დღე: მარტი 31, 2025

ქედაში, სოფელ წონიარისში მანქანა მდინარეში გადავარდა. შემთხვევის შედეგად 1 ადამიანი დაიღუპა, 2 კი დაშავდა. არსებული ინფორმაციით, მანქანა გზის სავალი ნაწილიდან გადავიდა და მდინარეში გადავარდა. ადგილზე საგამოძიებო მოქმედებები მიმდინარეობს. სხვა დამატებითი დეტალები, ამ დროისთვის, უცნობია.

აშშ-ში დაკარგული ქართველი გოგონა ცოცხალია ოჯახთან კომუნიკაცია ჰქონდა. ახლობლები ახლა მიდი ადგილსამყოფელის დადგენას ცდილობენ. ,,ქეთომ დარეკა, თქვა რომ უსაფრთხოდაა თუმცა ჯერ არ ვიცით მისი ადგილსამყოფელი. ამ ეტაპზე მთავარია ბავშვი ცოცხალია, იმედია ლოკაციასაც მალე დაადგენენ. ამ ეტაპზე ესაა ბოლო ინფორმაცია. ბავშვს ნაპოვნად ჩავთვლით მაშინ, როცა დავინახავთ და ხელით შევეხებით. ამ ეტაპზე სადაა არ ვიცით. ვეძებთ”, – წერს ბელა მაღლაფერიძე. ოჯახი აშშ-ში 16 წლის ქეთი მაყაშვილს ეძებს

,,გვაქვს მნიშვნელოვანი სიახლე, ბრიტანული ავიაკომპანიები, „ბრითიშ ეარვეისი“ და „იზი ჯეტი“ შემოდიან საქართველოში, უკვე იწყება ფრენები”, – ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. პრემიერის თქმით, ამ ავიაკომპანიების შემოსვლა ხელს შეუწყობს მობილობის კიდევ უფრო მეტად გაზრდას და ტურიზმის კიდევ უფრო მეტად განვითარებას ქვეყანაში. „ეკონომიკის ერთ-ერთი მნიშვნელოვანი სექტორია ტურიზმი და ავიაცია. ამ მიმართულებით გვაქვს მნიშვნელოვანი სიახლე. ბრიტანული ავიაკომპანიები, „ბრითიშ ეარვეისი“ და „იზი ჯეტი“ შემოდიან საქართველოში. უკვე იწყება ფრენები. ხანგრძლივი ინტენსიური მოლაპარაკებები უძღოდა წინ ამ შედეგის მიღწევას. სხვადასხვა სტრუქტურები იყვნენ ჩართული ამ მოლაპარაკებებში. განსაკუთრებული მადლობა ეკონომიკის სამინისტროს ამ შედეგის მიღწევისთვის, 30…

31 მარტს საქართველოში მოსალოდნელია დროგამოშვებით წვიმა და ელჭექი, ზოგან ძლიერი, შესაძლებელია ქარის ხანმოკლე გაძლიერება. ,,მოსალოდნელმა წვიმებმა შესაძლებელია მდინარეებზე წყლის დონეების მნიშვნელოვანი მატება, ხოლო პატარა მდინარეებზე წყალმოვარდნები გამოიწვიოს. ქვეყნის მაღალმთიან რაიონებში შესაძლებელია ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა – გააქტიურება (საფრთხის დონე საშუალო)”, – აღნიშნულია გარემოს ეროვნული სააგენტოს მიერ გავრცელებულ ინფორმაციაში.

შინაგან საქმეთა სამინისტროს განცხადებით, დააკავეს რუსეთის მოქალაქე, რომელმაც, თბილისში მიმდინარე საპროტესტო აქციის მიმდინარეობისას პოლიციის მანქანა დააზიანა. ,,გამოძიებით დადგინდა, რომ ბრალდებულმა, რომელსაც სახე სპეციალური ნიღბით ჰქონდა დაფარული, მიმდინარე წლის 28 მარტს, რუსთაველის გამზირზე, აქციის მიმდინარეობისას, შინაგან საქმეთა სამინისტროს ბალანსზე რიცხული ავტომობილი მიზანმიმართულად დააზიანა და შემთხვევის ადგილიდან მიიმალა. სამართალდამცველებმა ცხელ კვალზე ჩატარებული საგამოძიებო ღონისძიებების შედეგად, ბრალდებულის იდენტიფიცირება მოახდინეს და იგი თბილისში დააკავეს”, – ნათქვამია შსს-ს განცხადებაში. გამოძიება სისხლის სამართლის კოდექსის 187- ე მუხლის 1-ლი ნაწილით მიმდინარეობს, რაც სხვისი ნივთის დაზაინებას გულისხმობს. დანაშაული 3 წლამდე ვადით თავისუფლების აღკვეთას ითვალისწინებს.

