დღე: მარტი 21, 2025

აშშ-ის პრეზიდენტმა, დონალდ ტრამპმა განაცხადა, რომ უკრაინაში ცეცხლის შეწყვეტასთან დაკავშირებით მოლაპარაკებები კარგად მიდის. მისივე ინფორმაციით, შემდეგი საკითხი იქნება შეთანხმება მიწების გაყოფაზე. „ცეცხლის შეწყვეტა გვექნება ბევრ მონაკვეთზე და ჯერჯერობით ყველაფერი კარგად მიდის. თქვენ იცით, მათ [უკრაინასა და რუსეთს] ბევრი იარაღი ჰქონდათ, რომელიც ერთმანეთისკენ ჰქონდათ მიმართული. ზოგიერთი ჯარისკაცი, სამწუხაროდ, სხვა ჯარისკაცების მიერაა ალყაში მოქცეული. ვაპირებთ, რომ ძალიან მალე გვქონდეს ცეცხლის სრული შეწყვეტა, ხოლო შემდეგ გვექნება შეთანხმება. მიმდინარეობს მოლაპარაკებები შეთანხმებაზე, შეთანხმება მიწების გაყოფაზე და ასე შემდეგ. სანამ ვსაუბრობთ, ეს განიხილება,” – განაცხადა ტრამპმ  

გერმანიის პარლამენტმა 2025 წლისთვის უკრაინისთვის კიდევ 3 მილიარდი ევროს ღირებულების სამხედრო დახმარება დაამტკიცა. აღნიშნული 3 მილიარდი ევრო გერმანიის მიერ უკრაინისთვის 2025 წლისთვის უკვე დაგეგმილ 4 მილიარდი ევროს ღირებულების სამხედრო დახმარებას დაემატება. 2026-2029 წლებისთვის გერმანიას უკრაინის დასახმარებლად დამატებითი კიდევ 8.3 მილიარდი ევრო აქვს გამოყოფილი. უკრაინისთვის დამატებითი სახსრების გამოყოფა გერმანიის თავდაცვის სამინისტრომ და საგარეო საქმეთა სამინისტრომ მოითხოვეს.

ვოლოდიმირ ზელენსკიმ განაცხადა, რომ უკრაინა არ განიხილავს გაეროს უცხოური კონტინგენტის ან უსაფრთხოების გარანტიების ალტერნატივად. „რაც შეეხება გაეროს, მთელი პატივისცემით – გაერო არ დაგვიცავს ოკუპაციისგან ან პუტინის სურვილიდან, კიდევ ერთხელ მოვიდეს. არ განვიხილავთ გაეროს [უცხოური] კონტინგენტის ან უსაფრთხოების გარანტიების ალტერნატივად. მხარს ვუჭერთ გონიერ, ლოგიკურ ურთიერთობებს გაეროსთან, წარმომადგენლებთან და გენერალურ მდივანთან, მაგრამ გაერო არ შეიძლება უსაფრთხოების გარანტიების ალტერნატივა იყოს“ – განაცხადა ზელენსკიმ. უკრაინის პრეზიდენტმა აღნიშნა, რომ პუტინის ომით დაბრუნების შემთხვევაში გაეროს თუ უკრაინის დაცვის არანაირი მანდატი არ ექნება, ჩნდება კითხვა – ექნება თუ არა ასეთი მანდატი უცხოურ კონტინგენტებს.

ევროკავშირის წევრმა ქვეყნებმა უკრაინის მხარდაჭერის ოფიციალური განცხადება მიიღეს, რომელსაც უნგრეთმა მხარი არ დაუჭირა. ბრიუსელში გამართულ სამიტზე შემუშავებულ ტექსტში წერია, რომ 26 ქვეყანა უკრაინის დამოუკიდებლობის, სუვერენიტეტისა და ტერიტორიული მთლიანობის ურყევ მხარდაჭერას განაგრძობს. ასევე, მზად არიან, რუსეთზე ზეწოლა გააძლიერონ. განცხადების გამოქვეყნებამდე, სამიტზე სიტყვით გამოვიდა ომში მყოფი ქვეყნის პრეზიდენტიც. ვოლოდიმირ ზელენსკის თქმით, ,,უბრალოდ, ანტიევროპულია, როდესაც ერთი ადამიანი ბლოკავს გადაწყვეტილებებს, რომელიც მნიშვნელოვანია მთელი კონტინენტისთვის”.

