დღე: აპრილი 3, 2025

უკრაინასთან სამშვიდობო შეთანხმების შემდეგაც, რუსეთი ნატო-სთვის საფრთხედ დარჩება. ეს საფრთხე ნატო-ს წევრი ქვეყნებისთვის კიდევ მრავალი წელი იარსებებს”, – ამის შესახებ ნატო-ს გენერალურმა მდივანმა, მარკ რუტემ განაცხადა. „2032 წლისთვის ყურადღების ცენტრშია, როგორ დავიცვათ ნატო-ს ტერიტორიები რუსებისგან, ჩვენი გრძელვადიანი საფრთხისგან, რომელიც შენარჩუნდება მას შემდეგაც, რაც გაფორმდება შეთანხმება უკრაინასთან“, – განაცხადა მარკ რუტემ. რუტე ადასტურებს, რომ აშშ რჩება ალიანსის საიმედო პარტნიორად და აღნიშნავს, რომ მისთვის ცნობილია ამერიკელების მოლოდინის შესახებ, რომლებიც ელოდებიან, რომ ევროპელები და კანადელები უფრო მეტს გაიღებენ თავდაცვითი ხარჯებისთვის. მისი თქმით, ეს აუცილებელია არა მხოლოდ რუსული საფრთხეების, არამედ ჩინეთის მიერ ბირთვული შეიარაღების…

სერბეთს პრეზიდენტის, ალექსანდარ ვუჩიჩის განცხადებით, სერბეთში USAID-ის საქმიანობის გამოაშკარავება სხვა ქვეყნებს ამავე სცენარის განვითარებისგან თავის არიდებაში დაეხმარება. მისი თქმით, USAID-ის მიერ დაფინანსებული ორგანიზაციები ხელისუფლების ცვლილების მიზნით, მთავრობების წინააღმდეგ მტრულ პოლიტიკურ ქსელს ქმნიდნენ. „სერბეთში USAID-ის საქმიანობასთან დაკავშირებით გამოძიება მიმდინარეობს. ამიტომ ცალკეული ფაქტების გამოაშკარავება არ შემიძლია. რაც შემიძლია გითხრათ არის ის, რომ, რა თქმა უნდა, ისინი კარგ რაღაცებს აკეთებდნენ, თუმცა ამის ფონზე აკეთებდნენ ცუდ რაღაცებსაც. ახლა ყველაფერს უნდა კარგად დავაკვირდეთ მსოფლიოს დავანახოთ, ვინაიდან მივიჩნევთ, რომ ეს სხვა ქვეყნებისთვის ძალიან სასარგებლო იქნება. ხალხმა უნდა დაინახოს, თუ როგორ ქმნიდნენ მტრულ პოლიტიკურ ქსელს ის მთავრობების…

დანიამ უკრაინას მილიარდი დოლარის ღირებულების სამხედრო დახმარების პაკეტი გამოუყო. როგორც ქვეყნის თავდაცვის სამინისტროში განმარტავენ, რიგით 25-ე დახმარების პაკეტი უკრაინის დახმარებას 2025-2027 წლებში უზრუნველყოფს და ძირითადად ფოკუსირებული იქნება ჰაერსაწინააღმდეგო თავდაცვის, საარტილერიო და საჰაერო ძალების ფინანსური მხარდაჭერის უზრუნველყოფაზე. „უკრაინის უსაფრთხოებას გადამწყვეტი მნიშვნელობა აქვს მთელი ევროპის მომავლისთვის. ვიმედოვნებ, ჩვენი ქვეყანა შთააგონებს სხვა მოკავშირეებს, მეტი მხარდაჭერა გაუწიონ“, – განაცხადა დანიის საგარეო საქმეთა მინისტრმა, ლარს ლოკე რასმუსენმა.

