დღე: მარტი 16, 2025

პარლამენტთან საპროტესტო აქცია მიმდინარეობს. მოქალაქეებმა დედაქალაქის მთავარი გამზირი გადაკეტეს. უკვე 109-ე დღეა დედაქალაქში საპროტესტო აქციები უწყვეტად იმართება. აქციის მონაწილეების მოთხოვნა უცვლელია – ახალი არჩევნების დანიშვნა და აქციების დროს დაკავებულების გათავისუფლება.

მარტვილში, ერთ-ერთ ფერდობზე ხანძარია. არსებული ინფორმაციით, ცეცხლი ეკალ-ბარდს უკიდია. ადგილზე მეხანძრე-მაშველები იმყოფებიან და მიმდინარეობს ცეცხლის ლიკვიდაციის სამუშაოები.

შინაგან საქმეთა სამინისტროს თანამშრომლებმა, ჩატარებული 2006 წელს დაბადებული ლ.გ. განზრახ მკვლელობის ბრალდებით დააკავეს. დანაშაული 15 წლამდე ვადით თავისუფლების აღკვეთას ითვალისწინებს. ინფორმაციას შს სამინისტრო ავრცელებს. „გამოძიებით დადგინდა, რომ ბრალდებულმა თბილისში, ერთ-ერთი ბარის მიმდებარე ტერიტორიაზე, ცივი იარაღით 2004 წელს დაბადებული გ.ა. დაჭრა და შემთხვევის ადგილიდან მიიმალა. დაჭრილი ახალგაზრდა სამედიცინო დაწესებულებაში გადაიყვანეს, თუმცა მისი გადარჩენა ვერ მოხერხდა. სამართალდამცველებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ლ.გ., მომხდარიდან რამდენიმე საათში, თბილისში დააკავეს. განზრახ მკვლელობის ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს“- აცხადებენ უწყებაში. “ბარში დაწყებული კონფლიქტი”- ახალი დეტალები 21 წლის ბიჭის მკვლელობაზე

ქედის მუნიციპალიტეტის სოფელ გობრონეთში ავტოსაგზაო შემთხვევის შედეგად ერთი ადამიანი ადგილზე დაიღუპა, ოთხი კი დაშავდა. ერთმანეთს ორი მიკროავტობუსი შეეჯახა. დაშავებულები ქედის მუნიციპალიტეტის კლინიკაში არიან გადაყვანილი. ადგილზე სამართალდამცავები იმყოფებიან.

კანონში შესატანი ცვლილებების მიხედვით, ნარკომოვაჭრის ქონება ჩამორთმევას ექვემდებარება. ეს მუხლი ასევე ვრცელდება ე.წ. კანონიერი ქურდებისა და რეკეტულ ქონებებზეც. განმარტებითი ბარათის მიხედვით, ნარკოდანაშაულთა ბრძოლა სახელმწიფოს პრიორიტეტს წარმოადგეს, რადგან “ნარკოდანაშაული თავისი ბუნებით ხელყოფს საზოგადოების ფუნდამენტურ ღირებულებებს, აფერხებს მომავალი თაობის ჯანსაღ გარემოში აღზრდა-განვითარებას, აგრეთვე – ეკონომიკურ, საზოგადოებრივ, სოციალურ, კულტურულ და პოლიტიკურ განვითარებას”. 10 მარტს „ქართულმა ოცნებამ“ ქვეყანაში ნარკოპოლიტიკის გამკაცრება და მთელი რიგი საკანონმდებლო ცვლილებები დააანონსა. პარლამენტის ვებ-გვერდზე გამოქვეყნებული კანონპროექტის მიხედვით, ცვლილებები რამდენიმე კანონში შევა, მათ შორის სისხლის სამართლისა და ადმინისტრაციულ სამართალდარღვევათა კოდექსებში, ორგანიზებული დანაშაულისა და რეკეტის შესახებ საქართველოს კანონში და სხვა.

დმანისში ავტოსაგზაო შემთხვევას ორი ახალგაზრდა ემსხვერპლა. ინფორმაციაში დმანისის მერია  ავრცელებს. სხვა დეტალები უცნობია. ,,გულითადად ვწუხვართ დმანისის მუნიციპალიტეტში მომხდარი ტრაგიკული ავარიის გამო, რომელმაც ორი ახალგაზრდა ადამიანის სიცოცხლე იმსხვერპლა. მოცემული ვითარებიდან გამომდინარე, მივიღეთ გადაწყვეტილება, გავაუქმოთ ნოვრუზ ბაირამის ღონისძიება”- წერია ინფორმაციაში.

