დღე: მარტი 6, 2025

უკრაინის პრეზიდენტი ვოლოდიმირ ზელენსკი აქვეყნებს რამდენიმე ნაბიჯს, რომელიც შეიძლება იყოს წინაპირობა, ხანგრძლივი მშვიდობის მისაღწევად. ზავი ჰაერსა და ზღვაში, ტყვეების გათავისუფლება – ეს ის პირველი ნაბიჯებია, რომელსაც ზელენსკი ასახელებს . “ყველამ უნდა უზრუნველყოს, რომ რუსეთმა, ამ ომის ერთადერთმა წყარომ, მიიღოს მისი დასრულების საჭიროება. ამის “სიჩუმის” ორი ფორმით დადასტურება შეიძლება: არავითარი თავდასხმები ენერგეტიკაზე და სხვა სამოქალაქო ინფრასტრუქტურაზე – ზავი რაკეტებისთვის, ბომბებისთვის, შორი მანძილის დრონებისთვის; არავითარი სამხედრო ოპერაციები შავ ზღვაში. შემდეგი ნაბიჯია საბაზისო ნდობა გარემოებებისადმი, რომლებშიც მოლაპარაკებები მიმდინარეობს. უკრაინელები, ყველა ევროპელი, ამერიკელები, მსოფლიოში ყველა ადამიანური გული, რომელიც ომს არ ეთანხმება – ყველამ უნდა ვიგრძნოთ, რომ რუსები…

უკრაინელი ლტოლვილებისთვის დროებითი სამართლებრივი სტატუსის გაუქმების გეგმის შესახებ გავრცელებულ ინფორმაციას თეთრი სახლში ეხმაურებიან. აღნიშნულს პრესსპიკერი კეროლაინ ლევიტი ყალბ ამბავს უწოდებს  როგორც თეთრი სახლის წარმომადგეენლი წერს, სინამდვილეში ამ დროისთვის არანაირი გადაწყვეტილება მიღებული არ არის. „ეს არის მორიგი ყალბი ამბავი „როიტერისგან“, რომელიც ეფუძნება ანონიმურ წყაროებს, რომლებსაც წარმოდგენა არ აქვთ, რაზე საუბრობენ. სიმართლე ისაა, რომ არანაირი გადაწყვეტილება არ არის მიღებული ამ დროისთვის“ – წერს კეროლაინ ლევიტი.

ვლადიმირ პუტინმა განაცხდა, რომ მშვიდობა სურს.  რუსეთის პრეზიდენტი ამბობს, რომ რუსეთი “საკუთარს არ დათმობს”. “ჩვენთვის მშვიდობის ისეთი ვარიანტი უნდა ავირჩიოთ, რომელიც მისაღები იქნება ჩვენთვის და რომელიც ხანგრძლივი ისტორიული პერსპექტივით უზრუნველყოფდა სიმშვიდეს ჩვენი ქვეყნისთვის. სხვისი არაფერი გვინდა, მაგრამ საკუთარს არ დავთმობთ. ისეთი ვარიანტი გვჭირდება, რომელიც უზრუნველყოფდა ჩვენი ქვეყნის სტაბილურ განვითარებას მშვიდობისა და უსაფრთხოების პირობებში” – განაცხადა პუტინმა.  

უკრაინის შეიარაღებული ძალების ყოფილმა მთავარსარდალმა და დიდ ბრიტანეთში ელჩმა, ვალერი ზალუჟნიმ განაცხადა, აშშ არსებულ მსოფლიო წესრიგს ანადგურებს. ზალუჟნის თქმით, რუსეთთან კომპრომისის მიღწევის მცდელობებით აშშ არსებულ მსოფლიო წესრიგს “ანადგურებს”. მან სხვა ქვეყნების წარმომადგენლებთან აღნიშნა, რომ ნატო-ს დაშლის რისკი არსებობს და ევროპა გააფრთხილა, რომ ის შესაძლოა რუსეთის შემდეგი სამიზნე გახდეს.

საბერძნეთის დედაქალაქ ათენში პოლიციასა და დემონსტრანტებს შორის შეტაკებები მოხდა. სინტაგმას მოედანზე, პარლამენტის წინ შეკრებილი ათასობით ადამიანი მთავრობისგან ორი წლის წინ სარკინიგზო კატასტროფის შედეგებზე პასუხისმგებელი პირების დასჯასა და სამართლიანობის აღდგენას ითხოვდა. სარკინიგზო ავარიას 2023 წლის 28 თებერვალს, ტემპას მუნიციპალიტეტში 57 ადამიანი ემსხვერპლა. საქმეზე დაწყებულია გამოძიება თუმცა, ამ დრომდე, არავის პასუხისმგებლობის საკითხი არ დამდგარა. განვითარებული მოვლენებიდან გამომდინარე, ოპოზიციამ საბერძნეთის პარლამენტში ქვეყნის პრემიერ-მინისტრის უნდობლობის გამოცხადების საკითხი დააყენა.