ესპანეთის პრემიერ-მინისტრის, პედრო სანჩესის განცხადებით, აშშ-ს ტარიფებისგან ეკონომიკის დასაცავად ესპანეთმა 14 მილიარდი ევროს ოდენობის პაკეტი წარადგინა. მისი თქმით, ამ გეგმის მიზანს ესპანეთის ეკონომიკაზე აშშ-ის პრეზიდენტის, დონალდ ტრამპის მიერ გამოცხადებული ტარიფების გავლენის შემსუბუქება წარმოადგენს. გავრცელებული ინფორმაციით, პაკეტი 7,4 მილიარდი ევროს ოდენობის ახალ დაფინანსებას ითვალისწინებს, ხოლო დარჩენილი თანხების გამოყოფა არსებული ინსტრუმენტების, მათ შორის შეღავათიანი სესხების სახით მოხდება. ასევე, ესპანეთის პრემიერ-მინისტრმა ევროკომისიას ფონდის შექმნისკენ მოუწოდა, რომელიც აშშ-დან იმპორტირებულ საქონელზე დაწესებული ტარიფებიდან მიღებული შემოსავლებით დაფინანსდება.

,,მოვუწოდებთ ევროკავშირს, დაიწყოს ვიზალიბერალიზაციის გაუქმების პროცესი”, – განაცხადა ესტონეთის საგარეო საქმეთა მინისტრმა, მარგუს ცაჰკნამ ბრიუსელში მინისტერიალის დაწყებამდე, რომლის დღის წესრიგში მთავარი საკითხი თავდაცვის გაძლიერება და უკრაინის მხარდაჭერაა. ,,ესტონეთმა დაუწესა ათობით სხვადასხვა პირს პერსონალური სანქციები, მათ შორის ბიძინა ივანიშვილს და პრემიერმინისტრს. ასევე, მოვუწოდებთ ევროკავშირს, დაიწყოს ვიზალიბერალიზაციის გაუქმების პროცესი. ეს საკითხი მაგიდაზეა და პროცესის დაწყებას სჭირდება 15 წევრი ქვეყანა, რომ შევაფასოთ და ვუთხრათ რეჟიმს, ქმედებები შეცვალოს”, – აღნიშნა ცაჰკნამ.

„რას ნიშნავს აშშ-ის ახალი ტარიფები უკრაინისთვის? რთულია, მაგრამ არა კრიტიკული. ჩვენზე ვრცელდება ზოგადი 10%-იანი ტარიფი. უკრაინისთვის არ არსებობს ცალკე უფრო მაღალი გადასახადი, როგორც მოლდოვას შემთხვევაში 31%-იანი ან ევროკავშირს 20%-იანი“, – ამის შესახებ უკრაინის ვიცე-პრემიერი, ეკონომიკის მინისტრი იულია სვირიდენკო სოციალურ ქსელში წერს. მისი თქმით, უკრაინის მიერ ამერიკულ საქონელზე დაწესებული ტარიფები საკმაოდ დაბალია 10% ავტომობილებზე და 0% ნახშირსა და ნავთობზე. „ამიტომ, ახლა ჩვენ გვაქვს შანსი სხვა პირობებზე შევთანხმდეთ – ამ შესაძლებლობაზე ნათლად მეტყველებს ამერიკის განცხადებები. თუ ყველაფერი ისე დარჩება, როგორც არის, აშშ-ს უნივერსალური ტარიფი ძირითადად მცირე მწარმოებლებს დააზარალებს. ამიტომ, ჩვენ უკვე ვმუშაობთ,…

„აშშ ნატო-შია და აქტიურია ისე, როგორც არასდროს. ჩვენ ნატო-ში ვრჩებით, ეს დონალდ ტრამპმა ნათლად განაცხადა“, – ამის შესახებ აშშ-ის სახელმწიფო მდივანმა, მარკო რუბიომ ბრიუსელში, ნატო-ს საგარეო საქმეთა მინისტრების შეხვედრის დაწყებამდე განაცხადა. მისი თქმით, აშშ-ს სურს, რომ ნატო უფრო ძლიერი და სიცოცხლისუნარიანი იყოს, რომელიც ეროვნულ უსაფრთხოებაში უფრო მეტ ინვესტიციას განახორციელებს. „ტრამპი ნატო-ს წინააღმდეგი არ არის. ის ისეთი ნატო-ს წინააღმდეგია, რომელსაც არ გააჩნია ის შესაძლებლობები, რაც საჭიროა იმ ვალდებულებების შესასრულებლად, რომლებსაც წევრ სახელმწიფოებს ხელშეკრულება აკისრებს. არავის აქვს იმის მოლოდინი, რომ თქვენ ამის გაკეთებას ერთ ან ორ წელიწადში შეძლებთ, მაგრამ ამის მისაღწევი გზა…

