დღე: მარტი 2, 2025

კრემლის პრესმდივანმა, დიმიტრი პესკოვმა აცხადებს, რომ აშშ-ის ახალი ადმინისტრაციის ხედვები ემთხვევა რუსეთისას. „ჩვენ ხმას ვაძლევთ ერთსა და იმავე რეზოლუციას გაერო-ს გენერალურ ასამბლეაზე, რომელიც შეიცავს აბსოლუტურად დაბალანსებულ ფორმულირებას უკრაინის კრიზისთან დაკავშირებით. ეს აქამდე აბსოლუტურად წარმოუდგენელი იყო. ახალი ადმინისტრაცია სწრაფად ცვლის ყველა საგარეო პოლიტიკურ კონფიგურაციას, ეს დიდწილად ემთხვევა ჩვენს ხედვას. ახლა ხორციელდება დიალოგზე გასვლის, ყველა ურთიერთობის დალაგების მცდელობები. წინ გრძელი გზაა, რადგან ორმხრივი ურთიერთობების მთელი კომპლექსი მნიშვნელოვნად არის დაზიანებული, თუმცა თუ შენარჩუნდება ორი ლიდერის, პრეზიდენტ პუტინისა და პრეზიდენტ ტრამპის პოლიტიკური ნება, ამ გზის საკმაოდ სწრაფად გავლა იქნება შესაძლებელი“ – თქვა პესკოვმა.

ლიეტუვის პრეზიდენტმა, გიტანას ნაუსედამ განაცხადა, რომელიც დღეს ესტონეთისა და ლატვიის ლიდერებთან ერთად გაერთიანებული სამეფოს პრემიერ-მინისტრს, კირ სტარმერს შეხვდა. პრეზიდენტი ამბობს, რომ აშშ და უკრაინა მოლაპარაკების მაგიდას უნდა დაუბრუნდნენ. „მნიშვნელოვანი დისკუსია მქონდა გაერთიანებული სამეფოს პრემიერ-მინისტრთან, კირ სტარმერთან და ბალტიის ქვეყნების ლიდერებთან. აშშ და უკრაინა მოლაპარაკების მაგიდას უნდა დაუბრუნდნენ, ევროპელებთან ერთად. ნატოს აღმოსავლეთ ფლანგის უსაფრთხოება პრიორიტეტულია. უკრაინის უსაფრთხოების გარანტიების შესაძლო ელემენტი ევროპის მხრიდან მშვიდობის აღსრულება უნდა იყოს“, – აცხადებს გიტანას ნაუსედა.  

“რუსეთის პრეზიდენტი, ვლადიმერ პუტინი, რა თქმა უნდა, გადავა მოლდოვაზე და, შესაძლოა, რუმინეთზე, თუ მას არ შეაჩერებენ” – ამის შესახებ საფრანგეთის პრეზიდენტმა, ემანუელ მაკრონმა განაცხადა. ”ჩვენი უსაფრთხოება საფრთხეშია. ჩვენს საზღვრებზე ზედმეტად შეიარაღებული და აგრესიული რუსეთი არსებობს” – განაცხადა მაკრონმა და დასძინა, რომ რუსეთი ევროპისთვის ყველაზე სერიოზულ ეგზისტენციალურ საფრთხეს უქმნის. მისი თქმით, თუ ვაშინგტონი დათანხმდა ცეცხლის შეწყვეტის ხელმოწერას უკრაინის უსაფრთხოების გარანტიების გარეშე, მაშინ აშშ-ის გეოსტრატეგიული შეკავების შესაძლებლობა რუსეთთან, ჩინეთსა და სხვებთან დაკავშირებით იმავე დღეს გაქრება.

ევროკომისიის პრეზიდენტის, ურსულა ფონ დერ ლაიენის განცხადებით, ლონდონის თავდაცვის სამიტზე ხაზს გაუსვამს ევროპის მუდმივ მხარდაჭერას უკრაინისადმი. მისი თქმით, მშვიდობისკენ მიმავალი გზა არის ძალა. „მივდივარ ლონდონში, რათა ხაზი გავუსვა ევროპის მუდმივ მხარდაჭერას უკრაინისადმი, რომელსაც შეუძლია გამოიწვიოს სამართლიანი და ხანგრძლივი მშვიდობა უკრაინაში. მშვიდობისკენ მიმავალი გზა არის ძალა. სისუსტე უფრო მეტ ომს შობს. ევროპის თავდაცვის გაძლიერების პარალელურად, მხარს დავუჭერთ უკრაინას“- წერს ევროკომისიის პრეზიდენტი სოციალურ პლატფორმა X-ზე.