,,გვჭირდება უკრაინის გაძლიერება, რომ შეძლონ ამ ომის საკუთარი პირობებით დასრულება, ამისთვის კი ევროპული მხარდაჭერა სჭირდებათ”, – ამის შესახებ ევროკავშირის უმაღლესმა წარმომადგენელმა, კაია კალასმა განაცხადა. „ჩვენ საბჭოს მნიშვნელოვანი შეხვედრა გვაქვს დღეს. განვიხილავთ თავდაცვას, რისი გაკეთება შეგვიძლია საკუთარი თავდაცვის გასაძლიერებლად. როდესაც თავდაცვის დაფინანსებაზეა საუბარი, მაგიდაზე განსახილველად ყველა ვარიანტია წარმოდგენილი – გრანტებიდან და გაერთიანების ფონდიდან თანხების რელოკაციით, ფისკალური წესების ცვლილებამდე. მიმაჩნია, რომ ეს ძალიან მნიშვნელოვანია, რადგან ჩვენ ნამდვილად გვჭირდება თავდაცვის გაძლიერება. ასევე, რა თქმა უნდა, განვიხილავთ უკრაინის საკითხს, რა შეგვიძლია გავაკეთოთ უკრაინის კიდევ უფრო მხარდასაჭერად. ჩვენ წარმოდგენილი გვაქვს ინიციატივა და ვიმედოვნებ, რომ შევძლებთ…

,,მადლობლები ვართ, რომ მარტო არ ვართ. ეს მხოლოდ სიტყვები არ არის, ჩვენ ამას ვგრძნობთ”, – განაცხადა უკრაინის პრეზიდენტმა, ვოლოდიმირ ზელენსკიმ, რომელიც ბრიუსელში ევროკავშირის საგანგებო სამიტზე იმყოფება და სადაც უკრაინის საკითხზე იმსჯელებენ. ,,პირველ რიგში მინდა მადლობა გადავუხადო ჩვენ ევროპელ ლიდერებს. მადლობა თქვენი ძლიერი სიგნალისთვის, ძლიერი მხარდაჭერისთვის ომის დაწყების დღიდან, მთელი ამ პერიოდის განმავლობაში და ბოლო პერიოდშიც. მადლობლები ვართ, რომ მარტო არ ვართ. ეს მხოლოდ სიტყვები არ არის, ჩვენ ამას ვგრძნობთ. თქვენ ძლიერი სიგნალი გაუგზავნეთ უკრაინელ ხალხს, მეომრებსა და მშვიდობიან მოსახლეობას, ჩვენ ოჯახებს და კარგია, რომ მარტო არ ვართ. ჩვენ ამას ვგრძნობთ.…

,,ვოლოდიმირ, თქვენ ყოველთვის სასურველი სტუმარი ხართ ბრიუსელში. თქვენს გვერდით ვართ, რათა უკრაინას სამართლიანი და ხანგრძლივი მშვიდობის მისაღწევად მხარი დავუჭიროთ”, – განაცხადა ევროპული საბჭოს პრეზიდენტმა, ანტონიო კოშტამ ბრიუსელში საგანგებო სამიტის დაწყებამდე. ,,ძალიან მიხარია, რომ დღეს პრეზიდენტ ვოლოდიმირ ზელენსკის ვმასპინძლობთ. ვოლოდიმირ, თქვენ ყოველთვის სასურველი სტუმარი ხართ ბრიუსელში. ჩვენ აქ ვართ, რათა უკრაინას ყოვლისმომცველი, სამართლიანი და ხანგრძლივი მშვიდობის მისაღწევად მხარი დავუჭიროთ. ძვირფასო ვოლოდიმირ, ჩვენ თქვენს გვერდით ვართ. ჩვენ გავაგრძელებთ თქვენთან ერთად ახლაც და მომავალშიც”, – აღნიშნა კოშტამ.

ტრამპის ადმინისტრაციის წარმომადგენლებმა უკრაინის ოპოზიციის წევრებთან საიდუმლო მოლაპარაკებები გამართეს. „პოლიტიკოს“ ინფორმაციით, აშშ-ის პრეზიდენტის გუნდის ოთხი წევრი უკრაინის ოპოზიციის ლიდერს, იულია ტიმოშენკოს და ყოფილი პრეზიდენტის, პეტრო პოროშენკოს გუნდის წევრებს შეხვდნენ. უკრაინელ დეპუტატებზე და აშშ-ის საგარეო პოლიტიკის რესპუბლიკელ ექსპერტზე დაყრდნობით „პოლიტიკო“ წერს, რომ მხარეებმა განიხილეს, შეიძლება თუ არა უკრაინაში სწრაფად საპრეზიდენტო არჩევნების ჩატარება. გამოცემის ცნობით, ტიმოშენკო და პოროშენკო საჯაროდ ეწინააღმდეგებოდნენ არჩევნების ჩატარებას საბრძოლო მოქმედებების დასრულებამდე, ისევე როგორც კიევის მერი, ვიტალი ვიტალი კლიჩკო.

