დღე: მარტი 31, 2025

ურსულა ფონ დერ ლაიენმა სატელეფონო საუბრისას სრული იდიოტი მიწოდა. შესაბამისი განცხადება ევროკომისიის პრეზიდენტმა ურსულა ფონ დერ ლაიენმა იდიოტი უწოდა.  რობერტ ფიცოს თქმით,  ურსულა ფონ დერ ლაიენთან სატელეფონო საუბრისას აშშ-ის პრეზიდენტის, დონალდ ტრამპის მიერ ევროკავშირის წინააღმდეგ ტარიფების დაწესების საკითხს განიხილავდა, რომელიც ძალაში 2 აპრილიდან შევა. „ურსულამ მკაცრად მისაყვედურა, ძალიან მკაცრად. რობერტ, რა ჩაიდინე? რატომ მოელაპარაკე ტრამპს ასე? ნახევარი საათის განმავლობაში მსაყვედურობდა და ამბობდა, რომ სრული იდიოტი ვარ“, – განაცხადა რობერ ფიცომ. მისი თქმით, აშშ-ის პრეზიდენტის, დონალდ ტრამპის მიერ ტარიფების დაწესება ევროკავშირის ფარგლებში ბევრ სფეროს დააზიანებს.

შვედეთის მთავრობამ უკრაინისთვის დახმარების ახალი სამხედრო პაკეტი გამოაცხადა. მისი ღირებულება 1.2 მილიარდი ( 16 მილიარდი კრონი) ფუნტია. ეს ყველაზე დიდი დახმარების პაკეტია, რომელიც ქვეყანამ უკრაინისთვის გამოყო. როგორც შვედეთის თავდაცვის მინისტრმა, პალ ჯონსონმა აღნიშნა, ეს არის სიგნალი, რომ ქვეყანა არა მხოლოდ აძლიერებს მხარდაჭერას, არამედ ზრდის მის ძალასა და მასშტაბებს. ჯონსონი ამბობს, რომ პაკეტი მოიცავს უკრაინის საჰაერო თავდაცვის, არტილერიის, სატელიტური კომუნიკაციებისა და საზღვაო შესაძლებლობების მხარდაჭერას.

„ევროპელი პოლიტიკოსების მნიშვნელოვანი ნაწილი რუსომანიით (აგრეთვე რუსოფობია) მწვავე ფორმით დაავადდა. მკურნალობა სიმპტომურია. ტრადიციული მედიკამენტები, ზოგადად, არაეფექტურია”, – ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა. ,,საუკეთესო თერაპიული ეფექტი დაფიქსირდა ძლიერი სედატიური საშუალებების კომბინირებული გამოყენებისას, როგორიცაა „კალიბრი“, „ონიქსი“, „ისკანდერი“ და ძლიერი მრავალკომპონენტიანი ტრანკვილიზატორი „ორეშნიკი“, – დაწერა მედვედევმა „ტელეგრამ“ არხზე. მისი თქმით, რუსოფობიის მანიაკალურ სტადიას ახასიათებს მოტორული აგზნება, აგრესიულობა, ძლიერ ადამიანებზე თავდასხმის სურვილი. „მანიაკალურ სტადიაში მყოფი პაციენტების მაგალითები არიან მაკრონი, სტარმერი, სტუბი და მრავალი სხვა ევროპელი პოლიტიკოსი“, – აღნიშნა მედვედევმა.

აშშ-ის პრეზიდენტის, დონალდ ტრამპის განცხადებით, უკრაინის პრეზიდენტს, ვოლოდიმირ ზელენსკის იშვიათი მინერალების შესახებ მნიშვნელოვან შეთანხმებაზე უარის თქმა სურს. „ის ცდილობს, უკან დაიხიოს იშვიათი წიაღისეულის შესახებ შეთანხმებიდან და თუ ამას გააკეთებს, პრობლემები ექნება, დიდი, დიდი პრობლემები“, – აღნიშნა ტრამპმა ჟურნალისტებთან. აშშ-ის პრეზიდენტმა კიდევ ერთხელ გაიმეორა, რომ უკრაინა ვერასდროს გახდება ნატო-ს წევრი, მიუხედავად იმისა, რომ ვოლოდიმირ ზელენსკის ქვეყნის ალიანსში გაწევრიანების სურვილი აქვს.