„რუსეთი ინარჩუნებს ღიაობას ყველა სახელმწიფოსთან ორმხრივად მომგებიანი თანამშრომლობისთვის“, – განაცხადა რუსეთის პრეზიდენტის პრესსპიკერმა, დიმიტრი პესკოვიმა. მისი თქმით, სანქტ-პეტერბურგის საერთაშორისო ეკონომიკური ფორუმი ღიაა რუსეთის ფედერაციასთან ეკონომიკური თანამშრომლობით დაინტერესებული პირებისთვის. მისი მტკიცებით, უცხოური კომპანიები ევროპიდან და შეერთებული შტატებიდან ადრეც იჩენდნენ ინტერესს სანქტ-პეტერბურგის საერთაშორისო ეკონომიკური ფორუმის მიმართ, მაგრამ არა საჯაროდ. რუსული მედია „როსკონგრესის“ ფონდზე დაყრდნობით იუწყება, რომ არაერთი ამერიკული კომპანია აპირებს მონაწილეობა მიიღოს სანქტ-პეტერბურგის საერთაშორისო ეკონომიკურ ფორუმში, რომელიც 18-21 ივნისს გაიმართება და განაცხადები უკვე მიღებულია.

ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი აცხადებს, რომ სავაჭრო ომებში გამარჯვებულები არ არიან და საბოლოოდ ყველაფრის გადახდა ჩვეულებრივ მომხმარებელს მოუწევს. მან ხაზი გაუსვა, რომ ევროკავშირის ქვეყნებს ძალზე მნიშვნელოვანი თანამშრომლობა აქვთ აშშ-სთან თავდაცვის სფეროში. მისი თქმით, ამავდროულად, ახლა უკვე საკუთარი თავდაცვის დოკუმენტის, „თეთრი წიგნის“ მქონე ევროკავშირი იმუშავებს საკუთარი თავდაცვის ინდუსტრიის გასაძლიერებლად. „ჩვენ ასევე ვფიქრობთ იმაზე, თუ რა შეგვიძლია გავაკეთოთ ჩვენს საკუთარ თავდაცვის ინდუსტრიასთან დაკავშირებით, რადგან ჩვენ ახლა ბევრს ვყიდულობთ ამერიკელებისგან, მაგრამ უნდა გავამრავალფეროვნოთ ჩვენი პორტფელი, რათა გვქონდეს აქ წარმოების შესაძლებლობები – საბრძოლო მასალა და ნივთები, რაც აქ…

„სრული მხარდაჭერა ევროკომისიას აშშ-თან სავაჭრო მოლაპარაკებებში. ვაჭრობა გლობალური კეთილდღეობის მძლავრ მამოძრავებელ მექანიზმს წარმოადგენს. ევროკავშირი თავისუფალი და სამართლიანი ვაჭრობის ერთგულ დამცველად დარჩება”, – ამის შესახებ ევროპული საბჭოს პრეზიდენტი, ანტონიო კოშტა X-ზე წერს. მისი თქმით, ევროკავშირი პარტნიორებთან თანამშრომლობას გააგრძელებს. „დროა მერკოსურთან და მექსიკასთან მიღწეულ შეთანხმებებთან დაკავშირებით ნაბიჯი წინ გადავდგათ და ინდოეთთან და სხვა მთავარ პარტნიორებთან მოლაპარაკებებში მნიშვნელოვან პროგრესს მივაღწიოთ“, – აღნიშნავს ევროპული საბჭოს პრეზიდენტი. დონალდ ტრამპმა აშშ-ში იმპორტირებულ თითქმის ყველა საქონელზე ახალი ტარიფები გამოაცხადა

