დღე: მარტი 12, 2025

აშშ-ის პრეზიდენტი დონალდ ტრამპი აცხადებს, რომ მისი ადმინისტრაციის წარმომადგენლები ამჟამად რუსეთში მიემგზავრებიან, რათა ცეცხლის შეწყვეტის შეთავაზება განიხილონ. ამის შესახებ ტრამპმა ოვალურ კაბინეტში ირლანდიის პრემიერ-მინისტრთან მიშელ მარტინთან შეხვედრისას განაცხადა. „იმედი მაქვს, ჩვენ შევძლებთ რუსეთისგან ცეცხლის შეწყვეტის მიღებას. თუ ამას გავაკეთებთ, ვფიქრობ, ეს ამ საშინელი სისხლისღვრის დასრულების გზის 80% იქნება“, – აღნშნა ტრამპმა.

ევროკავშირი და წევრი ქვეყნები ახლა უკრაინის ძირითადი სტრატეგიული პარტნიორები არიან და კიევს თავდაცვის უფლების დაცვაში უნდა დაეხმარონ. ამის შესახებ ევროპარლამენტის მიერ 12 მარტს მიღებულ რეზოლუციაში არის აღნიშნული. რეზოლუციაში ევროპარლამენტარები მიესალმებიან 30-დღიანი ცეცხლის შეწყვეტის შესახებ წინადადებას და მოელიან, რომ რუსეთი მას დათანხმდება. რეზოლუცია ასევე აღნიშნავს, რომ შემდგომი რუსული აგრესიის შესაკავებლად ევროკავშირმა წვლილი უნდა შეიტანოს უკრაინისთვის მტკიცე უსაფრთხოების გარანტიებში. ევროპარლამენტარები  ეწინააღმდეგებიან უკრაინის ხელმძღვანელობის შანტაჟის ნებისმიერ მცდელობას, რათა დანებდნენ ე.წ. “სამშვიდობო შეთანხმების” მისაღწევად. გარდა ამისა, მიიჩნევენ, რომ ევროპულ უსაფრთხოებაზე არავითარი მოლაპარაკებები არ შეიძლება არსებობდეს ევროკავშირის გარეშე და ევროპარლამენტარები მიესალმებიან “მსურველთა კოალიციის” ჩამოყალიბებას სამომავლო სამშვიდობო შეთანხმების…

ნატო-ს გენერალური მდივანი, მარკ რუტე ხვალ აშშ-ს პრეზიდენტს, დონალდ ტრამპს შეხვდება. ნატო-ს პრესსამსახურის ინფორმაციით, ალიანსის გენერალური მდივანი, მარკ რუტე ვაშინგტონს 12-14 მარტს ეწვევა. „ვიზიტის ფარგლებში ის ადმინისტრაციისა და აშშ-ის კონგრესის მაღალჩინოსნებს შეხვდება“, – აღნიშნულია განცხადებაში.

,,ვოლოდიმირ ზელენსკიმ ჯიდაში გამართულ მოლაპარაკებებში გადამწყვეტი როლი ითამაშა”, – ამის შესახებ უკრაინის საგარეო საქმეთა სამინისტროს პრესსპიკერმა, გიორგი ტიხიმ განაცხადა. მისი თქმით, მოლაპარაკებები რვა საათის განმავლობაში უწყვეტად მიმდინარეობდა. „ისტორიკოსები არასაკმარისად აფასებენ ადამიანის რესურსის გამოფიტვის როლს ისტორიული გადაწყვეტილებების მიღებაში. სწორედ ბოლო საათებში, როდესაც დაღლილობა უკვე იგრძნობა, უცებ შესაძლებელი ხდება ჩიხიდან გამოსვლა და კომპრომისებიც კი. მოკლედ რომ ვთქვათ, მთას ის იპყრობს, ვისაც შეუძლია ბოლო ერთნახევარი კილომეტრის გავლა მხოლოდ ნებისყოფითა და ხასიათით, ასევე ემოციების კონტროლით. ფაქტობრივად, შეხვედრის წინა დღეებში ეს იყო მთავარი ამოცანა, რომელსაც, ვფიქრობ, საერთო ჯამში გავუმკლავდით. ერთობლივი განცხადების პროექტზე მუშაობის საბოლოო ეტაპებში,…

