დღე: აპრილი 1, 2025

ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირი მზად იქნება, საჭიროების შემთხვევაში, აშშ-ის ტარიფების წინააღმდეგ მკაცრი ზომები მიიღოს. „ჩვენი მიზანია მოლაპარაკებების გზით გადაწყვეტა, მაგრამ, რა თქმა უნდა, თუ საჭირო გახდება, ჩვენ დავიცავთ ჩვენს ინტერესებს, ჩვენს ხალხს და ჩვენს კომპანიებს. ჩვენ არ გვსურს საპასუხო ზომების მიღება, მაგრამ თუ ეს აუცილებელი გახდება, გვაქვს ძლიერი გეგმა საპასუხო ქმედებებისთვის და მას აუცილებლად გამოვიყენებთ“, – განაცხადა ფონ დერ ლაიენმა ევროპარლამენტში სიტყვით გამოსვლისას.

„რუსეთმა აიძულა არა მხოლოდ უკრაინა, არამედ რუსეთიც სასტიკ ომში ჩართულიყვნენ. ომში, რომელსაც ვერ მოიგებს”, – ამის შესახებ გერმანიის საგარეო საქმეთა მინისტრის, ანალენა ბერბოკის განცხადებაშია აღნიშნული, რომელიც კიევში ჩასვლის შემდეგ გავრცელდა. მისი თქმით, პუტინს სურდა სამ დღეში დაეპყრო კიევი და უკრაინა. რუსეთის სასტიკი აგრესიის სამ წელზე მეტი ხნის შემდეგ, სრულიად ნათელია, რომ პუტინის გეგმა ჩაიშალა. ,,მშვიდობა არავის სწყურია იმაზე მეტად, ვიდრე უკრაინელ ხალხს. უკრაინა მზად არის ცეცხლის დაუყოვნებლივ შეწყვეტისთვის. სწორედ პუტინია ის, რომელსაც არ სურს მშვიდობა, თამაშობს დროზე და აგრძელებს აგრესიულ ომს, რომელიც არღვევს საერთაშორისო კანონს. ჩვენ არ უნდა მივცეთ საშუალება…

გერმანიის საგარეო საქმეთა მინისტრი, ანალენა ბერბოკი კიევში ჩავიდა. კიევში ჩასვლისას ანალენა ბერბოკმა განაცხადა, რომ გერმანია უკრაინას ჰუმანიტარული დახმარების სახით 130 მილიონ ევროს გადასცემს. „აშშ-სა და რუსეთს შორის წარმოქმნილი ჩიხიდან გამომდინარე, აბსოლუტურად მნიშვნელოვანია, ჩვენ, ევროპელებმა ვაჩვენოთ, რომ უკრაინის გვერდით ვდგავართ და მას მხარს კიდევ უფრო მეტად ვუჭერთ“, – განაცხადა ანალენა ბერბოკმა. დღეს კიევს ლიეტუვის საგარეო საქმეთა მინისტრი, კიასტუტის ბუდრისიც ეწვია. „ჩვენ თავისუფლებისა და სუვერენიტეტისთვის ბრძოლაში თქვენს გვერდით დგომას გავაგრძელებთ. ლიეტუვა ევროკავშირის შემადგენლობაში ძლიერ, მდგრად და წარმატებულ უკრაინას მხარს უჭერს“, – აღნიშნა ლიეტუვის საგარეო საქმეთა მინისტრმა.

„ირანის მიერ მხარდაჭერილი „ჰუსიტი“ ტერორისტები ბოლო ორი კვირის განმავლობაში განხორციელებული უწყვეტი დარტყმების შედეგად განადგურდნენ. მათი ბევრი მებრძოლი და ლიდერი უკვე ჩვენთან აღარ არის. ჩვენ მათ ყოველდღე და ყოველ ღამე ვურტყამთ – უფრო და უფრო ძლიერად“, – ამის შესახებ აშშ-ის პრეზიდენტი, დონალდ ტრამპი Truth Social-ზე წერს. მისი თქმით, „ჰუსიტების“ შესაძლებლობები, რომელიც რეგიონს და გემებს საფრთხეს უქმნის, სწრაფად ნადგურდება. „ჩვენი შეტევები გაგრძელდება მანამ, სანამ ისინი ნავიგაციის თავისუფლებას საფრთხეს აღარ შეუქმნიან. „ჰუსიტების“ არჩევანი ნათელია: ამერიკული გემების წინააღმდეგ სროლა შეწყვიტეთ და ჩვენ თქვენს წინააღმდეგ სროლას შევწყვეტთ. წინააღმდეგ შემთხვევაში, ჩვენ მხოლოდ ახლა დავიწყეთ და ნამდვილი…

უკრაინის რადას ფრაქცია „ხალხის მსახურის“ თავმჯდომარე, დავით არახამია უარყოფს გავრცელებულ ინფორმაციას, რომ უკრაინის პრეზიდენტის ადმინისტრაციაში არჩევნებისთვის მზადებასთან დაკავშირებით შეხვედრა გაიმართა. „არანაირი არჩევნები არ მზადდება, არანაირი მზადება არ მიმდინარეობს. საპარლამენტო პარტიები და ჯგუფები შეთანხმდნენ, რომ არჩევნები უნდა ჩატარდეს საომარი მდგომარეობის გაუქმებიდან ექვსი თვის შემდეგ. პრინციპში, ჩვენი პოზიცია არ შეცვლილა”, – აღნიშნა არახამიამ.

