დღე: მარტი 17, 2025

თეთრი სახლის პრესსპიკერმა, კეროლაინ ლივიტმა ბრიფინგზე განაცხადა, რომ მშვიდობასთან ისე ახლოს არასდროს ყოფილან. ამ განცხადებით, მან უკრაინასა და რუსეთს შორის სამშვიდობო შეთანხმების შესახებ დასმულ შეკითხვას უპასუხა. „ჩვენ არასდროს ვყოფილვართ მშვიდობასთან ისე ახლოს, როგორც ამ მომენტში ვართ. პრეზიდენტს მტკიცედ აქვს გადაწყვეტილი, რომ დასახულ მიზანს მიაღწიოს“ – განაცხადა ლივიტმა. კეროლაინ ლივიტმა კიდევ ერთხელ დაადასტურა, რომ ხვალ აშშ-ისა და რუსეთის პრეზიდენტებს, დონალდ ტრამპსა და ვლადიმერ პუტინს შორის სატელეფონო საუბარი შედგება.

დიდი ბრიტანეთის საგარეო საქმეთა მინისტრი, დევიდ ლემი რუსეთის პრეზიდენტს აფრთხილებს. ლემი ამბობს, რომ ახლა ყურადღების ცენტრში პუტინია. „ახლა ყურადღების ცენტრში პუტინია. პუტინმა უნდა უპასუხოს, პუტინია ის, ვინც უნდა აირჩიოს – ბატონო პუტინ, მშვიდობის მიმართ სერიოზულად ხართ განწყობილი? შეაჩერებთ ბრძოლას თუ დროს გააჭიანურებთ, ცეცხლის შეწყვეტას მხარს მხოლოდ სიტყვებით დაუჭერთ და უკრაინის წინააღმდეგ სასტიკ დარტყმებს გააგრძელებთ? ბატონ პუტინს ვაფრთხილებ: თუ თქვენ სერიოზულად ხართ განწყობილი, დაამტკიცეთ ეს ცეცხლის სრული და უპირობო შეწყვეტით“- განაცხადა დევიდ ლემიმ. მისი თქმით, „დიდი შვიდეულის“ ქვეყნები უკრაინის მხარდასაჭერად გაერთიანებულები არიან. „თუ პუტინი თავის ვალდებულებებს არ შეასრულებს და მე ამის…

“ამიერიდან, „ჰუსიტების“ ყოველი გასროლა განიხილება, როგორც გასროლა ირანის ხელმძღვანელობისგან” – ამის შესახებ აშშ-ის პრეზიდენტი, დონალდ ტრამპი აცხადებს. ტრამპი ამბობს, რომ „ირანი „უდანაშაულო მსხვერპლის“ როლს თამაშობს, თითქოს „ჰუსიტებზე“ კონტროლი დაკარგეს. „არავინ მოტყუვდეს! „ჰუსიტების“ მიერ განხორციელებული ასობით თავდასხმა, იემენში დაფუძნებული ბოროტი განგსტერებისა და ავაზაკების მიერ, რომლებსაც იემენელი ხალხი სძულთ, ირანიდან მოდის და ირანში იქმნება. „ჰუსიტების“ ნებისმიერ შემდგომ თავდასხმასა და საპასუხო ნაბიჯს დიდი ძალა შეხვდება და არ არსებობს იმის გარანტია, რომ ეს ძალა იქ გაჩერდება“- წერს აშშ-ის პრეზიდენტი.

ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ბრიუსელში საგარეო საქმეთა საბჭოს შეხვედრის დასრულების შემდეგ განაცხადა, რომ რუსეთის ნდობა არ შეიძლება. „მაგიდის გარშემო ყველას ესმის, რომ რუსეთის ნდობა არ შეიძლება. ისინი ამ შესაძლებლობას ყველა სახის მოთხოვნის წამოსაყენებლად გამოიყენებენ“ – განაცხადა კალასმა. მისი თქმით, უკრაინისთვის 40 მილიარდი ევროს ღირებულების სამხედრო დახმარების გამოყოფის ინიციატივას ფართო პოლიტიკური მხარდაჭერა აქვს. „რა თქმა უნდა, ახლა საუბარი დეტალების შესახებ არის. ევროპული საბჭოს ბოლო სხდომაზე დასკვნა მივიღეთ, რომ ამ ინიციატივასთან დაკავშირებით წინ სწრაფად უნდა წავიწიოთ. მხარი უნდა დავუჭიროთ უკრაინას, რათა მან საკუთარი თავის დაცვა შეძლოს“, –…

აშშ-ის ხელისუფლებამ მიიღო გადაწყვეტილება დატოვოს საერთაშორისო საგამოძიებო ჯგუფი, რომელიც რუსეთის უკრაინაში შეჭრის საკითხს იძიებს. The New York Times-ის ინფორმაციით, ამერიკის იუსტიციის დეპარტამენტის თანამშრომლებმა ევროპელ კოლეგებს გადაწყვეტილება უკვე აცნობეს. ვაშინგტონი საკუთარ გადაწყვეტილებას დღეს ოფიციალურად გამოაცხადებს. როგორც სტატიაშია აღნიშნული, აშშ აღნიშნულ ჯგუფს 2023 წლის ნოემბერში ჯო ბაიდენის ადმინისტრაციის დროს შეუერთდა. ამერიკის მოქმედი პრეზიდენტის, დონალდ ტრამპის ადმინისტრაცია, თავის მხრივ, საკუთარ გადაწყვეტილებას სახელმწიფო ხარჯების გადანაწილებით ხსნის. გარდა ამისა, აშშ-ის იუსტიციის დეპარტამენტი უკრაინასთან რუსეთის მოქმედებების გამოძიების ფარგლებში თანამშრომლობას ამცირებს.

