დღე: თებერვალი 25, 2025

უკრაინის ყოფილი პრეზიდენტი,  ყველაზე დიდი ოპოზიციური პარტიის ლიდერი პეტრო პოროშენკო ვოლოდიმირ ზელენსკის მხარდაჭერას უცხადებს და ამბობს, რომ მისი ლეგიტიმურობა კითხვის ნიშნის ქვეშ არ დგას. მისი შეფასებით, მიმდინარე პროცესები პუტინის ნარატივია. „ამერიკა ამერიკული ინტერესებიდან გამომდინარე მოქმედებს, ევროპელები კი ევროპულებიდან. ჩვენი მიზანია, დავარწმუნოთ, რომ უკრაინის მხარდაჭერა ამერიკულ და ევროპულ ინტერესებშია. არაა საჭირო პუტინის ნარატივით უკრაინის დამცირება, თითქოს აუცილებელია უკრაინული ხელისუფლების და, კერძოდ, პრეზიდენტის ლეგიტიმურობის დამტკიცება პარლამენტში არჩევნებით. ჩვენი პოლიტიკური ძალის პოზიცია ის არის, რომ  ჩვენ არ ვაყენებდით და არ ვაყენებთ უკრაინის ხელისუფლების, მათ შორის პრეზიდენტის, ლეგიტიმურობას კითხვის ქვეშ. ჩვენი პრინციპული პოზიციაა ,…

პოლონეთის პრემიერ-მინისტრი დონალდ ტუსკი თხილამურებით სრიალის დროს დაშავდა. როგორც ის ამბობს, სამთო კურორტზე შვილიშვილებთან ერთად იყო და აპირებდა, მათთვის სრიალი ესწავლებინა. პოლონეთის პრემიერ-მინისტრმა განმარტა, რომ დისკომფორტის მიუხედავად შვებულებაში გასვლას არ აპირებს და მუშაობას ჩვეულ რეჟიმში აგრძელებს. „მაგრამ მაქვს ერთი რჩევა: ფრთხილად იყავით ფერდობებზე, ვიცი, სეზონი ჯერ კიდევ გრძელდება. შეამოწმეთ თქვენი თხილამურები, ეს ჩემი უყურადღებობის შედეგია. არ არის აუცილებელი პრემიერ- მინისტრის ყველა რჩევას მოუსმინოთ, მაგრამ ეს გულთან ახლოს მიიტანეთ“, – წერს დონალდ ტუსკი. A miało być tak pięknie… pic.twitter.com/tS6Wyclmx4 — Donald Tusk (@donaldtusk) February 25, 2025

„კანადა ნამდვილი ქვეყანა არ არის“, – აღნიშნულის შესახებ აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა X-ზე დაწერა. როგორც მედია წერს, მასკის ეს მიმართვა შესაძლოა, დაკავშირებული იყოს პეტიციაზე, რომლის მიხედვითაც, მოსახლეობა ითხოვს მასკისთვის კანადის მოქალაქეობის ჩამორთმევას. პეტიცია 20 თებერვალს იქნა დარეგისტრირებული და მასკს ბრალს სდებს ისეთ საქმიანობაში, რომელიც კანადის ეროვნულ ინტერესებს ეწინააღმდეგება. პეტიციას უკვე 200 000-ზე მეტი ადამიანი აწერს ხელს.

,,ევროკავშირის მიდგომა საქართველოს მთავრობისადმი უსამართლოა, ბრიუსელში სძულთ ყველა პატრიოტი მთავრობა, არჩევნების შედეგები არ მოერგო მათ გემოვნებას და ნათელი იყო, რომ შეტევა დაიწყებოდა”, – ამის შესახებ უნგრეთის საგარეო საქმეთა მინისტრმა, პიტერ სიიარტომ ჟენევაში ქართველ ჟურნალისტებს განუცხადა. ,,საქართველოში ოპოზიციას არჩევნები რომ მოეგო, ბრიუსელი ძალიან ბედნიერი იქნებოდა. ისინი იტყოდნენ, რომ დემოკრატია საქართველოში საუკეთესო ფორმაშია, მაგრამ მას შემდეგ, რაც არჩევნების შედეგები მათ გემოვნებას არ მოერგო, ნათელი იყო, რომ თქვენზე შეტევა დაიწყებოდა. ასეა უნგრეთის შემთხვევაში. 15 წელია, ხელისუფლებაში ვართ და ვართ შეტევის ქვეშ, რადგან პატრიოტულ, კონსერვატიულ პოლიტიკას ვატარებთ და ეროვნულ ინტერესებს ვაყენებთ ყველაფერზე წინ“, –…

„ვფიქრობ, უკრაინაში ომი შეიძლება ძალიან მალე დასრულდეს, რამდენიმე კვირაში, თუ ჭკვიანები ვიქნებით. თუ ჭკვიანები არ ვიქნებით, ეს გაგრძელდება. ეს ჩვენ არ გვინდა. შეიძლება მესამე მსოფლიო ომში გადაიზარდოს და არც ეს გვინდა“, – ამის შესახებ აშშ-ის პრეზიდენტმა დონალდ ტრამპმა საფრანგეთის პრეზიდენტთან, ემანუელ მაკრონთან შეხვედრისას ჟურნალისტებს განუცხადა. მისი თქმით, რუსეთის პრეზიდენტი, ვლადიმერ პუტინი უკრაინაში ევროპელი სამშვიდობოების განთავსებას დათანხმდება და აღნიშნა, რომ აშშ უკრაინაში განთავსებულ ევროპულ ჯარებს „გარკვეული სახის მხარდაჭერას გაუწევს“. კითხვაზე, შეიძლება თუ არა უკრაინამ ტერიტორიები დაიბრუნოს, აშშ-ის პრეზიდენტმა უპასუხა, რომ „ეს მარტივი საქმე არ არის“.

