დღე: მარტი 25, 2025

რუსეთში განაცხადეს, რომ „შავი ზღვის ინიციატივის“ აღდგენა მხოლოდ მას შემდეგ მოხდება, რაც დასავლეთი რუსული ბანკების წინააღმდეგ დაწესებულ სანქციებს მოხსნის. ამის შესახებ ნათქვამია ერ-რიადში აშშ-ისა და რუსეთის დელეგაციებს შორის გამართული მოლაპარაკებების შემდეგ კრემლის მიერ გავრცელებულ განცხადებაში. განცხადებაში ნათქვამია, რომ შეთანხმება ძალაში შევა შემდეგი პირობების დაკმაყოფილების შემდეგ: „სანქციების მოხსნა „როსსელხოზბანკისა“ და სხვა საფინანსო ორგანიზაციებისთვის, რომლებიც ჩართული არიან საკვებით (მათ შორის თევზის პროდუქტებით) და სასუქებით საერთაშორისო ვაჭრობის ოპერაციების უზრუნველყოფაში, მათი SWIFT-თან მიერთება, საჭირო საკორესპონდენტო ანგარიშების გახსნა; სავაჭრო დაფინანსების ოპერაციების შეზღუდვების მოხსნა; სანქციების მოხსნა საკვების (მათ შორის თევზის პროდუქტების) და სასუქების მწარმოებელი და ექსპორტიორი…

რუსეთი და უკრაინა აშშ-სთან შავ ზღვაში უსაფრთხო ნავიგაციის უზრუნველყოფაზე და ძალის არგამოყენებაზე შეთანხმდნენ. განცხადებებს თეთრი სახლი ავრცელებს. საუდის არაბეთში 23-25 მარტს გამართული შეხვედრების შედეგად, თეთრი სახლი ორივე ქვეყანასთან მიღწეულ შეთანხმებებზე ცალკე განცხადებებს აქვეყნებს. უკრაინასთან დაკავშირებულ განცხადებაში აღნიშნულია, რომ “შეერთებული შტატები ერთგული რჩება დახმარება გაწიოს ომის ტყვეების გაცვლის მისაღწევად, დაკავებული სამოქალაქო პირების გასათავისუფლებლად და იძულებით გადაადგილებული უკრაინელი ბავშვების დასაბრუნებლად”. რუსეთთან დაკავშირებულ განცხადებაში აღნიშნულია, რომ “შეერთებული შტატები დახმარებას გაწევს სასოფლო-სამეურნეო პროდუქციისა და სასუქის ექსპორტისთვის მსოფლიო ბაზრობაზე რუსეთის წვდომის აღდგენაში, საზღვაო სადაზღვევო ხარჯების დაწევაში, და მსგავსი ტრანზაქციებისთვის პორტებისა და საგადასახადო სისტემებისადმი წვდომის გაფართოებაში”. ასევე,…

ლიეტუვის პრეზიდენტს, გიტანას ნაუსედას იმედი აქვს, რომ ამერიკის შეერთებულ შტატებსა და ევროკავშირს შორის არსებული სავაჭრო ომი მალე მოლაპარაკებების გზით გადაწყდება. „არაერთხელ მითქვამს, რომ ამ ომში გამარჯვებულები არ არიან, მიუხედავად იმისა, თუ ვინ დაიწყო ის. ეს არაერთხელ გამოცადეს სხვადასხვა პერიოდში და ყოველთვის ერთი და იმავე შედეგით მთავრდებოდა“, – განაცხადა ნაუსედამ. ცნობისთვის, დღეს ვაშინგტონში ევროკავშირის სავაჭრო წარმომადგენლობის ხელმძღვანელი მაროშ შეფჩოვიჩი თავის ამერიკელ კოლეგებს, აშშ-ის ვაჭრობის მდივანს, ჰოვარდ ლუტნიკს და აშშ-ის სავაჭრო წარმომადგენელს, ჯეიმსონ გრიერს შეხვდება.

ბელარუსის დედაქალაქ მინსკში პრეზიდენტ ალექსანდრე ლუკაშენკოს ინაუგურაციის ცერემონია ჩატარდა. მან პრეზიდენტის რანგში ახალი ფიცი დადო. ბელარუსული მედიის ცნობით, ინაუგურაციის ცერემონია მინსკის დამოუკიდებლობის სასახლეში გაიმართა. ღონისძიებას ათასზე მეტი ადამიანი ესწრებოდა. ცნობისთვის, ბელარუსში 26 იანვარს საპრეზიდენტო არჩევნები გაიმართა. ქვეყნის ცესკოს თანახმად, არჩევნებში ლუკაშენკომ ხმათა 86,82% გაიმარჯვა. ლუკაშენკო ქვეყანას 1994 წლიდან მართავს.