,,გერმანიამ მიიღო გადაწყვეტილება, 2025 წელს უკრაინის დახმარება 3 მილიარდი ევროთი გაზარდოს. ამის შესახებ გერმანიის საგარეო საქმეთა მინისტრმა, ანალენა ბერბოკმა ბრიუსელში, ევროკავშირის საგარეო საქმეთა საბჭოს სხდომის დაწყებამდე განაცხადა. ,,მნიშვნელოვანია, რომ უსაფრთხოებისა და ინფრასტრუქტურის ძირითადი კანონით გათვალისწინებული ინვესტიციების გარდა, ჩვენ საბოლოოდ გამოვყოფთ კიდევ 3 მილიარდ ევროს უკრაინის მხარდასაჭერად 2025 წელს. ეს ნიშნავს, რომ გერმანია გააგრძელებს უკრაინისთვის 7 მილიარდი ევროს მიწოდებას, როგორც ეს გასულ წელს გააკეთა”, – განაცხადა ბერბოკმა. მისი თქმით, სამშაბათს, 18 მარტს, გერმანიის კონსტიტუციაში განხორციელდება ცვლილება, რომელიც ქვეყანას საშუალებას მისცემს მნიშვნელოვნად გაზარდოს ვალის მოცულობა თავდაცვის დასაფინანსებლად და ,,უკრაინას უფრო მეტ მხარდაჭერას…

,,ნებისმიერ სამშვიდობო შეთანხმებაში მოსკოვი მოითხოვს რკინაბეტონის გარანტიებს, რაც გულისხმობს უკრაინის ნეიტრალურ სტატუსს და მის ნატო-ში მიღებაზე უარის თქმას”, – ამის შესახებ რუსეთის საგარეო საქმეთა მინისტრმა, ალექსანდრ გრუშკომ გამოცემა „იზვესტიასთან“ ინტერვიუში განაცხადა. „თუ ვისაუბრებთ უკრაინაში კონფლიქტის მშვიდობიან დარეგულირებაზე, მაშინ, რა თქმა უნდა, მას ექნება გარე კონტური. ჩვენ მოვითხოვთ, რომ ამ შეთანხმების ნაწილი გახდეს უსაფრთხოების რკინაბეტონის გარანტიები. რადგან მხოლოდ მათი ჩამოყალიბებით შესაძლებელი იქნება უკრაინაში მდგრადი მშვიდობის მიღწევა და ზოგადად რეგიონული უსაფრთხოების გამყარება. ამ გარანტიების ნაწილი უნდა გახდეს უკრაინის ნეიტრალური სტატუსი, ნატო-ს ქვეყნების უარი, მიიღონ ის ალიანსის წევრად. სწორედ ეს დებულება იყო დაფიქსირებული…

უკრაინის პრეზიდენტმა, ვოლოდიმირ ზელენსკიმ შეიარაღებული ძალების გენერალური შტაბის უფროსად გენერალ-მაიორი ანდრიი გნატოვი დანიშნა. შესაბამისი ბრძანება პრეზიდენტის ადმინისტრაციის ვებ-გვერდზეა გამოქვეყნებული. გავრცელებული ინფორმაციით, გნატოვს 27-წლიანი სამხედრო გამოცდილება აქვს. ის საზღვაო ქვეითთა ბრიგადას, ოპერატიული სარდლობის აღმოსავლეთის ჯარებს და უკრაინის შეიარაღებული ძალების გაერთიანებულ ძალებს მეთაურობდა. გნატოვმა ამ თანამდებობაზე ანატოლი ბარგილევიჩი ჩაანაცვლა.

BBC-ის ინფორმაციით, კანადის ახალი პრემიერ-მინისტრი, მარკ კარნი საფრანგეთში ჩავიდა, სადაც ქვეყნის პრეზიდენტს, ემანუელ მაკრონს შეხვდა. „ჩვენ ორივე მხარს ვუჭერთ მხარს სუვერენიტეტსა და უსაფრთხოებას, ეს გამოიხატება უკრაინისადმი ჩვენი ურყევი მხარდაჭერით“, – განაცხადა კარნიმ ემანუელ მაკრონთან ერთობლივ პრესკონფერენციაზე. მაკრონის თქმით, საფრანგეთი და კანადა „მშვიდობის ძალები“ არიან და უკრაინის გვერდით დგომას გააგრძელებენ. მარკ კარნი საფრანგეთის შემდეგ გაერთიანებულ სამეფოს ეწვევა.

