დღე: თებერვალი 24, 2025

აშშ-ის პრეზიდენტი, დონალდ ტრამპი აცხადებს, რომ ვლადიმერ პუტინთან ომის დასრულებისა და მნიშვნელოვანი ეკონომიკური გარიგებების შესახებ სერიოზულ მოლაპარაკებებს აწარმოებს. „რუსეთის პრეზიდენტთან, ვლადიმერ პუტინთან სერიოზულ მოლაპარაკებებს ვაწარმოებ ომის დასრულებისა და აშშ-სა და რუსეთს შორის მნიშვნელოვანი ეკონომიკური განვითარების გარიგებების შესახებ. მოლაპარაკებები ძალიან კარგად მიმდინარეობს!“ – აღნიშნა აშშ-ის პრეზიდენტმა.  

გაერო-ს გენერალურმა ასამბლეამ უკრაინის მიერ ინიცირებულ რეზოლუციას მხარი დაუჭირა. ინფორმაციას სააგენტო Reuters-ი ავრცელებს. რეზოლუციის პროექტს, რომელიც უკრაინაში რუსეთის სრულმასშტაბიან შეჭრას გმობს მხარი 93-მა ქვეყანამ დაუჭირა, მის წინააღმდეგ ხმა 18-მა მისცა, ხოლო 65-მა თავი შეიკავა. რეზოლუციის წინააღმდეგ ხმა აშშ-მა და რუსეთმა მისცეს. საქართველომ კენჭისყრაში მონაწილეობა არ მიიღო. გაერო-ს გენერალურმა ასამბლეამ უკრაინის შესახებ აშშ-ის ინიცირებულ რეზოლუციასაც დაუჭირა მხარი, თუმცა მასში ცვლილებები იქნა შეტანილი, კერძოდ, ცვლილებები უკრაინაში რუსეთის სრულმასშტაბიანი შეჭრისა და ხანგრძლივი მშვიდობის შესახებ. აშშ-ის მიერ ინიცირებულ რეზოლუციას მხარი 93-მა წევრმა სახელმწიფო დაუჭირა, 73-მა თავი შეიკავა, ხოლო 8-მ ხმა მის წინააღმდეგ მისცა.

ევროკომისიის პრეზიდენტმა ურსულა ფონ დერ ლაიენმა განაცხადა, რომ შეიძლება მიეცეს უკრაინას ევროკავშირში გაწევრიანების უფლება 2030 წლამდე. მისი თქმით, გაწევრიანების პროცესი “დაფუძნებულია დამსახურებაზე” და გაწევრიანება მომგებიანი უნდა იყოს როგორც განმცხადებელი ქვეყნისთვის, ასევე, ევროკავშირისთვის. ფონ დერ ლეიენმა დასძინა, რომ უკრაინა კარგად მუშაობს და შეიძლება „2030 წელზე ადრე მიღება“, თუ ქვეყანა „ამ სისწრაფითა და ხარისხით“ გააგრძელებს მუშაობას.  

დიდმა ბრიტანეთმა 2022 წლის შემდეგ რუსეთის წინააღმდეგ სანქციების ყველაზე დიდი პაკეტი გამოაცხადა. ინფორმაციას დიდი ბრიტანეთის მთავრობა ავრცელებს. „107 ახალი სანქცია. სანქციების ეს პაკეტი მიზანში იღებს მომარაგების ჯაჭვებსა და შემოსავლებს, რომლებიც პუტინის უკანონო ომს ხელს უწყობს. უკრაინის გაძლიერება უსაფრთხო ევროპისა და დიდი ბრიტანეთის მშენებლობას ხელს შეუწყობს“ – ნათქვამია გაერთიანებული სამეფოს მთავრობის განცხადებაში. დიდი ბრიტანეთის მთავრობის ცნობით, სანქციები ეხება რუსი სამხედროებისთვის მანქანა-იარაღების, ელექტრონიკისა და ორმაგი დანიშნულების საქონლის მწარმოებლებსა და მომწოდებლებს, რომლებიც ძირითადად მესამე ქვეყნებშია დაფუძნებული, კერძოდ, ცენტრალური აზიის ქვეყნებში, თურქეთში, ტაილანდში, ინდოეთსა და ჩინეთში.

უკრაინის პრეზიდენტმა, ვოლოდიმირ ზელენსკიმ განაცხადა, რომ „დიდი შვიდეულის“ შეხვედრის ფარგლებში დონალდ ტრამპთან კარგი საუბარი ჰქონდა. „რაც შეეხება დონალდ ტრამპს. ჩვენ საუბარი ახლახან გვქონდა. ეს ძალიან კარგი საუბარი იყო კანადის ხელმძღვანელობით გამართულ „დიდი შვიდეულის“ შეხვედრის ფარგლებში“- განაცხადა ვოლოდიმირ ზელენსკიმ. უკრაინის პრეზიდენტმა კანადას შეხვედრის ორგანიზებისთვის მადლობა გადაუხადა.

