დღე: მარტი 13, 2025

აშშ-ის პრეზიდენტი დონალდ ტრამპი ცეცხლის შეწყვეტის შესახებ ვლადიმერ პუტინის განცხადებას ეხმაურება. ტრამპი ამბობს, განცხადება, „ძალიან პერსპექტიულია“, მაგრამ „არ იყო სრული“. მან აღნიშნა, რომ ის მზად არის რუსეთის პრეზიდენტთან ცეცხლის შეწყვეტის შესახებ ისაუბროს. “იმედი მაქვს, რომ რუსეთი სწორად მოიქცევა” – განაცხადა ტრამპმა ნატო-ს გენერალურ მდივან, მარკ სრუტესთან ერთად მედიასთან საუბრისას.

ბრიტანეთის პრემიერ მინისტრი კირ სტარმერი აცხადებს, რომ რუსეთზე მეტი ზეწოლაა საჭირო, უკრაინასთან მიმართებაში კი აუცილებელია უსაფრთხოების გარანტიების უზრუნველყოფა. „უპირველეს ყოვლისა, შევინარჩუნოთ ყურადღება უკრაინაში გრძელვადიან და უსაფრთხო მშვიდობაზე, რაც ჩვენ, ყველას გვინდა. არ მიკვირს რუსეთის ეს პოზიცია. ისინი საკმაოდ მკაფიოები იყვნენ ყოველთვის. ვფიქრობ, სამშაბათს პროგრესი დავინახეთ. ახლა ბურთი რუსეთის მოედანზე გადავიდა და ზეწოლაც ამ მიმართულებით უნდა განხორციელდეს, ეს კარგია, რადგან რუსეთია აგრესორი ქვეყანა. რუსეთი ის ქვეყანაა, სადაც ადრე იყო გარიგებები და შეთანხმებები, არ ასრულებდა მათ. ჩვენ ვიცით, რომ პუტინს აქვს ამბიციები, რომლებიც თითქმის შეუნიღბავია“ – აცხადებს სტარმერი.

რუსეთის პრეზიდენტი, ვლადიმერ პუტინი გრძელვადიანი მშვიდობის გარანატიას ითხოვს. ამის შესახებ, მან ლუკაშენკოსთან ერთობლივ პრესკონფერენციაზე განაცხადა. პუტინი მშვიდობას საკუთარი პირობებით დათანხმდება. გარდა ამისა, რუსეთის პრეზიდენტი დონალდ ტრამპს მადლობას უხდის, იმისთვის  რომ დროს უთმობს უკრაინის კონფლიქტის მოგვარებას. “რაც შეეხება ცეცხლის შეწყვეტის შეთანხმებას, პირველ რიგში, მინდა მადლობა გადავუხადო დონალდ ტრამპს. იმისთვის, რომ ის უთმობს დიდ დროს უკრაინის კონფლიქტის მოგვარებას, ყველა ჩვენგანს თავის საქმე აქვს. მაგრამ ბევრი სახელმწიფო მეთაური, მათ შორის, ჩინეთის, ინდოეთის, ბრაზილიის და სამხრეთ აფრიკის პრეზიდენტები, უთმობენ არც ისე ცოტა დროს ამ საკითხს. ჩვენ მათი მადლობლები ვართ, იმიტომ რომ, ამ მცდელობის მიზეზი საბრძოლო…

რუსეთის საგარეო საქმეთა მინისტრმა, სერგეი ლავროვმა განაცხდა, რომ უკრაინაში 2014 წლიდან ზავი არაერთხელ გამოცხადებულა. ლავროვი ამბობს, რომ კრემლს სჭირდება მდგრადი, მუდმივი მშვიდობა, რომელიც ეყრდნობა უკრაინაში ამჟამინდელი სიტუაციის გამომწვევი პირველადი მიზეზების აღმოფხვრას. „როგორც 2014 წლიდან ისტორია გვაჩვენებს, დროებით ზავი უკვე გამოცხადებულა არაერთხელ. ეს არის მინსკის შეთანხმებებიც და ის შეთანხმებებიც, რომლებიც 2014 წლის პუტჩით დაირღვა, და შეთანხმებები სტამბოლშიც. ყველაფერი ეს ზავის გამოცხადებასთან იყო დაკავშირებული. მუდმივად, ყოველ ჯერზე ასეთი შეთანხმებების მერე ირკვეოდა, რომ ჩვენ გვატყუებდნენ. გვატყუებდნენ უკრაინელები ევროპიდან თავიანთი პარტნიორების მხარდაჭერით“- განაცხადა სერგეი ლავროვმა. როგორც სერგეი ლავროვი აცხადებს, უკრაინელები ტრამპის ადმინისტრაციას ვერ მოატყუებენ.…

