დღე: მარტი 26, 2025

უკრაინის პრეზიდენტი, ვოლოდიმირ ზელენსკი საფრანგეთში ჩავიდა. ის პრეზიდენტ ემანუელ მაკრონთან შეხვედრას გამართავს. ცნობისთვის, 25 მარტს საფრანგეთის პრეზიდენტის ადმინისტრაციამ დაადასტურა, რომ 26 მარტს საფრანგეთის პრეზიდენტი, ემანუელ მაკრონი უკრაინელ კოლეგა, ვოლოდიმირ ზელენსკის მიიღებს უსაფრთხოების სამიტამდე მოსამზადებლად, რომლის ჩატარებაც 27 მარტს იგეგმება. საუბარია “მსურველთა კოალიციის” სამიტზე, რომელიც ომის შემდგომი დარეგულირების უზრუნველყოფის საფუძველს ამზადებს და რომლის პირველი შეხვედრა მარტის დასაწყისში ლონდონში გაიმართა.

ევროკომისიის სპიკერმა, ანიტა ჰიპერმა განაცხადა, რომ სანქციების შეცვლის ან გაუქმების ერთ-ერთი მთავარი წინაპირობა რუსეთის სამხედრო ძალების უკრაინიდან უპირობო გასვლა იქნება. “უკრაინაში რუსეთის არაპროვოცირებული და უსამართლო აგრესიის დასრულება და რუსეთის ყველანაირი სამხედრო ძალის უპირობოდ გასვლა უკრაინის მთლიანი ტერიტორიიდან იქნება ერთ-ერთი მთავარი წინაპირობა სანქციების შესაცვლელად ან გასაუქმებლად… რუსეთმა ახლა მისი უკანონო და არაპროვოცირებული აგრესიული ომის დასასრულებლად გულწრფელი პოლიტიკური ნება უნდა აჩვენოს. გამოცდილება აჩვენებს, რომ რუსეთი მისი ქმედებებით უნდა განვსაჯოთ, არა მისი სიტყვებით” – განაცხადა ჰიპერმა.  

„ისრაელი დემოკრატიაა და დემოკრატიად დარჩება. დემოკრატია საფრთხეში არ არის. საფრთხეში ბიუროკრატების მმართველობაა. საფრთხე „დიფ სთეითს“ ემუქრება“, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ პარლამენტში სიტყვით გამოსვლისას განაცხადა. „ღაზაში ბრძოლა გრძელდება. რაც უფრო დიდხანს იტყვის „ჰამასი“ მძევლების გათავისუფლებაზე უარს, მით უფრო ძლიერი იქნება ჩვენი ზეწოლა. ეს ტერიტორიების დაკავებას მოიცავს და კიდევ ბევრ სხვა რამეს, რასაც ახლა აქ არ ჩამოვთვლი“, – აღნიშნა ნეთანიაჰუმ.

„არ უნდა დაგვავიწყდეს, რომ ჩვენი ალიანსისთვის ყველაზე მნიშვნელოვან საფრთხედ რუსეთი რჩება. არ უნდა დაგვავიწყდეს, რომ რუსეთი ომის ეკონომიკაზე გადადის და ეს მათ მიერ შეიარაღებული ძალების განვითარების უნარზე დიდ გავლენას მოახდენს“, – ამის შესახებ ნატო-ს გენერალურმა მდივანმა, მარკ რუტემ პოლონეთის პრემიერ-მინისტრთან, დონალდ ტუსკთან ერთად გამართულ პრესკონფერენციაზე განაცხადა. „რაც შეეხება პოლონეთისა და ნატო-ს ტერიტორიის დაცვას. თუ ვინმე ფიქრობს, რომ ეს შერჩება, იგი ალიანსის პასუხს მთელი ძალით მიიღებს. ჩვენი პასუხი გამანადგურებელი იქნება. ეს ვლადიმერ პუტინისთვის და ყველასთვის, ვისაც ჩვენზე თავდასხმა სურს, ნათელი უნდა იყოს“, – აღნიშნა ნატო-ს გენერალურმა მდივანმა.

უკრაინის პრეზიდენტმა, ვოლოდიმირ ზელენსკიმ ჟურნალ Time-თან ინტერვიუში განაცხადა, რომ მისი ქვეყნის ბიუჯეტს ჯარის დაფინანსება არ შეუძლია. ერთ-ერთი მიზეზი კი არის ის, რომ დღეს, ომის დროს უკრაინის არმია სამჯერ აღემატება ჯარს, რომელიც ქვეყანას ჰყავს მშვიდობიან პერიოდში. „უკრაინის ჯარს სჭირდება დასვენება, როტაცია, რეზერვები, ხელფასები. ვფიქრობ, ჯარი ყოველთვის იყო პატარა, ვიდრე ახლა. შესაბამისად, როცა არმია სამჯერ დიდია, ვიდრე იყო, მას დაფინანსება სჭირდება. უკრაინის ბიუჯეტი ამას არ ეყოფა. საჭიროა სხვა პროგრამებიც. ევროპამ ის უნდა დააფინანსოს. იდეალურ შემთხვევაში, ეს ევროპამ და ამერიკამ უნდა გააკეთოს. მაგრამ მოცემული გარემოებებიდან გამომდინარე, მე უფრო ევროპის იმედი მექნებოდა“, – თქვა…