გაერთიანებული სამეფო საფრანგეთთან ერთად იმუშავებს უკრაინასთან ცეცხლის შეწყვეტის გეგმაზე და მას აშშ-ის პრეზიდენტს დონალდ ტრამპს წარუდგენენ. ამის შესახებ დიდი ბრიტანეთის პრემიერ-მინისტრმა, კირ სტარმერმა განაცხადა. „ჩვენ ახლა შევთანხმდით, რომ გაერთიანებული სამეფო საფრანგეთთან და შესაძლოა, კიდევ ერთ ან ორ ქვეყანასთან ერთად იმუშავებს უკრაინასთან საბრძოლო მოქმედებების შეწყვეტის გეგმაზე. ამის შემდეგ, ჩვენ ამ გეგმას აშშ-სთან განვიხილავთ. ამგვარად, პარასკევს ღამით განხორციელებული ზარებით, გუშინდელი შეხვედრით და წუხელ გამართული სატელეფონო საუბრებით, ვფიქრობ, ჩვენ სწორი მიმართულებით გადავდგით ნაბიჯი, რადგან, როგორც ვთქვი, არავის სურს იხილოს ის, რაც მოხდა პარასკევს. თუმცა ნამდვილად მნიშვნელოვანია, რომ ჩვენ შევინარჩუნოთ ცენტრალური ფოკუსი, რაც არის…

გაერთიანებული სამეფოს პრემიერ-მინისტრის, კირ სტარმერის განცხადებით, უკრაინისა და აშშ-ის პრეზიდენტების, ვოლოდიმირ ზელენსკისა და დონალდ ტრამპს შორის თეთრ სახლში გამართული დაძაბული საუბრის და კამათის ყურებისას თავი არაკომფორტულად იგრძნო. „არავის სურს ამის დანახვა“, – განაცხადა მან. სტრამერი მიიჩნევს, რომ ტრამპს ხანგრძლივი მშვიდობა სურს. “ჩემთვის ცხადია, რომ მას სურს ხანგრძლივი მშვიდობა, ეს გამომდინარეობს ხუთშაბათს მასთან ჩემი დისკუსიიდან, ასევე მანამდე ჩვენს შორის საუბრებიდან. ასე რომ, ჩემი მტკიცე შეხედულებაა, რომ მას სურს ხანგრძლივი მშვიდობა და მე მას ვეთანხმები“- აღნიშნა სტარმერმა. პრემიერი ხანგრძლივი მშვიდობისთვის სამი კომპონენტს ასახელებს” „ჩემთვის, ხანგრძლივი მშვიდობის კომპონენტებია ძლიერი უკრაინა, რომელიც, საჭიროების შემთხვევაში, იბრძოლებს, მისი…

პოლონეთის პრემიერ-მინისტრი, დონალდ ტუსკი აცხადებს, რომ ლონდონის სამიტზე აპირებს, მოუწოდოს ევროპელ ლიდერებს, გააძლიერონ ნატო-ს აღმოსავლეთი ფლანგი. „ეს იქნება თითოეული ევროპული სახელმწიფოს განზრახვებისა და შესაძლებლობების რეალური გამოცდა, რომ მეტი ევროპული ჯარი იყოს ფინეთში, ბალტიისპირეთის ქვეყნებსა და პოლონეთში რუსეთისა და ბელარუსის საზღვარზე“ – აღნიშნავს პოლონეთის პრემიერ-მინისტრი ლონდონში გაფრენამდე. ტუსკმა ასევე განაცხადა, რომ მხარს უჭერს იტალიის პრემიერ – მინისტრ ჯორჯია მელონის წინადადებას ევროპელი ლიდერებისა და შეერთებული შტატების სამიტის მოწვევის შესახებ.