ანკარის გუბერნატორის ადმინისტრაციამ მასობრივი აქციების, შეკრებებისა და მიტინგების ჩატარება 26 მარტიდან 1-ელ აპრილამდე აკრძალა. „მასობრივი შეკრებები დახურულ სივრცეებსა და ღია სივრცეებში, დემონსტრაციები, მსვლელობები, განცხადებები პრესისთვის, მჯდომარე გაფიცვები, ხელმოწერების შეგროვების კამპანიები, მსგავსი აქციები და ღონისძიებები, ასევე ფლაერების გავრცელება და ბანერების გამოფენა, 26 მარტის 00:00 საათიდან 1-ელი აპრილის 23:59 საათამდე აკრძალულია“, – ნათქვამია გუბერნატორის განცხადებაში. მანამდე ანკარის, სტამბოლისა და იზმირის ხელისუფლებამ მასობრივ მსვლელობები შეზღუდა. ცნობისთვის, სტამბოლის მერის და ერდოღანის მთავარი კონკურენტის, ექრემ იმამოღლუს დაპატიმრების გასაპროტესტებლად ასეულობით ათასი მოქალაქე თურქეთის სხვადასხვა ქალაქში აქციებს მართავს. აქტივისტები მარშებს მართავენ სტამბულში, ანტალიაში, იზმირსა და ანკარაში და…

რუსეთის საგარეო საქმეთა მინისტრის, სერგეი ლავროვის განცხადებით, ერ-რიადში გამართული მოლაპარაკებების დროს „შავი ზღვის ინიციატივა“ განიხილეს. მისი თქმით, რუსეთი შავი ზღვის ინიციატივის ყველასთვის უფრო მისაღები ფორმით განახლების მომხრეა და შეთანხმების განახლებისთვის რუსეთს მკაფიო გარანტიები სჭირდება. რუსეთის საგარეო საქმეთა სამინისტროს ხელმძღვანელმა, ასევე განაცხადა, რომ აშშ-სა და რუსეთის პრეზიდენტები მოლაპარაკებების შედეგებზე ინფორმირებულები არიან.

საფრანგეთის პრეზიდენტი ემანუელ მაკრონი 26 მარტს ელისეს სასახლეში უკრაინის პრეზიდენტს, ვოლოდიმირ ზელენსკის უმასპინძლებს. საფრანგეთის პრეზიდენტის პრესსამსახურის ცნობით, 26 მარტს „მსურველების კოალიციის“ სამიტია დაგეგმილი, რომლის მონაწილეებიც უკრაინისთვის უსაფრთხოების გარანტიებზე იმსჯელებენ. „სახელმწიფოს მეთაური პრეზიდენტ ზელენსკის კიდევ ერთხელ დაუდასტურებს, რომ უკრაინის სამხედრო და ფინანსური მხარდაჭერა საფრანგეთისთვის პრიორიტეტად რჩება“, – ნათქვამია ელისეს სასახლის განცხადებაში.  

უკრაინის საჰაერო ძალებმა რუსეთის ფედერაციის კურსკის ოლქში ოკუპანტების თავმოყრის ადგილს დაარტყეს და 30-ზე მეტი ჯარისკაცი გაანადგურეს. „უკრაინის შეიარაღებული ძალების საჰაერო ძალებმა წარმატებით დაარტყეს მოწინააღმდეგის ცოცხალი ძალის თავშეყრის ადგილს კურსკის ოლქში. დარტყმის შედეგად ობიექტი მთლიანად განადგურდა და 30-მდე ოკუპანტის ლიკვიდაცია განხორციელდა“, – აცხადებენ უკრაინის გენშტაბში. მათი განმარტებით, რუსული სამხედრო ინფრასტრუქტურის ამ ელემენტის განადგურება ამცირებს ოკუპანტების შესაძლებლობას განახორციელონ სამხედრო ოპერაციები უკრაინის სუმისა და კურსკის ოლქებში. „საჰაერო ძალების პილოტები, ისევე როგორც თავდაცვის ძალების სხვა კომპონენტები, გააგრძელებენ მტრისთვის დარტყმების მიყენებას მისი სამხედრო პოტენციალის შესუსტების მიზნით“, – აცხადებენ უკრაინის გენერალურ შტაბში.