აშშ-ს პრეზიდენტის, დონალდ ტრამპის თქმით, ექსპრეზიდენტ ჯო ბაიდენის მიერ თეთრი სახლის დატოვებამდე გამოცემული შეწყალებები ძალადაკარგულია, რადგან მათზე არათუ პრეზიდენტის უშუალო ხელმოწერა არ არის დატანილი, ჯო ბაიდენს საერთოდ წარმოდგენა არ აქვს ამ დოკუმენტებზე. ტრამპის თქმით, დოკუმენტები ბაიდენის ადმინისტრაციის თანამშრომლების მიერ ავტომატური ფაქსიმილეთია დამოწმებული და ამის გამო, აღნიშნული პირების მიმართ გამოძიება დაიწყება.

სერბეთის პრეზიდენტი ალექსანდრ ვუჩიჩი ამბობს, რომ ქვეყანაში „მაიდნის“ გამეორება არ მოხდება. ის საპროტესტო აქციების ორგანიზატორებს მის წინააღმდეგ სიცრუეში ადანაშაულებს. სერბეთის პრეზიდენტის თქმით, 15 მარტის საპროტესტო აქციების დროს მთავრობის მოწინააღმდეგეებმა განაცხადეს, რომ ქვეყანაში ინტერნეტი დაიხშობა, სოციალური ქსელები არ იარსებებს, რადგან ამას დიქტატორები აკეთებენ. ვუჩიჩმა აღნიშნა, რომ ისინი იტყუებიან. „შემდეგ მოიფიქრეს ამბავი ხმოვან ქვემეხზე, იპოვეს ეს ხმოვანი ქვემეხი და აჩვენეს, აჩვენეს ჯარისკაცის ხელში, „კობრას“ წევრის ხელში, ეს არ არის ხმის ქვემეხი, ჩვეულებრივი შაშხანაა, რადგან ჯარს და „კობრას“ საერთოდ არ აქვს ხმოვანი ქვემეხი“, – განაცხადა ვუჩიჩმა. მისი თქმით, სწორედ ასე კეთდებოდა მაიდნის დროს.

,,ამერიკის ეკონომიკას ზიანი „დიფ სთეითმა“ მიაყენა”, – ამის შესახებ ამერიკის შეერთებული შტატების ენერგეტიკის მდივნმა, კრის რაითმა განაცხადა. „დროა ენერგეტიკის სექტორშიც დავაბრუნოთ საღი აზრი და ვიფიქროთ ამერიკელი ხალხის ინტერესებზე. კონგრესი უნდა ჩაერთოს. უნდა შევცვალოთ კანონები და ზოგიერთ ბრძანებას მივცეთ სავალდებულო ფორმა. ამერიკის ეკონომიკას რეალურად უდიდესი და დამღუპველი ზიანი მიაყენა „დიფ სთეითმა“. „დიფ სთეითის“ გავლენები ჩვენ ეკონომიკაზე ჯერ კიდევ ობამას პირველი საპრეზიდენტო ვადის დროს დაიწყო და აუცილებელია ამის აღმოფხვრა“, – განაცხადა რაითმა.

საფრანგეთის პრეზიდენტი ემანუელ მაკრონი ევროპული ქვეყნების ლიდერებს იარაღის ყიდვას ამერიკის ნაცვლად ევროპაში სთავაზობს. ინფორმაციას Politico ავრცელებს. „ვაპირებ წავიდე და დავარწმუნო ევროპული ქვეყნები, რომლებიც ამერიკული იარაღის შესყიდვას მიეჩვივნენ. მათ, ვინც Patriot-ს ყიდულობს, ახალი თაობის ფრანგულ-იტალიური საზენიტო-სარაკეტო კომპლექსი SAMP/T უნდა შევთავაზოთ. მათ, ვინც F-35-ს ყიდულობს, Rafale უნდა შევთავაზოთ. ეს წარმოების ტემპების ზრდის საშუალებაა“, – ციტირებს გამოცემა მაკრონს.

,,სამშვიდობო მოლაპარაკებებში უკრაინისთვის უცვლელი დარჩება სამი ფუნდამენტური საკითხი, რომელიც „წითელი ხაზია“ და არ ექვემდებარება განხილვას”, – განაცხადა უკრაინის საგარეო საქმეთა მინისტრმა ანდრეი სიბიგამ. ,,პირველი – უკრაინის ტერიტორიული მთლიანობა და სუვერენიტეტი – უკრაინა არასოდეს აღიარებს ოკუპირებულ ტერიტორიებს. მეორე – არცერთ ქვეყანას არ აქვს ვეტოს უფლება უკრაინელი ხალხის არჩევანზე ნატოსა და ევროკავშირში გაწევრიანებაზე; მესამე – ჯარის თავდაცვისუნარიანობისა და შესაძლებლობების შეზღუდვა, რაზეც უკრაინა არ დათანხმდება”, – აღნიშნა სიბიგამ და განმარტა, რომ უკრაინის ყველა პარტნიორმა იცის ამ ფუნდამენტური საკითხების შესახებ.