დღე: მარტი 13, 2025

არგენტინაში პენსიონერებსა და რამდენიმე საფეხბურთო გუნდის გულშემატკივრებსა და პოლიციას შორის დედაქალაქ ბუენოს-აირესში კონგრესის წინ მიმდინარე საპროტესტო აქციის დროს შეტაკება მოხდა. მედიის ინფორმაციით, აქციის მონაწილეები პრეზიდენტ ხავიერ მილეის მთავრობის ეკონომიკურ პოლიტიკის გასაპროტესტებლად და პენსიის გაზრდის მოთხოვნით შეიკრიბნენ, თუმცა მოგვიანებით მშვიდობიანი დემონსტრაცია, ძალადობრივ შეტაკებებში გადაიზარდა და პოლიციამ მომიტინგეების წინააღმდეგ რეზინის ტყვიები, წყლის ჭავლი და ცრემლსადენი გაზი გამოიყენა. არგენტინის უსაფრთხოების სამინისტრომ გამოაქვეყნა რეზოლუცია, რომელიც ნებისმიერ ადამიანს, რომელიც ძალადობრივად იქცევა, არღვევს უსაფრთხოებას, მოძრაობას ან საზოგადოებრივ წესრიგს, ფეხბურთის სტადიონებზე შესვლას უკრძალავს. ეს ნიშნავს, რომ გულშემატკივრებს, რომლებიც პენსიონერების აქციას შეუერთდნენ და პოლიციასთან დაპირისპირებაში ჩაერთნენ, ხელისუფლების მიერ…

რუსეთმა შეერთებულ შტატებს უკრაინასთან ომის დასრულების და ვაშინგტონთან ურთიერთობების აღდგენისთვის საჭირო მოთხოვნების სია გადასცა. Reuters-ის ინფორმაციით, გაურკვეველია კონკრეტულად რა მოთხოვნები შეიტანა მოსკოვმა სიაში და არის თუ არა მზად ჩაერთოს კიევთან მოლაპარაკებებში მათ მიღებამდე. წყაროების ცნობით, რუსი და ამერიკელი ოფიციალური პირები ბოლო სამი კვირის განმავლობაში განიხილავდნენ პირობებს, როგორც პირად საუბრებში, ასევე დისტანციურ ფორმატში. გამოცემა წერს, რომ წყაროების თქმით, კრემლის პირობები ემთხვევა მანამდე უკრაინის, შეერთებული შტატებისა და NATO-სთვის წაყენებულ პირობებს. ადრეული პირობები მოიცავდა კიევის NATO-ში გაწევრიანებაზე და უკრაინაში უცხოური ჯარების განლაგებაზე უარის თქმას, ასევე ვლადიმერ პუტინის ბრძანებით, ყირიმისა და ოთხი უკრაინული ოლქის…

„ჩვენ არ გამოვრიცხავთ კონტაქტებს აშშ-ის წარმომადგენლებთან უახლოეს დღეებში“, – აღნიშნა რუსეთის საგარეო საქმეთა სამინისტროს პრესსპიკერმა, მარია ზახაროვამ მედიასთან საუბარში. რუსეთის საგარეო საქმეთა სამინისტროს ოფიციალურმა წარმომადგენელმა ეს კომენტარი მას შემდეგ გააკეთა, რაც აშშ-ის პრეზიდენტმა, დონალდ ტრამპმა განაცხადა, აშშ-ის წარმომადგენლები რუსეთში მიემგზავრებიან, რათა ცეცხლის შეწყვეტის შესახებ წინადადება განიხილონ.

კრემლის პრესსპიკერმა, დიმიტრი პესკოვმა განაცხადა, რომ კურსკის ოლქის გათავისუფლების ოპერაცია დასკვნით ეტაპზეა, „კურსკის ოლქში მდებარე ერთ-ერთ სამეთაურო პუნქტში ვიზიტის დროს პუტინმა ოპერაციის მიმდინარეობისა და კურსკის ოლქის გათავისუფლების ოპერაციის დასკვნით ეტაპზე შესვლის შესახებ მოხსენება მოისმინა“, – განაცხადა პესკოვმა. შეგახსენებთ, რომ გუშინ, 12 მარტს რუსეთის პრეზიდენტი, ვლადიმერ პუტინი კურკის ოლქის ერთ-ერთ სამეთაურო პუნქტს ეწვია. ვლადიმერ პუტინმა განაცხადა, რომ რუსეთის შეიარაღებულმა ძალებმა კურსკის ოლქი მთლიანად უნდა გაათავისუფლონ.

