დღე: მარტი 14, 2025

უკრაინის პრეზიდენტი, ვოლოდიმირ ზელენსკი ვლადიმერ პუტინს ტყუილში ადანაშაულებს. მისი თქმით, პუტინი ეცდება ყველა დაუსრულებელ დისკუსიებში ჩაითრიოს. „პუტინი იტყუება ბრძოლის ველზე არსებულ რეალურ ვითარებაზე, იტყუება დანაკარგებზე, იტყუება მისი ეკონომიკის მდგომარეობაზე, რომელიც დაზიანდა მისი სულელური იმპერიალისტური ამბიციებით. ის ყველაფერს აკეთებს, რათა დიპლომატია ჩავარდეს. პუტინს არ შეუძლია ამ ომიდან გასვლა, ვინაიდან ის არაფრით დარჩება. სწორედ ამიტომ ის ყველაფერს აკეთებს, რათა დიპლომატიის საბოტაჟი მოახდინოს უკიდურესად რთული და მიუღებელი პირობებით თავიდანვე, ცეცხლის შეწყვეტამდეც კი”- წერს ზელენსკი. “უკრაინელ სამხედროებს სიცოცხლე შეუნარჩუნდებათ თუ იარაღს დაყრიან”- პუტინი

რუსეთის პრეზიდენტმა ვლადიმერ პუტინმა დონალდ ტრამპის მოწოდების შემდეგ განაცხადა, რომ უკრაინელ სამხედროებს სიცოცხლე შეუნარჩუნდებათ თუ იარაღს დაყრიან. „ამასთან დაკავშირებით ხაზს გავუსვამ, რომ იარაღის დაყრისა და ტყვედ ჩაბარების შემთხვევაში მათ გარანტირებული ექნებათ სიცოცხლის შენარჩუნება და ღირსეული მოპყრობა საერთაშორისო სამართლის ნორმებთან და რუსეთის ფედერაციის კანონებთან შესაბამისობაში… აშშ-ის ახალი ადმინისტრაცია პრეზიდენტი ტრამპის მეთაურობით ყველაფერს აკეთებს იმისთვის, რათა თუნდაც რამე აღდგეს იქიდან, რაც ნულამდე იყო დაყვანილი, განადგურებული იყო წინა ადმინისტრაციის მიერ“ – განაცხადა პუტინმა.   კურსკში უკრაინული ქვედანაყოფების ალყაში მოქცევის შესახებ ინფორმაციას არ ადასტურებენ

აშშ-ის სახელმწიფო მდივნის, მარკო რუბიოს, განცხადებით უკრაინაში ცეცხლის შეწყვეტის შეთანხმებასთან დაკავშირებით ფრთხილი ოპტიმიზმის საფუძველი არსებობს, მაგრამ ეს არ იქნება მარტივი. მისი თქმით, ჯერ კიდევ ბევრი სამუშაოა შესასრულებელი. „ბევრი სამუშაოა ჯერ კიდევ შესასრულებელი“, – განაცხადა მარკო რუბიომ. ჟურნალისტმა რუბიოს ჰკითხა, რამდენი დრო აქვს რუსეთის პრეზიდენტს, რომ თანხმობა განაცხადოს ცეცხლის შეწყვეტაზე, რაზეც რუბიომ აღნიშნა: „საკითხავია, არა რამდენი ხანი, არამედ, რეალურად, მივდივართ თუ არა ცეცხლის შეწყვეტისკენ, თუ ეს დაყოვნების ტაქტიკაა?“. რაც შეეხება კიდევ ერთ კითხვას, ენდობა თუ არა ვლადიმერ პუტინს, მარკო რუბიომ განაცხადა, რომ ეს არარელევანტური შეკითხვაა, რადგან საქმე ეხება არა ნდობას, არამედ ქმედებას.…

