დღე: მარტი 5, 2025

რუსეთის პრეზიდენტი ვლადიმერ პუტინი ოკუპირებული აფხაზეთის “საპრეზიდენტო არჩევნებში” გამარჯვებულ ბადრა გუნბას შეხვდა. “მიხარია თქვენი ნახვა და მსურს მოგლოცოთ, რა თქმა უნდა, არჩევნებში გამარჯვება: 54,7% აიღეთ 70% აქტიურობის დროს – ეს კარგი შედეგია. გილოცავთ” – განაცხადა პუტინმა. პუტინის თქმით, იმ საკითხების ბოლომდე მოგვარების ბრძანებას გასცემს, რომლებიც “აფხაზეთის მოქალაქეებისთვის” რუსეთის მოქალაქეობის აღებასთან არის დაკავშირებული.

ძალადობაში მონაწილეობის ბრალდებით დაკავებული 11 ადამიანი, მათ შორის, მსახიობი ანდრო ჭიჭინაძე და იუმორისტი ონისე ცხადაძე სასამართლომ კვლავ პატიმრობაში დატოვა. გადაწყვეტიელბა თბილისის საქალაქო სასამართლოს მოსამართლემ ირაკლი შვანგირაძემ მიიღო. დღევანდელ სხდომაზე დაკავებულების მიმართ შეფარდებული აღკვეთის ღონისძიება პატიმრობა გადაისინჯა და ძალაში დარჩა. პროკურატურა ყველაზე მკაცრი აღკვეთის ღონისძიების პატიმრობის კვლავ გამოყენებას ითხოვდა. როგორც პროკურორები აცხადებდნენ, დაკავებულების მხრიდან მიმალვისა და ახალი დანაშაულის საფრთხე კვლავ არსებობს, რის გამოც, ისინი პატიმრობაში უნდა დარჩენილიყვნენ. “მე მინდა, თქვენ გისურვოთ თავისუფლება”- ონისე ცხადაძე სასამართლო პროცესზე

პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით დაკავებული მსახიობის, ანდრო ჭიჭინაძის, იუმორისტ ონისე ცხადაძისა და კიდევ 9 ადამიანის საქმეზე თბილისის საქალაქო სასამართლოში წინასასამართლო პროცესი მიმდინარეობს. დღევანდელ სხდომაზე მტკიცებულებების დასაშვებობაზე იმსჯელებენ, ამასთან, გადაისინჯება ყველა მათგანისთვის შეფარდებული აღკვეთის ღონისძიება – პატიმრობა. სხდომაზე, ცოტა ხნის წინ ხმაური იყო. მოსამართლემ დარბაზში მყოფ მოქალქეებს ტერიტორია დაატოვებინა და სხდომა ნაწილობრივ დახურა. ბრალდებულმა იუმორისტმა, ონისე ცხადაძემ, რომელსაც ჯგუფურ ძალადობას ედავებიან, სასამართლო პროცესზე ბრალდების მხარეს მიმართა. „მე მინდა, რომ ნული ირონიით, ნული ბოროტებით და კეთილი გულით პირველ რიგში თქვენ გისურვოთ თავისუფლება. მინდა რომ გამოცადოთ, რა მაგარი…

პრემიერ-მინისტრი ირაკლი კობახიძე აცხადებს, რომ  პარლამენტში არშესვლით ოპოზიციამ  საკუთარ თავს მიაყენეს მძიმე დარტყმა. პრემიერი თვლის, რომ არავითარი აზრი არ აქვს მათ მონაწილეობას ადგილობრივ თვითმმართველობის არჩევნებში. „პარლამენტში არშემოსვლით მათ საკუთარ თავს მიაყენეს მძიმე დარტყმა, ამ შემთხვევაში არავითარი აზრი არ აქვს მათ მონაწილეობას ადგილობრივ თვითმმართველობის არჩევნებში და ამ პოლიტიკური ნაბიჯით შეიძლება თავი დაიძვრინონ მორიგი მძიმე მარცხისგან, თუმცა ეს არის საბოლოო ჯამში მათი გადასაწყვეტი. მიიღებენ თუ არ მიიღებენ მონაწილეობას არჩევნებში, ასეც და ისეც ისინი არიან განწირული ძალიან მძიმე მარცხისთვის. ჩვენ ვაპირებთ ყველა მუნიციპალიტეტში მერის არჩევნების მოგებას და ყველა, 64-ვე მუნიციპალიტეტში საკრებულოს არჩევნების მოგებას“…

