დღე: მარტი 24, 2025

“როგორც ჩანს, ტრამპი ერთადერთია, ვისიც პუტინს ეშინია” – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. ზელენსკიმ აღნიშნა, რომ სამშვიდობო მოლაპარაკებების დროს, ერთ მომენტში, როდესაც აშშ კრემლს სანქციებით დაემუქრა, იმ შემთხვევაში, თუ რუსეთი უკრაინაზე თავდასხმას გააგრძელებდა, რუსები ძალიან შეშინდნენ. უკრაინის პრეზიდენტის თქმით, იმედი აქვს, რომ დროთა განმავლობაში ტრამპი მიხვდება, რომ პუტინი არ არის სანდო და იმაზე უფრო სუსტია, ვიდრე ჩანს.

აშშ-ის პრეზიდენტმა, დონალდ ტრამპმა თეთრ სახლში გამართულ კაბინეტის შეხვედრაზე ჟურნალისტებს განუცხადა, რომ უკრაინასთან იშვიათი ლითონების შესახებ შეთანხმებას მალე გააფორმებს. „იშვიათი ლითონების შესახებ შეთანხმებას მივაღწიეთ. ხელს მალე მოვაწერთ. ახლა ტერიტორიების შესახებ ვსაუბრობთ. სადემარკაციო ხაზების შესახებ ვსაუბრობთ“ – განაცხადა დონალდ ტრამპმა.  

უკრაინის პრეზიდენტმა, ვოლოდიმირ ზელენსკიმ დაადასტურა, რომ აშშ-ის ვიცე-პრეზიდენტს, ჯეი დი ვენსს უკრაინაში ვიზიტის მიწვევა გაუგზავნა. როგორც მედია წერს, ზელენსკიმ ვენსს შესთავაზა, გადახედოს თავის გადაწყვეტილებას ომის პერიოდში უკრაინაში არჩასვლის შესახებ. 28 თებერვალს თეთრ სახლში გამართული შეხვედრის დროს ვოლოდიმირ ზელენსკიმ ვენსს მოუწოდა, ეწვიოს უკრაინას, რათა საკუთარი თვალით ნახოს, რა ხდება ქვეყანაში.

ქვეყნებს, რომლებიც ვენესუელისგან ნავთობს ყიდულობენ, აშშ 25%-იან ტარიფს დაუწესებს. როგორც დონალდ ტრამპი აცახდებს, ტარიფებს მრავალი მიზეზების გამო აწესებს. „აშშ ვენესუელის წინააღმდეგ ე.წ. მეორად ტარიფს დააწესებს, მრავალი მიზეზის გამო, მათ შორის იმის გამო, რომ ვენესუელამ აშშ-ში მიზანმიმართულად და მოტყუებით გაგზავნა ათიათასობით კრიმინალი, რომელთა უმეტესობა მკვლელია. ამასთან, ვენესუელა აშშ-ს და იმ თავისუფლებების მიმართ, რომელთაც ჩვენ მხარს ვუჭერთ, მტრულად არის განწყობილი. ამიტომ, ნებისმიერი ქვეყანა, რომელიც ვენესუელისგან ნავთობს ან გაზს ყიდულობს, იძულებული გახდება 25%-იანი ტარიფი გადაუხადოს აშშ-ს, ჩვენს ქვეყანასთან ნებისმიერი სახის ვაჭრობისას“ – წერს დონალდ ტრამპი. აშშ-ის პრეზიდენტის ცნობით, ვენესუელას წინააღმდეგ ტარიფები ძალაში 2…

უკრაინის პრემიერ-მინისტრი, დენის შმიგალი რუსული ძალების მიერ ქალაქ სუმზე განხორციელებულ სარაკეტო დარტყმას ეხმაურება. მისი განცხადებით, რუსეთს ტერორის გაგრძელება სურს. „უკრაინა მშვიდობისკენ ისწრაფვის, რუსეთი კი კიდევ ერთხელ აჩვენებს, რომ ტერორის გაგრძელება სურს. აგრესიის შეჩერების, სამართლიანობის უზრუნველყოფისა და უკრაინელების სიცოცხლის გადასარჩენად საერთაშორისო თანამეგობრობამ რუსეთზე ზეწოლა უნდა გააძლიეროს“ – წერს დენის შმიგალი X-ზე. შეგახსენებთ, დღეს რუსულმა ძალებმა ქალაქ სუმის ცენტრს დაარტყეს. ბოლო მონაცემებით, სარაკეტო იერიშის შედეგად, 74 ადამიანი დაშავდა, მათ შორის 13 ბავშვი.  