გამთენიისას, თბილისში მომხდარი მკვლელობის შესახებ გარკვეული დეტალები ხდება ცნობილი. როგორც გარდაცვლილის მეგობრები აცხადებენ, 21 წლის ახალგაზრდას სასიკვდილო ჭრილობა გულის არეში ჰქონდა მიყენებული. გიორგი ახალაიას სასიკვდილო ჭრილობა ბარ “სახელოსნოს” მიმდებარე ტერიტორიაზე მიაყენეს. კონფლიქტი ბარში დაიწყო და გარეთ გაგრძელდა. დაჭრილი კლინიკაში გადაიყვანეს, თუმცა მისი გადარჩენა ვერ მოხერხდა. რა გახდა მკვლელობის მოტივი, ამ ეტაპზე უცნობია. მოკლულ სპორტსმენს დღეს დაბადების დღე ჰქონდა. “ჩემი გიორგი მომიკლეს”- თბილისში მოკლული ახალგაზრდა ბიჭის ვინაობა ცნობილია

სინოპტიკოსების პროგნოზით, 17 მარტიდან დასავლეთ საქართველოში, ხოლო 19-20 მარტს ქვეყნის ტერიტორიის უმეტეს ნაწილზე მოსალოდნელია წვიმა, ხოლო მაღალ მთაში თოვლი, შესაძლებელია ძლიერი. როგორც გარემოს ეროვნული სააგენტოს მიერ გავრცელებულ ინფორმაციაშია აღნიშნული, სანაპირო რაიონებში შესაძლებელია ქარის გაძლიერება და ზღვაზე 4-5 ბალიანი შტორმი. „17 მარტის დღის ბოლოდან დასავლეთ საქართველოში, ხოლო 19-20 მარტს ქვეყნის ტერიტორიის უმეტეს ნაწილზე მოსალოდნელია წვიმა, მაღალ მთაში ზოგან თოვლი, შესაძლებელია ძლიერი. სანაპირო რაიონებში შესაძლებელია ქარის გაძლიერება და ზღვაზე 4 – 5 ბალიანი შტორმი. საქართველოს მთიან რეგიონებში ჰაერის მაღალი ტემპერატურით გამოწვეულმა თოვლის დნობამ და თანდართულმა ინტენსიურმა წვიმებმა შესაძლებელია მდინარეებზე წყლის დონეების მნიშვნელოვანი…

როგორც ირკვევა თბილისში მოკლული 21 წლის ახალგაზრდა, გიორგი ახალაია. ის ხობის მუნიციპალიტეტის სოფელ საჯიჯაოდან იყო. “ეს საშინელი ამბავი ახლა გავიგეთ. თავზარდაცემულები ვართ. დეტალები ამ დრომდე არ ვიცით, ჯერ ჩამოსვენებული არ არის სოფელში. აქ ჰყავს მშობლები. მათ გვიან შექმნეს ოჯახი და ეს ერთადერთი შვილი ჰყავდათ. ხარობდნენ მისი წარმატებებით”- ამბობს ახლობელი. გავრცელებული ინფორმაციის თანახმად. გიორგი ერთ-ერთ კაზინოში დაცვად მუშობდა. “ჩემი გიორგი მომიკლეს, ჩემი იუბილარი ბიჭი აღარ მყააავს, ჩემი ჩემპიონიიი” – წერს ნათესავი.

არსებული ინფორმაციით, თბილისში 21 წლის ბიჭი მოკლეს. მას  სასიკვდილო ჭრილობა გვიან ღამით მიაყენეს. რა გახდა მკვლელობის მოტივი, ამ ეტაპზე უცნობია. მომხდარზე გამოძიება სსკ-ის 108-ე, განზრახ მკვლელობის მუხლით დაიწყო და ყველა შესაბამისი მოქმედება ტარდება.

იმერეთის პოლიციამ ნარკოდანაშაულის ბრალდებით 2 ადამიანი დააკავა. შს სამინისტროს ინფორმაციით, წინასწარი შეთანხმებით ჯგუფის მიერ ნარკოტიკული საშუალება „მარიხუანას“ შეძენა, შენახვის და გასაღების მცდელობის ბრალდებით დაკავებული არიან წარსულში ნასამართლევი პირები: 2002 წელს დაბადებული ი.ა. და 2002 წელს დაბადებული მ.კ.. დანაშაული 8 წლამდე ვადით თავისუფლების აღკვეთას ითვალისწინებს. სამართალდამცველებმა ნარკოდანაშაულის ბრალდებით დაკავებული პირების პირადი, ასევე, მათ მიერ მითითებული ლოკაციებიდან შემდგომი რეალიზაციის მიზნით განთავსებული ნარკოტიკული საშუალება „ გამომშრალი მარიხუანა“ ნივთმტკიცებად ამოიღეს. გამოძიება საქართველოს სისხლის სამართლის კოდექსის 273-ე პრიმა და 19-273-ე პრიმა მუხლებით მიმდინარეობს.

16 მარტის ღამეს მეტეხის ხიდიდან კიდევ ერთი მანქანა გადავარდა. მძღოლი მდინარიდან მოქალაქეებმა და მაშველებმა ამოიყვანეს. მომხდარზე გამოძიება დაწყებულია სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ბოლო დღესსბის განმავლობაში, ამ ხიდიდან უკვე მესამე მანქანა გადავარდა. მეტეხის ხიდიდან მანქანა გადავარდა 11 მარტსაც. მაშველებმა და მოქალაქეებმა მძღოლის გადარჩენა შეძლეს.