ბენიამინ ნეთანიაჰუ უნგრეთში ჩავიდა. უნგრეთის თავდაცვის მინისტრი, კრიშტოფ სალაი-ბობროვნიცკი ისრაელის პრემიერ-მინისტრს, ბენიამინ ნეთანიაჰუსა და მის მეუღლეს აეროპორტში დახვდა. უნგრეთში ოთხდღიანი ვიზიტის ფარგლებში ბენიამინ ნეთანიაჰუ უნგრეთის პრემიერ-მინისტრს, ვიქტორ ორბანს შეხვდება. ცნობისთვის, ეს ევროპაში ბენიამინ ნეთანიაჰუს პირველი ვიზიტია მას შემდეგ, რაც 2024 წლის ნოემბერში სისხლის სამართლის საერთაშორისო სასამართლომ ომის დანაშაულებისა და კაცობრიობის წინააღმდეგ ჩადენილი დანაშაულებისთვის მისი დაპატიმრების ორდერი გამოსცა. უნგრეთის პრემიერ-მინისტრმა, ვიქტორ ორბანმა სისხლის სამართლის საერთაშორისო სასამართლოს გადაწყვეტილებას „ცინიკური“ უწოდა და ისრაელის პრემიერ-მინისტრი უნგრეთში მიიწვია. როგორც ორბანმა აღნიშნა, უნგრეთი ნეთანიაჰუს დაკავების შესახებ ჰააგის სასამართლოს ბრძანებას არ შეასრულებს.

დიდი ბრიტანეთის პრემიერ-მინისტრი, კირ სტარმერი აშშ-ის პრეზიდენტის, დონალდ ტრამპის მიერ გამოცხადებულ ტარიფებს ეხმაურება. „რა თქმა უნდა, აშშ-ის გადაწყვეტილებებს გლობალური გავლენა ექნება, როგორც აქ, ისე გლობალურად. ჩვენ მზად ვართ, რადგან ამ ქვეყნის ერთ-ერთ სიძლიერეს სიმშვიდის შენარჩუნების უნარი წარმოადგენს. გასულ ღამეს, აშშ-ის პრეზიდენტმა თავისი ქვეყნისთვის იმოქმედა და ეს მის მანდატს წარმოადგენს. დღეს, მე ბრიტანეთის ინტერესებიდან გამომდინარე ვიმოქმედებ“, – განაცხადა კირ სატარმერმა. მისი თქმით, დიდი ბრიტანეთის მიერ პასუხის თვალსაზრისით არაფერია გამორიცხული, მაგრამ მიზანს შეთანხმების მიღწევა წარმოადგენს. „ცვალებად სამყაროში ვცხოვრობთ და ახალ ეპოქაში შევდივართ. ამ გამოწვევას უნდა გავუმკლავდეთ და სწორედ ამიტომ ჩემს გუნდს ცვლილებების…

Le Figaro-ს ცნობით, საფრანგეთის პრეზიდენტი, ემანუელ მაკრონი დღეს იმ ინდუსტრიების წარმომადგენლებს შეხვდება, რომლებიც აშშ-ის პრეზიდენტ დონალდ ტრამპის მიერ გამოცხადებული ტარიფებით დაზარალდებიან. შეხვედრა ელისეის სასახლეში ადგილობრივი დროით 16:00 საათზე გაიმართება. მანამდე, ღვინისა და ალკოჰოლური სასმელების ექსპორტიორთა ფრანგულმა ჯგუფმა განაცხადა, რომ ტარიფების გამოცხადების შემდეგ ფრანგული ღვინისა და სხვა ალკოჰოლური სასმელების გაყიდვები შეერთებულ შტატებში, სავარაუდოდ, მინიმუმ 20%-ით შემცირდება. Reuters-ის ინფორმაციით, შეერთებული შტატები ფრანგული ღვინისა და ალკოჰოლური სასმელების უდიდესი ბაზარია, 2024 წელს აშშ-ში მიწოდება 5%-ით გაიზარდა და 3.8 მილიარდ ევროს მიაღწია. დონალდ ტრამპმა აშშ-ში იმპორტირებულ თითქმის ყველა საქონელზე ახალი ტარიფები გამოაცხადა