დღე: მარტი 8, 2025

პოლონეთის საგარეო საქმეთა მინისტრი, რადოსლავ სიკორსკი უნგრეთის პრემიერ-მინისტრის, ვიქტორ ორბანის იდეას ეხმაურება,  რომლის თანახმადაც, უკრაინის ევროკავშირში სამომავლო წევრობაზე რეფერენდუმი უნდა ჩატარდეს. „უნგრეთი ევროკავშირში უკრაინის სამომავლო წევრობაზე რეფერენდუმის ჩატარებას გეგმავს. ჩემთვის საინტერესო იქნებოდა ევროკავშირში ორბანის უნგრეთის წევრობაზე რეფერენდუმის შედეგების გაგება” – წერს სიკორსკი.

ვიქტორ ორბანის განცხადებით, უნგრეთი და ამერიკის შეერთებული შტატები ეკონომიკურ თანამშრომლობის პაკეტზე შეთანხმდებიან, რომელიც დაეხმარება ქვეყნის ეკონომიკას და შესაძლოა, შეცვალოს აშშ-ის ტარიფების ეფექტი. უნგრეთის პრემიერ-მინისტრის თქმით, ასეთი ეკონომიკური შეთანხმება უნგრეთს დაეხმარება მაშინაც კი, აშშ-სა და ევროკავშირს შორის თუ სავაჭრო ომი დაიწყება. „სავაჭრო ომში უნგრეთს ზიანი მიადგება ისევე, როგორც ევროკავშირის ყველა წევრ ქვეყანას. ჩვენ ჯერ არ ვიცით მისი მასშტაბები, მაგრამ შეგვიძლია, დარწმუნებული ვიყოთ, რომ ეს მოხდება“ – განაცხადა ორბანმა უნგრეთის სავაჭრო-სამრეწველო პალატის ყოველწლიურ კონფერენციაზე.

ნატო-ს გენერალური მდივანი მარკ რუტე აცხადებს, რომ უსაფრთხოების უზრუნველსაყოფად მეტის დახარჯვა მოუწევთ. მარკ რუტემ აღნიშნა, რომ საჭიროა საბრძოლო მასალის, გემების, ტანკების, თვითმფრინავების, თანამგზავრებისა და დრონების წარმოების გაზრდა. „ჩვენ თავდაცვის წარმოება ატლანტის ოკეანის ორივე მხარეს უნდა გავზარდოთ, ჩვენ უკვე ძალიან დიდი ხნის განმავლობაში ძალიან ცოტას ვაწარმოებთ“ – განაცხადა მარკ რუტემ.

ამერიკული მედია აქტიურად წერს, 6 მარტს თეთრ სახლში, მინისტრთა კაბინეტის შეხვედრაზე, აშშ-ს სახელმწიფო მდივან მარკო რუბიოსა და მთავრობის ეფექტიანობის დეპარტამენტის (DOGE) ხელმძღვანელ ილონ მასკს შორის მწვავე დაპირისპირებაზე. Financial Times-მა გაავრცელა ინფორმაცია, რომ აშშ-ს პრეზიდენტმა დონალდ ტრამპმა ილონ მასკის ხარჯების შემცირების სამუშაო ჯგუფის შეზღუდვა დაიწყო და თავის მინისტრთა კაბინეტის წევრებს დაავალა, რომ “ყველაზე პროდუქტიული” ფედერალური თანამშრომლები გათავისუფლებისგან დაიცვან. დაპირისპირების დეტალებს გამოცემა New York Times ავრცელებს. NYT-ის ცნობით, შეხვედრაზე მასკმა რუბიო დაადანაშაულა, რომ მან სახელმწიფო დეპარტამენტის მომსახურე პერსონალიდან საკმარისი რაოდენობის თანამშრომლები არ გაათავისუფლა. “შენ არავინ გაგითავისუფლებია” – უთხრა მასკმა რუბიოს და დაამატა,…

სამხრეთ კორეის პრეზიდენტმა, რომელიც იმპიჩმენტის საკითხზე თანამდებობიდან დროებით გადააყენეს, საპატიმრო დატოვა. სასამართლომ იუნ სუკ იოლის პატიმრობის გაგრძელების მოთხოვნა არ დააკმაყოფილა. 64 წლის იუნ სუკ იოლის უფლებამოსილება კვლავ შეჩერებული აქვს. საბოლოო გადაწყვეტილება მის ოფიციალურ გათავისუფლებაზე ან უფლებამოსილების აღდგენაზე საკონსტიტუციო სასამართლომ უნდა მიიღოს. სამხრეთ კორეის პრეზიდენტი 15 იანვარს დააკავეს. მან 3 დეკემბერს, ჯერ კიდევ მაშინ, როდესაც პრეზიდენტის პოსტს იკავებდა, ქვეყანაში მოულოდნელად საომარი მდგომარეობა გამოაცხადა და არჩევნებში გამარჯვებულ თავის ოპონენტებს პარლამენტში შესვლის საშუალებას არ აძლევდა. საპასუხოდ, პარლამენტმა მის წინააღმდეგ იმპიჩმენტის პროცედურა დაიწყო და თანამდებობიდან გადააყენეს.

