დღე: მარტი 3, 2025

აშშ-ის პრეზიდენტი, დონალდ ტრამპი  ვოლოდიმერ ზელენსკის განცხადებას ეხმაურება, რომლის თანახმადაც უკრაინასა და რუსეთს შორის ომის დასრულების შესახებ შეთანხმება „ჯერ კიდევ ძალიან შორს არის“. ტრამპი ამბობს, რომ ეს არის ყველაზე ცუდი განცხადება, რაც ზელენსკის შეეძლო გაეკეთებინა და ამერიკა ამას კიდევ დიდხანს არ შეეგუება!, „ეს არის ყველაზე ცუდი განცხადება, რაც ზელენსკის შეეძლო გაეკეთებინა და ამერიკა ამას კიდევ დიდხანს არ შეეგუება!. ეს არის ის, რაზეც მე ვსაუბრობდი, ამ კაცს არ სურს მშვიდობა, სანამ მას ამერიკის მხარდაჭერა აქვს და ევროპამ ზელენსკისთან შეხვედრაზე პირდაპირ განაცხადა, რომ აშშ-ის გარეშე ამას ვერ გაუმკლავდებიან. ეს ალბათ არ არის…

ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირის წევრ ქვეყნებს ევროპის გადაიარაღების გეგმის შესახებ ხვალ გახდება ცნობილი. „ხვალ, წევრ ქვეყნებს წერილის მეშვეობით ევროპის გადაიარაღების გეგმის შესახებ ვაცნობებ. ჩვენ თავდაცვის სფეროში მასიური ზრდა გვჭირდება, ეს ეჭვგარეშეა“ – განაცხადა ურსულა ფონ დერ ლაიენმა. მისი თქმით, ევროპას ხანგრძლივი მშვიდობა სურს. „ჩვენ ხანგრძლივი მშვიდობა გვსურს, მაგრამ ხანგრძლივი მშვიდობა მხოლოდ ძალაზე შეიძლება დამყარდეს და ძალა საკუთარი თავის გაძლიერებით იწყება“ – აღნიშნა ევროკომისიის პრეზიდენტმა.    

3 მარტს, აზერბაიჯანის თავმჯდომარეობით, სუამ-ის საპარლამენტო ასამბლეის დისტანციური შეხვედრა გაიმართა. სუამ-ის წევრი სახელმწიფოების პარლამენტის წევრებმა მონაწილეობა მიიღეს საპარლამენტო ასამბლეის კომიტეტების ერთობლივ სხდომაში, ბიუროს სხდომაზე დაამტკიცეს დასკვნითი დოკუმენტის საბოლოო ვარიანტი და სიტყვით გამოვიდნენ ასამბლეის შეხვედრაზე. როგორც კომიტეტზე სიტყვით გამოსვლისას, საქართველოს პარლამენტის იურიდიულ საკითხთა კომიტეტის თავმჯდომარის პირველმა მოადგილემ თორნიკე ჭეიშვილმა განაცხადა, სუამ-ის ორგანიზაციის წევრ ქვეყნებს შორის ძლიერი დარგობრივი თანამშრომლობის ხელშეწყობა ყოველთვის სწორი მიმართულებით გადადგმული ნაბიჯია, რადგან ის ხელს უწყობს საერთო შესაძლებლობების ძიებას და ორმხრივ პროგრესს. მისივე თქმით, საჭიროა დიალოგის, ცოდნის და გამოცდილების გაცვლის და ახალი პროექტებისა და ინიციატივებისთვის პრიორიტეტის მინიჭება. თორნიკე ჭეიშვილის…

,,ხვალინდელი ღამე მნიშვნელოვანი იქნება, გეტყვით ყველაფერს ისე, როგორც არის!”, – წერს აშშ-ის პრეზიდენტი, დონალდ ტრამპი, სოციალურ ქსელში. ,,ერთადერთი პრეზიდენტი, რომელმაც პუტინის რუსეთს უკრაინული მიწის ერთი ნაჭერიც არ დაუთმო, არის დონალდ ტრამპი. დაიმახსოვრეთ ეს, როცა სუსტი და არაეფექტური დემოკრატები აკრიტიკებენ და ყალბი მედია სიხარულით ავრცელებს მათ რომელიმე სიტყვას!”, – დაწერა ტრამპმა.

ტერორისტულმა ორგანიზაცია ,,ჰამასმა” ღაზაში ცეცხლის შეწყვეტის შეთანხმების გახანგრძლივებაზე უარი თქვა. საპასუხოდ, ისრაელმა კონფლიქტის ზონაში ჰუმანიტარული ტვირთის შეტანა შეაჩერა. ახლო აღმოსავლეთში ამერიკის შეერთებული შტატების სპეციალურმა წარმომადგენელმა, სტივ უოტკოფმა, მხარეებს შესთავაზა რამადანის და პასექის პერიოდში ცეცხლის შეწყვეტის შეთანხმება გახანგრძლივება, რასაც ისრაელი დაეთანხმა, ,,ჰამასმა” კი უარყო. ბენიამინ ნეთანიაჰუ ამბობს, რომ თუ ,,ჰამასი” ცეცხლის შეწყვეტის გახანგრძლივებას დათანხმდება, ისრაელი დაუყოვნებლივ დაიწყებს მოლაპარაკებებს.