,,ყველა ჩვენგანის პასუხისმგებლობაა, რომ მომავალ წელს აღვნიშნოთ მშვიდობის და არა ომის წლისთავი”, – განაცხადა თურქეთის პრეზიდენტმა, რეჯეფ ტაიფ ერდოღანმა რუსეთის მიერ უკრაინაში დაწყებული ფართომასშტაბური ომის მესამე წლისთავთან დაკავშირებით. „სამართლიანი და მდგრადი მშვიდობისადმი გზა შეიძლება, გაიხსნას განტოლებით, რომელშიც ორივე მხარე თანაბრად და სამართლიანად იქნება წარმოდენილი. ჩვენ ყველას გვეკისრება მნიშვნელოვანი პასუხისმგბელობა, რომ მომავალ წელს აღვნიშნოთ მშვიდობის და არა ომის წლისთავი. ჩვენ გავაგრელებთ ყველა შესაძლო ძალისხმევას სამართლიანი და მდგრადი მშვიდობის დასამყარებლად“, – აღნიშნა ერდოღანმა.

გუშინ, ისრაელმა პირველად 2002 წლის შემდეგ, ტანკები შეიყვანა დასავლეთ სანაპიროზე, რათა გააძლიეროს თავისი ძალები ტერორიზმის წინააღმდეგ ბრძოლაში. თავდაცვის მინისტრმა ისრაელ კაცმა განაცხადა, რომ ჯარისკაცები ,,მომდევნო წელს” დარჩებიან ტერიტორიაზე, რათა თავიდან აიცილონ ტერორიზმის დაბრუნება. ამასთან, ჰამასმა გაათავისუფლა ექვსი მძევალი, თუმცა ისრაელმა განაცხადა, რომ 63 მძევალი ჯერ კიდევ რჩება, მათ შორის 2014 წელს დაკავებული ჯარისკაცის ნეშტი. ცნობისთვის, ისრაელის სამხედროების ქმედებები მას შემდეგ გაძლიერდა, რაც პალესტინის სანგრებში ტერორისტებისგან შეტევები გახშირდა.

კიევში მყოფმა ესპანეთის პრემიერმა პედრო სანჩესმა უკრაინის სამხედრო დახმარების ახალი პაკეტი გამოაცხადა. მისი თქმით, უკრაინა 2025 წელს ესპანეთისგან მილიარდი ევროს ღირებულების დახმარებას მიიღებს. ,,ჩვენ უნდა უზრუნველვყოთ, რომ უკრაინა შეუერთდეს ევროკავშირს რაც შეიძლება მალე. რაც არ უნდა მოხდეს უახლოეს თვეებში, უკრაინის ევროკავშირში გაწევრიანება უკრაინელი ხალხის ყველაზე მნიშვნელოვანი გამარჯვებაა”, – დასძინა მან. დღეს, ასევე ცნობილი გახდა, რომ შვედეთის მთავრობა გეგმავს უკრაინას გადასცეს $113 მილიონის ღირებულების საჰაერო თავდაცვის სისტემები, ხოლო ფინეთი უკრაინის საპარტნიორო ფონდს (PFRU) 2025-2027 წლებში 4,5 მილიონ ევროს გადასცემს.

,,სამი წელია უკრაინელები კოშმარში იღვიძებენ. ეს კოშმარი მხოლოდ ერთმა ადამიანმა – ვლადიმერ პუტინმა გამოიწვია”, – ამის შესახებ გაერთიანებული სამეფოს პრემიერ-მინისტრი, კირ სტარმერი გამოცემა The Sun-ში გამოქვეყნებულ სტატიაში წერს. „უბრალოდ წარმოიდგინეთ, რას უნდა გრძნობდნენ რიგითი უკრაინელები. შესაძლოა კიევში კაფეში ზიხარ და საუზმობ, ბავშვი ხარკოვში სკოლაში მიგყავს, სამსახურში მიდიხარ. თებერვლის ჩვეულებრივი, ცივი დილაა და მოულოდნელად : რაკეტები. სირენები. აფეთქებები, შორს კი არა, ტელევიზორში კი არა – თქვენსავე ქალაქში. მეგობრების დახოცვა, დამპყრობელი ჯარი, თქვენს ქვეყანაში. ეს არის კოშმარი, რომელშიც უკრაინელები ბოლო სამი წლის განმავლობაში ყოველდღე იღვიძებენ. კოშმარი, რომელიც მხოლოდ და მხოლოდ ერთმა ადამიანმა…