უკრაინის გენერალური შტაბის ინფორმაციით,  კურსკის ოლქში უკრაინული ქვედანაყოფების „ალყაში მოქცევის“ შესახებ ცნობები რეალობას არ შეესაბამება და ამის საფრთხე არ არსებობს. „ცნობები კურსკის ოლქში მოწინააღმდეგის მიერ უკრაინული ქვედანაყოფების ვითომდა „ალყაში მოქცევის“ შესახებ რეალობას არ შეესაბამება და რუსების მიერ პოლიტიკური მიზნებისთვისა და უკრაინასა და პარტნიორებზე ზეწოლისთვის იქმნება. დღის განმავლობაში ვითარება არსებითად არ შეცვლილა… ჩვენი მებრძოლები იგერიებენ მოწინააღმდეგის შეტევით ქმედებებს და ეფექტიანად ურტყამენ მას იარაღის ყველა სახეობიდან. მიმდინარე დღის დასაწყისიდან კურსკის მიმართულებაზე 13 საბრძოლო შეტაკება მოხდა. ჩვენი ქვედანაყოფების ალყაში მოქცევის საფრთხე არ არსებობს,” – ნათქვამია განცხადებაში. უკრაინის გენერალური შტაბის სპიკერმა, დმიტრი ლიხოვსკიმ ასევე აღნიშნა,…

„არ ვფიქრობ, რომ რუსეთი სხვა ქვეყნებს დაესხმება თავს, ასე არ მგონია“, – ამის შესახებ დონალდ ტრამპმა ჟურნალისტის კითხვის საპასუხოდ განაცხადა, თუ რას ფიქრობდა იგი მოკავშირეების შიშებზე, რომ რუსეთი შესაძლოა, მათაც დაესხას თავს. ,,არ ვფიქრობ, რომ რუსეთი სხვა ქვეყნებს დაესხმება თავს, ასე არ მგონია. როცა ეს დასრულდება, ისინი დაღლილები იქნებიან. ყველანი სახლში წავლენ და დაისვენებენ. შესაბამისად, არ მგონია, რომ ეს მოხდეს, არ ვხედავ ამის შესაძლებლობას. ჩვენ, რა თქმა უნდა, დავრწმუნდებით, რომ ყველა საშიშროება აღმოიფხვრას და ახალი საფრთხის შანსი აღარ იყოს”, – განაცხადა დონალდ ტრამპმა.

აშშ-ის ხაზინის დეპარტამენტმა ჯო ბაიდენის ადმინისტრაციის მიერ შემოღებული ენერგეტიკის სფეროში რუსულ ბანკებთან ოპერაციების დროებითი დაშვება გააუქმა. Reuters-ის ცნობით, საუბარია 8L ტიპის გენერალურ ლიცენზიაზე, რომელიც რუსეთის 12 სანქცირებულ ბანკს უფლებას აძლევდა ენერგეტიკასთან დაკავშირებული ოპერაციები განეხორციელებინა. ლიცენზიაში საუბარი იყო იმაზე, რომ დროებითი დაშვება ეხებოდა ოპერაციებს, რომელიც დაკავშირებული იყო ბუნებრივი აირის, ნავთობისა და ნავთობპროდუქტების, ქვანახშირის, ურანისა და სხვა წიაღისეულის შეძენას. რუსული ბანკებისთვის გამონაკლისი 2022 წლიდან მოქმედებდა. მას ბაიდენის ადმინისტრაცია პერიოდულად ახანგრძლივებდა.

რუსეთის პრეზიდენტი აცხადებს, რომ კურსკზე კონტროლი სრულად დაიბრუნა, ხოლო რეგიონში მყოფ უკრაინის შეიარაღებულ ძალებს ორ გამოსავალს სთავაზობს. მისი თქმით, უკრაინელები ტერიტორიას უპირობოდ ვერ დატოვებენ. მათ ან განიარაღება და ტყვედ ჩაბარება მოუწევთ, ან დაიღუპებიან.

„დიდი შვიდეულის“ ქვეყნები რუსეთს მოუწოდებენ, მიჰყვეს უკრაინის მაგალითს და დათანხმდეს ცეცხლის შეწყვეტას, წინააღმდეგ შემთხვევაში კი, მოსკოვს ახალი სანქციების დაწესებით ემუქრებიან. „დიდი შვიდეულის“ წევრებმა მოუწოდეს რუსეთს, ნაცვალგების საფუძველზე იმოქმედოს ცეცხლის შეწყვეტაზე თანაბარი პირობებით დათანხმებითა და მისი სრული განხორციელებით“, – აღნიშნულია „დიდი შვიდეულის“ ქვეყნების კანადაში გამართული შეხვედრის ფარგლებში შემუშავებული განცხადების საბოლოო პროექტში, რომლის შინაარსიც Reuters-სთვის გახდა ცნობილი. „დიდი შვიდეულის“ ოფიციალურმა პირებმა გამოცემასთან საუბარში განაცხადეს, რომ პროექტს, რომელიც მაღალი რანგის დიპლომატებმა დაამტკიცეს, მინისტრების მხრიდან მწვანე შუქი სჭირდება.