პრემიერი ირაკლი კობახიძე აცხადებს, რომ საქართველო რჩება ცალმხრივი მეგობრობის რეჟიმში ბალტიისპირეთის სამივე ქვეყანასთან. “ბალტიისპირეთის ქვეყნების ხელისუფლებები ვერ მოქმედებენ დამოუკიდებლად. ისინი არიან პირდაპირ დამოკიდებულნი დიფ სთეითის დავალებებზე, ინსტრუქციებზე, გლობალური ომის პარტიის დავალებებზე და ამ ქვეყნებს სამწუხაროდ, აქვთ დაკარგული სუვერენიტეტი. ისინი არ უფრთხილდებიან იმ ისტორიულ მეგობრობას, რომელიც ჩამოყალიბებულია საქართველოსა და ესტონეთს, საქართველოსა და ლიეტუვას, საქართველოსა და ლატვიას შორის. არ აინტერესებთ არაფერი, მათ შორის საკუთარი ხალხების ინტერესები და ხელოვნურად აფუჭებენ ურთიერთობებს ჩვენს ქვეყანასთან და ქართველ ხალხთან. ვრჩებით და დავრჩებით ცალმხრივი მეგობრობის რეჟიმში ბალტიისპირეთის სამივე ქვეყანასთან“ – განაცხადა პრემიერმა.  

პრემიერ-მინისტრი ირაკლი კობახიძე აცხადებს, რომ ვინმე თუ შეძლებს, შეარყიოს სამართალდამცავი სტრუქტურები, ძალიან მარტივად შეძლებს სახელმწიფოს ძლიერების შერყევასაც, რაც მისი თქმით დაუშვებელია. “სიკვდილით დასჯის მიმართ ჩვენ გვაქვს განსხვავებული დამოკიდებულება, თუმცა თავისთავად, როდესაც საქმე ეხება პოლიციელებსა და პოლიციელზე თავდასხმას, იქ კანონმდებლობის გამკაცრებას ალტერნატივა არ აქვს. თქვენ ხედავდით, რომ საქართველოში კონკრეტული ძალები, არაკეთილმოსურნეები ცდილობდნენ, პირველ რიგში, სამართალდამცველ ორგანოებზე თავდასხმით შეერყიათ სახელმწიფოს ძლიერება, დღესაც ისინი ღიად უჭერენ მხარს ადამიანებს, რომლებმაც სწორედ პოლიციელებზე თავდასხმით გამოიჩინეს თავი, რატომ – ყველამ იცის, როდესაც თავს ესხმი სამართალდამცველ ორგანოებს, თუ გაგივიდა, შეგიძლია, შეარყიო სახელმწიფოს სიძლიერე”- აღნიშნა პრემიერმა.

საქართველოს პრემიერ-მინისტრი ირაკლი კობახიძე თბილისის მერისთვის უკრაინის “სპორტის საერთაშორისო კლასის ოსტატის” წოდების ჩამორთმევასთან დაკავშირებით გავრცელებულ ინფორმაციას ეხმიანება. პრემიერი აცხადებს, რომ ამ გადაწყვეტილებით, კახა კალაძეს ორგზის ჩემპიონთა ლიგის  მოგებას ვერავინ დაუკნინებს. მისი შეფასებით, ეს არის ისეთი ადამიანების გადაწყვეტილებები, რომლებიც დაკვეთით მოქმედებენ. „გასაოცარია ის გადაწყვეტილებები, რაც მიიღება უკრაინაში კახი კალაძის მიმართ, რომელიც არის ორგზის ჩემპიონთა ლიგის გამარჯვებული. მანამდე ესტონეთში მიიღეს გადაწყვეტილება, სამგზის ოლიმპიური ჩემპიონის მიმართ. ვერც კახი კალაძეს ვერ დაუკნინებს ვერავინ ორგზის ჩემპიონთა ლიგის მოგებას და ვერც ლაშა ტალახაძეს წაართმევს ვერავინ სამ ოლიმპიურ ოქროს. დანარჩენი არის სუსტი ადამიანების გადაწყვეტილებები და ისეთი ადამიანების გადაწყვეტილებები, რომლებიც დაკვეთით მოქმედებენ. ისინი მთლიანად დამოკიდებულნი არიან გარე დაკვეთებზე. შესაბამისად, არავითარი სერიოზული შეფასება ამ გადაწყვეტილებასთან დაკავშირებით არ შეიძლება გაკეთდეს”- განაცხადა კობახიძემ.