უკრაინის შეიარაღებული ძალების მთავარსარდლის, ალექსანდრ სირსკის განცხადებით, რუსეთის კურსკის ოლქის ქალაქ სუჯას შემოგარენსა და მის მიმდებარე ტერიტორიებზე აქტიური სამხედრო ოპერაციები მიმდინარეობს. „მტერი იყენებს საჰაერო-სადესანტო ჯარების და სპეციალური ოპერაციების ძალების ქვედანაყოფებს, რათა გაარღვიოს ჩვენი თავდაცვა, განდევნოს ჩვენი ჯარები რუსეთის ფედერაციის კურსკის ოლქის ტერიტორიიდან და გადაიტანოს სამხედრო ოპერაციები სუმისა და ხარკოვის ოლქებში. ყველაფრის ფასად ცდილობს რა პოლიტიკური მიზნების მიღწევას, მტერმა უკვე განიცადა და კვლავ განიცდის მნიშვნელოვან დანაკარგებს კურსკის ოლქში“, – აღნიშნა სირსკიმ. მისი თქმით, უკრაინის შეიარაღებული ძალების მიერ კურსკის ოპერაციის დაწყებიდან, 2024 წლის 6 აგვისტოდან, რუსული ჯარების ჯამური დანაკარგები 54.9 ათასზე მეტ…

დრონებით თავდასხმის შედეგად რუსეთის კალუგის ოლქში მდებარე საწარმო ობიექტზე ხანძარი გაჩნდა. „ერთ-ერთი დრონის ჩამოვარდნის შედეგად ძერჟინსკის რაიონში მდებარე სამრეწველო საწარმოს ტექნიკურ შენობაში ხანძარი გაჩნდა. ხანძარი სწრაფად ჩააქრეს. საწარმოს ღამის ცვლის ერთ-ერთმა თანამშრომელმა მსუბუქი დაზიანება მიიღო“, – წერს კალუგის გუბერნატორი „ტელეგრამის“ არხზე. რუსეთის თავდაცვის სამინისტროს ცნობით, ქვეყნის საჰაერო თავდაცვის ძალებმა გასული ღამის განმავლობაში რუსეთის ექვსი ოლქის ტერიტორიაზე 77 დრონი ჩამოაგდეს, მათ შორის 25 კალუგის ოლქში.

უკრაინის საჰაერო ძალების ცნობით, სულ რუსულმა ძალებმა უკრაინის მიმართულებით „ისკანდერ-მ“ ტიპის 1 ბალისტიკური რაკეტა და 117 დრონი გაუშვეს, რომელთაგან 78 უკრაინის თავდაცვის ძალებმა ჩამოაგდეს, ხოლო 38 დრონი უკრაინის ტერიტორიაზე გაუჩინარდა. „მტრის თავდასხმის შედეგად სუმის, დნეპროპეტროვსკის, ხარკოვის, კიევის, ჩერნიგოვის, ოდესისა და ზაპოროჟიეს ოლქები დაზარალდა“, – აცხადებენ უკრაინის საჰაერო ძალებში. უკრაინის თავდაცვის ძალებმა რუსების მიერ გაშვებული დრონები ხარკოვის, პოლტავის, სუმის, ჩერნიგოვის, კიევის, ხმელნიცკის, ვინიცის, დნეპროპეტროვსკის, ზაპოროჟიეს, ოდესისა და ნიკოლაევის ოლქებში გაანადგურეს.

რუსული მედიის ცნობით, „გაგარინის“ აეროპორტში დაწესებული შეზღუდვების გამო, მოსკოვიდან სარატოვის მიმართულებით და პირიქით, ოთხი ავიარეისი გადაიდო. მანამდე, „როსავიაციის“ წარმომადგენელმა განაცხადა, რომ სარატოვის „გაგარინის“ აეროპორტში, სამოქალაქო თვითმფრინავების ფრენების უსაფრთხოების გამო, დროებითი შეზღუდვები დაწესდა. მოგვიანებით, გუბერნატორმა რომან ბუსარგინმა გაავრცელა ინფორმაცია, რომ დღეს დილით, დრონებით თავდასხმის შედეგად, სარატოვის ოლქის პეტროვსკის რაიონში არასაცხოვრებელი შენობები დაზიანდა. დღესვე, სამოქალაქო თვითმფრინავების ფრენების უსაფრთხოების უზრუნველსაყოფის მიზნით, შეზღუდვები დაწესდა ვოლგოგრადის აეროპორტშიც. მოგვიანებით შეზღუდვები მოიხსნა.

ბელარუსის პრეზიდენტი, ალექსანდრე ლუკაშენკო ოფიციალური ვიზიტით მოსკოვში ჩავიდა. „ბელტას” ცნობით, დღეს კრემლში ალექსანდრე ლუკაშენკოსა და რუსეთის პრეზიდენტის, ვლადიმერ პუტინის შეხვედრა გაიმართება. ალექსანდრე ლუკაშენკო და ვლადიმერ პუტინი პირისპირ შეხვედრაზე და შემდეგ გაფართოებულ ფორმატში, დელეგაციების წევრების მონაწილეობით, ბელარუსსა და რუსეთს შორის თანამშრომლობის განვითარების საკითხებს განიხილავენ. გავრცელებული ინფორმაციით, ორი ქვეყნის ლიდერები ასევე გაცვლიან მოსაზრებებს მიმდინარე საერთაშორისო ვითარებასთან დაკავშირებულ საკითხებზე.