,,ერთადერთი ადამიანი დედამიწის ზურგზე, რომელსაც მოლაპარაკების მაგიდასთან პუტინის დასმა შეუძლია, დონალდ ტრამპია”, – განაცხადა შეერთებული შტატების სახელმწიფო მდივანმა „ეი ბი სი ნიუსთან“. „ომის დასრულების ერთადერთი გზა მოლაპარაკების მაგიდასთან პუტინის მიყვანაა, ერთადერთი ადამიანი კი დედამიწის ზურგზე ვისაც ამის გაკეთება შეუძლია, დონალდ ტრამპია. ის ამას ვერ გააკეთებს მტრული რიტორიკით და ლანძღვით. პრეზიდენტი ტრამპი მოქმედებს თავისი ინსტინქტებითა და გარიგებების დადების მრავალწლიანი გამოცდილებით. რაც შეეხება ევროპას, მათ უკრაინაში ომის დასრულების არანაირი გეგმა არ აქვთ. მე ვკითხე მათ საგარეო საქმეთა მინისტრებს როცა შევხვდი – მითხარით, როგორ წარმოგიდგენიათ, როგორ დასრულდება ეს? – მათ უმრავლესობას გეგმა არ…

The Guardian-ის ინფორმაციით, კრისტიან შტოკერმა ავსტრიის კანცლერის პოსტზე ფიცი დადო. შტოკერი ხელმძღვანელობს სამპარტიულ კოალიციურ მთავრობას, რომელშიც შედიან მემარჯვენე ცენტრისტული „სახალხო პარტია“ (ÖVP), „სოციალ-დემოკრატები“ (SPÖ) და ლიბერალური „ნეოსი“. ცნობისთვის, ავსტრიაში კოალიციური მთავრობა ხუთთვიანი პოლიტიკური ჩიხის შემდეგ ჩამოყალიბდა, რომელიც შარშან ჩატარებულ არჩევნებში ულტრამემარჯვენე „თავისუფლების პარტიის“ გამარჯვებას მოჰყვა.

უკრაინის პრეზიდენტის, ვოლოდიმირ ზელენსკის განცხადებით, მზად არის, შეხვდეს აშშ-ის პრეზიდენტს, დონალდ ტრამპს, თუ ის კვლავ მიიწვევს „რეალური პრობლემების გადასაჭრელად“. როგორც გამოცემა „ბლუმბერგი“ წერს, ლონდონში, უსაფრთხოების საკითხებთან დაკავშირებით ევროპელი ლიდერების სამიტში მონაწილეობის შემდეგ ზელენსკიმ განაცხადა, რომ უკრაინა იმსახურებს თანასწორ დიალოგს და კვლავ ჩავა აშშ-ში, თუ ტრამპი მიიწვევს კონსტრუქციული დიალოგისთვის, რეალური პრობლემების გადასაწყვეტად, სერიოზულ საკითხებზე გადამწყვეტი ქმედებებისა და პასუხებისთვის. „დარწმუნებული ვარ, ეს ვითარება გაივლის და წინ უფრო მნიშვნელოვანი საკითხებია“, – განაცხადა უკრაინის პრეზიდენტმა.

ლიეტუვამ და ესტონეთმა ქართველ მაღალჩინოსნებს სავიზო სანქციები დაუწესა. გავრცელებული ინფორმაციით, სიაში მოხვდნენ პროკურორები, მოსამართლეები, პოლიციის მაღალჩინოსნები, პარლამენტის დეპუტატები და სხვები. ,,ლიეტუვამ 74 ქართველი მაღალჩინოსანი დაამატა მოგზაურობის აკრძალვის სიაში საქართველოში ადამიანის უფლებების მძიმე დარღვევისა და რეპრესიების გამო. ჩვენ ვდგავართ ქართველი ხალხის გვერდით დემოკრატიისა და ევროპული მომავლისკენ”, – წერს X-ზე ლიეტუვის საგარეო საქმეთა მინისტრი, კესტუტის ბუდრისი. ,,ხელი მოვაწერე ბრძანებას, რომლითაც ესტონეთი 55 ქართველ პროკურორს, მოსამართლეს, პოლიციის მაღალჩინოსანს, დეპუტატს და სხვებს აკრძალავს ქვეყანაში შემოსვლას. ესტონეთი თანმიმდევრულად აჩვენებს ქართველი ხალხს, რომ ჩვენ მხარს ვუჭერთ მათ ძალისხმევას, მიაღწიონ დემოკრატიულ საქართველოს”, – წერს X-ზე ესტონეთის საგარეო…

