დღე: მარტი 15, 2025

გერმანიის კანცლერი, ოლაფ შოლცი აცხადებს, რომ უკრაინას სამართლიანი და მყარი მშვიდობა სჭირდება. “უკრაინას სამართლიანი და მყარი მშვიდობა სჭირდება. ევროპელ და საერთაშორისო პარტნიორებთან ერთად გავაგრძელებთ მხარდაჭერას. მადლობა კირ სტარმერს დღევანდელი შეხვედრისთვის. რუსეთზეა დამოკიდებული შეწყვიტოს თავდასხმები და საბოლოოდ შესაძლებელი გახადოს მშვიდობა” – წერს შოლცი.

უნგრეთის პრემიერ-მინისტრმა, ვიქტორ ორბანმა პირობა დადო, რომ მიიღებს ზომებს იმ პოლიტიკოსებისა და ჟურნალისტების წინააღმდეგ, რომლებიც უცხოურ დაფინანსებას იღებენ. ვიქტორ ორბანმა ასევე კვლავ გამორიცხა უკრაინის ევროკავშირში გაწევრიანება. ბუდაპეშტში უნგრეთის ეროვნული დღისადმი მიძღვნილ მიტინგზე სიტყვით გამოსვლისას, ვიქტორ ორბანმა განაცხადა, რომ მოვიდა დრო, განადგურდეს „ჩრდილოვანი არმია“, რომელიც იმ არასამთავრობო ორგანიზაციებს, ჟურნალისტებს, მოსამართლეებსა და პოლიტიკოსებს აერთიანებს, რომლებიც ანაზღაურებას ამერიკის შეერთებული შტატებიდან და ბრიუსელიდან იღებენ. უნგრეთის პრემეირ-მინისტრმა კვლავ გააკრიტიკა ბრიუსელი უკრაინისთვის სამხედრო დახმარების გაგრძელების გამო და განაცხადა, რომ ევროკავშირს უკრაინის „კოლონიზაცია“ სურს. ცნობისთვის, მიმდინარე კვირაში ვიქტორ ორბანის მმართველმა პარტიამ საკონსტიტუციო ცვლილებები წარადგინა, რომელიც ითვალისწინებს ორმაგი მოქალაქეობის…

დიდი ბრიტანეთის პრემიერ-მინისტრმა, ე.წ. „მსურველთა კოალიციის“ ვირტუალური შეხვედრის დასრულების შემდეგ გამართულ პრესკონფერენციაზე განაცხადა, რომ უკრაინას თავის დაცვა და მომავალი რუსული აგრესიის შეკავება უნდა შეეძლოს. „ჩვენ კიდევ ერთხელ დავადასტურეთ ჩვენი ერთგულება უკრაინის ხანგრძლივი უსაფრთხოების მიმართ და შევთანხმდით, რომ უკრაინას თავის დაცვა და მომავალი რუსული აგრესიის შეკავება უნდა შეეძლოს. შევთანხმდით, რომ ბურთი ახლა რუსეთის მოედანზეა და პრეზიდენტმა პუტინმა უნდა დაამტკიცოს, რომ მშვიდობის მიმართ სერიოზულად არის განწყობილი და ცეცხლის შეწყვეტის შეთანხმებას თანაბარი პირობებით ხელი მოაწეროს. პრეზიდენტ ტრამპის ცეცხლის შეწყვეტის წინადადების შესახებ კრემლის მერყეობა და დროის გაჭიანურება, რუსეთის მხრიდან ბარბაროსული შეტევები, მშვიდობის შესახებ პრეზიდენტ პუტინის გაცხადებულ…

ორი ახალი კვლევის მიხედვით, ამერიკელების უმრავლესობა რუსეთ-უკრაინის ომის დასრულების საკითხში პრეზიდენტ დონალდ ტრამპის მიდგომას არ ეთახნმება. „სიენენის“ მიერ გამოქვეყნებული გამოკითხვის თანახმად ამერიკელების 59%-მა განაცხადა, რომ „ნაკლებად სავარაუდოა“ ან „საერთოდ არ არის სავარაუდო“, რომ დონალდ ტრამპის მიდგომა უკრაინას გრძელვადიან მშვიდობას მოუტანს, ხოლო 41% ამბობს, რომ ეს „გარკვეულწილად სავარაუდოა“. კიდევ 59% არ ეთანხმება იმას, თუ როგორ წარმართავს დონალდ ტრამპი აშშ-ს ურთიერთობას რუსეთთან. გამოკითხულ ამერიკელთა ნახევარმა განაცხადა, რომ ომის მიმართ დონალდ ტრამპის მიდგომა აშშ-სთვის ცუდია, 29% ამბობს, რომ ეს კარგია ქვეყნისთვის, ხოლო დანარჩენი ამბობს, რომ განსხვავებას ვერ ხედავს. გამოკითხვის შედეგი პარტიული ნიშნით დაყოფის…