ევროკავშირის პრესმდივანმა ანიტა ჰიპერმა განაცხადა, რომ სირიის ახალი მთავრობა 17 მარტს ბრიუსელში გასამართ სირიის დონორულ კონფერენციაზეა დაპატიჟებული. „ჩვენ ყველანი დაინტერესებული ვართ სირიაში სიტუაციის სტაბილიზაციით. მნიშვნელოვანია, რომ ჩვენ ამას მივაღწიოთ, ხოლო ეს ინკლუზიურობით არის შესაძლებელი. მომდევნო ორშაბათს სირიის საკითხზე კონფერენცია გაიმართება, რაც მნიშვნელოვანი შესაძლებლობა იქნება გავესაუბროთ მათ ხელისუფლებას ადგილზე და გავიგოთ, თუ როგორ შეუძლია ევროკავშირს საუკეთესო დახმარების გაწევა“, – თქვა ჰიპერმა. გავრცელებული ინფორმაციით, ბრიუსელში მოწვევა გაეგზავნა სირიის ახალ საგარეო საქმეთა მინისტრს, ასად ჰასან შეიბანის.

უკრაინული მედიის ინფორმაციით, რუსეთის არმიის შეტევის ფონზე, უკრაინამ რუსეთის ტერიტორიიდან ყველაზე ბრძოლისუნარიანი ბრიგადების გაყვანის გადაწყვეტილება მიიღო. უკრაინის ხელისუფლებამ კურსკიდან ბრიგადები ალყაში მოქცევის საფრთხის გამო გაიყვანა. უკრაინული მედიის თანახმად, ორი კვირის წინ, უპილოტო თვითმფრინავების ელიტარულმა რუსულმა ჯგუფმა დაარღვია უკრაინული მომარაგების ხაზები. 25 თებერვალს მიზნობრივი დარტყმების შედეგად, მწყობრიდან გამოვიდა უკრაინის ათეულობით სატრანსპორტო საშუალება ქალაქ სუჯასთან. ქალაქი ემსახურებოდა 10 000-იანი უკრაინული ჯგუფის მთავარ ბაზას, რომელიც იცავდა ტერიტორიას კურსკის რეგიონში. ცნობისთვის, უკრაინის არმიის ნაწილები რუსეთის კურსკის რეგიონში გასული წლის აგვისტოში შეიჭრნენ.

,,საუდის არაბეთში გამართული მოლაპარაკების დროს უკრაინამ და აშშ-მა ტერიტორიული დათმობების საკითხები განიხილეს”, – ამის შესახებ აშშ-ის სახელმწიფო მდივანმა მარკო რუბიომ განაცხადა. რუბიოს არ დაუკონკრეტებია, თუ რა დათმობებზეა საუბარი. მან იმედი გამოთქვა, რომ რუსეთი 30 დღით ცეცხლის შეწყვეტას დათანხმდება. მან მოუწოდა მოსკოვს, რომ შეაჩეროს სამხედრო მოქმედებები, რათა ადამიანები აღარ დაიღუპნენ. მისი თქმით, აშშ რუსეთთან კონტაქტებს უახლოეს მომავალში დაამყარებს, მაგრამ მოსკოვის საპასუხო რეაქციის შესახებ ვაშინგტონში არაფერი იციან.

,,აშშ-ის პრეზიდენტმა, დონალდ ტრამპმა უკრაინის ლიდერს, ვოლოდიმირ ზელენსკის თავისი ადგილი მიუჩინა”, – ამის შესახებ თეთრი სახლის პრესმდივანმა, კაროლინ ლევიტმა Fox News-ის ეთერში განაცხადა. „პრეზიდენტი ტრამპი მოლაპარაკებების ხელოვნებას იუმჯობესებს. ის მთავარი მომლაპარაკებელია. მან პრეზიდენტ ზელენსკის თავისი ადგილი მიუჩინა და თქვა, რომ ამერიკელები სერიოზულად ეკიდებიან გრძელვადიან მშვიდობას. ჩვენ ძალიან გვიხარია ის, რასაც მიაღწიეს უკრაინელებმა ცეცხლის შეწყვეტაზე მუშაობისას“, – თქვა ლევიტმა. შეგახსენებთ, რომ აშშ-ისა და უკრაინის დელეგაციებმა გუშინ საუდის არაბეთის ქალაქ ჯიდაში მოლაპარაკებები გამართეს. მოლაპარაკებების შედეგად უკრაინა დათანხმდა 30-დღიან დროებით ცეცხლის შეწყვეტის წინადადებას. ამერიკა საპასუხოდ კიევისთვის სამხედრო დახმარებისა და სადაზვერვო ინფორმაციის გადაცემას განაახლებს.

