დღე: მარტი 27, 2025

დიდი ბრიტანეთის პრემიერ-მინისტრმა, კირ სტარმერმა პარიზში “მსურველთა კოალიციის” სამიტის შემდეგ განაცხადა, რომ ახლა რუსეთისგან სანქციების მოხსნის დრო არ არის. სტარმერის თქმით, ეს “ძალიან კონსტრუქციული” შეხვედრა იყო, რომელზეც “მსურველთა კოალიციის” ლიდერები შეთანხმდნენ, რომ არსებობს უკრაინის უფრო მეტად მხარდაჭერის საჭიროება, “რათა უზრუნველვყოთ, რომ უკრაინა ყველაზე ძლიერ შესაძლო პოზიციაშია, ახლაც და სამომავლო მოლაპარაკებებშიც”. “სრული სიცხადე იყო, რომ რუსეთი [მშვიდობის] დაყოვნებას ცდილობს, თამაშებს თამაშობს და ამაზე სრულიად ცხადად უნდა ვისაუბროთ” – განაცხადა სტარმერმა. დიდი ბრიტანეთის პრემიერ-მინისტრმა ასევე აღნიშნა, რომ სამიტზე სრული სიცხადე იყო იმაზე, რომ “ახლა სანქციების მოხსნის დრო არ არის”. “პირიქით, განვიხილეთ როგორ…

უკრაინის უმაღლესი რადის დეპუტატმა, იაროსლავ ჟელეზნიაკმა „ტელეგრამის“ საკუთარ არხზე დაწერა, რომ აშშ-თან ხელმოსაწერი იშვიათი წიაღისეულის შესახებ ხელშეკრულება კიევისთვის ცუდია. „თავიდანვე გეტყვით, ეს ფინალური დოკუმენტი არ არის. მე იმედი მაქვს, რომ უკრაინული მხარე მოითხოვს და მასში მნიშვნელოვან ცვლილებებს შეიტანს. მაგრამ ტექსტი, რომელიც მე ვნახე, არის საშინელება. ხელშეკრულება უკრაინის სასარგებლოდ არ არის“, – დაწერა ჟელეზნიკმა. მისი თქმით, ხელშეკრულების ახალ ვარიანტში საუბარია ყველა წიაღისეულზე, მათ შორის ნავთობსა და გაზზე. „საუბარია როგორც სახელმწიფო, ასევე კერძო კომპანიების მიერ წიაღისეულის მოპოვებაზე. ფული პირდაპირ ვალუტაში კონვერტირდება. ფული მიედინება საზღვარგარეთ. თუ რაღაც ჩვენი მხარის გამო ისე არ წავა,…

რუმინეთში, მთავრობის შტაბთან საპროტესტო აქციები მიმდინარეობს. რუმინელი დემონსტრანტები, ქუჩაში, საპრეზიდენტო არჩევნების გაუქმებას აპროტესტებენ. ცნობისთვის, ქვეყნის კონსტიტუციურმა სასამართლომ დეკემბრის არჩევნები გააუქმა და ოპოზიციური პარტიის კანდიდატს კენჭისყრა აუკრძალა, მას შემდეგ, რაც რუსეთი, ულტრამემარჯვენე პარტიის სასარგებლოდ, საპრეზიდენტო არჩევნებში ჩარევაში დაადანაშაულა.

„ჰუსიტებმა“ ისრაელის მიმართულებით რაკეტები გაუშვეს. ისრაელის თავდაცვის ძალების ცნობით, „ჰუსიტების“ მიერ იემენიდან გაშვებული ორი რაკეტა თავდაცვის ძალებმა ისრაელის საჰაერო სივრცეში შესვლამდე ჩამოაგდეს. სარაკეტო საფრთხის გამო, ცენტრალურ ისრაელში, იერუსალიმსა და მიმდებარე ქალაქებში საჰაერო განგაში გამოცხადდა. ცნობისთვის, ისრაელის მიერ ღაზაში საბრძოლო მოქმედებების განახლების შემდეგ „ჰუსიტები“ ისრაელის მიმართულებით რაკეტებსა და დრონებს უშვებენ. 15 მარტის შემდეგ „ჰუსიტების“ წინააღმდეგ სარაკეტო იერიშებს აშშ ახორციელებს.