დონალდ ტრამპის ადმინისტრაცია შეერთებულ შტატებში 43 ქვეყნის მოქალაქეებისთვის შესვლის წესების გამკაცრებას გეგმავს, მათ შორის რუსეთისა და ბელარუსის მოქალაქეებისთვის. სახელმწიფო დეპარტამენტმა შეიმუშავა რეკომენდაციების პროექტი, რომელშიც 43 ქვეყანა სამ კატეგორიად დაყო – „წითელი“, „ნარინჯისფერი“ და „ყვითელი“. „წითელი“ ქვეყნების ჯგუფში შევიდა 11 ქვეყანა, რომელთა მოქალაქეებს კატეგორიულად აეკრძალებათ აშშ-ში შესვლა. ესენია: ავღანეთი, ბჰუტანი, კუბა, ირანი, ლიბია, ჩრდილოეთ კორეა, სომალი, სუდანი, სირია, ვენესუელა და იემენი. „ნარინჯისფერი“ ქვეყნების სიაში შესულია 10 ქვეყანა, რომელთა მოქალაქეებს ვიზების გაცემას შეუზღუდავენ. შესვლა შეიძლება ნებადართული იყოს მხოლოდ „შეძლებული ბიზნეს მოგზაურებისთვის“, მაგრამ არა მათთვის, ვინც შედის საიმიგრაციო ან ტურისტული ვიზებით. ამ კატეგორიის…

უნგრეთის პრემიერ-მინისტრი ვიქტორ ორბანი ევროკავშირს მოთხოვნებით მიმართავს. შესაბამისი განცხადება მან სოციალურ ქსელ X-ში გამოაქვეყნა. ევროკავშირის მიმართ ორბანს 12 მოთხოვნა აქვს წაყენებული, რომელთა შორისაა: წევრი სახელმწიფოების თანასწორობა, ევროპის ქრისტიანული მემკვიდრეობის დაცვა, სოროსის აგენტები და კორუმპირებული ლობისტები გაძევება, ევროკავშირი უკრაინის გარეშე და ასე შემდეგ. „ჩვენ მოვითხოვთ ერების ევროპას; მოვითხოვთ კანონის წინაშე თანასწორობას ყველა წევრი სახელმწიფოსთვის; აღადგინეთ კომპეტენციები, რომლებიც ერებს უკანონოდ წაართვეს; ეროვნული სუვერენიტეტი და ძლიერი ვეტო ეროვნული მთავრობებისთვის; გააძევეთ სოროსის აგენტები კომისიიდან და კორუმპირებული ლობისტები პარლამენტიდან; ნუ დააგირავებთ ჩვენი შვილიშვილების მომავალს, აღმოფხარით კავშირის ვალი; ნუ შეუშლით ხელს ჩვენს ეროვნულ გვარდიას საზღვრების დაცვაში.…

ბელგრადში, საპროტესტო მსვლელობისას, ავტომობილი ხალხში შევარდა, დაშავებულია 3 ადამიანი. მედიის ცნობით, პოლიციამ BMW-ის მარკის ავტომობილის 50 წლის მძღოლი დააკავა. დაშავებულები სასწრაფო სამედიცინო დახმარების სამსახურმა საავადმყოფოში გადაიყვანა. დღეს სერბეთის დედაქალაქში მთავრობის წინააღმდეგ მასშტაბური საპროტესტო აქციაა დაგეგმილი. საპროტესტო აქციის წინ სერბეთის სხვადასხვა ქალაქებიდან ბელგრადში ათასობით დემონსტრანტი ჩავიდა.