საფრანგეთის პრეზიდენტი, ემანუელ მაკრონი უკრაინაში ევროპული ჯარის გაგზავნის იდეას მხარს აღარ უჭერს და მის ალტერნატივად გაეროს მშვიდობისმყოფელების გაგზავნას განიხილავს. The Telegraph-ის ცნობით, მაკრონმა ეს საკითხი 20 მარტს გამართულ ევროკავშირის სამიტზე წამოწია, რომელსაც აგრეთვე გაეროს გენერალური მდივანი, ანტონიო გუტერეში ესწრებოდა. როგორც The Telegraph-ი იუწყება, ევროკავშირის ჯარის გაგზავნის იდეას უკვე დიდი ბრიტანეთის პრემიერ-მინისტრი, კირ სტარმერიც არ ემხრობა. ამის მაგივრად ის უკრაინას საჰაერო და საზღვაო დაცვას ჰპირდება. აღსანიშნავია, როგორც გამოცემა წერს, მარკონის გარდა უკრაინაში ევროკავშირის ჯარების გაგზავნის იდეას სკეპტიკურად სხვა ქვეყნებიც უყურებენ. პოლონეთის პრემიერ-მინისტრმა, დონალდ ტუსკმა რამდენიმე დღის წინ თქვა, რომ მისი ქვეყანა…

,,ჰამასმა” თელ-ავივის მიმართულებით, სამი რაკეტა გაუშვა. მედიის ცნობით, ეს დაჯგუფების მხრიდან ცეცხლის გახსნის პირველი შემთხვევაა, მას შემდეგ, რაც ისრაელმა ღაზაში სამხედრო ოპერაცია განაახლა. გავრცელებულ ინფორმაციას გამოეხმაურა ოფიციალური ისრაელი. სახელმწიფო უწყებების თქმით, მათ ერთი რაკეტა ჩამოაგდეს, ხოლო დანარჩენი დაუსახლებელ ტერიტორიაზე ჩამოვარდა.

კურსკის რეგიონში გაზის გამანაწილებელ სადგურზე აფეთქების შემდეგ ხანძარი გაჩნდა. რუსეთის საგამოძიებო კომიტეტის განცხადებით, უკრაინულმა შეიარაღებულმა ფორმირებებმა, რომლებიც უკანონოდ შევიდნენ რუსეთის ფედერაციის ტერიტორიაზე, განახორციელეს მიზანმიმართული აფეთქება სუჯის გაზის სადგურზე. განცხადება გაავრცელა უკრაინის არმიის გენერალურმა შტაბმაც, სადაც აღნიშნულია, რომ უკრაინის წინააღმდეგ რუსეთი დისკრედიტაციის კამპანიას აწარმოებს. მათი თქმით, რუსებმა სუჯის გაზის გამანაწილებელი სადგური თავად დაბომბეს.

უნგრეთის ევროკავშირის საქმეთა მინისტრის, იანოშ ბოკას განცხადებით, უნგრეთს სურს, უკრაინა რუსეთსა და ევროკავშირს შორის ბუფერული ზონა იყოს. მისი თქმით, დონალდ ტრამპის დაბრუნება თეთრ სახლში ნიშნავს იმას, რომ ევროკავშირმა უკრაინას აღარ უნდა დაუჭიროს მხარი იარაღით ან ფულით. ,,ბუდაპეშტი სკეპტიკურად უყურებს იმ საკითხს, რომ უკრაინის გაწევრიანება თავდაცვით ალიანსებში ევროპას მეტ უსაფრთხოებას მოუტანს. უკრაინას შეუძლია იყოს ბუფერული ზონა რუსეთსა და ევროკავშირს შორის, რაც ორივე მხარეს აწყობს. თუ აშშ და ევროკავშირი უკრაინაში რაღაცას რუსეთის პრეზიდენტის, ვლადიმერ პუტინის თანხმობის გარეშე გააკეთებენ, ეს კონფლიქტის მიზეზი გახდება”, – განაცხადა იანოშ ბოკამ.

The Financial Times-ის ცნობით, აშშ-ს უკრაინასთან მინერალების ახალ შეთანხმებაში ზაპოროჟიეს ატომური ელექტროსადგურის ჩართვაც სურს. როგორც გამოცემა წერს, ვაშინგტონის მიერ უკრაინის ელექტროსადგურების ეკონომიკური აქტივებით შესაძლო სარგებლობა უფრო ფართო ეკონომიკურ გარიგებაში ჩართვის შემთხვევაში იქნება შესაძლებელი. აშშ-ის პრეზიდენტს, დონალდ ტრამპს ძვირფასი მინერალების შესახებ შეთანხმებების გაფორმება მთელ მსოფლიოში სურს, თუმცა პრეზიდენტის განმარტებით, ყურადღების ცენტრში ამ ეტაპზე უკრაინაა.