რუსეთის საგარეო საქმეთა მინისტრმა, სერგეი ლავროვმა თურქეთის საგარეო საქმეთა მინისტრ ჰაკან ფიდანთან შეხვედრის შემდეგ გამართულ პრესკონფერენციაზე განაცხადა, რომ რუსეთის ფედერაცია მზად არის უკრაინაზე მოლაპარაკებისთვის, მაგრამ შეაჩერებს სამხედრო მოქმედებებს მხოლოდ იმ შემთხვევაში, თუ შედეგი რუსულ მხარეს დააკმაყოფილებს. „მზად ვართ ვისაუბროთ როგორც უკრაინასთან, ასევე ევროპასთან, ნებისმიერ წარმომადგენელთან, რომელსაც კეთილი ნებით სურს ხელი შეუწყოს მშვიდობის მიღწევას, მაგრამ ჩვენ შევწყვეტთ სამხედრო მოქმედებებს მხოლოდ მაშინ, როდესაც ეს მოლაპარაკებები გამოიღებს მტკიცე და მდგრად შედეგს, რომელიც რუსეთის ფედერაციისთვის დამაკმაყოფილებელი იქნება“, – აღნიშნა ლავროვმა. მისი თქმით, რუსეთის პრეზიდენტმა ვლადიმერ პუტინმა ეს მკაფიოდ განაცხადა.

ბრიუსელში ევროკავშირის საგარეო საქმეთა მინისტრების შეხვედრა მიმდინარეობს. უკრაინაში ომის დაწყების მესამე წლისთავთან დაკავშირებით, სხდომა წუთიერი დუმილით გაიხსნა. მინისტრებმა რუსეთისთვის სანქციების მე-16-ე პაკეტი დაამტკიცეს. გავრცელებული ინფორმაციით, დღის წესრიგში განსახილველ საკითხებს შორის საქართველო არ არის, თუმცა ევროკავშირის უმაღლესმა წარმომადგენელმა, კაია კალასმა განაცხადა, რომ საქართველოში მიმდინარე მოვლენებს ევროპელ დიპლომატებთან განიხილავს.

,,უკრაინა მზადაა გაცვალოს ტყვეები რუსეთთან „ყველა ყველაზე“ ფორმატში”, – ამის შესახებ კიევში ევროპელ ლიდერებთან შეხვედრაზე უკრაინის პრეზიდენტმა, ვოლოდიმირ ზელენსკიმ განაცხადა. მისი თქმით, უკრაინელი ტყვეების ფართომასშტაბიანი გათავისუფლება შეიძლება იყოს ომის დასრულების ერთ-ერთი წინაპირობა. „ომის დასრულება უნდა დაიწყოს იმ ნაბიჯებით, რომლებიც აღადგენს ნდობას თავად სიტუაციის მიმართ, რადგან არ არსებობს ნდობა რუსეთის მიმართ. ჩვენ გვჭირდება სიტუაციები, რომლებიც მიუთითებს ომის დასრულებაზე. რეალური მდგომარეობა. ახლა ასეთი ნაბიჯი შეიძლება იყოს ტყვეების გათავისუფლება. ათასობით, ზუსტად ათასობით ადამიანი, რომლებიც რუსეთში არიან დაკავებული და ზოგიერთი მათგანი არა 2022 წლიდან, არამედ ბევრად უფრო ადრე, 2014 წლიდან. რუსეთმა უნდა გაუშვას უკრაინელები.…

,,ეს არ არის ის კონფლიქტი, რომელიც უკრაინას სურდა, ან მისი პროვოცირება მოახდინა. ეს ომი დაიწყო ერთი მიზეზის გამო – რუსეთის სურვილის, წაშალოს უკრაინის ისტორია და გააფართოოს თავისი იმპერიის ტერიტორია. რუსეთის ფედერაციის ქმედებები სხვა არაფერია, თუ არა პირდაპირი შეტევა”, – ამის შესახებ კანადის პრემიერმინისტრმა ჯასტინ ტრუდომ კიევში მიმდინარე სამიტზე სიტყვით გამოსვლისას განაცხადა. როგორც მან აღნიშნა, კიევი მიიღებს დამატებით 25 LAV III ქვეითთა ​​საბრძოლო მანქანას, სადესანტო სისტემებს F-16-ებისთვის და სხვა სახის იარაღს. მისივე თქმით, კანადა უკრაინას გაყინული რუსული აქტივებიდან 5 მილიარდ დოლარს გადაურიცხავს. ასევე, კანადის პრემიერმა პარტნიორებს მოუწოდა გაზარდონ უკრაინის დახმარება. შეგახსენებთ,…