თურქეთის პრეზიდენტის, რეჯეფ თაიფ ერდოღანის განცხადებით, ოჯახის დაცვა და ოჯახის ფასეულობების შენარჩუნება ყველა ჩვენგანისთვის ეროვნული მოვალეობაა. ,,ხელისუფლება ოჯახის ინსტიტუტის გასაძლიერებლად განსაზღვრულ ნაბიჯებს გადადგამს, რომ დაიცვას ეროვნული სტრუქტურა დევიანტური მოძრაობების შეჭრისგან და ცდუნებისგან. ჩვენ განვახორციელებთ ახალ პრაქტიკას, რომელიც გააძლიერებს ოჯახის ინსტიტუტს, ახალგაზრდებს გაუადვილებს ოჯახების შექმნას და ოჯახისათვის საფრთხეების აღმოფხვრას“, – განაცხადა ერდოღანმა. მისი თქმით, ქვეყნის ხელისუფლება თურქეთს „სამშვიდობო დიპლომატიის“ ეპიცენტრად გარდაქმნის.

„ამ დღეებში ამერიკელებთან კონტაქტები გვაქვს დაგეგმილი. სახელმწიფო მდივანი რუბიო და მრჩეველი უსაფრთხოების საკითხებში უოლცი ამ დღეებში სხვადასხვა არხებით შეგვატყობინებენ მოლაპარაკებების დეტალებსა და მიღწეულ შედეგებს“, – კრემლის პრესსპიკერმა, დიმიტრი პესკოვმა, 30-დღიან ცეცხლის შეწყვეტის საკითხთან დაკავშირებით, ბრიფინგზე განაცხადა. მისი თქმით, რუსეთს არ სურს შემოთავაზებული ცეცხლის შეწყვეტის შეთანხმების საკითხში მოვლენებს წინ გაუსწროს. „თქვენ მოვლენებს ცოტათი წინ უსწრებთ, ჩვენ ამის გაკეთება არ გვსურს. პირველ რიგში, აშშ-დან ინფორმაცია უნდა მივიღოთ. ჩვენ ჯიდაში გამართული შეხვედრის შემდეგ გაკეთებულ განცხადებებს ყურადღებით ვსწავლობთ და ერთობლივი განცხადების ტექსტს ვეცნობით“, – აღნიშნა პესკოვმა.

BBC-ის ცნობით, აშშ-ის განათლების დეპარტამენტი თანამშრომელთა რაოდენობის განახევრებას გეგმავს. შემცირება შეეხება დაახლოებით 2 100 ადამიანს, რომლებიც 21 მარტიდან შვებულებაში იქნებიან გაშვებული. დეპარტამენტში, რომლის წლიური ბიუჯეტი დაახლოებით 238 მილიარდ დოლარს შეადგენს, 4 000-ზე მეტი ადამიანია დასაქმებული. 1979 წელს დაარსებული დეპარტამენტი ზედამხედველობს საჯარო სკოლების დაფინანსებას, ადმინისტრირებას უწევს სტუდენტურ სესხებს და ახორციელებს პროგრამებს, რომლებიც დაბალშემოსავლიან სტუდენტებს ეხმარება. ასევე, მნიშვნელოვან როლს ასრულებს ფედერალური სტუდენტური სესხების ადმინისტრირებასა და ზედამხედველობაში, რომლებსაც მილიონობით ამერიკელი იყენებს უმაღლესი განათლების დასაფინანსებლად. დეპარტამენტში აღნიშნავენ, რომ შემცირებები გავლენას მოახდენს დეპარტამენტის ყველა განყოფილებაზე.

გრენლანდიის საპარლამენტო არჩევნებში ხმათა უმეტესობა ოპოზიციურმა დემოკრატიულმა პარტიამ (Demokraatit) მოიპოვა, მას 29.9%-იანი მხარდაჭერა აქვს. 2021 წლის შემდეგ პარტიის მხარდაჭერა 9.1%-ით არის გაზრდილი, პარტია გრენლანდიის დანიისგან ნელი ტემპით გამოყოფას ემხრობა. მეორე ადგილი, 24.5%-ით დაიკავა ოპოზიციურმა პარტია „ნალერაქმა“, რომელიც გრენლანდიის სწრაფ დამოუკიდებლობას ემხრობა. ხმათა 36% მიიღო მმართველი პარტიის „Inuit Ataqatigiit“-სა და პარტია „Siumut“-ის კოალიციამ. „ჩვენ ვცემთ პატივს არჩევნების შედეგებს“, – დაწერა გრენლანდიის პრემიერ-მინისტრმა, მუტე ეგედემ სოციალურ ქსელში და აღნიშნა, რომ განიხილავს კოალიციის შექმნის თაობაზე ნებისმიერ წინადადებას. შეგახსენებთ, რომ საპარლამენტო არჩევნები გრენლანდიაში 11 მარტს ჩატარდა. არჩევნებში ხუთი პარტია მონაწილეობდა.