24 წლის გიგა დაუშვილი, რომელიც თბილისში 9 თებერვალს დაიკარგა, გარდაცვლილი იპოვეს. სამწუხარო ინფორმაციას, სოციალურ ქსელში, ახლობლები ავრცელებენ. ,,განსაკუთრებული იყო, ალბათ ბანალურად ჟღერს, მაგრამ ამავდროულად ყველაზე რეალურად ასახავს მის ბუნებას. არ შეეძლო, უცხოდ დარჩენილიყო – ყველას მეგობარი ხდებოდა, ყველას გულში იდებდა ადგილს. ჩემთვის კი არა მხოლოდ ძმა იყო, რაღაც სხვა იყო, ,,გიგა” იყო, რითაც ყველაფერი ნათქვამია. ის, ვინც მას არ იცნობდა, უნდა იცოდეს – არსებობენ ადამიანები, რომლებიც ამ სამყაროს სიყვარულისთვის, სიცილისთვის და სიკეთისთვის მოევლინენ. ის ერთ-ერთი ასეთი იყო. და რადგან ასეთი ადამიანები არასდროს ქრებიან, ის აქ არის, ჩემში, ყველა იმ მოგონებაში,…

თბილისის პოლიციის დეპარტამენტის საგამოძიებო მთავარი სამმართველოს, დიდუბე-ჩუღურეთის მთავარი სამმართველოსა და ისანი-სამგორის მთავარი სამმართველოს თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად ნარკოდანაშაულის ბრალდებით 4 ადამიანი დააკავეს. ,,დიდი ოდენობით ნარკოტიკული საშუალების, ასევე, ფსიქოტროპული ნივთიერების უკანონო შეძენა-შენახვის და გასაღების მცდელობის ბრალდებით დაკავებული არიან: 1994 წელს დაბადებული ს.ვ., 2006 წელს დაბადებული დ.შ., 2006 წელს დაბადებული ა.კ. და წარსულში მრავალჯერ ნასამართლევი 1979 წელს დაბადებული ჰ.ა.. სამართალდამცველებმა ნარკოდანაშაულის ბრალდებით დაკავებული პირების პირადი, საცხოვრებელი სახლებისა და დამხმარე სათავსოს ჩხრეკისას, ასევე, მათ მიერ მითითებული ლოკაციებიდან, სხვადასხვა სახის ნარკოტიკული საშუალებები: “ჰეროინი”, „მარიხუანა“, “ტრამადოლი”, ფსიქოტროპული ნივთიერებები და…

ქუთაისში, ტრაგიკულად დაღუპულ სამ ახალგაზრდას გლოვობენ. „ქუთაისის“ გვერდზე გამოქვეყნდა ელგუჯა ჭელიძის ლექსი, რომელიც მათ სულებს ეძღვნება. „თვალბრიალა ჭაბუკები თვალტანადი, მალხაზები, ჩვენი ქალაქის მკვიდრები ქუთათური ვაჟკაცები. თენგო, ლუკა და გიორგი, ვით სამი ძმა ტყუპისცალი, ერთმანეთის გვერდით მდგომნი ქარში, წვიმასა თუ დარში. ერგვლივ სიკეთეს აფრქვევდნენ დედისერთა ძმაკაცები, მოყვასს ზრუნვას არ აკლებდნენ ქუთაისელი კაცები. ბნელ ღამეში წყალწითელამ, სამი ბიჭი ქუთათური, წაგვართვა და მიითვისა, ამოგლიჯა უბანს გული. სამი სანაშენე ბიჭი დაიღუპა, სევდას ვებრძვით დაზაფრულია უბანი, დედების ცრემლი ზღვას ერთვის. იმიერში გადასახლდა დედისერთა ვაჟთა ტრიო, ღმერთო ნათელში ამყოფე ლუკა, თენგიზი და გიო.“ ცნობისთვის, რამდენიმე დღის…

რა ცვლილებები ამოქმედდება საქართველოში 2025 წლის 1-ლი აპრილიდან. 2025 წლის 1 აპრილიდან, საქართველოში სიგარეტი მხოლოდ სადა შეფუთვით გაიყიდება 2024 წლის 1-ლი ოქტომბრიდან ძალაში შევიდა სიგარეტის ერთგვაროვანი შეფუთვის შესახებ რეგულაცია. რაც გულისხმობს, რომ ყველა სიგარეტის კოლოფი ერთნაირი, სადა შეფუთვის უნდა იყოს. თუმცა აღსანიშნავია, რომ კომპანიებს გარდამავალი პერიოდი მიეცათ და დახლებზე განთავსებული პროდუქციის ამოყიდვის უფლება ჰქონდათ 2025 წლის 1-ელ აპრილამდე. უკვე მომდევნო თვიდან კი, ნებისმიერი სიგარეტის შეფუთვა იქნება ერთნაირი. თამბაქოს ნაწარმის სტანდარტიზებული შეფუთვის გარეშე რეალიზაცია, თამბაქოს ნაწარმისა და მისი შეფუთვის სტანდარტიზების წესის დარღვევა 5 000 ლარის ოდენობით დაჯარიმდება. 2025 წლის 1-ლი აპრილიდან…

ოჯახი 16 წლის ქეთი მაყაშვილს ეძებს. ინფორმაციას, სოციალურ ქსელში, მისი დედა ელენე ბერიძე ავრცელებს. ,,მეგობრებო! ეს ჩემი შვილი ქეთი მაყაშვილია 16 წლის. ქეთი დღეს დილით 10:20 წუთზე სახლიდან გავიდა სპორტ დარბაზში. ამ დროიდან ტელეფონი გათიშული აქვს, სპორტ დარბაზში არ მისულა, არცერთმა მეგობარმა არაფერი იცის. გთხოვთ იქნებ ვინმეს შეგხვდეთ, ან რამეს მოკრათ ყური, ყველა დეტალი მნიშვნელოვანია. ჩართულია პოლიცია, ფოტოები გამოკრულია ყველგან. გააზიარეთ პოსტი ყველას გთხოვთ”, – აღნიშნულია მიმართვაში.