აშშ-სა და უკრაინას შორის მოლაპარაკებების შემდეგი რაუნდი 24 მარტს გაიმართება, შეხვედრის ადგილი კვლავ საუდის არაბეთია. ,,ჩვენ ძალიან კარგად ვმუშაობთ უკრაინისა და რუსეთის საკითხებზე, ძალიან მალე ვაპირებთ უკრაინასთან გარიგების გაფორმებას იშვიათ წიაღისეულებთან დაკავშირებით, რომლებსაც უდიდესი ღირებულება გააჩნია. ამას ჩვენ ნამდვილად ვაფასებთ. ვისაუბრე პრეზიდენტ პუტინთან და პრეზიდენტ ზელენსკისთან. ჩვენი დიდი სურვილია, ეს ყველაფერი დასრულდეს და ვფიქრობ, ამ მხრივ საკმაოდ წარმატებულად ვმოქმედებთ. იმედი მაქვს, ყოველ კვირას ათასობით ადამიანის სიცოცხლეს გადავარჩენთ”, – განაცხადა ტრამპმა.

UFC-ის ყოფილი მებრძოლი, კონორ მაკგრეგორი ინსტაგრამზე წერს, რომ ირლანდიის 2025 წლის საპრეზიდენტო არჩევნებში მონაწილეობის მიღებას გეგმავს. პრეზიდენტად არჩევის შემთხვევაში, მან პირობა დადო, რომ ევროკავშირის მიგრაციის პაქტს ეროვნულ კენჭისყრაზე დააყენებს. „კიდევ ვინ გამოვა ხელისუფლებისა და ამ კანონპროექტის წინააღმდეგ? ნებისმიერ საპრეზიდენტო კანდიდატი, რომლის წარმოდგენასაც შეეცდებიან, მათ წინააღმდეგობას ვერ გაუწევს, მე კი გავუწევ. მეტი სიცხადისთვის, როგორც პრეზიდენტი, ამ კანონპროექტს რეფერენდუმზე დავაყენებ“, – აცხადებს მაკგრეგორი. ცნობისთვის, აშშ-ის პრეზიდენტმა ცოტა ხნის წინ მაკგრეგორს ერთ-ერთი „საყვარელი ირლანდიელი“ უწოდა.

უკრაინის პრეზიდენტის, ვოლოდიმირ ზელენსკის განცხადებით, უკრაინა ელოდება ევროპისა და ამერიკისგან რუსეთზე რეალურ ზეწოლას, რათა ,,შაჰადების“ ტერორი შეწყდეს. მისი თქმით, გუშინდელი დღის შემდეგ, რუსეთი უკრაინის რეგიონებს ორასზე მეტი უპილოტო აპარატით დაესხა თავს, ასევე გამოიყენა მართვადი ავიაბომბები. გავრცელებული ინფორმაციით, ოდესაზე განხორციელებული თავდასხმის შედეგად დაშავდა სამი ბავშვი, ასევე ხანძარი გაჩნდა სავაჭრო ცენტრში, მაღაზიებში, დაზიანდა მრავალსართულიანი შენობა. უკრაინის არმიის გენშტაბის ცნობით, ქვეყნის საჰაერო თავდაცვის სისტემამ რუსეთის მიერ გაშვებული 114 უპილოტო აპარატი გაანეიტრალა.

უკრაინის შეიარაღებული ძალების გენერალური შტაბი აცხადებს, რომ რუსეთმა, უკრაინის დისკრედიტაციის მიზნით, სუჯას გაზის სადგური დაბომბა და ამაში უკრაინის თავდაცვის ძალები არ მონაწილეობდნენ. ,,რუსეთის ფედერაცია აძლიერებს თავის დისკრედიტაციის კამპანიას უკრაინის წინააღმდეგ. მაგალითად, მტერმა დაადანაშაულა ჩვენი თავდაცვის ძალები სუჯას გაზის საზომი სადგურის დაბომბვაში. ეს ბრალდებები უსაფუძვლოა. მტერმა უკვე გააძლიერა დაგეგმილი დესტრუქციული საინფორმაციო ზემოქმედება მორიგი პროვოკაციით – დაბომბა ეს ობიექტი არტილერიით“, – ნათქვამია განცხადებაში. უკრაინის გენშტაბის ცნობით, ოკუპანტი ქვეყანა თავისივე დაგეგმილ და განხორციელებულ ქმედებას იყენებთ იმისთვის, რომ საერთაშორისო საზოგადოება შეცდომაში შეიყვანოს და უკრაინა აშშ-სთან დადებული შეთანხმების დარღვევაში დაადანაშაულოს. აფეთქება კურსკის ოლქში, სუჯაში, 21…

