დღე: მარტი 21, 2025

,,დადგება მომენტი, როდესაც უნგრეთის პოზიცია უმრავლესობის შეხედულებად იქცევა”, – ამის შესახებ უნგრეთის პრემიერ-მინისტრმა, ვიქტორ ორბანმა Kossuth Radio-თან ინტერვიუში განაცხადა მას შემდეგ, რაც უნგრეთმა გუშინ გამართული ევროპული საბჭოს შეხვედრის შემდეგ უკრაინის მხარდამჭერ დოკუმენტს ხელი არ მოაწერა. „ყველა ხედავს, რომ ეს ომი წაგებულია. მასში გადახტომა ცუდი გადაწყვეტილება იყო”, – აღნიშნა ორბანმა. მისი თქმით, უნგრულმა ოჯახებმა ომის გამო 2.5 მილიონი უნგრული ფორინტი დაკარგეს, უფრო მდიდარმა ქვეყნებმა კი კიდევ უფრო მეტი.

,,მოხარული ვარ, მივესალმო ჩეხეთის რესპუბლიკის პრეზიდენტს პეტრ პაველს უკრაინაში. ჩვენ შევხვდით ქალაქ ოდესაში, რომელიც ყოველ ღამით რუსეთის მხრიდან ტერორს განიცდის”, – ამის შესახებ ვიცე-პრემიერი უკრაინის აღდგენის საკითხებში, თემებისა და ტერიტორიების განვითარების მინისტრი ოლექსი კულება äტელეგრამში“ წერს. ,,სწორედ ჩვენი შეხვედრის დროს რუსეთის ფედერაციამ ქალაქში ,,შაჰედების” სამი ჯგუფი გამოუშვა. მთელმა ცივილიზებულმა სამყარომ უნდა ნახოს რუსეთის დანაშაულები უკრაინის წინააღმდეგ”, – წერს კულება. მისი თქმით, მხარეებმა განიხილეს უკრაინაში გემების მიმოსვლის უსაფრთხოების, განაღმვის და რეკონსტრუქციის, ასევე საზოგადოების განვითარების ძირითადი საკითხები.

„მსურველთა კოალიციის“ სამიტი, რომელზეც უკრაინის საკითხზე იმსჯელებენ, მომავალი კვირის ხუთშაბათს პარიზში გაიმართება”, – ამის შესახებ საფრანგეთის პრეზიდენტმა, ემანუელ მაკრონმა ბრიუსელში, ევროპული საბჭოს შეხვედრის შემდეგ ისაუბრა. მისი თქმით, სამიტს უკრაინის პრეზიდენტი, ვოლოდიმირ ზელენსკიც დაესწრება. მაკრონმა კიდევ ერთხელ დაადასტურა, რომ მხარს უჭერს აშშ-უკრაინის წინადადებას 30-დღიანი ცეცხლის შეწყვეტის შესახებ.

ისრაელის მინისტრთა კაბინეტმა ერთხმად დაუჭირა მხარი პრემიერ-მინისტრ ბენიამინ ნეთანიაჰუს გადაწყვეტილებას უსაფრთხოების სამსახურის, შინ ბეთის ხელმძღვანელის რონენ ბარის თანამდებობიდან გადაყენების შესახებ. The Times of Israel-ის იცნობით, ნეთანიაჰუმ მინისტრთა კაბინეტის შეხვედრაზე განაცხადა, რომ ისრაელზე „ჰამასის“ მიერ 2023 წლის 7 ოქტომბერს განხორციელებული თავდასხმის შემდეგ მან რონენ ბარის მიმართ რწმენა დაკარგა. მედია წერს, რომ ეს იყო პირველი შემთხვევა ისრაელის ისტორიაში, როდესაც მთავრობამ შიდა უსაფრთხოების უწყების ხელმძღვანელი გაათავისუფლა.