„გერმანიას არც თუ ისეთი კარგი შობადობა აქვს, ამიტომაც მიგრანტები გვჭირდება. მათ გარეშე ჩვენი ქვეყანა მომავალში ვერ გადარჩება“, – განაცხადა გერმანიის საგარეო საქმეთა მინისტრის მოვალეობის შემსრულებელმა, ანალენა ბერბოკმა, სირიაში გერმანიის საელჩოს გახსნის დროს. მისი თქმით, გერმანია დაინტერესებულია გერმანული სკოლებისა და უნივერსიტეტების განვითარებით მსოფლიოს მასშტაბით, რადგან „გერმანული არ არის მარტივი ენა, და ჩვენ გვჭირდება ადამიანები, რომლებიც ამ ენაზე საუბრობენ“.

ღაზაში ,,ჰამასის” წინააღმდეგ დემონსტრაციები გაიმართა. ასობით ადამიანი ომის შეჩერებას ითხოვს. მედიის ცნობით, პროტესტის ეპიცენტრი ქალაქი ბეით ლაჰია, სადაც დემონსტრანტებმა ღაზის მოსახლეობას მიმართეს და სოლიდარობისკენ მოუწოდეს. კონფლიქტის ზონაში ისრაელის სამხედრო ოპერაცია გრძელდება. ,,ცაჰალის” იერიშებს 11 ადამიანი ემსხვერპლა, მათ შორის 5 ბავშვია.

„ჩვენ მგრძნობიარე პერიოდს გავდივართ. ჩვენ არ წამოვეგებით პროვოკაციებს და არ დავადგებით ბნელ გზას, რომელიც კატასტროფამდე მიგვიყვანს”, – თურქეთის პრეზიდენტმა, რეჯეფ თაიფ ერდოღანმა პოლიტიკური არეულობის დაუშვებლობის შესახებ ისაუბრა და ეროვნული ერთიანობისკენ მოუწოდა. ,,არ მოვტყუვდებით მშიშარა ადამიანების იაფფასიანი პოლიტიკით, რომლებიც ახალგაზრდებს ამოფარებულნი ცდილობენ საკუთარი დანაშაულების დაფარვას. ჩვენ არასდროს ვიქნებით მათი დადგმული სცენარების მონაწილეები. თუ იქნება უკანონობა, ჩვენ მათ კანონის ფარგლებში ვაგებინებთ პასუხს“, – განაცხადა ერდოღანმა. ერთიანობის მნიშვნელობაზე საუბრისას, ერდოღანმა ხაზგასმით აღნიშნა, რომ თურქეთი ყველა მის მოქალაქეს ეკუთვნის და ახალგაზრდებს მოუწოდა, სიფხიზლე შეინარჩუნონ იმ პირების წინააღმდეგ, ვინც ქაოსის გაღვივებას ცდილობს. მან ასევე დაგმო…

აშშ-ის პრეზიდენტმა, დონალდ ტრამპმა უკვე მოაწერა ხელი განკარგულებას, რომლის მიხედვითაც, ამომრჩეველთა მოქალაქეობის კონტროლი გამკაცრდება და უცხო ქვეყნის მოქალაქეებს კი არჩევნებში ჩარევა აეკრძალებათ. ტრამპმა რამდენიმე ფედერალურ სააგენტოს დაავალა ამომრჩეველთა რეგისტრაციის, ფოსტით ხმის მიცემისა და არჩევნებზე დაკვირვების პროცესის კონტროლის გამკაცრება. ამავე განკარგულებით გამკაცრდება წესები, რომლითაც ამომრჩეველთა მოქალაქეობას ამოწმებენ და ასევე, დამატებითი ზომები იქნება მიღებული არჩევნების შესაძლო გაყალბების საწინააღმდეგოდ. როგორც ამერიკული მედია წერს, აშშ-ის პრეზიდენტს არ შეუძლია ერთპიროვნული გადაწყვეტილებით აიძულოს ცალკეული შტატების ხელისუფლება, შეცვალოს საარჩევნო კანონმდებლობა, ამიტომ ტრამპი ფინანსური ზეწოლის განხორციელებას აპირებს. დოკუმენტის მიხედვით, შტატები, რომლებიც არ მიიღებენ ზომებს არჩევნების უსაფრთხოების უზრუნველსაყოფად ფედერალური…

რუსეთის პრეზიდენტის პრესმდივნის, დიმიტრი პესკოვის განცხადებით, ვლადიმერ პუტინის მიერ გაცემული ბრძანება, რომელიც კრძალავს უკრაინის ენერგოობიექტებზე თავდასხმებს 30-დღიანი მორატორიუმის ფარგლებში, ძალაშია. „პუტინის ბრძანება მორატორიუმთან დაკავშირებით კვლავ მოქმედებს და სრულდება ჩვენი შეიარაღებული ძალების მხრიდან“, – განაცხადა კრემლის წარმომადგენელმა ბრიფინგზე. რუსული მხარის განცხადებით, დროებითი მორატორიუმი 18 მარტიდან 30 დღის განმავლობაში მოქმედებს. უკრაინაში კი ამტკიცებენ, რომ რუსეთმა შეთანხმება იმავე დღეს უკვე დაარღვია.