,,გერმანია უფლებადამცველებს ყოველთვის მხარს დაუჭერს. ადამიანის უფლებების ცუდი მაჩვენებელი = არა ევროკავშირს”, – ამის შესახებ საქართველოში გერმანიის ელჩი, პეტერ ფიშერი X-ზე წერს. „ძალიან მნიშვნელოვანი შეხვედრა თბილისის ადამიანის უფლებათა სახლში. განხილული იქნა ინფორმაცია ანგარიშების გაყინვის, გამოძიებებისა და არასამთავრობო ორგანიზაციების დაშინების შესახებ, მათ შორის თბილისის ადამიანის უფლებათა სახლის შესახებ, რომელიც უფლებადამცველებს იცავს და მათ უფლებამოსილებას ანიჭებს. გერმანია უფლებადამცველებს ყოველთვის მხარს დაუჭერს. ადამიანის უფლებების ცუდი მაჩვენებელი = არა ევროკავშირს“, – წერს პეტერ ფიშერი.

რუსეთის პრეზიდენტის პრესმდივანმა დიმიტრი პესკოვმა განაცხადა, რომ რუსეთის პრეზიდენტი, ვლადიმერ პუტინი აშშ-ის პრეზიდენტ დონალდ ტრამპთან კონტაქტებისთვის ღიაა. ,,პრეზიდენტი პუტინი ღიაა ასეთი კომუნიკაციისთვის და საჭიროების შემთხვევაში, ასეთი საუბარი შეიძლება ძალიან სწრაფად შეთანხმდეს. საჭიროების შემთხვევაში, მათი საუბარი ძალიან სწრაფად იქნება ორგანიზებული”, – განუცხადა პესკოვმა ჟურნალისტებს, როდესაც უპასუხა შეკითხვას, მოსალოდნელია თუ არა, რომ მიმდინარე კვირაში პუტინსა და ტრამპს შორის სატელეფონო საუბარი გაიმართოს.

ვიქტორ ორბანი საფრანგეთის ულტრამემარჯვენე პარტია „ეროვნული გაერთიანების“ ლიდერის ევროკავშირის თანხების არამიზნობრივ ხარჯვაში დამნაშავედ ცნობას ეხმაურება და მარინ ლე პენს სოლიდარობას უცხადებს. „მე ვარ მარინი“, – წერს ვიქტორ ორბანი X-ზე. ცნობისთვის, სოლიდარობის ამგვარი ფორმით გამოცხადება უკავშირდება ფრანგულ სატირულ ჟურნალ „შარლი ებდოზე“ 2015 წელს განხორციელებულ ტერორისტულ თავდასხმას, რა დროსაც სოციალურ ქსელში გავრცელდა კამპანია, რომლის მონაწილეებიც ჟურნალის რედაქციას სოლიდარობს უცხადებდნენ შემდეგი გზავნილით „მე ვარ შარლი“ (Je suis Charlie). მარინ ლე პენს 4 წლით თავისუფლების აღკვეთა მიუსაჯეს და 100 000 ევროს ჯარიმის გადახდა დააკისრეს