პოლონეთის პრემიერ-მინისტრი, დონალდ ტუსკი აცხადებს, რომ ქვეყნიდან საქართველოს მოქალაქეების დეპორტაცია დაიწყო. “დეპორტაციები დაიწყო, ეფექტურად ვშლით ქართულ დაჯგუფებებს, არა სიტყვებით, არამედ ქმედებებით”- წერს ტუსკი. პოლონელი ოფიციალური პირების ცნობით, 5 მარტს ქვეყნიდან საქართველოს 17 მოქალაქის დეპორტაცია მოხდა. “პოლონეთი ძალიან ტოლერანტული ქვეყანაა, მაგრამ არავითარ დანაშაულებს არ შევეგუებით. კრიმინალებს არ მივესალმებით და ისინი დეპორტირებულ იქნებიან… მიუხედავად იმისა, ეს წვრილმანი ქურდობაა, ნარკოტიკებით ვაჭრობაა, თუ ორგანიზებულ დანაშაულში მონაწილეობაა” – განაცხადა პოლონეთის საგარეო საქმეთა მინისტრის სპიკერმა, იაცეკ დობჟინსკიმ.

,,ჯოჯოხეთში ცალკე ადგილია გადანახული მათთვის, ვინც მეგობარს საკუთარი ტყავის გადასარჩენად გაწირავს”, – ამის შესახებ საქართველოს პარლამენტის თავმჯდომარე სოციალურ ქსელში წერს და ეხმაურება ბალტიის ქვეყნების ხელისუფლებების მიერ საქართველოს მოქალაქეების დასანქცირებას. „სამი ყოფილი საბჭოთა რესპუბლიკის – ესტონეთის, ლატვიისა და ლიეტუვის – მიერ ქართველი ოფიციალური პირების ქაოტური დასანქცირება არა მარტო ღიმილნარევ გაოგნებას, არამედ ცნობისმოყვარეობასაც იწვევს. პარლამენტის თავმჯდომარე აქვე: რამ განაპირობა მათი ასეთი ჭარბი ენთუზიაზმი, როდესაც საქმე საქართველოს ეხება? პოსტსაბჭოთა ბალტიისპირული ქვეყნების ხელმძღვანელობის ოფიციალური პოზიციაა, რომ სანქციები პასუხია საქართველოს „დემოკრატიულ უკუსვლაზე“. რეალობასთან აცდენას რომ თავი დავანებოთ (რეალობას, რომელიც საერთაშორისო რეიტინგებსა თუ მყარ ციფრებს ეყრდნობა),…

„ჩვენ მოწმენი გავხდით, რომ აგრესიული დაჯგუფებები მიზანმიმართულად თავს ესხმოდნენ პოლიციელებს, რომლებიც იცავდნენ წესრიგს და უსაფრთხოებას, ამას კი საქართველოშიც და ყველა განვითარებულ, დემოკრატიულ ქვეყანაში მოჰყვება შესაბამისი რეაგირება“, – ამის შესახებ თბილისის მერმა კახა კალაძემ ჟურნალისტებს შესაბამისი კითხვის პასუხად განუცხადა. „პირდაპირ შეიძლება ითქვას, რომ დღეს ქვეყანაში სიტყვის და გამოხატვის თავისუფლება დაცულია. ნებისმიერ ადამიანს, ნებისმიერ დაჯგუფებას შეუძლია, გამოხატოს თავისი მოსაზრება სხვადასხვა საკითხთან დაკავშირებით, მაგრამ ეს უნდა მოხდეს მშვიდობიანი ფორმით და კანონის ფარგლებში. პოლიციელზე თავდასხმა არის სახელმწიფოზე თავდასხმა. შესაბამისად, ჩვენ მოწმენი გავხდით იმის, რომ აგრესიული დაჯგუფებები მიზანმიმართულად თავს ესხმოდნენ პოლიციელებს, რომლებიც იცავდნენ წესრიგს და…