,,ჩვენ გვჭირდება მშვიდობა ძალის საშუალებით და ეს არის მიზეზი, რატომაც დღეს ევროპის ლიდერებს ახლიდან წარვუდგენ შეიარაღების გეგმას”, – ამის შესახებ  ევროკომისიის პრეზიდენტმა, ურსულა ფონ დერ ლაიენმა ევროკავშირის ლიდერთა საგანგებო სამიტის დაწყებამდე ჟურნალისტებს განუცხადა. მისი თქმით, ეს არის წყალგამყოფი მომენტი ევროპისთვის და უკრაინისთვის, როგორც ევროპული ოჯახის ნაწილისთვის. „ევროპის წინაშეა ცხადი საფრთხე და ამიტომ ევროპას უნდა შეეძლოს თავის დაცვა, ისევე როგორც უკრაინას უნდა დავეხმაროთ, რომ დაიცვას თავი, მხარი დავუჭიროთ გრძელვადიან და სამართლიან მშვიდობას. ჩვენ გვჭირდება მშვიდობა ძალის საშუალებით და ეს არის მიზეზი, რატომაც დღეს ევროპის ლიდერებს ახლიდან წარვუდგენ შეიარაღების გეგმას. ეს გეგმა…

„ლიეტუვა მზად არის, თავისი წვლილი შეიტანოს ფონდში, რადგან მოწოდებული ვართ, მხარი დავუჭიროთ უკრაინას ყოველწლიურად ჩვენი მთლიანი შიდა პროდუქტის 0,25%-ით”, – ამის შესახებ ლიეტუვის პრეზიდენტმა, გიტანას ნაუსედამ ევროკავშირის ლიდერთა საგანგებო სამიტის დაწყებამდე ჟურნალისტებს განუცხადა. ,,ჩვენ დავთვალეთ, თუ სხვა ქვეყნები მზად იქნებიან, გადაიხადონ იგივე რაოდენობა, უკრაინა მიიღებს 43 მილიარდ ევროს და ეს არის ბევრი. ეს არის სწორედ ის, რაც მათ ახლა სჭირდებათ. ასევე, მნიშვნელოვანია უკრაინის პოლიტიკური მხარდაჭერა. ასე რომ, ლიდერებს ვთავაზობ, დავადგინოთ უკრაინის ევროკავშირში გაწევრიანების საორიენტაციო ვადა, მაგალითად, 2030 წლის პირველი იანვარი. ეს არ იქნება სამართლებრივი განსაზღვრა, თუმცა ეს იქნება ჩვენი პოლიტიკური…

„ჩემთვის ყველაზე მნიშვნელოვანია ევროპის გადაიარაღება. ვფიქრობ, ბევრი დრო არ გვაქვს, ამიტომ საჭიროა ხარჯვა, ხარჯვა, ხარჯვა – თავდაცვასა და შეკავებაზე”, – ამის შესახებ დანიის პრემიერ-მინისტრმა, მეტე ფრედერიქსენმა ბრისუელში ევოკავშირის საგანგებო სამიტის დაწყებამე განაცხადა. ,,ესაა ყველაზე მნიშვნელოვანი გზავნილი და ამასთან ერთად, უნდა გაგრძელდეს უკრაინის მხარდაჭერა, რადგანაც ჩვენ გვინდა, მშვიდობა ევროპაში და ამის გაკეთება შეუძლებელია მდგრადი მშვიდობის წინ წაწევის გარეშე“, – განაცხადა მეტე ფრედერიქსენმა.

რუსეთის საგარეო საქმეთა მინისტრი, სერგეი ლავროვი საფრანგეთის პრეზიდენტის, ემანუელ მაკრონის მიერ გუშინ გაკეთებულ განცხადებას გამოეხმაურა, რომლის თანახმადაც, იგი მზად არის ფრანგული ბირთვული იარაღით ევროპელი მოკავშირეების დაცვის შესახებ დისკუსია დაიწყოს. „რა თქმა უნდა, ეს რუსეთისთვის საფრთხეა. თუ ის საფრთხედ მიგვიჩნევს, თუ ის ევროპის ქვეყნებისა და დიდი ბრიტანეთის გენერალური შტაბის მეთაურების შეხვედრას იწვევს და ამბობს, რომ ბირთვული იარაღის გამოყენება აუცილებელია, რუსეთის წინააღმდეგ ბირთვული იარაღის გამოყენებისთვის ემზადება, ეს, რა თქმა უნდა, საფრთხეა“, – განაცხადა სერგეი ლავროვმა. მისი თქმით, უკრაინაში ევროპული ჯარების განლაგება ნატო-ს ჯარების განლაგებას ნიშნავს.