საპროტესტო აქცია გაიმართა სერბეთში. დემონსტრანტები ამჯერად ბელგრადში შეიკრიბნენ. რკინიგზის სადგურის სახურავის ჩამონგრევის გამო გამართულ აქციებში ათობით ათასი ადამიანი მონაწილეობს. გასული წლის ნოემბერში, ნოვი სადში რკინიგზის სადგურის ჩამონგრევის შედეგად, 15 ადამიანი დაიღუპა, მათ შორის ორი ბავშვი. აქციის მონაწილეები დამნაშავეების დასჯას ითხოვენ.

გერმანიის მთავრობაში აცხადებენ, რომ რუსეთის პრეზიდენტი ვლადიმირ პუტინი გაჭიანურების ტაქტიკას იყენებს. ქვეყნის საგარეო უწყების პრესსპიკერის თქმით, უნდა დაისვას კითხვა, „არსებობს თუ არა სერიოზული დაინტერესება, რომ მხარეებმა იმუშაონ მდგრადი ცეცხლის შეწყვეტისა და მოგვარების მიმართულებით“. მანამდე, გერმანიის საგარეო საქმეთა მინისტრმა, ანალენა ბერბოკმა განაცხადა, რომ პუტინი შეგნებულად არ თანხმდება სამშვიდობო მოლაპარაკებებს. ბერბოკის თქმით, შეერთებულ შტატებსა და უკრაინას შორის მიღწეული 30-დღიანი ცეცხლის შეწყვეტის შეთანხმება „მნიშვნელოვანი ნაბიჯია“.

ევროპარლამენტმა თავის ტერიტორიაზე შესვლა აუკრძალა ლობისტებს, რომლებიც ჩინური ტექნოლოგიური კომპანია „ჰუავეისთვისთვის“ მუშაობენ. ევროპარლამენტში აცხადებენ, რომ აღნიშნული გადაწყვეტილება, უსაფრთხოების წესების შესაბამისად მიიღეს. მანამდე „ჰუავეის“ მხრიდან ევროპარლამენტის ამჟამინდელი და ყოფილი წევრების მოსყიდვის საქმესთან დაკავშირებით ბრიუსელში, ბელგიის რეგიონებში – ფლანდრიასა და ვალონიაში, ასევე პორტუგალიაში ჩხრეკა ჩაატარეს. გამოძიების ფარგლებში უკვე დააკავეს რამდენიმე ადამიანი. აღსანიშნავია, რომ ეს არ არის პირველი კორუფციული სკანდალი ევროპარლამენტში. მანამდე ყოფილ ევროდეპუტატს ბრალი წაუყენეს ე.წ. კატარგეითის საქმეზე. „კატარგეითის“ სკანდალი ევროპარლამენტში 2022 წლის დეკემბერში აგორდა. რამდენიმე ევროდეპუტატი ეჭვმიტანილი იყო კატარისგან ქრთამის აღებაში სპარსეთის ყურის ქვეყნის სასარგებლოდ ლობირების სანაცვლოდ.

აშშ-ის პრეზიდენტმა, დონალდ ტრამპმა ხელი მოაწერა აღმასრულებელ განკარგულებას, რომელიც მიზნად ისახავს შვიდი ფედერალური სააგენტოს გაუქმებას. მათ შორის არის სააგენტო, რომელიც ზედამხედველობს „ამერიკის ხმას“, „რადიო თავისუფლებას“ და აშშ-ის მთავრობის მიერ დაფინანსებულ სხვა მედიასაშუალებებს მსოფლიოში. ტრამპის განკარგულება ეხება აშშ-ის გლობალური მედიის სააგენტოს, რომელიც, „ამერიკის ხმის“ გარდა, აფინანსებს Radio Free Europe/Radio Liberty-ს და Radio Free Asia-ს. ამ ორგანიზაციების ბიუჯეტი დაახლოებით 270 მილიონი დოლარია და 2 000-ზე მეტი თანამშრომელი ჰყავთ. ეს მედიასაშუალებები მიზნად ისახავენ მსოფლიოში მიუკერძოებელი ახალი ამბების გავრცელებას. ტრამპის განკარგულების მიხედვით, აღნიშნულ სააგენტოებს შვიდი დღის ვადაში მოეთხოვებათ ბრძანების შესრულებისთვის საჭირო გეგმები წარუდგინონ აშშ-ის…