,,ჩვენ ამჟამად კრემლის მიერ დაწესებულ ყველა პირობას განვიხილავთ, არის დაახლოებით ხუთი ან ექვსი პირობა”, – ამის შესახებ ამერიკის შეერთებული შტატების პრეზიდენტმა განაცხადა. ,,მიმდინარეობს ინტენსიური მუშაობა შავ ზღვაში სამხედრო დაპირისპირების შესამცირებლად. ჩვენ ამჟამად კრემლის მიერ დაწესებულ ყველა პირობას განვიხილავთ, არის დაახლოებით ხუთი ან ექვსი პირობა. ჩვენ ყველა მათგანს ვიკვლევთ. მოლაპარაკებებს ვაწარმოებთ რუსეთთან და უკრაინასთან. ეს მეტ-ნაკლებად კარგად მიმდინარეობს, თუმცა ეს ისეთი სიტუაციაა, რომლის შესახებაც არასოდეს უნდა გვეფიქრა. ომი არასდროს დაიწყებოდა მე რომ პრეზიდენტი ვყოფილიყავი. ჩვენ დიდ პროგრესს ვაღწევთ, ამის თქმა შემიძლია. მიმდინარეობს ძალიან დიდი და დეტალური მოლაპარაკებები ორივე ფრონტზე. მოლაპარაკებები რთული…

პრაიდის ღონისძიებების აკრძალვის წინააღმდეგ უნგრეთის დედაქალაქ ბუდაპეშტში მორიგი მასობრივი საპროტესტო აქცია გაიმართა. აქციაში დაახლოებით 2 000 ადამიანი იღებდა მონაწილეობას. დემონსტრანტები აცხადებდნენ, რომ აღნიშნული გადაწყვეტილება არღვევს მოქალაქეთა ფუნდამენტურ უფლებებს. შეგახსენებთ, უნგრეთის პარლამენტმა დღეს მხარი დაუჭირა კანონპროექტს პრაიდის ღონისძიებების აკრძალვის შესახებ. მმართველი პარტიის ამ ინიციატივას 136-მა დეპუტატმა დაუჭირა მხარი, 27-მა კი წინააღმდეგ მისცა ხმა. კანონი ითვალისწინებს პრაიდის აკრძალვას იმ მოტივით, რომ ის შეიძლება, ბავშვებისთვის საზიანოდ ჩაითვალოს.

უნგრეთის საგარეო საქმეთა მინისტრმა, პიტერ სიიარტომ სოციალურ ქსელში დაწერა, რომ ის მოსკოვში გაემგზავრა. მისი თქმით, მოსკოვში მოლაპარაკებების მთავარი თემები ენერგეტიკული უსაფრთხოება და ეკონომიკური ურთიერთობების გაძლიერება იქნება. სიიარტო მოსკოვში შეხვდება რუსეთის მთავრობის წარმომადგენლებს და აგრეთვე განიხილავს უკრაინის საკითხზე ამერიკა-რუსეთის მოლაპარაკებების მიმდინარეობას.

„გერმანიამ ქვეყანაში შესვლაზე დამატებითი აკრძალვები დაუწესა იმ ქართველ პირებს, რომლებსაც ჩვენ დემონსტრანტების წინააღმდეგ ადამიანის უფლებების დარღვევებზე პასუხისმგებლობას ვანიჭებთ“, – ამის შესახებ საქართველოში გერმანიის ელჩმა, პეტერ ფიშერმა ჟურნალისტებს განუცხადა. მისი თქმით, დასანქცირებული პირების ვინაობის გასაჯაროებას გერმანიაში მოქმედი პერსონალური მონაცემების დაცვის კანონები კრძალავს. „საქართველოს 2023 წლის დეკემბრიდან კანდიდატის სტატუსი აქვს. ევროკავშირმა ეს სტატუსი საქართველოს მიანიჭა, რაც ერთ-ერთი ყველაზე დიდი საჩუქარია, რომელიც ევროკავშირმა გაწევრიანებისთვის შეიძლება გასცეს. თქვენ ეს მოწვევა გაქვთ, მაგრამ გასული ივნისიდან საქართველოს კანდიდატის სტატუსის შესახებ მუშაობა შეჩერებულია, რადგან საქართველო, დაახლოების ნაცვლად, ევროკავშირს შორდება. ასე რომ, თქვენ კანდიდატის სტატუსი ჯერ კიდევ გაქვთ,…