,,აშშ-მა 30 დღით ცეცხლის სრული შეწყვეტა შემოგვთავაზა, ჩვენ მზად ვართ”, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა. ,,საუბარში სწორედ ამერიკული მხარის წინადადება იყო შემდგომ პირველი ნაბიჯის გადადგმა და 30 დღით ცეცხლის სრული შეწყვეტის ცდა, არა მხოლოდ რაკეტებთან, დრონებთან და ბომბებთან მიმართებით, არა მხოლოდ შავ ზღვაში, არამედ ასევე, ფრონტის მთელ ხაზზე. უკრაინა იღებს ამ წინადადებას, დადებითად მიგვაჩნია ის, მზად ვართ ასეთი ნაბიჯი გადავდგათ და აშშ-მა უნდა დაარწმუნოს რუსეთი, რომ ეს გააკეთოს. ანუ ჩვენ ვთანხმდებით და თუ რუსები დათანხმდებიან, მაშინვე სიჩუმე ამოქმედდება. უკრაინა მზად არის მშვიდობისთვის. თავისი მზადყოფნა, შეწყვიტონ ან…

,,ახლა რუსეთთან უნდა მივიდეთ და იმედი მაქვს, რომ პრეზიდენტი პუტინი, ასევე, დათანხმდება ამას და შევძლებთ ამ საშინელი ომის დასრულებას”, – ამის შესახებ აშშ-ის პრეზიდენტმა დონალდ ტრამპმა განაცხადა. ,,ეს ცეცხლის სრული შეწყვეტაა. უკრაინა დათანხმდა ამას და იმედი მაქვს, რომ რუსეთიც დათანხმდება. მათ შევხვდებით დღეს და ხვალ. იმედი მაქვს, რომ შეთანხმებას მივაღწევთ, მაგრამ ვფიქრობ, რომ ეს ცეცხლის შეწყვეტა ძალიან მნიშვნელოვანია. თუ შევძლებთ, რომ რუსეთმა ეს გააკეთოს, შესანიშნავი იქნება, თუ არა, ეს გაგრძელდება და ხალხი დაიხოცება, ბევრი ხალხი”, – განაცხადა ტრამპმა. ცნობისთვის, საუდის არაბეთში აშშ-ისა და უკრაინის წარმომადგენლებს შორის მოლაპარაკებების შემდეგ გამოქვეყნებული ერთობლივი…

უკრაინის საჰაერო ძალების ცნობით, სულ რუსულმა ძალებმა უკრაინის მიმართულებით „ისკანდერ-მ“ ტიპის 3 ბალისტიკური რაკეტა და 133 დრონი გაუშვეს, რომელთაგან 98 უკრაინის თავდაცვის ძალებმა ჩამოაგდეს, ხოლო 20 დრონი უკრაინის ტერიტორიაზე გაუჩინარდა. „მტრის თავდასხმის შედეგად ოდესის, დნეპროპეტროვსკის, ხარკოვის, სუმისა და კიევის ოლქები დაზარალდა“, – აცხადებენ უკრაინის საჰაერო ძალებში. უკრაინის თავდაცვის ძალებმა რუსების მიერ გაშვებული დრონები ხარკოვის, პოლტავის, სუმის, ჩერნიგოვის, ჩერკასის, კიევის, ჟიტომირის, ხმელნიცკის, ვინიცის, ტერნოპოლის, რივნეს, დნეპროპეტროვსკის, ზაპოროჟიეს, ოდესისა და ხერსონის ოლქებში გაანადგურეს.

რუსეთის საგარეო საქმეთა სამინისტროს ცნობით, რუსეთისა და აშშ-ის ოფიციალური პირები ერთმანეთთან კომუნიკაციას უახლოეს დღეებში შეძლებენ. ,,ჩვენ არ გამოვრიცხავთ კონტაქტს აშშ-ის წარმომადგენლებთან უახლოეს დღეებში”, – განუცხადა საგარეო საქმეთა სამინისტროს პრესსპიკერმა მარია ზახაროვამ რუსეთის სახელმწიფო საინფორმაციო სააგენტო Tass-ს.