რუსებმა ქალაქ სუმს დაარტყეს, არიან დაშავებულები. ამის შესახებ ინფორმაციას უკრაინული მედია ავრცელებს. სუმის მერის, არტემ კობზარის განცხადებით, სარაკეტო დარტყმის შედეგად, 74 ადამიანი დაშავდა, მათ შორის 13 ბავშვია. „მტერმა სარაკეტო შეტევა ქალაქის ცენტრზე განახორციელა. ბავშვები თავშესაფარში იმყოფებოდნენ, ახლა მათი ევაკუაცია მიმდინარეობს, ყველა ცოცხალია“ – წერს ვლადიმერ არტიუხი „ტელეგრამის“ არხზე.  

უკრაინის პრეზიდენტმა, ვოლოდიმირ ზელენსკიმ განაცხადა, რომ აშშ-ს მიერ სამხედრო დახმარების შეჩერებას კურსკის ოლქში ოპერაციაზე გავლენა არ მოუხდენია. „ამას კავშირი არ ჰქონია. არასწორად არ გამიგოთ, მორალი ყოველთვის არის დამოკიდებული იმაზე, დგანან თუ არა თქვენი პარტნიორები თქვენს გვერდით, მაგრამ, ვერ ვიტყოდი, რომ პაუზამ კურსკის ოპერაციაზე გავლენა მოახდინა“ – განაცხადა ვოლოდიმირ ზელენსკიმ. მისი თქმით, ზოგიერთი ამერიკელი ოფიციალური პირი რუსეთის პრეზიდენტის სიტყვებს ენდობა, მაშინაც კი, როდესაც ამერიკული დაზვერვა პუტინის სიტყვებთან წინააღმდეგობაში მოდის.

,,თუ ამერიკაში არალეგალურად შესვლას აპირებთ, არც იფიქროთ ამაზე. გარკვევით ვაცხადებ, ჩვენს ქვეყანაში თუ შემოხვალთ და დაარღვევთ ჩვენს კანონებს, ჩვენ აუცილებლად გიპოვით. შეერთებულ შტატებში კრიმინალების ადგილი არ არის”, – ამის შესახებ აშშ-ის ეროვნული უსაფრთხოების მდივანმა, კრისტი ნოემმა ვიდეომიმართვაში განაცხადა. ,,სუსტმა ხელმძღვანელობამ ჩვენი საზღვრები ზედმეტად დიდხანს ღიად დატოვა. გადაავსო ჩვენი საზოგადოება ნარკოტიკებით, ადამიანებით მოვაჭრეებითა და მოძალადე კრიმინალებით. ეს დღეები წარსულში დარჩა. პრეზიდენტ ტრამპის ხელმძღვანელობით ჩვენ ვიცავთ ამერიკულ ოჯახებს და აღვადგენთ მათ უსაფრთხოებას. უკანონოდ შესვლას თუ შეეცდებით დაგიჭერენ, გაგიყვანენ და აღარასდროს დაბრუნდებით. ძლიერი საზღვრები ნიშნავს უფრო ძლიერ ამერიკას. პრეზიდენტი ტრამპი ამერიკას კვლავ უსაფრთხოს ხდის“,…

აშშ-ის პრეზიდენტის, დონალდ ტრამპის მრჩეველმა ეროვნული უსაფრთხოების საკითხებში მაიკ უოლცმა განაცხადა, რომ ამერიკის შეერთებული შტატების მიზანი ირანის ბირთვული პროგრამის სრული დემონტაჟია. მისი თქმით, ირანის ისლამურმა რესპუბლიკამ ბირთვული იარაღის შექმნის სურვილი მთელი მსოფლიოს დასანახად უნდა დათმოს. როგორც მან აღნიშნა, საკუთარი მარიონეტებით თეირანი რეგიონში ქაოსს იწვევს.