,,ევროკავშირი რუსეთზე ზეწოლას აძლიერებს. ვახანგრძლივებთ სანქციებს თითქმის 2 400 ფიზიკური პირისა და ორგანიზაციის მიმართ, რუსეთის მიერ უკრაინის წინააღმდეგ მიმდინარე აგრესიის გამო”, – ამის შესახებ ევროკომისიის პრეზიდენტი, ურსულა ფონ დერ ლაიენი X-ზე წერს. მისი თქმით, სასანქციო ზომებს შორისაა მოგზაურობის აკრძალვა, აქტივების გაყინვა, დაფინანსებისა და რესურსების აკრძალვა. შეგახსენებთ, დღეს ცნობილი გახდა, რომ ევროკავშირის ელჩები რუსეთის წინააღმდეგ სანქციების კიდევ 6 თვით, 15 სექტემბრამდე გახანგრძლივებაზე შეთანხმდნენ.

„ერთიანობა-ნაციონალური მოძრაობის“ წევრი, პოლიციელებზე თავდასხმაში ბრალდებული ანატოლი გიგაური კვლავ პატიმრობაში რჩება. დღევანდელ სხდომაზე პატრულ-ინსპექტორებმა და გამომძიებელმა მისცეს ჩვენება. ასევე, გადაისინჯა დაკავებულისთვის შეფარდებული აღკვეთის ღონისძიება პატიმრობა და ის ძალაში დარჩა. პროკურორი თამარ იაკობიძე აღკვეთის ღონისძიების – პატიმრობის კვლავ ძალაში დარჩენას ითხოვდა, ადვოკატი ლაშა ცუცქირიძე კი აცხადებდა, რომ პატიმრობის გამოყენების საფუძვლები არ არსებობდა. ცნობისთვის, ანატოლი გიგაურს ბრალი სისხლის სამართლის კოდექსის 353-ე პრიმა მუხლის პირველი ნაწილით წარუდგინეს, რაც პოლიციელზე თავდასხმას გულისხმობს.

უკრაინამ რუსეთის ქალაქ ტუაფსეში მდებარე ნავთობის ბაზაზე უპილოტო საფრენი აპარატებით იერიში მიიტანა. იერიშს გამოეხმაურა კრასნოდარის ოლქის ხელმძღვანელი ვენიემინ კონდრატიევი გამოეხმაურა: ,,წინასწარი მონაცემებით დაშავებულები არ არიან. ხანძრის ჩაქრობაში ჩართულია 121 ადამიანი და 39 ერთეული ტექნიკა. ადგილზე იმყოფება ტუაფსეს მუნიციპალური ოლქის მეთაური”. მედიის ინფორმაციით, უკრაინული დრონების იერიშის შედეგად ხანძარი 1000 კვადრატული მეტრის ფართობზე გავრცელდა. ასევე, უკრაინის უსაფრთხოების სამსახურმა უპილოტო საფრენი აპარატებით იერიში მიიტანა იარაღის საწყობზე, სადაც C-300/C-400 ტიპის რაკეტები ინახებოდა.