,,ოპოზიციის მცდელობა შიდა დაპირისპირება, ან კანონთან დაკავშირებული პრობლემები, ქვეყნის უმნიშვნელოვანესი საკითხად წარმოაჩინოს, ფარისევლობის პიკია, ჩვენ არც პირადად, არც როგორც პარტიას და არც როგორც ალიანსს არ გვაქვს დრო ოპოზიციის შოუებისთვის”, – ამის შესახებ პრეზიდენტმა რეჯეფ თაიფ ერდოღანმა საკუთარი პარტიის წევრებთან, ყოფილ პარლამენტარებთან შეხვედრაზე ბოლო დროს ქვეყანაში მიმდინარე მოვლენებთან დაკავშირებით კომენტირებისას განაცხადა. „მათ წონასწორობა დაკარგეს იმ დონემდე, რომ თავს ესხმიან ჩვენს პოლიციას და ემუქრებიან მოსამართლეებს, პროკურორებს და სასამართლოებს. ოპოზიციური პარტია თავისი „რესპუბლიკური სახალხო პარტიით“, მედიით და სხვა სტრუქტურებით არასოდეს პასუხობს სასამართლო ხელისუფლების ბრალდებებს, იქნება ეს დიპლომის საკითხზე თუ კორუფციასა და ქურდობაზე. ვერ…

აშშ-ის პრეზიდენტმა, დონალდ ტრამპმა ხელი მოაწერა აღმასრულებელ ბრძანებას, რომელიც განათლების დეპარტამენტის დაშლის პროცესის დაწყებას ითვალისწინებს. ეს იყო მისი ერთ-ერთი წინასაარჩევნო დაპირება. ბრძანების „საგანმანათლებლო მიღწევების გაუმჯობესება მშობლების, შტატების და ადგილობრივი თემების უფლებების და შესაძლებლობების გაძლიერებით“ ხელმოწერის ცერემონია თეთრ სახლში გაიმართა, რომელსაც ესწრებოდნენ გუბერნატორები, სახელმწიფო განათლების წარმომადგენლები და სკოლის მოსწავლეები. ოვალურ კაბინეტში მოეწყო სკოლის კლასი, ტრამპისთვის ცალკე მერხით. ტრამპის თქმით, აშშ უფრო მეტ ფულს ხარჯავს განათლებაზე, ვიდრე მსოფლიოს ნებისმიერი სხვა ქვეყანა, თუმცა ამერიკელი მოსწავლეები „აკადემიური მოსწრებით ბოლოში არიან“. „მიუხედავად იმისა, რომ განათლების დეპარტამენტი არავის ასწავლის, ის ინარჩუნებს საზოგადოებასთან ურთიერთობის განყოფილებას, რომელშიც 80-ზე…

რუსეთის საჰაერო თავდაცვის სისტემებმა წუხელ 43 უკრაინული უპილოტო საფრენი აპარატი ჩამოაგდეს. რუსეთის თავდაცვის სამინისტროს ცნობით, ყველაზე მეტი – 34 დრონი – ვოლგოგრადის ოლქის თავზე ჩამოაგდეს, ოთხ-ოთხი დრონი როსტოვისა და კურსკის ოლქებში, ერთი კი – ბელგოროდის ოლქში.

დონალდ ტრამპის განცხადებით, უკრაინასთან ე.წ. მინერალების შესახებ შეთანხმებას ხელი მალე მოეწერება. თუმცა, კონკრეტული თარიღი აშშ-ის პრეზიდენტს არ დაუსახელებია. ,,ერთ-ერთი რასაც ჩვენ ვაკეთებთ არის ის, რომ ძალიან მალე მოვაწერთ ხელს ხელშეკრულებას უკრაინასთან იშვიათი მინერალების შესახებ. მათ აქვთ უზარმაზარი ღირებულება იშვიათი მინერალების თვალსაზრისით და ჩვენ ამას ვაფასებთ”, – განუცხადა ტრამპმა ჟურნალისტებს. შეგახსენებთ, რომ დოკუმენტი მზად იყო ხელმოწერისთვის, მაგრამ ცერემონია, რომელიც თეთრ სახლში უნდა გამართულიყო, ტრამპსა და უკრაინის პრეზიდენტ ვოლოდიმირ ზელენსკის შორის მომხდარმა საჯარო დაპირისპირებამ ჩაშალა.

