თქმისაც ეშინიათ რაკეტაზე საუბრისას, რომელმაც ბაშვები დახოცა“ – აღნიშნა  ზელენსკიმ.

დონალდ ტრამპის მიერ აშშ-ში იმპორტირებულ თითქმის ყველა საქონელზე დაწესებული საბაზისო 10%-იანი ტარიფები ძალაში შევიდა. იმ ქვეყნებიდან იმპორტირებულ საქონელზე დაწესებული უფრო მაღალი ტარიფები, რომელთაც აშშ-თან დიდი სავაჭრო დეფიციტი აქვთ, 9 აპრილიდან ამოქმედდება. 2 აპრილს აშშ-ს პრეზიდენტის, დონალდ ტრამპის მიერ გამოცხადებული საბაზისო 10%-იანი ტარიფები საქართველოს მიმართაც მოქმედებს. საქართველოსთან ერთად 10%-იანი ტარიფები სომხეთის, აზერბაიჯანის, უკრაინისა და თურქეთის მიმართაც ამოქმედდა. საბაზისო 10%-იან ტარიფებთან ერთად, დონალდ ტრამპის გადაწყვეტილებით, 34%-იანი ტარიფი დაუწესდება ჩინეთს, ევროკავშირს – 20%-იანი, ვიეტნამს – 46%-იანი, ტაივანს – 32%-იანი, იაპონიას – 24%-იანი, ინდოეთს – 26%-იანი, სამხრეთ კორეას – 25%-იანი, ტაილანდს – 36%-იანი, შვეიცარიას…

მოსამართლის ბრძანებით, დონალდ ტრამპის ადმინისტრაციამ სალვადორში შეცდომით დეპორტირებული მამაკაცი აშშ-ში უნდა დააბრუნოს. ფედერალურმა მოსამართლემ, პაულა ქსინისმა აშშ-ის ტრამპის ადმინისტრაციას მერილენდის შტატიდან შეცდომით დეპორტირებული კილმარ აბრეგო გარსიას აშშ-ში დაბრუნებისთვის დრო 7 აპრილამდე მისცა. თეთრ სახლში განაცხადეს, რომ გარსიას სალვადორში დეპორტაციის მიზეზი ადმინისტრაციული შეცდომა იყო, მაგრამ აღნიშნეს, რომ მის დასაბრუნებლად აშშ-ს სამართლებრივი უფლებამოსილება არ აქვს.

რუსეთის საოკუპაციო ძალების თავდასხმას უკრაინაზე, საერთაშორისო გამოხმაურება მოჰყვა. „რუსეთის მორიგი დაუდევარი თავდასხმა, რომელიც საცხოვრებელ ზონაში განხორციელდა. რუსეთი უკრაინის განადგურებას აგრძელებს და მშვიდობით არ არის დაინტერესებული“, – წერს კაია კალასი X-ზე. ნიდერლანდების თავდაცვის მინისტრმა, რუბენ ბრეკელმანსმა დაღუპულების ოჯახებს სამძიმარი გამოუცხადა. „მორიგი რუსული თავდასხმა, მაგრამ ამას არასდროს შევეგუებით. ჩვენ უკრაინის მხარდაჭერა უნდა დავაჩქაროთ“, – განაცხადა ნიდერლანდების თავდაცვის მინისტრმა. რუსული ძალების სარაკეტო იერიშს ესტონეთის საგარეო საქმეთა მინისტრი, მარგუს ცაჰკნაც გამოეხმაურა და აღნიშნა, რომ „რუსეთს ომი სურს და არა მშვიდობა. მშვიდობიან მოსახლეობაზე, მათ შორის ბავშვებზე თავდასხმები ამის დასტურია“. პარასკევს საღამოს რუსულმა ძალებმა ქალაქ  ბალისტიკური…

ისრაელის პრემიერ-მინისტრი ბენიამინ ნეთანიაჰუ მომდევნო კვირას აშშ-ს ეწვევა. ამის შესახებ შეერთებული შტატების პრეზიდენტმა, დონალდ ტრამპმა განაცხადა. „ვფიქრობ, ჩვენს ქვეყანას მალე ეწვევა, შესაძლოა, შემდეგ კვირას. ვისაუბრებთ ისრაელზე, ვისაუბრებთ იმაზე, რაც ხდება“– განაცხადა დონალდ ტრამპმა.

„მსურველთა კოალიციის“ რამდენიმე წევრს სურს, რომ უკრაინის საკითხზე რუსეთის პრეზიდენტთან, ვლადიმერ პუტინთან მოლაპარაკებებში ევროპის სახელით პროცესებს, საფრანგეთის პრეზიდენტმა, ემანუელ მაკრონმა უხელმძღვანელოს. მედიის ინფორმაციით, მაკრონი მზად არის ამ როლის შესასრულებლად. როგორც 3 აპრილს ფინეთის პრეზიდენტმა, ალექსანდრე სტუბმა აღნიშნა, „მსურვლეთა კოალიცია“ შეთანხმდა, რომ რაღაც მომენტში სულ მცირე ერთ ევროპელ ლიდერს მოუწევს რუსეთთან მოლაპარაკება.