,,უსაფრთხოების გარანტიები უაღრესად მნიშვნელოვანია უკრაინისთვის, მაგრამ ჩვენ გვჭირდება უსაფრთხოების ყოვლისმომცველი გარანტიები”, – ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა. ,,ეს გულისხმობს, რომ უკრაინა უნდა ჩავაყენოთ ძლიერ პოზიციაში, რომ მას ჰქონდეს საშუალება, განამტკიცოს და დაიცვას თავი, ეკონომიკური გადარჩენიდან სამხედრო გამძლეობამდე. მეორე ელემენტი, რომელიც მე შემოვიტანე განსახილველად, არის ის, რომ ჩვენ სასწრაფოდ უნდა მოვახდინოთ ევროპის ხელახალი შეიარაღება. ამისთვის, მე 6 მარტს ლიდერებთან წარვადგენ ყოვლისმომცველ გეგმას, როგორ უნდა მოხდეს ევროპის ხელახალი შეიარაღება. ერთი რამ ძალიან ცხადია, ჩვენ უნდა გვქონდეს მნიშვნელოვანი ზრდა თავდაცვაში და ჩვენ მართლაც უნდა გავზარდოთ თავდაცვის ხარჯები”, – განაცხადა…

,,სამწუხაროდ, სანამ უკრაინაში არჩევნები არ ჩატარდება, ამ ქვეყანაში ხმის უფლება არავის აქვს”, – ამერიკელმა სენატორმა, ლინდსი გრეჰემმა სოციალურ ქსელ X-ში უკრაინის პრეზიდენტი, ვოლოდიმირ ზელენსკი კიდევ ერთხელ გააკრიტიკა. გრეჰემის მორიგი კრიტიკა ზელენსკის მიერ გაკეთებულ განცხადებას მოჰყვა, რა დროსაც მან ირონიით აღნიშნა, რომ გრეჰემი არის ძალიან კარგი კაცი, ის მას უკრაინის მოქალაქეობას მისცემს, რათა სენატორის ხმას „უფრო დიდი წონა ჰქონდეს“. „ლინდსი გრეჰემს შემიძლია უკრაინის მოქალაქეობა მივცე და მერე მოვუსმენ ვინ უნდა იყოს პრეზიდენტი“ – ზელენსკი

„თეთრ სახლში მომხდარი აჩვენებს, რამდენად რთული იქნება უკრაინის გარშემო სიტუაციის დარეგულირება. კიევის რეჟიმს და ზელენსკის მშვიდობა არ სურთ. მათ სურთ ომის გაგრძელება. ასე რომ, ამ სიტუაციაში, რა თქმა უნდა, მხოლოდ ვაშინგტონის ძალისხმევა და მოსკოვის სურვილი აშკარად არ იქნება საკმარისი“, – ამის შესახებ კრემლის პრესსპიკერმა, დიმიტრი პესკოვმა განაცხადა. „რჩებიან ქვეყნების ჯგუფები, რომლებიც შეადგენენ „ომის პარტიას“ და რომლებიც აცხადებენ თავიანთ მზადყოფნას, განაგრძონ უკრაინის მხარდაჭერა ომის მხარდაჭერისა და საომარი მოქმედებების გაგრძელების თვალსაზრისით. ისინი არ საუბრობენ იმაზე, რომ საჭიროა სწრაფად გასვლა სამშვიდობო პირობებზე, თუმცა ჩნდება სამშვიდობო გეგმების პირველი მონახაზები“, – აღნიშნა კრემლის წარმომადგენელმა.

,,ნაწილობრივი ზავი დაგვეხმარება, გავიგოთ, მზად არის თუ არა პუტინი სერიოზული სამშვიდობო მოლაპარაკებებისთვის”, – ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ განაცხადა. ,,რუსეთსა და უკრაინას შორის ნაწილობრივი ზავი, რომელიც გავრცელდება საჰაერო და საზღვაო საბრძოლო მოქმედებებზე და ენერგეტიკული ინფრასტრუქტურის ობიექტებზე თავდასხმებზე, თუ ის მიღებული იქნება, საშუალებას მისცემს უკრაინასა და მის მოკავშირეებს, გაიგონ, მოქმედებს თუ არა ვლადიმერ პუტინი კეთილსინდისიერად და მზად არის თუ არა ის გრძელვადიანი სამშვიდობო შეთანხმების შესახებ სერიოზული მოლაპარაკებების დასაწყებად”, – განაცხადა ბარომ. მან ეს განცხადება მას შემდეგ გააკეთა, რაც საფრანგეთის პრეზიდენტმა, ემანუელ მაკრონმა განაცხადა, რომ საფრანგეთი და დიდი ბრიტანეთი…

აშშ-ის პრეზიდენტი დონალდ ტრამპი დღეს უკრაინის საკითხზე ადმინისტრაციის მაღალი თანამდებობის პირებთან შეხვედრას გამართავს. „ნიუ იორკ თაიმსის” ცნობით, შეხვედრაში მონაწილეობას მიიღებენ სახელმწიფო მდივანი მარკო რუბიო და თავდაცვის მინისტრი პიტ ჰეგსეტი. განხილული იქნება აშშ-ის ქმედებების სხვადასხვა ვარიანტები, მათ შორის უკრაინისთვის სამხედრო დახმარების შეჩერება ან სრული გაუქმება. თეთრ სახლს ოფიციალურად ასეთი შეხვედრის შესახებ ინფორმაცია არ გაუვრცელებია.