უკრაინის პრეზიდენტი, ვოლოდიმირ ზელენსკი რუსული ძალების მიერ დონეცკის ოლქის ქალაქ დობროპილიაზე განხორციელებულ სარაკეტო იერიშებს ეხმაურება. ზელენსკი ამბობს, რომ დობროპილიაზე განხორციელებული დარტყმა აჩვენებს, რომ რუსეთის მიზნები არ შეცვლილა. „საღამოს რუსულმა არმიამ დონეცკის ოლქის ქალაქ დობროპილიას ცენტრს ორი ბალისტიკური რაკეტით დაარტყა. შემთხვევის ადგილზე ჩვენი სამსახურების მისვლისთანავე მორიგი დარტყმა განხორციელდა, რომლის სამიზნე მაშველები იყო. დაშინების ამაზრზენი და არაადამიანური ტაქტიკა, რომელსაც რუსები ხშირად მიმართავენ. მსგავსი დარტყმები აჩვენებს, რომ რუსეთის მიზნები უცვლელი რჩება. ამიტომ, ძალიან მნიშვნელოვანია, სიცოცხლის დასაცავად, ჩვენი საჰაერო თავდაცვის გასაძლიერებლად და რუსეთის წინააღმდეგ სანქციების გასაძლიერებლად ყველაფრის გაკეთება გავაგრძელოთ“, – წერს ვოლოდიმირ ზელენსკი „ტელეგრამის“…

“ჩვენ უფრო უსაფრთხოდ ვიქნებოდით, თუ საკუთარი ბირთვული არსენალი გვექნებოდა“– ამის შესახებ პოლონეთის პრემიერ-მინისტრმა, დონალდ ტუსკმა განაცხადა. ჟურნალისტებთან გამართულ შეხვედრაზე ტუსკმა ისაუბრა საფრანგეთის იდეაზე ევროპის დაცვის შესახებ. პოლონეთის მთავრობის მეთაურმა განაცხადა, რომ პარიზის შეთავაზება სერიოზულად განიხილება, თუმცა ის ასევე იწვევს გარკვეულ ეჭვებს. ტუსკის თქმით, პრობლემა მდგომარეობს იმაში, თუ ვის ექნება ასეთ იარაღზე ფაქტობრივი ძალაუფლება. „თუ გადაწყვეტილებას მივიღებთ ამის შესახებ, სასურველი იქნებოდა, დარწმუნებული ვყოფილიყავით, რომ ის ჩვენს ხელში იქნება“ – აღნიშნა ტუსკმა.

სირიის უსაფრთხოების ძალებმა 300-ზე მეტი ალავიტი მშვიდობიანი მოქალაქე მოკლეს.  „ფრანს-პრესის“ ცნობით, ხუთშაბათს, სირიის ყოფილი პრეზიდენტის, ბაშარ ალ-ასადის მხარდამჭერ მებრძოლებთან შეტაკებების დაწყების შემდეგ, სირიის უსაფრთხოების ძალებმა და მათმა მოკავშირეებმა 311 ალავიტი მშვიდობიანი მოქალაქე მოკლეს. სირიის ადამიანის უფლებათა ობსერვატორიის ინფორმაციით, შეტაკებების შედეგად დაღუპულთა რაოდენობა 524 ადამიანს აღწევს, მათ შორის, 213 უსაფრთხოების ძალების წევრი და ბაშარ ალ-ასადის მხარდამჭერი მებრძოლია. შეტაკებების დაწყების შემდეგ სირიის დროებითმა პრეზიდენტმა, აჰმედ ალ-შარაამ განაცხადა, რომ ბაშარ ალ-ასადის მხარდამჭერებს „ახალი სირიის გამოცდა სურთ“.

დონალდ ტრამპის ადმინისტრაცია ამერიკელი ჯარისკაცების გერმანიიდან უნგრეთში გადაყვანას განიხილავს. ინფორმაციას მედია თეთრ სახლთან დაახლოებულ წყაროებზე დაყრდნობით ავრცელებს. გამოცემის ცნობით, აშშ-ის პრეზიდენტის, დონალდ ტრამპის ადმინისტრაცია გერმანიიდან დაახლოებით 35 000 ამერიკელი ჯარისკაცის გადაყვანას განიხილავს. „ტრამპი გაბრაზებულია იმის გამო, რომ ისინი [ევროპა], როგორც ჩანს, კვლავ ომის გაგრძელებას მოითხოვენ“ – განუცხადა გამოცემას წყარომ. აშშ-ის ეროვნული უშიშროების საბჭოს სპიკერმა, ბრაიან ჰიუზმა განაცხადა, რომ ამ ეტაპზე კონკრეტული განცხადების გაკეთება მოსალოდნელი არ არის.  