სტამბოლის ოპოზიციური მერის, ეკრემ იმამოღლუს დაკავების წინააღმდეგ საპროტესტო აქციების დაწყებიდან დღემდე, თურქმა სამართალდამცველებმა დაახლოებით 1900 ადამიანი დააკავეს. ქვეყნის შინაგან საქმეთა მინისტრის თქმით, დაკავებულებიდან სასამართლომ 260 ადამიანს პატიმრობა შეუფარდა, ხოლო 662-ის საქმე კვლავ განიხილება. გარდა ამისა, მისი მონაცემებით, საპროტესტო აქციების დროს 150 პოლიციელი დაშავდა. „ჩვენ არ გვინდა რომელიმე პოლიტიკოსის დაკავება, მაგრამ თუ იქნება მტკიცებულება დანაშაულის შესახებ, ეს შეიძლება მოხდეს“, – განაცხადა მინისტრმა. შეგახსენებთ, რომ ანკარაში მასობრივი შეკრებები 1-ელ აპრილამდე აიკრძალა. მანამდე კი, ანკარის, სტამბოლისა და იზმირის ხელისუფლებამ მასობრივ მსვლელობები შეზღუდა. აღნიშნული გადაწყვეტილება სტამბოლის მერის, ეკრემ იმამოღლუს დაკავებას უკავშირდება, რასაც თურქეთში საპროტესტო…

ლიკვიდირებულია ,,ჰამასის” სპიკერი, აბდელ-ლატიფ ალ-ყანუა. ინფორმაცია თავად ტერორისტულმა ორგანიზაციამ გაავრცელა. ,,ცახალმა” დაჯგუფების მაღალჩინოსანი ღამით, ღაზის ჩრდილოეთ ნაწილში მდებარე ჯაბალიას დევნილთა ბანაკში ააფეთქა. მიმდინარე კვირის განმავლობაში, ისრაელმა პალესტინურ ანკლავში ,,ჰამასის” სამხედრო და პოლიტიკური ფრთის უკვე რამდენიმე ლიდერი გაანეიტრალა. ადამიანთა უფლებების მონიტორინგის ჯგუფის ინფორმაციით, 18 მარტიდან, როდესაც ,,ჰამასსა” და ისრაელს შორის ცეცხლის შეწყვეტის შეთანხმება გაუქმდა, ,,ცახალის” იერიშებს 830 ადამიანი ემსხვერპლა, დაიჭრა 1 700-ზე მეტი. ანგარიშში წერია, რომ იერიშები მიმართულია სახლებსა და კარვებზე, რომელსაც სამოქალაქო პირები აფარებენ თავს.

,,რუსეთზე სანქციებით ზეწოლა არის საუკეთესო გზა ხანგრძლივი და სამართლიანი მშვიდობის მიღწევის მიზნით უკრაინის მხარდაჭერის გასაგრძელებლად”, – ამის შესახებ ევროპული საბჭოს პრეზიდენტმა, ანტონიო კოშტამ განაცხადა. „უკრაინის მხარდასაჭერად საუკეთესო გზა არის დავრჩეთ თანმიმდევრულები ჩვენს მიზანთან დაკავშირებით – მივაღწიოთ სამართლიან და ხანგრძლივ მშვიდობას. ეს ნიშნავს რუსეთზე ზეწოლის შენარჩუნებას სანქციების გზით“, – წერს ანტონიო კოშტა X-ზე. მისი თქმით, ამ გზავნილს გააჟღერებს ლიდერთა დღევანდელ შეხვედრაზე პარიზში, სადაც უკრაინის მშვიდობისა და უსაფრთხოების საკითხებს განიხილავენ.