ნატო-ს გენერალური მდივნის, მარკ რუტეს განცხადებით, უკრაინას არასდროს შეჰპირებიან, რომ ალიანსის წევრობა იქნებოდა სამშვიდობო შეთანხმების ან ცეცხლის შეწყვეტის ნაწილი. „მოდი, არ გვინდა, ტრამპის სიტყვების ინტერპრეტაცია. ჩვენ გვაქვს ვაშინგტონის სამიტის ფორმულირება გრძელვადიანი პერსპექტივის შესახებ. ზუსტად როდის მოხდება ეს, ჩვენ არ ვიცით. მაგრამ, არსებობს შეუქცევადი გზა ნატო-სკენ“,- განაცხადა მარკ რუტემ.  

რუსების მიერ დაბომბილ კრივოი როგზე სამაშველო სამუშაოები დასრულდა. რუსეთის საოკუპაციო ძალებმა ქალაქს ბალისტიკური რაკეტით დაარტყეს, ღამით კი დრონებით შეუტიეს. აგრესორების სამიზნე საცხოვრებელი ზონები და სათამაშო მოედნები იყო. კრივი რიჰის თავდაცვის საბჭოს თავმჯდომარის ალექსანდრ ვილკულის ინფორმაციით, დაღუპულთა რიცხვი 19-მდე გაიზარდა, მათ შორის 9 ბავშვია. “რუსებმა 19 ადამიანი მოკლეს, მათგან 9 ბავშვი. ამის პატიება შეუძლებელია! მარადიული მეხსიერება… ტერაქტების შედეგად დაშავდა 68 ადამიანი – სამი თვის ბავშვიდან მოხუცამდე. 40 ადამიანი ახლა საავადმყოფოშია (ორი ბავშვი 5 და 8 წლის დნეპრის საავადმყოფოში გადაიყვანეს უკიდურესად მძიმე მდგომარეობაში), ჩვენ საავადმყოფოებშია 17, მათ შორის 2 ბავშვი, ექიმები მათი…

მიანმარში მიწისძვრის შედეგად დაღუპულთა რაოდენობა 3 350-ს აჭარბებს. დაშავებულთა რაოდენობა 4 850-ს აღწევს, ხოლო 220 ადამიანი დაკარგულად ითვლება. გაერო-ს ადამიანის უფლებათა უმაღლესი კომისრის ოფისმა განაცხადა, რომ მიანმარის სამხედრო ხუნტა მიწისძვრის შედეგად დაზარალებული რეგიონებისთვის ჰუმანიტარული დახმარების მიწოდებას ზღუდავს. შეგახსენებთ, 28 მარტს, მიანმარში ორი ძლიერი მიწისძვრა მოხდა. აშშ-ის გეოლოგიური სამსახურის შეფასებით, პირველი მიწისძვრის სიმძლავრე 7.7 მაგნიტუდა იყო, მეორე კი – 6.4. მმართველმა სამხედრო ხუტამ ქვეყანაში ხუთდღიანი გლოვა გამოაცხადა. მიანმარში მომხდარი მიწისძვრის ბიძგებმა მეზობელ ტაილანდამდე და სამხრეთ-დასავლეთ ჩინეთამდე მიაღწია.

ჩრდილოატლანტიკური ალიანსის გენერალური მდივნის განცხადებით, NATO-ს წევრი ქვეყნები წელიწადში იმდენ საბრძოლო მასალას აწარმოებენ, რამდენსაც რუსეთი სამ თვეში. “ჩვენ არ ვაწარმოებთ საკმარისი რაოდენობით თავდაცვით პროდუქტებს. მთელი წლის განმავლობაში, იმდენ საბრძოლო მასალას ვაწარმოებთ, რამდენსაც რუსეთი სამ თვეში. რუსეთის ეკონომიკა NATO-ს ეკონომიკის მხოლოდ 5%-ს შეადგენს. შედარებისთვის, NATO-ს მთლიანი ეკონომიკა რუსეთის ეკონომიკაზე 20-ჯერ დიდია, თუმცა რუსეთი ოთხჯერ მეტ საბრძოლო მასალას აწარმოებს, ვიდრე მთლიანად ნატო ერთ წელიწადში“ – აღნიშნა მარკ რუტემ.

უკრაინის პრეზიდენტმა, ვოლოდიმირ ზელენსკიმ განაცხადა, რომ შეხვდა საფრანგეთისა და ბრიტანეთის სამხედრო ხელმძღვანელებს, რომ განეხილათ უკრაინაში უცხოური სამხედრო ძალების განლაგების გეგმა. ზელენსკის თქმით, შეთანხმებას ერთი თვის ვადაში მიაღწევენ. „ეს იყო პირველი, ძალიან მნიშვნელოვანი ეტაპი. დღევანდელ შეხვედრაში მონაწილეობდა არამხოლოდ სამი ქვეყანა – უკრაინა, საფრანგეთი და ბრიტანეთი. პროცესში ბევრი სხვა ქვეყანაც არის ჩართული“ – აღნიშნა უკრაინის პრეზიდენტმა. ზელენსკიმ ასევე განაცხადა, რომ პარტნიორებს კარგად ესმით უკრაინის საჭიროებები და იციან, თუ რომელია ისეთი გეოგრაფიული ადგილები, სადაც უკრაინას მხარდაჭერა სჭირდება.