სლოვაკეთის პრემიერ-მინისტრის, რობერტ ფიცოს წინააღმდეგ გამართულ საპროტესტო აქციებზე ათასობით ადამიანი გამოვიდა. აქციები სლოვაკეთის დედაქალაქ ბრატისლავასა და 40-ზე მეტ ქალაქში გაიმართა. მოქალქეები რობერტ ფიცოს მისამართით სკანდირებდნენ, „სირცხვილია“ და „მოღალატე“. ცნობისთვის, 2024 წლის დეკემბერში პრემიერ-მინისტრის, რობერტ ფიცოს მოსკოვში ვიზიტის შემდეგ სლოვაკეთში ბოლო რამდენიმე თვის განმავლობაში ფიცოს გადადგომის მოთხოვნით არაერთი მასშტაბური საპროტესტო აქცია გაიმართა.

ამერიკის შეერთებული შტატებისა და უკრაინის პრეზიდენტების მორიგ შეხვედრამდე 3 დღე რჩება. გავრცელებული ინფორმაციით, თეთრ სახლში გამართული შეხვედრის შემდეგ ტრამპ-ზელენსკის შეხვედრა საუდის არაბეთში გაიმართება. ამერიკული და უკრაინული მხარეები რუსეთის ომის დასრულებაზე ისაუბრებენ. დონალდ ტრამპი აცხადებს, რომ უკრაინასთან გამკლავება უფრო უჭირს და საბოლოო შეთანხმების მიღწევის კუთხით, შესაძლოა, უფრო ადვილი რუსეთთან ურთიერთობა იყოს.  

რუსებმა უკრაინის მიმართულებით სამი რაკეტა და 145 დრონი გაუშვეს. ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს. უკრაინის საჰაერო ძალების ცნობით, სულ რუსულმა ძალებმა უკრაინის მიმართულებით ისკანდერ-მ/კნ-23 ტიპის 2 ბალისტიკური რაკეტა, ისკანდერ-კ ტიპის ერთი ფრთოსანი რაკეტა და 145 დრონი გაუშვეს, რომელთაგან 79 უკრაინის თავდაცვის ძალებმა ჩამოაგდეს, ხოლო 54 უკრაინის ტერიტორიაზე გაუჩინარდა. დრონები ხარკოვის, პოლტავის, სუმის, ჩერნიგოვის, ჩერკასის, კიევის, კიროვოგრადის, დნეპროპეტროვსკის, ზაპოროჟიეს, დონეცკის, ნიკოლაევისა და ოდესის ოლქებში გაანადგურეს. უკრაინული მედიის ინფორმაციით, რუსული ძალების მიერ ხარკოვის ოლქში მდებარე საწარმოზე განხორციელებული დარტყმის შედეგად დაღუპულთა რაოდენობა სამამდე გაიზარდა.

“ზედიზედ 100 დღეა მამაცი ქართველი ხალხი აპროტესტებს ივანიშვილის რეჟიმის მიერ ოქტომბრის არჩევნების გაყალბებას” – წერს ჰელსინკის კომისიის თანათავმჯდომარე, კონგრესმენი ჯო უილსონი X-ის საკუთარ გვერდზე. კონგრესმენი ამბობს, რომ ამერიკა იმოქმედებს!. “ზედიზედ 100 დღეა მამაცი ქართველი ხალხი აპროტესტებს ივანიშვილის რეჟიმის მიერ ოქტომბრის არჩევნების გაყალბებას და მყარად დგას იმის მიუხედავადაც, რომ რეჟიმი კიდევ უფრო ღრმად ჩაეფლო რეპრესიასა და ტირანიაში. ამერიკა იმოქმედებს! #MEGOBARI. თვალყური ადევნეთ” – წერს უილსონი.

აშშ-ის პრეზიდენტმა, დონალდ ტრამპმა განაცხადა, რომ ილონ მასკსა და მარკო რუბიოს შორის დაპირისპირება არ ყოფილა. „არანაირი დაპირისპირება არ ყოფილა, მე იქ ვიყავი. ილონი მარკოს მშვენივრად უგებს და ორივე შესანიშნავად მუშაობს. მათ შორის არანაირი დაპირისპირება არ არის“ – განაცხადა დონალდ ტრამპმა. მანამდე The New York Times-მა ინფორმაცია გაავრცელა, რომ ხუთშაბათს, აშშ-ის პრეზიდენტის, დონალდ ტრამპის კაბინეტის შეხვედრაზე, აშშ-ის სახელმწიფო მდივანი, მარკო რუბიო და ტრანსპორტის მდივანი, შონ დაფი ილონ მაკს სამთავრობო ხარჯების შემცირების მიზნით ფედერალური სამსახურებიდან თანამშრომლების გათავისუფლების საკითხის შესახებ დაუპირისპირდნენ. როგორც გამოცემა წერს, დაპირისპირების შემდეგ დონალდ ტრამპმა განაცხადა, რომ იგი ილონ მასკის…