უკრაინის პრეზიდენტი ამბობს, რომ აშშ-ის პრეზიდენტის, დონალდ ტრამპის სპეციალური წარმომადგენელი სტივ უიტკოფი კრემლის ნარატივს იმეორებს. „უიტკოფი ნამდვილად იმეორებს კრემლის ნარატივებს. მწამს, რომ ეს არ გვაახლოებს მშვიდობასთან, და მწამს, რომ სამწუხაროდ, ეს შეასუსტებს ამერიკელთა მიერ რუსეთზე ზეწოლას“, – თქვა ზელენსკიმ. შეგახსენებთ, რომ სტივ უიტკოფმა 22 მარტს ეთერში გასული ინტერვიუს დროს ტაკერ კარლსონს განუცხადა, რომ რუსეთ-უკრაინის ომში პრობლემური არის ოთხი რეგიონი, სადაც რეფერენდუმებით ხალხის აბსოლუტურმა უმრავლესობამ აჩვენა, რომ რუსეთის მმართველობა სურთ. „ტელეგრაფი“ წერს, რომ ზელენსკის ეს კომენტარი სავარაუდოდ ამ განცხადებასთანაც არის დაკავშირებული.

,,აშშ-მა და უკრაინამ ბუნებრივი რესურსების შესახებ შეთანხმებას შესაძლოა, მომდევნო კვირას მოაწერონ ხელი”, – ამის შესახებ აშშ-ის სახაზინო დეპარტამენტის ხელმძღვანელმა, სკოტ ბესენტმა Fox News-თან ინტერვიუში განაცხადა. მისი თქმით, პრეზიდენტი, დონალდ ტრამპი რუსეთის წინააღმდეგ სანქციების გამკაცრებას არ დააყოვნებს, თუ ამის აუცილებლობა დადგება. ,,ჩვენ გადავეცით ეკონომიკური პარტნიორობის დასრულებული დოკუმენტი, რომელიც ამჟამად განიხილება უკრაინელების მიერ და ვიმედოვნებთ, რომ სრულმასშტაბიან დისკუსიებზე გადავალთ და, შესაძლოა, მომავალ კვირაში ხელმოწერებიც მივიღოთ”, – თქვა ბესენტმა. შეგახსენებთ, რომ 24 მარტს, დონალდ ტრამპა განაცხადა, რომ უკრაინის კრიტიკულ მინერალებზე შეთანხმებას მალე მოეწერება ხელი.

უკრაინის პრეზიდენტმა, ვოლოდიმირ ზელენსკიმ Eurovision News-თან ინტერვიუში განაცხადა, რომ რუსეთს შავ ზღვაში სავაჭრო დერეფანზე კონტროლის ხელში ჩაგდება სურს. „დიდი ხანია არ აკონტროლებენ შავ ზღვაში დერეფანს. ჩვენ ამისთვის ვიბრძვით, რადგან ეს არის ომის დამთავრებისკენ გადადგმული ნაბიჯი. ჩვენ ვაკონტროლებთ სიტუაციას შავ ზღვაში“, – ამბობს ზელენსკი. მისი თქმით, რუსეთის ფედერაცია ცდილობს ხელში ჩაიგდოს კონტროლი სურსათის დერეფანზე, თუმცა უკრაინა ამას არ დაუშვებს. „ჩვენ ზოგადად მზად ვიყავით ცეცხლის სრული შეწყვეტისთვის. მათ მხოლოდ სურსათის დერეფნის კონტროლი სურთ, არ გამოუვათ, ამაში აბსოლუტურად დარწმუნებული ვართ“, – აღნიშნა ზელენსკიმ.

უკრაინის შეიარაღებული ძალების გენერალური შტაბის ცნობით, ,,ენგელსის“ აეროდრომზე უკრაინის შეიარაღებული ძალების მიერ განხორციელებული დარტყმის შედეგად რუსებმა საჰაერო ბაზირების 96 ფრთოსანი რაკეტა დაკარგეს. მათი განმარტებით, ეს მოხდა მეორადი დეტონაციის შედეგად. „აღნიშნული გამანადგურებელი საშუალებები განკუთვნილი იყო მიმდინარე წლის მარტ-აპრილში სამი სარაკეტო დარტყმის განსახორციელებლად“, – აცხადებენ გენშტაბში. მათივე ინფორმაციით, დარტყმების შედეგად საავიაციო საწვავის შესანახ ობიექტებზე განადგურდა მნიშვნელოვანი რეზერვები, რაც უარყოფითად აისახება რუსების უნარზე, მხარი დაუჭირონ საბრძოლო მოქმედებებს.