ევროპელი ლიდერები ბრიუსელში, სპეციალურ სამიტზე იკრიბებიან. შეხვედრაზე უკრაინის მხარდაჭერის გაგრძელებისა და ევროპის თავდაცვის საკითხებს განიხილავენ. ევროკავშირის საბჭოს ცნობით, ლიდერები იმსჯელებენ, თუ როგორ შეუძლია ევროკავშირს შემდგომში მხარი დაუჭიროს უკრაინას და იმ პრინციპებს, რომელიც მომავალში უნდა დაიცვან. სამიტის დაწყებამდე განცხადებები გააკეთა საფრანგეთის პრეზიდენტმა. ემანუელ მაკრონმა თქვა, რომ საფრანგეთი საკუთარი ბირთვული იარაღით ევროპელი მოკავშირეების დაცვის შესაძლებლობას განიხილავს. მან იმედი გამოთქვა, რომ ვაშინგტონი ევროპის მოკავშირედ დარჩება, თუმცა აღნიშნა ისიც, რომ მზად უნდა იყვნენ სხვა სცენარისთვისაც.

რუმინეთში სახელმწიფო გადატრიალების მცდელობის ბრალდებით 6 ადამიანი დააკავეს. რუმინეთის ორგანიზებული დანაშაულისა და ტერორიზმის საგამოძიებო დირექტორატის ცნობით, ეჭვმიტანილებმა 2023 წელს „ორგანიზებული დანაშაულებრივი ჯგუფი შექმნეს, რომლის მიზანი რუმინეთის სახელმწიფო სუვერენიტეტის, დამოუკიდებლობისთვის და ქვეყნის თავდაცვითი შესაძლებლობებისთვის ძირის გამოთხრა იყო“. „ასევე, კრიმინალური დაჯგუფების წევრები არაერთხელ დაუკავშირდნენ უცხო სახელმწიფოს აგენტებს, როგორც რუმინეთში, ისე რუსეთის ფედერაციაში“, – ნათქვამია DIICOT-ის განცხადებაში. პროკურორებმა განაცხადეს, რომ დაჯგუფების მიზანს კონსტიტუციური წესრიგის დამხობა, ახალი მთავრობის დანიშვნა და ქვეყნის ნატო-დან გაყვანა წარმოადგენდა. ადგილობრივი მედიის ინფორმაციით, ერთ-ერთი ეჭვმიტანილი გადამდგარი გენერალ-მაიორი, 101 წლის რადუ თეოდორუა.

უკრაინის პრეზიდენტმა, ვოლოდიმირ ზელენსკიმ განაცხადა, რომ მიმდინარეობს მუშაობა სამშვიდობო ხელშეკრულებაზე. „ვამზადებთ პირველი ნაბიჯების გეგმას სამართლიანი და მდგრადი მშვიდობის მისაღწევად. ჩვენ ამ გეგმაზე სწრაფად ვმუშაობთ. მალე მზად იქნება. ევროპას აქვს საერთო ხედვა ომის დასრულებისა და უსაფრთხოების გარანტიების შესახებ. ევროპა უკრაინასა და შეერთებულ შტატებთან ერთად მოლაპარაკებების მაგიდასთან უნდა იყოს“, – აღნიშნა ზელენსკიმ.

საფრანგეთი უკრაინას სადაზვერვო ინფორმაციის გაზიარებას სთავაზობს. ამის შესახებ საფრანგეთის თავდაცვის მინისტრმა სებასტიან ლეკორნუმ მას შემდეგ განაცხადა, რაც გუშინ, აშშ-მა უკრაინისთვის სადაზვერვო ინფორმაციის გაზიარება ნაწილობრივ შეაჩერა. ,,ჩვენ გვაქვს სადაზვერვო რესურსი, რომელსაც ვიყენებთ უკრაინელების დასახმარებლად. აშშ-ის სადაზვერვო ინფორმაციის გაზიარება შეჩერებულია გუშინდელი დღის შემდეგ. ვფიქრობ, ჩვენი ბრიტანელი მეგობრებისთვის, რომლებიც შეერთებულ შტატებთან სადაზვერვო საზოგადოებაში არიან, ეს უფრო რთულია,” – განაცხადა ლეკორნუმ.