თურქეთი განაახლებს ოპერაციას „ქურთისტანის მუშათა პარტიის“ წინააღმდეგ, თუ დაჯგუფების განიარაღების პროცესი შეფერხდება ან დაპირებები არ შესრულდება. ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა. „არა მხოლოდ რეგიონში, არამედ მსოფლიოში თურქეთი არის ყველაზე ძლიერი, ქმედუნარიანი და მდგრადი ქვეყანა ტერორიზმთან ბრძოლის კუთხით ქვეყნის შიგნით და მის ფარგლებს გარეთ. მოცემული დაპირებები თუ არ შესრულდება და იქნება პროცესის აღმოსავლურ ხრიკებში გადაზრდის მცდელობები, როგორებიცაა შეჩერება, გადავადება, მოტყუება, სახელების შეცვლა, ნუ დაგვაბრალებთ, რაც მოხდება. ჩვენ გავაგრძელებთ მიმდინარე ოპერაციებს საჭიროების შემთხვევაში, ქვას ქვაზე და მხრებზე თავებს არ დავტოვებთ, ვიდრე ბოლო ტერორისტი არ განადგურდება“ – განაცხადა ერდოღანმა. დღეს…

უნგრეთის პრემიერ-მინისტრი ვიქტორ ორბანი ევროკავშირს მოუწოდებს, დაიწყოს პირდაპირი მოლაპარაკებები რუსეთთან უკრაინაში ცეცხლის შეწყვეტის შესახებ და უარი თქვას მომავალ კვირას დაგეგმილ სამიტზე ერთობლივი დეკლარაციის მიღებაზე. „დარწმუნებული ვარ, ევროკავშირი, აშშ-ის მაგალითის შემდეგ, უნდა შევიდეს პირდაპირ მოლაპარაკებებში რუსეთთან უკრაინაში ცეცხლის შეწყვეტისა და მდგრადი მშვიდობის შესახებ“ – აღნიშნავს ორბანი წერილში.

აშშ – მექსიკის საზღვართან დამატებით 3000 სამხედროს განათავსებს. ამით არალეგალ მიგრანტთა ნაკადისა და ნარკოვაჭრობის შესაკავებლად ძალისხმევისთვის მეტი მოქნილობის შესაძლებლობები შეიქმნება. ამის შესახებ აშშ-ის თავდაცვის დეპარტამენტი ავრცელებს განცხადებას. პენტაგონის ცნობით, ისინი მონაწილეობას არ მიიღებენ დეპორტაციის ოპერაციებში, მათი ამოცანა იქნება აღმოაჩინონ და მონიტორინგი განახორციელონ უკანონო მიგრაციისა და ნარკოტიკული საშუალებების გადატანის შემთხვევებზე, ასევე ადმინისტრაციული, ლოგისტიკური მხარდაჭერა გაუწიონ და დაეხმარონ ადგილზე მყოფ სამართალდამცველებსა და მესაზღვრეებს. აშშ-ის პრეზიდენტმა უკანონო მიგრაციასა და ნარკოვაჭრობასთან ბრძოლა თეთრ სახლში დაბრუნებისთანავე დაიწყო.

ისრაელი დღეიდან ღაზის სექტორში ჰუმანიტარული დახმარების შესვლას აჩერებს. ამ გადაწყვეტილებას, „ჰამასმა“  „ომის დანაშაული“ უწოდა და ისრაელი შეთანხმების დარღვევის მცდელობაში დაადანაშაულა. როგორც პრემიერ-მინისტრის ადმინისტრაციაში განმარტავენ, ეს არის საპასუხო ნაბიჯი „ჰამასის“ უარზე, რომელსაც არ სურს პირველი ფაზის გახანგრძლივება. მხარეები ვერ თანხმდებიან შეთანხმების მომდევნო ნაბიჯებთან დაკავშირებით. შეთანხმების პირველი ფაზა შუაღამისას ამოიწურა. ისრაელს ამ ფაზის გახანგრძლივება სურდა, რომ ამავე ფაზაში დაიბრუნოს „ჰამასის“ ტყვეობაში დარჩენილი მძევლები.

ისრაელი მიიღებს აშშ-ის პრეზიდენტის, დონალდ ტრამპის წარმომადგენლის, სტივ უიტკოფის წინადადებას ღაზაში, რამადანისა და პასექის დღესასწაულების პერიოდში, ცეცხლის დროებითი შეწყვეტის შესახებ. ისრაელის პრემიერ-მინისტრის ოფისის განმარტებით, უიტკოფის წინადადებით, ღაზაში დარჩენილი მძევლების ნახევარი ცეცხლის შეწყვეტის პირველ დღეს უნდა გათავისუფლდნენ, მეორე ნახევარი კი, ცეცხლის მუდმივად შეწყვეტის შესახებ შეთანხმების მიღწევის შემდეგ. ნეთანიაჰუს ოფისის განცხადების საპასუხოდ, „ჰამასის“ მაღალჩინოსანმა, მაჰმუდ მარდავიმ აღნიშნა, რომ ეს აშკარა დადასტურებაა იმისა, რომ ისრაელი უარყოფს ადრე ხელმოწერილ გარიგებებს.