„თაღლითმა ჯო ბაიდენმა ჩვენ რუსეთთან (და ყველა სხვასთან) ნამდვილ „ორომტრიალში“ გაგვხვია, მაგრამ მე ვცდილობ რომ აქედან ამოვიდეთ. მილიონობით ადამიანი ტყუილად დაიღუპა და მათ არასდროს ნახავენ. მათი რიცხვი კიდევ გაიზრდება, თუ ჩვენ რუსეთთან ომის დასრულების შეთანხმებასა და საბოლოო ხელშეკრულებას არ მოვაწერთ ხელს“, – დაწერა აშშ-ის პრეზიდენტმა, დონალდ ტრამპმა სოციალურ ქსელში. მან კიდევ ერთხელ გაიმეორა, ის რომ პრეზიდენტი ყოფილიყო, ომი არ მოხდებოდა. „ის უბრალოდ არ მოხდებოდა. 100% არ მოხდებოდა. აგრეთვე არ მოხდებოდა ის, რაც ისრაელში 2023 წლის 7 ოქტომბერს დატრიალდა, ავღანეთიდან ჯარების გაყვანა ძალის დემონსტრირებითა და სიამაყით მოხდებოდა, და ეს არ იქნებოდა…

„თუ გადახედავთ ნატო-ს ხელშეკრულებას, გაერო-ს წესდებას ან საერთაშორისო სამართალს, გრენლანდია არ არის ღია ანექსიისთვის“, – ასე გამოეხმაურა დანიის საგარეო საქმეთა მინისტრი ლარს ლოკ რასმუსენი დონალდ ტრამპის ბოლო განცხადებებს გრენლანდიაზე. გრენლანდიის მოქმედმა პრემიერ-მინისტრმა, რომელიც ახალი კოალიციის შექმნას ელოდება, აღნიშნა, რომ დონალდ ტრამპის განცხადებები მიუღებელია. ლარს ლოკ რასმუსენმა ყველა პარტიის ლიდერი მოსალაპარაკებლად მიიწვია, რათა ერთობლივად უპასუხონ აშშ-ის პრეზიდენტის განცხადებებს. „არავის უნდა მივცეთ უფლება, უპატივცემულოდ მოგვექცნენ. საკმარისია“, – განაცხადა მან.

,,ვლადიმერ პუტინმა გუშინ აშშ-ის სპეციალური წარმომადგენელი სტივ უიტფოკი მიიღო და მისი მეშვეობით აშშ-ის პრეზიდენტს, დონალდ ტრამპს ინფორმაცია და დამატებითი სიგნალები გაუგზავნა”, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა. „გუშინ მოისმინეთ პრეზიდენტ პუტინის ძალიან მნიშვნელოვანი განცხადება. ჟურნალისტების კითხვებზე პასუხის გაცემისას მან თქვა, რომ მხარს უჭერს პრეზიდენტ ტრამპის პოზიციას კონფლიქტის მოგვარების თაობაზე, მაგრამ გააჟღერა რამდენიმე კითხვა, რომლებსაც ერთობლივად უნდა გაეცეს პასუხი. ამიტომ, დიახ, მართლაც, ჯერ კიდევ ბევრია გასაკეთებელი, მაგრამ, მიუხედავად ამისა, პრეზიდენტმა სოლიდარობა გამოხატა ბატონი ტრამპის პოზიციის მიმართ“, – განუცხადა პესკოვმა ჟურნალისტებს. მისი თქმით, რუსეთს და შეერთებულ შტატებს ესმით, რომ…

ევროკავშირი სომხეთსა და აზერბაიჯანს შორის სამშვიდობო ხელშეკრულებაზე მიღწეულ შეთანხმებას მიესალმება. განცხადებას ევროკავშირის უმაღლესი წარმომადგენლის, კაია კალასის სახელით უწყების პრესსამსახური ავრცელებს. „ევროკავშირი მიესალმება სომხეთისა და აზერბაიჯანის შესაბამის განცხადებებს სამშვიდობო ხელშეკრულების პროექტსა და სახელმწიფოთაშორისი ურთიერთობების დამყარებაზე მუშაობის დასრულებას. ჩვენ მივესალმებით იმას, რომ ორივე მხარემ რამდენიმე წელი გულმოდგინედ იმუშავა, როგორც ორმხრივ ფორმატში, ისე საერთაშორისო საზოგადოების ჩართულობით. ერევნისა და ბაქოს განცხადებები შეთანხმებაზე მუშაობის დასრულების შესახებ რეგიონში მშვიდობისა და უსაფრთხოებისკენ გადადგმული მნიშვნელოვანი ნაბიჯია. ევროკავშირში მიიჩნევენ, რომ მხარეთა კომპრომისების ხარჯზე ამ პროცესის ბოლომდე მიყვანა აუცილებელია. ევროკავშირი სრულად უჭერს მხარს სომხეთსა და აზერბაიჯანს შორის ურთიერთობების ნორმალიზაციის პროცესს…