ვლადიმერ პუტინი ბელარუსის პრეზიდენტს, ალექსანდრე ლუკაშენკოს მასპინძლობდა. როგორც ლუკაშნეკომ განაცხადა, მათ შორის საუბარი უკრაინის კონფლიქტის დარეგულირებას ეხებოდა. “ვისაუბრეთ უკრაინის კონფლიქტის დარეგულირების შესახებ. ბატონ ვლადიმერს დღეს და ხვალ მოუწევს ინტენსიური მუშაობა, უკრაინის თემასთან დაკავშირებით“ – განაცხადა ბელარუსის პრეზიდენტმა, ალექსანდრე ლუკაშენკომ. მისივე თქმით, სანქციებმა, რომელიც მათ წინაღმდეგ სხვადასხვა ქვეყნებმა დააწესეს, რუსეთთან დაახლოვა. „ჩვენ ვხედავთ გეოპოლიტიკურ გადანაწილებებში ძალიან მნიშვნელოვან ცვლილებებს, მაგრამ ეს ჯერ არ იქცა გლობალურად. რიგი სახელმწიფოების მიერ დაწესებული ეკონომიკური სანქციები არსად გამქრალა, თუმცა, ეს სანქციები დაგვეხმარა, რადგან რუსეთთან დაგვაახლოვა. ეს სანქციები პირველ რიგში იმ ქვეყნებს ურტყამს, რომლებმაც ისინი შემოიღეს. მათ მოგვცეს…

ისრაელის სამხედროების მტკიცებით, „ისლამურმა ჯიჰადმა“ დაგეგმა და განახორციელა ტერორისტული საქმიანობა სამეთაურო ცენტრებიდან. პარალელურად ვრცელდება ინფორმაცია, რომ დამასოს გარეუბანში „ისლამური ჯიჰადის“ ლიდერის, ზიად ნახალეს სახლიც დაიბომბა, თუმცა სახლში არავინ იმყოფებოდა. ისრაელის თავდაცვის უწყების ხელმძღვანელის თქმით, ტერორისტული საქმიანობის ორგანიზება, სადაც არ უნდა მოხდეს, სირიის ისლამისტი ლიდერი ალ-ჯულანი ყველგან ნახავს ისრაელის სამხედრო თვითმფრინავს.

უკრაინის პრეზიდენტის, ვოლოდიმირ ზელენსკის განცხადებით, ცეცხლის შეწყვეტის შეთავაზებასთან დაკავშირებით რუსეთის პოზიცია აჩვენებს, რომ რუსეთს ამ ომის გახანგრძლივება სურს. „ეს კიდევ ერთხელ ცხადყოფს, რომ რუსეთი ცდილობს ომის გახანგრძლივებას და მშვიდობის რაც შეიძლება დიდხანს გადადებას. ვიმედოვნებთ, რომ შეერთებული შტატების მხრიდან ზეწოლა საკმარისი იქნება, რათა აიძულოს რუსეთი, დაასრულოს ომი“, – განაცხადა ზელენსკიმ.

ფინეთი უკრაინას დაახლოებით 200 მილიონი ევროს ღირებულების სამხედრო დახმარების ახალ პაკეტს გადასცემს. ინფორმაციას ფინეთის თავდაცვის სამინისტრო ავრცელებს და აღნიშნავს, რომ ფინეთმა და უკრაინამ ორმხრივი თავდაცვის თანამშრომლობის შესახებ შეთანხმებას მოაწერეს ხელი. ორი ქვეყანა შეთანხმდა თავდაცვის სფეროში თანამშრომლობის გაღრმავებაზე, მათ შორის შეიარაღებაზე, დაზვერვის გაცვლასა და საბრძოლო მასალის წარმოებაზე.