თურქეთში, სტამბოლის მერის დაკავების შემდეგ დაწყებული პროტესტი გრძელდება. იზმირსა და სტამბოლში სტუდენტებსა და პოლიციას შორის შეტაკებებია. როგორც სოციალურ ქსელებში წერენ, სამართალდამცველები აქციის მონაწილეებს არბევენ. სტამბოლის მერი ექრემ იმამოღლუ 19 მარტს დააკავეს. მას კორუფციასთან და ტერორიზმთან სავარაუდო კავშირებს ედავებიან. სტამბოლის მერი დააკავეს

,,რუსეთის პრეზიდენტი, ვლადიმერ პუტინი დაარღვევს უკრაინასთან სამშვიდობო შეთანხმებას, თუ ის არ იქნება დაცული”, – განაცხადა დიდი ბრიტანეთის პრემიერმინისტრმა, კირ სტარმერმა ლონდონში, უმაღლესი სამხედრო ლიდერების შეხვედრის შემდეგ. როგორც მან აღნიშნა, რუსეთსა და უკრაინას შორის საბრძოლო მოქმედებების შეჩერების შესახებ ნებისმიერი შეთანხმება ხანგრძლივი იქნება მხოლოდ მაშინ, თუ იქნება უსაფრთხოების ისეთი შეთანხმება, რომელიც რუსეთს აჩვენებს, რომ მის დარღვევას, ,,მძიმე შედეგები მოჰყვება”.

პუტინმა ხელი მოაწერა ბრძანებას, რომელიც რუსეთში მცხოვრებ უკრაინელებს ავალდებულებს „მოაგვარონ თავიანთი სამართლებრივი სტატუსი“ 10 სექტემბრამდე, ან დატოვონ ქვეყანა. ,,უკრაინის მოქალაქეებმა, რომლებიც იმყოფებიან ქვეყანაში და რომლებსაც არ აქვთ რუსეთში ცხოვრების/დარჩენის კანონიერი საფუძველი, უნდა დატოვონ ქვეყანა დამოუკიდებლად ან მოაგვარონ თავიანთი სამართლებრივი სტატუსი მიმდინარე წლის 10 სექტემბრის ჩათვლით. მათ უნდა გაიარონ სამედიცინო გამოკვლევა და წარადგინონ შესაბამისი დოკუმენტები მიმდინარე წლის 10 ივნისამდე. სამედიცინო შემოწმება გულისხმობს ტესტირებას აივ ინფექციასა და ნარკოტიკების მოხმარებაზე”, – ნათქვამია პუტინის ბრძანებაში, რომელსაც მან ხელი დღეს მოაწერა. ბრძანება ეხება რუსეთის მიერ დროებით ოკუპირებული დონეცკის, ლუგანსკის, ხერსონისა და ზაპოროჟიეს ტერიტორიებზე მცხოვრებ მოქალაქეებსაც.

სუმის რეგიონში რუსეთის ავიაიერიშებს ორი ადამიანი ემსხვერპლა. რეგიონული პროკურატურის ცნობით, ხუთშაბათს, დაახლოებით 15:20 საათზე, ოკუპანტებმა მართვადი საჰაერო ბომბები ჩამოაგდეს სოფელ კრასნოპოლიეზე, რომლებიც ორსართულიან საცხოვრებელ კორპუსს დაეცა.  

,,ამ კვირაში საუდის არაბეთში უკრაინასა და რუსეთს შორის ე.წ. ირიბი მოლაპარაკებები გაიმართება”, – ამის შესახებ უკრაინაში აშშ-ის პრეზიდენტის დონალდ ტრამპის სპეციალურმა წარმომადგენელმა, გენერალმა კიტ კელოგმა განაცხადა. მისი თქმით, საუდის არაბეთში ტექნიკური ჯგუფები გაემგზავრებიან. მოლაპარაკებებზე იქნებიან უკრაინაც და რუსეთიც, მაგრამ ამერიკელი წარმომადგენლები მათთან სხვადასხვა ოთახებში იმუშავებენ. ,,ეს იქნება მოლაპარაკებები სიახლოვის პრინციპზე დაფუძნებული, ანუ ერთი ჯგუფი იქნება ერთ ოთახში, მეორე ჯგუფი მეორეში. ისინი დასხდებიან, ისაუბრებენ და მოლაპარაკებებში ჩაერთვებიან. ეს არის შატლის დიპლომატია ერთ სასტუმროში. შემდეგ კი გავარკვევთ, რა პოზიციებს იკავებენ მხარეები“, – განაცხადა კელოგმა.