ისრაელის იერიშის შედეგად ბეირუთში სამი ადამიანი დაიღუპა, სულ მცირე, შვიდი კი დაშავდა. ლიბანის პრეზიდენტმა, ჯოზეფ აუნმა დაგმო ისრაელის თავდასხმა ბეირუთის სამხრეთ გარეუბანში მდებარე შენობაზე და საერთაშორისო მოკავშირეებს მოუწოდა, მხარი დაუჭირონ ქვეყნის სუვერენიტეტს. ლიბანის პრემიერ-მინისტრმა, ნავაფ სალამმა განაცხადა, რომ სამხრეთ ბეირუთზე ისრაელის თავდასხმა იყო ცეცხლის შეწყვეტის შეთანხმების „ნათელი დარღვევა“. ისრაელის თავდაცვის ძალებში აცხადებენ, რომ მათი სამიზნე „ჰეზბოლას“ ერთ-ერთი ლიდერი იყო, რომელიც ხელმძღვანელობდა „ჰამასის“ ტერორისტებს და საფრთხეს უქმნიდა ისრაელის მშვიდობიან მოსახლეობას.

CNN-ის ცნობით, აშშ-ის პრეზიდენტის, დონალდ ტრამპის განცხადებით, უახლოეს მომავალში, სავარაუდოდ, საუდის არაბეთს, კატარსა და არაბთა გაერთიანებულ საამიროებს ეწვევა. „ეს შეიძლება იყოს შემდეგ თვეში, შესაძლოა ცოტა მოგვიანებით. ჩვენ მივდივართ კატარში და ასევე, შესაძლოა, კიდევ რამდენიმე ქვეყანაში. არაბთა გაერთიანებული საემიროები ძალიან მნიშვნელოვანია. ალბათ, შევჩერდებით არაბთა გაერთიანებულ საამიროებზე, კატარსა და საუდის არაბეთზე და შემდეგ ჩვენ წავალთ სხვა ადგილებში, მაგრამ ახლო აღმოსავლეთში, როგორც ჩანს, ეს სამია“, – აღნიშნა ტრამპმა. მისი თქმით, ბოლოს, როცა საუდის არაბეთს ეწვია, სიაში პირველ ადგილზე დააყენა, რადგან დათანხმდნენ 450 მილიარდი აშშ დოლარის ღირებულების ამერიკული საქონლის შეძენაზე.

აშშ-ის სახელმწიფო დეპარტამენტის განცხადებით, პრეზიდენტი, დონალდ ტრამპი ეწინააღმდეგება რუსეთის პრეზიდენტ ვლადიმერ პუტინის იდეას უკრაინაში, გაერო-ს და რამდენიმე ქვეყნის ეგიდით, დროებითი მმართველობის შემოღების შესახებ. ,,რუსეთმა წამოაყენა წინადადება უკრაინაში დროებითი ადმინისტრაციის შექმნის შესახებ, მაგრამ პრეზიდენტმა ტრამპმა ეს არ მოიწონა. უკრაინა არის კონსტიტუციური დემოკრატია და მისი მმართველობა განისაზღვრება კონსტიტუციით და უკრაინელი ხალხით“, – აღნიშნა აშშ-ის სახელმწიფო დეპარტამენტის წარმომადგენელმა. აშშ-ის სახელმწიფო დეპარტამენტის პრესსპიკერის ტემი ბრიუსის თქმით, პრეზიდენტ დონალდ ტრამპის ადმინისტრაცია მუშაობს რუსეთთან და უკრაინასთან და მზადაა გააგრძელოს მუშაობა, რათა ისინი მოლაპარაკების მაგიდასთან მიიყვანოს.

აშშ-ის პრეზიდენტმა, დონალდ ტრამპმა განაცხადა, რომ სურს, რუსეთის პრეზიდენტ ვლადიმერ პუტინისგან უკრაინაში მიმდინარე ომის დასასრულებლად გარიგების დადება იხილოს. „მსურს ვნახო, რომ ის დადებს შეთანხმებას, რათა შევაჩეროთ რუსი ჯარისკაცების, უკრაინელი ჯარისკაცების და სხვა ადამიანების მკვლელობა. მინდა, დარწმუნებული ვიყო, რომ პუტინი ამას ბოლომდე მიიყვანს. არ მინდა მეორე ტარიფები დავაწესო მის ნავთობზე. მაგრამ ვფიქრობ, იცით, ეს არის ის, რასაც გავაკეთებ, თუ ვიფიქრებ, რომ ის არ ასრულებს თავის საქმეს. მე ეს ვენესუელასთან გავაკეთე“, – აღნიშნა ტრამპმა.

,,34 წლის წინ ქართველებმა აირჩიეს დამოუკიდებლობის აღდგენა. აქციების 125-ე დღეს, მათი ერთგულება თავისუფლებისადმი არასოდეს ყოფილა ასეთი ძლიერი”, – ამის შესახებ სოციალურ ქსელში აშშ-ის კონგრესმენი, ჯო უილსონი წერს. ,,1991 წლის 31 მარტს ქართველმა ხალხმა დამაჯერებლად აირჩია სსრკ-ს ოკუპაციის შემდეგ დამოუკიდებლობის აღდგენა. როდესაც ქართველები იწყებენ არალეგიტიმური რეჟიმის წინააღმდეგ საპროტესტო აქციების 125-ე დღეს, მათი ერთგულება თავისუფლებისადმი არასოდეს ყოფილა ასეთი ძლიერი”, – წერს უილსონი.