საუდის არაბეთში აშშ-უკრაინის დელეგაციების შეხვედრა დასრულდა. ეს რიგით მეორე შეხვედრა იყო. Bloomberg-ის ცნობით, აშშ-ის და უკრაინის დელეგაციები შეხვედრაზე 30-დღიან ცეცხლის შეწყვეტას განიხილავდნენ, რომელიც ენერგეტიკის ობიექტებსა და შავ ზღვას ეხება. შეგახსენებთ, რომ გუშინ, საუდის არაბეთში აშშ-რუსეთის დელეგაციების შეხვედრაც გაიმართა. შეხვედრის შემდეგ გახდა ცნობილი, რომ მხარეები ერთობლივ განცხადებას დღეს, 25 მარტს გამოაქვეყნებდნენ. თუმცა, კრემლის პრესსპიკერმა, დმიტრი პესკოვმა განაცხადა, რომ მოლაპარაკებების შედეგები არ გამოქვეყნდება.

აშშ-ის პრეზიდენტმა, დონალდ ტრამპმა თეთრ სახლში გამართულ კაბინეტის შეხვედრაზე ჟურნალისტებს განუცხადა, რომ გრენლანდიაში აშშ-ის დელეგაციის ვიზიტი პროვოკაცია არ არის. „გრენლანდიიდან ბევრ ადამიანთან გვაქვს საქმე, რომელთაც სურთ, რომ რაღაც მოხდეს და ისინი სათანადოდ დაცულები იყვნენ და მათზე იზრუნონ. ვფიქრობ, გრენლანდია არის ის, რაც შეიძლება ჩვენს მომავალში იყოს. ისინი გვეძახიან და ჩვენ იქ დაგვპატიჟეს“, – განაცხადა ტრამპმა. შეგახსენებთ, რომ მიმდინარე კვირაში გრენლანდიას აშშ-ის დელეგაცია ეწვევა, რომელსაც ვიცე-პრეზიდენტ ჯეი დი ვენსის მეუღლე, უშა ვენსი უხელმძღვანელებს. ასევე, დელეგაციის შემადგენლობაში თეთრი სახლის მრჩეველი ეროვნული უსაფრთხოების საკითხებში, მაიკ უოლცი და ენერგეტიკის მინისტრი, კრის რაითი იქნებიან.

კრემლის პრესმდივნის, დმიტრი პესკოვის განცხადებით, მოსკოვსა და ვაშინგტონს შორის საუდის არაბეთში გამართული მოლაპარაკებების შედეგები არ გამოქვეყნდება. ,,ჩვენ ვსაუბრობთ ტექნიკურ მოლაპარაკებებზე. ეს არის მოლაპარაკებები დეტალებში ღრმად ჩაძიებით, ამიტომ ტექნიკური მოლაპარაკებების შინაარსი ნამდვილად არ გამოქვეყნდება, ამის მოლოდინი არ უნდა იყოს. კიდევ ერთხელ ვიმეორებ, ახლა ანალიზდება დედაქალაქში გაკეთებული ანგარიშები და მხოლოდ ამის შემდეგ იქნება შესაძლებელი გარკვეულ გაგებაზე საუბარი”, – პესკოვის კომენტარს ,,რია ნოვოსტი” ავრცელებს. მისი თქმით, კონტაქტები რუსეთსა და შეერთებულ შტატებს შორის გაგრძელდება, მაგრამ შემდგომი შეხვედრების შესახებ ჯერ არ არის დაკონკრეტებული. ასევე, მოსკოვის, კიევისა და ვაშინგტონის წარმომადგენლებს შორის მოლაპარაკების შესაძლებლობა ჯერ არ განიხილება.

საუდის არაბეთში, აშშ-უკრაინის დელეგაციების მორიგი შეხვედრა მიმდინარეობს. ინფორმაციას მედია უკრაინის დელეგაციაში არსებულ წყაროზე დაყრდნობით ავრცელებს. ,,ჩვენ ამერიკელებთან მუშაობას ვაგრძელებთ”, – თქვა უკრაინის დელეგაციის წევრმა. შეგახსენებთ, რომ გუშნ უკრაინულმა მედიამ დაწერა, რომ ვაშინგტონი და კიევი მოლაპარაკებების კიდევ ერთ რაუნდს გამართავდნენ მას შემდეგ, რაც აშშ-რუსეთის შეხვედრა შედგებოდა. მოგვიანებით ეს ინფორმაცია უკრაინის პრეზიდენტმა, ვოლოდიმირ ზელენსკიმაც დაადასტურა.