ლიეტუვის პრეზიდენტის, გიტანას ნაუსედას განცხადებით, მისი ქვეყანა უკრაინაში ცეცხლის შეწყვეტის შემდეგ მისიის ფარგლებში ჯარების გასაგზავნად მზად არის. „ჩემი ქვეყანა შესაბამისი მხარდაჭერისთვის მზად არის. ჩვენ ჩვენი სამხედროების კონკრეტულ რაოდენობაზე ვსაუბრობთ, მაგრამ ამ კოალიციაში შემავალმა ყველა ქვეყანამ ასეთი მხარდაჭერის აღმოსაჩენად პასუხისმგებლობა საკუთარ თავზე თავად უნდა აიღოს“, – თქვა ნაუსედამ. მისი თქმით, აშშ-ის პრეზიდენტს, დონალდ ტრამპს უკრაინაში სამწლიანი ომის დასრულება ნამდვილად სურს, თუმცა რუსეთის პრეზიდენტი, ვლადიმერ პუტინი მოლაპარაკებების იმიტაციას ახდენს და უკრაინულ ტერიტორიაზე თავდასხმებს აგრძელებს.

,,უკრაინამ ფასდაუდებელი დრო მოიპოვა პოლონეთისთვის და მთელი ევროპისთვის, მან აიღო აგრესორთან პირდაპირი დაპირისპირების ტვირთი”, – პოლონური მაუწყებელი RMF24-ის ინფორმაციით, ამის შესახებ პოლონეთის პრემიერ-მინისტრმა დონალდ ტუსკმა ბრიუსელში ევროსაბჭოს სხდომის შემდეგ გამართულ პრესკონფერენციაზე განაცხადა. მისი თქმით, უკრაინის სამხედრო ძალისხმევის წყალობით, რუსეთი ნატოსა და ევროკავშირის ქვეყნების წინააღმდეგ აგრესიული ქმედებებისთვის მოუმზადებელი აღმოჩნდა. ,,გავრცელებულია მოსაზრება, რომ უკრაინის სამხედრო ძალისხმევის გამო, რუსეთი არ იყო მზად ნატოსა და ევროკავშირის ქვეყნების წინააღმდეგ აგრესიული ქმედებებისთვის. უკრაინამ, მიუხედავად ომის შედეგისა, ფასდაუდებელი დრო მოიპოვა პოლონეთისთვის და მთელი ევროპისთვის. ამის გახსენება ღირს, როცა ხანდახან ვამბობთ, რომ დავიღალეთ, ძალიან ბევრი ლტოლვილია და უკრაინა…

უკრაინის პრეზიდენტის, ვოლოდიმირ ზელენსკის განცხადებით, აშშ-ის პრეზიდენტთან, დონალდ ტრამპთან საუბრისას ზაპოროჟიეს ატომური ელექტროსადგურის ამერიკისთვის გადაცემის საკითხი არ განუხილავს. საკითხზე ზელენსკიმ ნორვეგიაში, ქვეყნის პრემიერ-მინისტრთან პრესკონფერენციაზე ისაუბრა. ,,ღმერთმა ქნას, გუნდებმა შეთანხმებას მიაღწიონ. მოლაპარაკებებზე ტექნიკური ჯგუფებიც იქნებიან წარმოდგენილნი. ჩემი აზრით, გეგმა ასეთია: თავდაპირველად, გაიმართება შეხვედრა უკრაინასა და ამერიკას შორის, შემდეგ კი, როგორც ჩვენმა ამერიკელმა მეგობრებმა აღნიშნეს, დაიწყება ე.წ. მფრინავი შატლის დიპლომატია ამერიკა-რუსეთთან. შესაძლოა, რამდენიმე შეხვედრა ერთდროულად გაიმართოს. პრეზიდენტმა ტრამპმა მკითხა ჩემი ხედვის შესახებ ზაპოროჟიეს ატომურ ელექტროსადგურზე. ვუპასუხე, რომ მისი მუშაობა შეუძლებელია, თუკი ის უკრაინის მმართველობის ქვეშ არ დაბრუნდება. ეს კანონსაწინააღმდეგოა, ის ასე ვერ…