„ევროპა, რომელიც მილიტარიზმის რელსებზე დგას, დღეს ერთადერთი მოთამაშეა საერთაშორისო ასპარეზზე, რომელსაც ომის გაგრძელება სურს და მთელი ძალით ეწინააღმდეგება კონფლიქტის მოგვარების ნებისმიერ რეალისტურ ინიციატივებს”, – ამის შესახებ გაერო-ში რუსეთის მუდმივმა წარმომადგენელმა, ვასილი ნებენზიამ განაცხადა. ,,ევროპა ამჟამად ერთადერთი მოთამაშეა საერთაშორისო ასპარეზზე, რომელსაც უკრაინაში კონფლიქტის გაგრძელება სურს და ყველაფერს აკეთებს იმისათვის, რომ წინააღმდეგობა გაუწიოს მის მოგვარებას“, – აღნიშნა ნებენზიამ.

„ვფიქრობთ, რომ გაერო, თუ სურს იყოს სასარგებლო 21-ე საუკუნეში, უნდა დაუბრუნდეს თავის წესდებას, რომელიც ითვალისწინებს ომისა და კონფლიქტის პრევენციას და დასრულებას“, – განაცხადა აშშ-ის სახელმწიფო მდივნმა, მარკო რუბიომ, Breitbart News-თან ინტერვიუში. მისი თქმით, შეერთებულმა შტატებმა მხარი არ დაუჭირა გაერო-ს რეზოლუციას, რომელიც რუსებს უკრაინაში მიმდინარე ომის გამო აკრიტიკებს, რადგან ის ანტაგონისტურია და ორივე მხარის მოლაპარაკებების მაგიდასთან დასმისა და ომის დასრულების მცდელობებს ეწინააღმდეგება. „პრეზიდენტ ტრამპს სურს ამ ომის დასრულება. ის თვლის, რომ ძალიან ბევრი ადამიანი დაიღუპა. გულწრფელად რომ ვთქვათ, არ ვფიქრობდით, რომ გაერო-ში რომელიმე მხარის მიმართ ანტაგონისტური რამ ხელის შემწყობი იყო. ჩვენ…

,,ამერიკელებისგან განსხვავებით, იშვიათი ლითონები ჩვენ ბევრი გვაქვს. მათ კი ისინი სჭირდებათ”, – ამის შესახებ კრემლის პრესსპიკერმა, დიმიტრი პესკოვმა პრესკონფერენციაზე განაცხადა. „ჩვენ სტრატეგიული რესურსების განვითარების საკუთარი გეგმები გვაქვს, მაგრამ აქ თანამშრომლობის საკმაოდ ფართო პერსპექტივები იქმნება. პერსპექტივები არსებობს, შესაძლებლობები არის და როდესაც პოლიტიკური ნების გამოვლენისთვის შესაფერისი მომენტი დადგება, ჩვენ ამისთვის ღია ვიქნებით“, – განაცხადა დიმიტრი პესკოვმა. პესკოვმა აღნიშნა, რომ აშშ-სა და რუსეთს შორის მომდევნო კონტაქტი რუსეთის საგარეო საქმეთა სამინისტროს მეშვეობით განხორციელდება. ხოლო კითხვაზე, ენდობა თუ არა რუსეთი აშშ-ს, დიმიტრი პესკოვმა უპასუხა, რომ კრემლი „საკუთარ თავს ენდობა“.

ევროკავშირმა უკრაინას კრიტიკული მინერალების შესახებ შეთანხმება შესთავაზა. ევროკომისარის, სამრეწველო სტრატეგიის საკითხებში, სტეფან სეჟურნეს განცხადებით, კრიტიკული მინერალების შესახებ ორივე მხარისთვის მომგებიანი შეთანხმება მან უკრაინელ ოფიციალურ პირებს კიევში, ევროკომისიის პრეზიდენტთან, ურსულა ფონ დერ ლაიენთან ერთად ვიზიტისას შესთავაზა. ,,იმ 30 კრიტიკული მინერალისგან, რომელიც ევროპას სჭირდება, უკრაინას 21-ის მიწოდება შეუძლია ორმხრივად მომგებიანი თანამშრომლობის ფარგლებში. დამატებული ღირებულება, რომელსაც ევროპა გვთავაზობს, არის ის, რომ ჩვენ არასოდეს მოვითხოვთ შეთანხმებას, რომელიც არ არის ორმხრივად მომგებიანი”, – თქვა სეჟურნემ AFP-ის ცნობით. ცნობისთვის, დონალდ ტრამპმა თეთრ სახლში საფრანგეთის პრეზიდენტთან, ემანუელ მაკრონთან შეხვედრის შემდეგ გამართულ პრესკონფერენციაზე განაცხადა, რომ აშშ და უკრაინა…