ისრაელის პრემიერ-მინისტრის, ბენიამიმ ნეთანიაჰუს განცხადებით, მზად არის მიაღწიოს შეთანხმებას მძევლების გასათავისუფლებლად და რომ „ჰამასზე“ სამხედრო ზეწოლა ეფექტური იყო. „მზად ვართ. მოლაპარაკებებს ვაწარმოებთ ცეცხლის ქვეშ და ვხედავთ, რომ ბზარები ჩნდება. სამხედრო ზეწოლა მუშაობს. მუშაობს იმიტომ, რომ ერთდროულად მოქმედებს. ერთის მხრივ, ის ანადგურებს „ჰამასის“ სამხედრო და სამთავრობო შესაძლებლობებს და, მეორე მხრივ, ქმნის პირობებს ჩვენი მძევლების გასათავისუფლებლად“, – აღნიშნა ნეთანიაჰუმ. მისი თქმით, საერთაშორისო და საშინაო დონეზე ზეწოლის ქვეშ, „ჰამასმა“ უნდა დაყაროს იარაღი და რომ მის ლიდერებს მიეცემათ უფლება, ტერიტორია დატოვონ. ნეთანიაჰუმ ხაზგასმით აღნიშნა, რომ ისრაელი მზადაა ისაუბროს მძევლების გათავისუფლება-ცეცხლის შეწყვეტის შეთანხმების ფინალურ ეტაპზე.…

სასამართლოს გადაწყვეტილებით, საფრანგეთის ულტრამემარჯვენე პარტია „ეროვნული გაერთიანების“ ლიდერს, მარინ ლე პენს საჯარო თანამდებობის დაკავება 5 წლის განმავლობაში აუკრძალეს, რაც ძალაში დაუყოვნებლივ შედის და მას, ფაქტობრივად, 2027 წლის საპრეზიდენტო რბოლიდან გამორიცხავს. The Guardian-ის ცნობით, მოსამართლეებმა მარინ ლე პენს ოთხი წლით თავისუფლების აღკვეთა მუსაჯეს, საიდანაც ორი წელი არის პირობითი სასჯელი და 100 000 ევროს ჯარიმის გადახდა დააკისრეს. მედია წერს, რომ მარინ ლე პენი, დიდი ალბათობით, განაჩენს გაასაჩივრებს და საქმის დასრულებამდე მის წინააღმდეგ პატიმრობა და ჯარიმა არ იქნება გამოყენებული. შეგახსენებთ, პარიზის სასამართლომ საფრანგეთის ულტრამემარჯვენე „ეროვნული გაერთიანების“ ლიდერი, მარინ ლე პენი და რვა ევროპარლამენტარი…

,,შეერთებული შტატები რუსეთის წინააღმდეგ ახალი სანქციების შემუშავების პროცესშია იმ შემთხვევისთვის, თუ ვლადიმერ პუტინი უკრაინაში ცეცხლის შეწყვეტაზე უარს იტყვის, ან შეთანხმებას დაარღვევს”, – ამის შესახებ ფინეთის პრეზიდენტმა, ალექსანდრე სტუბმა აშშ-ის პრეზიდენტ დონალდ ტრამპთან 7-საათიანი შეხვედრის შემდეგ განაცხადა. „უახლოეს მომავალში ის ამას ორმოცდაათი სენატორის მხარდაჭერით წარადგენს”, – აღნიშნა სტუბმა. „შევეცადე ამეხსნა, რომ სრულიად ნორმალური საქციელია რუსეთისთვის. ჯერ რაღაცაზე შეთანხმდებით და მერე ისევ პირობებს წამოაყენებს“, – აღნიშნა სტუბმა.

ისრაელის თავდაცვის ძალებმა ღაზას სექტორის სამხრეთ ნაწილში მდებარე ქალაქ რაფაჰის და რამდენიმე მიმდებარე მუნიციპალიტეტის მოსახლეობის ევაკუაციის ბრძანება გასცა. „ჰამასსა“ და ისრაელს შორის ცეცხლის შეწყვეტის შესახებ შეთანხმების პირველი ეტაპის დასრულების შემდეგ ისრაელმა ღაზას რამდენიმე რაიონში დაბომბვა განაახლა. რაფაჰი ძირითადად ნანგრევებად იქცა გასული წლის მაისში მასზე განხორციელებული თავდასხმის გამო. ისრაელი აცხადებს, რომ ეგვიპტის მოსაზღვრე რეგიონში მისი ყოფნის შენარჩუნება საჭიროა, რათა იარაღის კონტრაბანდა აიცილონ თავიდან.