ამერიკის შეერთებული შტატების 47-ე პრეზიდენტი, თეთრ სახლში, ჩრდილო-ატლანტიკური ალიანსის გენერალურ მდივანს შეხვდა. მხარეებს შორის დისკუსია მსოფლიოსა და NATO-ს წევრ ქვეყნებში მიმდინარე მოვლენებს შეეხო. ,,ბოლო რამდენიმე კვირაში განვითარებული მოვლენები ნამდვილად გასაოცარია. ევროპელებმა 800 მილიარდიანი თავდაცვის ხარჯების პაკეტის ვალდებულება აიღეს. გერმანელებს ახლა, შესაძლოა, ნახევარ ტრილიონამდე დამატებითი თანხა გამოუჩნდეთ თავდაცვისთვის. აქ იყო კირ სტარმერი, ბრიტანეთის პრემიერ-მინისტრი და სხვა ლიდერებიც, რომლებმაც გაცილებით მეტი თავდაცვითი დანახარჯი დააანონსეს. თუ ისინი ჯერ სრულად არ არიან ჩართულნი, ჩვენ მეტი უნდა გავაკეთოთ. თუმცა, მე მსურს, თქვენთან ერთად ვიმუშაო ჰააგის სამიტის მოსამზადებლად, რათა უზრუნველვყოთ, რომ NATO, თქვენი ხელმძღვანელობით, ნამდვილად განახლდეს…

,,ევროპელმა ლიდერებმა გადაწყვიტეს, რომ უკრაინამ უნდა იბრძოლოს და სანაცვლოდ, ის ევროკავშირში სწრაფ გაწევრიანებას მიიღებს. ეს უნგრეთს გაანადგურებს”, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა. მისი თქმით, უნგრეთი ევროკავშირის გაფართოებისთვის ღიაა, თუმცა პრიორიტეტი სერბეთი, ჩრდილოეთ მაკედონია და მონტენეგრო უნდა იყოს. მან ხაზგასმით აღნიშნა, რომ ეს ქვეყნები მნიშვნელოვნად განსხვავდებიან უკრაინისგან ეკონომიკური თავსებადობისა და გეოპოლიტიკური სტაბილურობის თვალსაზრისით. ევროკავშირის მოახლოებულ სამიტზე საუბრისას ორბანმა განაცხადა, რომ უნგრეთი მხარს არ დაუჭერს ევროკავშირის ერთობლივ სესხს თავდაცვის ხარჯების დასაფინანსებლად. „არსებობენ ისინი, ვისაც მეტი ვალის აღება სურთ და ისინი, ვინც საკუთარ თავდაცვას საკუთარი რესურსებით აფინანსებს. უნგრეთის ფუნდამენტური კანონი…

ევროკავშირის ელჩები, უნგრეთის დათანხმების შემდეგ, რუსეთის წინააღმდეგ სანქციების გახანგრძლივებაზე შეთანხმდნენ. ამის შესახებ ინფორმაციას Европейская правда ინფორმირებულ წყაროებზე დაყრდნობით ავრცელებს. წყაროს ინფორმაციით, გადაწყვეტილება წერილობითი პროცედურის დაცვით იქნა მიღებული, შესაბამისად, სანქციები ექვსი თვით, 2025 წლის 15 აგვისტომდე გაგრძელდება. Bloomberg-ის ინფორმაციით, უნგრეთი სანქციების გახანგრძლივებას მას შემდეგ დათანხმდა, რაც მისი დაჟინებული მოთხოვნის შემდეგ ევროკავშირმა სანქციების სიიდან სამი ადამიანი ამოიღო. უცნობია კონკრეტულად რომელ სამ ადამიანზეა საუბარი. Европейская правда წერს, რომ სანქციების გახანგრძლივებამ შეიძლება ფაქტობრივად გაყინოს რუსული აქტივების მთლიანი მოცულობის 30%-მდე. სავარაუდოა, რომ საუბარი შეიძლება იყოს 60 მილიარდი ევროს გაყინულ სახსრებზე ან უფრო მეტზე.