ლიეტუვა მზად არის, ქვეყანაში ნატო-ს ბირთვული იარაღი განათავსოს. ამის შესახებ, ქვეყნის თავდაცვის მინისტრმა განაცხადა. „ჩვენ მიგვაჩნია, რომ საჭიროა შევაფასოთ რესპუბლიკის კონსტიტუციის 137-ე მუხლში ცვლილებების შეტანის შესაძლებლობები, თუ ჩვენი მოკავშირეები შემოგვთავაზებენ გარკვეულ რეალურ გეგმებს ლიეტუვაში ბირთვული იარაღის ან მისი კომპონენტების განთავსების შესახებ, ასევე გადავხედოთ სხვა ვალდებულებებს“- აცხადებს ქვეყნის თავდაცვის მინისტრი დოვილე შაკალენე. ლიეტუვის კონსტიტუციის 137-ე მუხლი კრძალავს ამ სახელმწიფოს ტერიტორიაზე მასობრივი განადგურების იარაღისა და უცხოური სამხედრო ბაზების განთავსებას. ამასთან, ბირთვული იარაღის განთავსება ვილნიუსისთვის ჯერჯერობით არავის შეუთავაზებია.

ესტონეთის საგარეო საქმეთა მინისტრი მარგუს ცაჰკნა გამოვიდა მოწოდებით, რომ უნგრეთს ევროკავშირის საბჭოში ხმის უფლება შეუჩერდეს. ცაჰკნამ ეს განცხადება მას შემდეგ გააკეთ, რაც უნგრეთის მოთხოვნის გამო რუსეთის წინააღმდეგ მოქმედი სანქციების გახანგრძლივება გაჭიანურდა. „პოლიტიკური მიზეზების გამო უნგრეთმა სანქციების გაგრძელება დამოკიდებული გახადა სანქციების სიიდან რუსი ბიზნესმენების, ვიაჩესლავ კანტორის, მიხაილ დეგტიარევისა და გულბახორ ისმაილოვას ამოღებაზე“– განაცხადა მან. ცაჰკნას თქმით, რუსეთის წინააღმდეგ სანქციების მოხსნისა და შემსუბუქების საფუძველი არ არსებობს.

რუსეთის პრეზიდენტის, ვლადიმერ პუტინის განცხადებით, სომხეთსა და აზერბაიჯანს ყოველთვის შეუძლიათ, ჰქონდეთ რუსეთის მხრიდან ხელშეწყობის იმედი. კრემლის პრესსამსახურის ინფორმაციით,  შედგა სატელეფონო საუბარი ვლადიმერ პუტინსა და პრემიერ-მინისტრს, ნიკოლ ფაშინიანს შორის. ამავე ცნობით, სომხეთის პრემიერ-მინისტრი მონაწილეობას მიიღებს 9 მაისს მოსკოვში დაგეგმილ საზეიმო ღონისძიებებში. სომხეთსა და აზერბაიჯანს შორს სამშვიდობო შეთანხმება დასრულდა.

საჰაერო დარტყმის შედეგად ლიკვიდირებულია ე.წ. ისლამური სახელმწიფოს რიგით მეორე ლიდერი. ინფორმაციას აშშ-ის ცენტრალური სარდლობა ავრცელებს. „13 მარტს, აშშ-ის ცენტრალური სარდლობის ძალებმა, ერაყის სადაზვერვო და უსაფრთხოების ძალებთან თანამშრომლობით, ერაყის პროვინცია ალ ანბარში ზუსტი საჰაერო დარტყმა განახორციელეს, რის შედეგადაც, ე.წ. ისლამური სახელმწიფოს (ISIS) რიგით მეორე ლიდერი და გლობალური ოპერაციების მეთაური, აბდალა მაკი მუსლი ალ-რიფაი, მეტსახელად „აბუ ხადიჯა“ დაიღუპა“, – ნათქვამია აშშ-ის ცენტრალური სარდლობის განცხადებაში. გავრცელებულ ინფორმაციას აშშ-ის პრეზიდენტი, დონალდ ტრამპიც გამოეხმაურა. „დღეს ერაყში ISIS-ის გაქცეული ლიდერი მოკლეს. ჩვენი მამაცი მებრძოლები მასზე განუწყვეტლივ ნადირობდნენ. მისი უბედური ცხოვრება, ISIS-ის კიდევ ერთ წევრთან ერთად, ერაყის…