,,დონალდ ტრამპს არ აინტერესებს, რას გვიყვირიან ევროპელები, მისთვის ყველაზე მნიშვნელოვანია ის, რაც ამერიკის მოქალაქეების ინტერესებში შედის”, – ამის შესახებ აშშ-ის ვიცე-პრეზიდენტმა, ჯეი დი ვენსმა გრენლანდიაზე საუბრის დროს განაცხადა. „ჩვენ უნდა ვკითხოთ საკუთარ თავს, როგორ მოვაგვაროთ ეს პრობლემა ეროვნული უსაფრთხოების ინტერესებიდან გამომდინარე. ეს თუ ნიშნავს, რომ ჩვენ უფრო დიდი ტერიტორიული ინტერესი უნდა გვქონდეს გრენლანდიის მიმართ, მაშინ ეს არის ის, რასაც პრეზიდენტი ტრამპი გეგმავს. იმიტომ, რომ მას არ აინტერესებს, რას გვიყვირიან ევროპელები, მას აინტერესებს, პირველ ყოვლისა, რა არის ამერიკის მოქალაქეების ინტერესებში“, – აღნიშნა ჯეი დი ვენსმა. მისი თქმით, დანია, რომელიც ფლობს კუნძულ…

ევროკომისია მოუწოდებს თურქეთს, დაიცვას დემოკრატიული ღირებულებები როგორც ქვეყანამ, რომელიც ევროპის საბჭოს წევრი და ევროკავშირში გაწევრიანების კანდიდატია. „ჩვენ გვსურს, თურქეთი დარჩეს ევროპასთან დაკავშირებული, მაგრამ ეს მოითხოვს მკაფიო ვალდებულებას დემოკრატიული ნორმებისა და პრაქტიკის მიმართ“, – განუცხადა ჟურნალისტებს ევროკომისიის წარმომადგენელმა. შეგახსენებთ, რომ თურქეთში საპროტესტო აქციები მას შემდეგ დაიწყო, რაც სტამბოლის მერი, ოპოზიციონერი პოლიტიკოსი ეკრემ იმამოღლუ დააკავეს. თურქეთის შინაგან საქმეთა მინისტრის ცნობით, 19 მარტიდან 23 მარტამდე პერიოდში თურქეთში გამართული აქციების დროს 1 133 ადამიანი დააკავეს, მათ შორის არიან ჟურნალისტებიც. თურქეთის შინაგან საქმეთა სამინისტროს ინფორმაციით, აქციების დროს 123 პოლიციელი დაშავდა. ასევე, უწყება ავრცელებს ცნობებს, რომ…

ამერიკული და უკრაინული დელეგაციები მოლაპარაკებების კიდევ ერთ რაუნდს გამართავენ მას შემდეგ, რაც აშშ და რუსეთი დაასრულებენ თავიანთ შეხვედრას საუდის არაბეთში. არსებული ინფორმაციით, რუსეთისა და აშშ-ის წარმომადგენლების შეხვედრაზე განიხილავენ უკრაინასთან წინასწარ შეთანხმებულ ვერსიებს ცეცხლის შეწყვეტის შესახებ. განხილვის საგანი იქნება ენერგეტიკულ ობიექტებსა და სამოქალაქო ინფრასტრუქტურაზე თავდასხმების შეწყვეტა, ასევე შავ ზღვაზე შეტევების შეჩერება. ამ წუთებში, საუდის არაბეთში ამერიკულ და რუსულ დელეგაციებს შორის მოლაპარაკებები მიმდინარეობს. მანამდე კი, 23 მარტს ერ-რიადში ამერიკული და უკრაინული დელეგაციები შეხვდნენ ერთმანეთს.

,,ბრიუსელის საქართველოს შიდა საქმეებში ჩარევა ხდება იმის გამო, რომ მთავრობა არის მშვიდობის მომხრე. ბრიუსელის პოლიტიკის მიუხედავად, უნგრეთი საქართველოს სრულ მხარდაჭერას უცხადებს”, – ამის შესახებ უნგრეთის საგარეო საქმეთა მინისტრმა, პიტერ სიიარტომ საქართველოს საგარეო საქმეთა მინისტრ მაკა ბოჭორიშვილთან გამართულ ერთობლივ პრესკონფერენციაზე განაცხადა. „ბრიუსელის ჩარევა საქართველოს შიდა საქმეებში მიუღებელია. ეს ჩარევა იმის გამო ხდება, რომ საქართველოს მთავრობა არის მშვიდობის მომხრე და ძალიან სერიოზული მხარდაჭერა აქვს ჩვენგან. ჩვენ საქართველოს მთავრობას ვუცხადებთ სრულ მხარდაჭერას, ბრიუსელის პოლიტიკის მიუხედავად. ასევე, მიუღებელია უვიზო მიმოსვლის შეწყვეტა დიპლომატების მიმართ. ჩვენ ვეტო დავადეთ ამ მოსაზრებას და ასეც ვაპირებთ მომავალში. საქართველოს ჩვენი…