დღეს, „დიდი შვიდეულის“ ქვეყნების საგარეო საქმეთა მინისტრები კანადაში შეხვედრას გამართავენ. როგორც Reuters-ი წერს, შეხვედრა დონალდ ტრამპსა და აშშ-ის მოკავშირეებს შორის მზარდი დაძაბულობის ფონზე იმართება, რაც გამოწვეულია უკრაინასთან დაკავშირებით აშშ-ის პრეზიდენტის საგარეო პოლიტიკის ცვლილებასთან და ტარიფების დაწესებასთან. შვიდი ქვეყნის საგარეო საქმეთა მინისტრების ორდღიან შეხვედრას გაერთიანებული სამეფოს, კანადის, საფრანგეთის, გერმანიის, იტალიის, იაპონიისა და შეერთებული შტატების საგარეო საქმეთა მინისტრების გარდა ასევე დაესწრება ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი. დღის წესრიგის მთავარი თემა იქნება აშშ-ის სახელმწიფო მდივან მარკო რუბიოსა და კიევის წარმომადგენლებს შორის საუდის არაბეთში გამართული შეხვედრის შესახებ ინფორმაციის მიღება.…

,,წარვადგენ რუსეთის წინააღმდეგ ძვლებისდამამტვრეველ სანქციებსა და ტარიფებს. თუ ისინი არ დაიცავენ ცეცხლის შეწყვეტას, ჯოჯოხეთური ფასის გადახდა მოუწევთ”, – წერს X-ზე რესპუბლიკელი სენატორი, ლინდსი გრემი. ,,ჩემთვის ნათელია, რომ პრეზიდენტი ზელენსკი მზად არის მშვიდობის დასამყარებლად. როგორც მდივანმა რუბიომ თქვა, ბურთი ახლა რუსეთის მოედანზეა. მე უკიდურესად სკეპტიკურად ვარ განწყობილი, რომ რუსეთი მიიღებს ცეცხლის შეწყვეტის წინადადებას და ძალიან მეეჭვება, რომ მათ სურთ ამ ომის დასრულება. ზელენსკიმ მშვიდობის სურვილის გამოცდა ჩააბარა. ახლა პუტინის გადასაწყვეტია, აჩვენოს თავისი ბარათები. იმისთვის, რომ მშვიდობისკენ ვისწრაფოდეთ, კვირის ბოლომდე წარვადგენ რუსეთის წინააღმდეგ ძვლებისდამამტვრეველ სანქციებსა და ტარიფებს. თუ ისინი არ დაიცავენ ცეცხლის შეწყვეტას…

რუსებმა ხერხონის ოლქზე მასირებული იერიში მიიტანეს, რის შედეგადაც ერთი ადამიანი დაიღუპა, ერთი კი დაშავდა. ხერსონის სამხედრო ადმინისტრაციის უფროსის, რომან მროჩკოს ცნობით, დაღუპულია 42 წლის ქალი. რაც შეეხება დაშავებულს, ის კლინიკაშია გადაყვანილ და ექიმების მეთვალყურეობის ქვეშ იმყოფება. როგორც მროჩკომ აღნიშნა, ღამით ქალაქი მასირებულად დაიბომბა და რეგიონში საჰაერო თავდასხმის გამაფრთხილებელი სისტემა მოქმედებდა.

ამერიკის შეერთებული შტატების წარმომადგენლები დღეს მოსკოვში ჩადიან. უკრაინაში ომის შეწყვეტის საკითხზე მოლაპარაკებებთან დაკავშირებით რუსეთში დაგეგმილი შეხვედრების დეტალები უცნობია, თუმცა, რამდენიმე საათის წინ, რუსეთის საგარეო საქმეთა სამინისტროს პრესსპიკერმა, მარია ზახაროვამ არ გამორიცხა, რომ “მოსკოვსა და ვაშინგტონს შორის კონტაქტი უახლოეს დღეებში შედგეს”.  

თურქეთის პრეზიდენტმა, რეჯეფ თაიფ ერდოღანმა მხარი დაუჭირა აშშ-ის მიერ უკრაინისთვის შეთავაზებულ 30-დღიან ცეცხლის დროებით შეწყვეტას და მოუწოდა რუსეთს დათანხმდეს ამ წინადადებას. მისი თქმით, 11 მარტს უკრაინის მიერ საუდის არაბეთის ქალაქ ჯიდაში მიმდინარე მოლაპარაკებების დროს ცეცხლის დროებით შეწყვეტაზე თანხმობის გაცემა არის დადებითი მოვლენა. „ახლა ჩვენ იმედი გვაქვს, რომ რუსეთი კონსტრუქციულ რეაქციას გამოხატავს ამ ნაბიჯზე“, – თქვა თურქეთის ლიდერმა. მან კიდევ ერთხელ დაადასტურა მზაობა კიევის და მოსკოვის პოტენციური მოლაპარაკებებში შუამავლობის შესახებ, რათა „სამართლიანი და ძლიერი მშვიდობის დამყარებაში“ საკუთარი წვლილი შეიტანოს.