საერთაშორისო საკითხებში ვლადიმირ პუტინის მრჩეველისა და აშშ-სთან მოლაპარაკებებში რუსეთის წარმომადგენლის, იური უშაკოვის განცხადებით, მოსკოვი უკრაინასთან დროებითი ზავის დადებით დაინტერესებული არ არის. ,,მიგვაჩნია, რომ ჩვენი მიზანი – საკითხის მშვიდობიანი, გრძელვადიანი მოგვარებაა. ჩვენ ამისკენ მივისწრაფვით, მშვიდობიანი მოგვარებაში, რომელიც ჩვენი ქვეყნის კანონიერ ინტერესებს გაითვალისწინებს, ჩვენ ცნობილ შეშფოთებებს. რაღაც ნაბიჯები, რომელიც მშვიდობიანი მოქმედებების იმიტაციაა, არავის სჭირდება ამ სიტუაციაში”, – თქვა უშაკოვმა ,,Россия-1″-ის ეთერში. უშაკოვის ცნობით, მან ამერიკელ კოლეგას, მაიკლ უოლცს რუსეთის პოზიცია გააცნო.

,,უკრაინაში სხვა სახელმწიფოების შეიარაღებული ძალების დანაყოფების განლაგება ჩვენთვის აბსოლუტურად მიუღებელია”, – განაცხადა რუსეთის საგარეო საქმეთა სამინისტროს პრესსპიკერმა, მარია ზახაროვამ ბრიფინგზე. „მსგავსი გეგმების გამოცხადებაც კი ღია პროვოკაციულ ნაბიჯად მიგვაჩნია, რომელიც მიმართულია არა კონფლიქტის მოგვარებისკენ, არამედ კიევის რეჟიმის სათავეში მყოფი პირებისთვის მავნე ილუზიების შენარჩუნებისკენ. ჩვენთვის, უკრაინაში სხვა სახელმწიფოების შეიარაღებული ძალების დანაყოფების განლაგება ნებისმიერი დროშის ქვეშ, იქნება ეს უცხო კონტინგენტები, სამხედრო ბაზები, თუ სამშვიდობო ოპერაციები, რომლებიც შემოთავაზებულია მათ მიერ, აბსოლუტურად მიუღებელია. ეს ყველაფერი ამ ქვეყნების ჩვენს ქვეყანასთან პირდაპირ შეიარაღებულ კონფლიქტში ჩართვას ნიშნავს, რასაც ჩვენს ხელთ არსებული ყველა შესაძლო საშუალებით ვუპასუხებთ“, – განაცხადა მარია…

,,რუსები აგრძელებენ უკრაინელი ომის ტყვეების მკვლელობას. სოციალურ ქსელებში კიდევ ერთი ვიდეო ვრცელდება, სადაც ჩანს რუსების მიერ დატყვევებული უიარაღო უკრაინელი სამხედროების სავარაუდო სიკვდილით დასჯა”, – ამის შესახებ უკრაინის უმაღლესი რადას ადამიანის უფლებათა, კომისარმა დმიტრო ლუბინეცმა განაცხადა. მისი თქმით, გაერო-სა და „წითელი ჯვრის საერთაშორისო კომიტეტს“ წერილები გაუგზავნა, რათა ომის დანაშაულის დაფიქსირება უზრუნველყოფილიყო. „მათ, ვინც ბრძანებებს გასცემენ და ახორციელებენ ასეთ სისასტიკეს, პასუხი მთელი სიმკაცრით უნდა აგონ“, – აღნიშნა უკრაინის ომბუდსმენმა.

უნგრეთის პრემიერ-მინისტრის, ვიქტორ ორბანის აპარატის ხელმძღვანელის, გერგელი გულიაშის ცნობით, ბენიამინ ნეთანიაჰუ უახლოეს მომავალში უნგრეთში ჩავა. „ამჟამინდელი გეგმების მიხედვით, ის აღდგომამდე ჩამოვა. როგორც კი ვიზიტის თარიღი დადასტურდება, რა თქმა უნდა, გამოვაცხადებთ, უსაფრთხოების ზომების გათვალისწინებით“, – განაცხადა გულიაშმა. შეგახსენებთ, რომ 2024 წლის 21 ნოემბერს სისხლის სამართლის საერთაშორისო სასამართლომ ომის დანაშაულებისა და კაცობრიობის წინააღმდეგ ჩადენილი დანაშაულებისთვის ისრაელის პრემიერ-მინისტრის, ბენიამინ ნეთანიაჰუს, ყოფილი თავდაცვის მინისტრის, იოავ გალანტისა და „ჰამასის“ ლიდერის, იბრაჰიმ ალ-მასრის დაპატიმრების ორდერები გამოსცა. უნგრეთის პრემიერ-მინისტრმა, ვიქტორ ორბანმა სისხლის სამართლის საერთაშორისო სასამართლოს გადაწყვეტილებას ცინიკური უწოდა და ისრაელის პრემიერ-მინისტრი უნგრეთში მიიწვია. ამასთან, ორბანმა აღნიშნა, რომ…