,,მივესალმებით იმ ფაქტს, რომ USAID-ის წყაროები და დაფინანსება შეწყვეტილია, ეს ფინანსური ნაკადი ქვეყნების შიდა პოლიტიკას აღარ არევს და აღარ მოხდება სუვერენიტეტის ხელყოფა”, – ამის შესახებ უნგრეთის საგარეო საქმეთა მინისტრმა, პიტერ სიიარტომ განაცხადა. „ჩვენ მოვუწოდებთ, მკაცრად იყოს გამოძიებული, ვინ იყვნენ პოლიტიკოსები, ჟურნალისტები, რომელთა საშუალებითაც, უცხოური ფინანსური წყაროების გამოყენებით ხდებოდა უცხოური ძალების ინტერესების გატარება ქვეყნებში. ძალიან ბევრი ადამიანი გამოთქვამს უკმაყოფილებას დაფინანსების შეწყვეტის გამო, მაგრამ აქ მთავარი ის არის, რომ ჩვენ, უნგრელები ვეწინააღმდეგებით ბრიუსელის პოლიტიკას. ეს დაფინანსება და შიდა ცხოვრებაში ჩარევა არის სუვერენიტეტის ხელყოფა, უცხოური ინტერესების განხორციელება სხვა ქვეყნებში. ევროკომისიის და ევროპის გადასახადის…

რუსეთის დელეგაციის წევრმა გრიგორი კარასინმა რუსულ მედიასთან სატელეფონო ინტერვიუში განაცხადა, რომ რუსეთისა და შეერთებული შტატების ექსპერტთა ჯგუფებს შორის ერ-რიადში მიმდინარე მოლაპარაკებებზე ყველაზე სერიოზული პრობლემები განიხილება. კითხვაზე, არის თუ არა მხარეებს შორის რაიმე ურთიერთგაგება, კარასინმა უპასუხა: „როგორ შეიძლება არ იყოს, თუ უკვე ამდენი ხანია, სამი საათია, ვსხედვართ და სერიოზულ პრობლემებზე ვსაუბრობთ. ასე რომ, ვაგრძელებთ ამ საუბარს“. ხოლო კითხვას, შესაძლებელია თუ არა რუსულ-ამერიკული შეხვედრები ექსპერტების დონეზე კიდევ გაიმართოს, კარასინმა განაცხადა, რომ ეს საკითხი მოგვიანებით დაიგეგმება. საუდის არაბეთში აშშ-სა და რუსეთის დელეგაციების შეხვედრა დაიწყო

რუსეთის პრეზიდენტის პრესსპიკერმა, დიმიტრი პესკოვმა განაცხადა, რომ საუდის არაბეთის დედაქალაქ ერ-რიადში რუსეთისა და აშშ-ის შორის მიმდინარე მოლაპარაკებების ერთ-ერთი მთავარი თემა შავი ზღვის ინიციატივის საკითხია. მისი თქმით, შავი ზღვის ინიციატივის განხილვის წინადადება აშშ-ის პრეზიდენტ დონალდ ტრამპისგან მიიღეს. ინიციატივის მიზანი კი შავ ზღვაში გემების უსაფრთხოების უზრუნველყოფაა. ,,რუსეთსა და შეერთებულ შტატებს აქვთ სურვილი, გადავიდნენ უკრაინის კონფლიქტის მშვიდობიანი მოგვარების გზაზე, მაგრამ ჯერ კიდევ ბევრი განსხვავებული ასპექტია დასამუშავებელი. საუბარია ქვეყნების სურვილზე და მზადყოფნაზე, გადავიდნენ მშვიდობიანი მოგვარების გზაზე – აქ ნამდვილად არის საერთო გაგება. ზოგადად, რა თქმა უნდა, ჯერ კიდევ ბევრი განსხვავებული ასპექტია დასამუშავებელი კონფლიქტის დარეგულირებასთან დაკავშირებით“,…