„ყველა განცხადება, რასაც ვისმენთ ზოგიერთი ევროპელი გაქსუებული ბიუროკრატის მხრიდან, დაფუძნებულია ტყუილზე, არის ფარსი და არანაირი კავშირი არ აქვს ევროპულობასა და დემოკრატიასთან“, – ამის შესახებ დღეს დედაქალაქის მერმა კახა კალაძემ ლიეტუვის, ლატვიისა და ესტონეთის მიერ ქართველი თანამდებობის პირებისთვის სანქციების დაწესების საკითხზე განაცხადა. თბილისის მერის თქმით, ეს არის რადიკალების გარკვეული დაჯგუფება, რომელსაც საქართველოსთან მიმართებით აბსოლუტურად სხვა ინტერესი აქვს და ევროკავშირში გაწევრიანების თემას დაშანტაჟებისა და მუქარის მიზნით იყენებენ. „ისინი არიან რადიკალური დაჯგუფების წარმომადგენლები, ჩვენ ასევე ქვეყნის შიგნით გვყავს უსამშობლო რადიკალები. მათ არ მიეცათ იმის შესაძლებლობა, რომ საქართველო გამოეყენებინათ საკუთარი ინტერესებისთვის, კერძოდ ქვეყანაში არ…

„ქართულ ოცნებას“ თვითმმართველობის არჩევნებში ძალიან დიდი მხარდაჭერა ექნება, რადგან ხალხმა დაინახა ჩვენმა პოლიტიკამ ქვეყანას რამხელა უბედურება აარიდა”, – განაცხადა დედაქალაქის მერმა მედიასთან 2025 წლის ადგილობრივი თვითმმართველობის არჩევნების თემაზე საუბრისას. „მმართველ გუნდს საარჩევნო სამზადისი უკვე დაწყებული გვაქვს. თვითმმართველობის არჩევნები საკმაოდ მნიშვნელოვანია. დარწმუნებული ვარ, „ქართულ ოცნებას“ ექნება ძალიან დიდი მხარდაჭერა. საზოგადოებამ დღეს კიდევ უფრო ცხადად დაინახა, თუ რამდენად მნიშვნელოვანი იყო ჩვენს მიერ გატარებული პოლიტიკა და თუ რამხელა უბედურება აარიდა „ქართული ოცნების“ პოლიტიკამ ქვეყანას. ის, რაც უკრაინაში ხდება, ძალიან მძიმეა. ყველას გვახსოვს რადიკალური ოპოზიციის მხრიდან როგორი მოწოდებები კეთდებოდა მეორე ფრონტის გახსნაზე, სანქციებთან მიერთებაზე.…

,,სამართლიანი არჩევნებისა და დემოკრატიის საერთაშორისო საზოგადოებას“ არ სურს, საპარლამენტო არჩევნების პარალელური დათვლების გასაჯაროება, რადგან შედეგები იგივეა, რაც ცენტრალურმა საარჩევნო კომისიამ გამოაქვეყნა”, – განაცხადა თბილისის მერმა კახა კალაძემ არჩევნების შესაძლო გაყალბების საქმეზე დაწყებული გამოძიების შეფასებისას. მისი განმარტებით, საქართველოში ჩატარებული ბოლო ორი არჩევნების შემდეგ, არასამთავრობო ორგანიზაციები ხმების პარალელურ დათვლებს იყენებდნენ იმისთვის, რომ სახელმწიფო გადატრიალება მოეწყოთ. „ყველაფერი ცხადი და ნათელია. არაფერი განსხვავებული არ არის. იგივე შედეგია, რაც გამოაქვეყნა ცენტრალურმა საარჩევნო კომისიამ. ბოლო ორ არჩევნებში აღნიშნულ დათვლებს იყენებდნენ იმისთვის, რომ მოეწყოთ სახელმწიფო გადატრიალება. ეს ყველაფერი ფინანსდებოდა USAID-ის მხრიდან. გვახსოვს, რა განცხადებები გაკეთდა და როგორი…