დღე: თებერვალი 21, 2025

დონალდ ტრამპმა, განაცხადა რომ დიდი ბრიტანეთის პრემიერ-მინისტრ კირ სტარმერსა და საფრანგეთის პრეზიდენტ ემანუელ მაკრონს არაფერი გაუკეთებიათ უკრაინაში ომის დასასრულებლად. აშშ-ის პრეზიდენტმა აღნიშნა, რომ მაკრონი „მისი მეგობარია“ და დაამატა, რომ სტარმერი „ძალიან კარგი კაცია“, მაგრამ „არცერთ მათგანს არაფერი გაუკეთებია რუსეთის მიერ უკრაინის წინააღმდეგ წამოწყებულ ომთან დაკავშირებით.“

აშშ-ის პრეზიდენტის, დონალდ ტრამპის განცხადებით, ვოლოდიმირ ზელენსკის სამშვიდობო მოლაპარაკებებზე ყოფნა „ძალიან მნიშვნელოვანი არ არის”. ტრამპმა ერთ-ერთ ინტერვიუში ისიც თქვა, რომ ზელენსკიმ რუსეთის ფართომასშტაბიანი შემოჭრის დაწყებიდან სამ წელიწადში ომის დასრულება ვერ მოახერხა. „არა მგონია, რომ ის ძალიან მნიშვნელოვანია შეხვედრებში მონაწილეობისთვის, სიმართლე რომ გითხრათ. როდესაც ზელენსკიმ თქვა, რომ ის [საუდის არაბეთში] შეხვედრაზე არ მიიწვიეს, ვგულისხმობ, რომ ეს პრიორიტეტი არ ყოფილა, ვინაიდან ის აქამდე ასე ცუდად აწარმოებდა მოლაპარაკებებს” – განაცხადა ტრამპმა. მან კიდევ ერთხელ გაიმეორა, რომ უკრაინის პრეზიდენტს ვოლოდიმირ ზელენსკისა და მის წინამორბედს, ჯო ბაიდენს ომის აღკვეთა შეეძლოთ.

24 თებერვრვალს ევროკავშირი უკრაინისთვის სამხედრო დახმარების დიდ პაკეტს წარადგენს. ინფორმაციას უკრაინული გამოცემა „ევროპეისკაია პრავდა” ბრიუსელის დიპლომატიური წრეებიდან ორ წყაროზე დაყრდნობით ავრცელებს. დახმარების პაკეტი „მოიცავს უკრაინისთვის საარტილერიო ჭურვების, საჰაერო თავდაცვის სისტემებსა და მათთვის საჭირო რაკეტებს”. ერთ-ერთი წყაროს ცნობით, კონკრეტული თანხები 24 თებერვალს ევროკავშირის საგარეო საქმეთა მინისტრების შეხვედრის შემდეგ დადგინდება, მაგრამ საუბარია მილიარდობით ევროზე. „არსებობს იმის დიდი ალბათობა, რომ უნგრეთმა უარი განაცხადოს უკრაინის სამხედრო დახმარების პროექტზე. ასევე შეიძლება სლოვაკეთიც მოიქცეს, თუმცა ბოლო დროს, ელჩების დონეზე შეხვედრებზე, სლოვაკები „სტრატეგიულ სიჩუმეს“ ინარჩუნებენ. ასევე არის ნეიტრალური ქვეყნები, როგორებიცაა ავსტრია და ირლანდია, რომლებმაც შეიძლება თავი შეიკავონ…

24 თებერვალს რუსეთი უკრაინაზე გამარჯვების გამოსაცხადებლად ემზადება. ინფორმაციას ამის შესახებ უკრაინული დაზვერვა ავრცელებს.ინფორმაციაში ნათქვამია, რომ აღნიშნულ გეგმებში, შესაძლოა, საუბარი იყოს რუსეთის ნატო-ზე გამარჯვებაზეც კი. დაზვერვა ასევე იტყობინება, რომ რუსეთმა სპეცსამსახურებს უბრძანა, გამოიყენონ რუსეთისა და აშშ-ს დელეგაციების 18 თებერვლის შეხვედრა საინფორმაციო შეტევისთვის. უფრო კონკრეტულად კი, უახლოეს მომავალში რუსი პროპაგანდისტები უფრო აქტიურად გაავრცელებენ ისეთ ნარატივებს, როგორებიცაა: დასავლეთმა უღალატა უკრაინას, ევროპელებისა და უკრაინელების აზრი არც მოსკოვს და არც ვაშინგტონს არ აინტერესებს, აშშ-მა და რუსეთმა ყველაფერზე მოილაპარაკეს უკრაინის ზურგს უკან, უკრაინის ხელისუფლება არალეგიტიმურია, უკრაინის არმია ფრონტზე მარცხდება, კორუფციონერები უკრაინაში ამერიკული დახმარებიდან მილიარდობით დოლარს იპარავენ.

,,ჩვენი ქვეყანა მარცხდება და მის გადასარჩენად დონალდ ტრამპის მსგავსი მოძრაობაა საჭირო”, – ამის შესახებ ბრიტანეთის ყოფილმა პრემიერ-მინისტრმა, ლიზ ტრასმა აშშ-ში მემარჯვენეების კონფერენციაზე სიტყვით გამოსვლისას განაცხადა. „ახლა ჩვენ გვაქვს დიდი პრობლემა ბრიტანეთში, რომ მოსამართლეები იღებენ გადაწყვეტილებებს, რომლებიც უნდა მიიღონ პოლიტიკოსებმა. ეჭვი არ მეპარება, რომ სანამ ეს ცვლილებები არ დადგება, ჩვენ არ გვექნება ფუნქციონირებადი სახელმწიფო. ბრიტანეთის სახელმწიფო ახლა მარცხდება, არ მუშაობს. გადაწყვეტილებებს პოლიტიკოსები არ იღებენ. გადაწყვეტილებებს ისევ იგივე ხალხი იღებს. ეს არის „დიფ სთეითი“, ეს არის არარჩეული ბიუროკრატია, ეს არის სასამართლო კორპუსი. ჩვენ გვინდა ვიყოთ მეორე ამერიკული რევოლუციის ნაწილი. ჩვენ გვსურს ბრიტანული…

24 თებერვალს, ევროკავშირის საგარეო საქმეთა მინისტრები საქართველოს საკითხს განიხილავენ. ინფორმაცია ევროკავშირის წარმომადგენელმა გაავრცელა და აღნიშნა, რომ მინისტრები ქვეყანაში არსებულ პოლიტიკურ მდგომარეობას, სამოქალაქო საზოგადოებასა და მედიის შესახებ საკითხებს განიხილავენ. მისი თქმით, ევროკავშირის უმაღლესმა წარმომადგენელმა კაია კალასმა და კომისარმა მარტა კოსმა 2 და 7 იანვარს მოუწოდეს საქართველოს ხელისუფლებას თავი შეიკავონ ახალი რეპრესიული კანონების მიღებისაგან. წარმომადგენლის განცხადებით, „ქართული ოცნების“ ლიდერებმა გააძლიერეს სიძულვილის ენა, პირადი თავდასხმები ევროკავშირისა და ევროკავშირის ღირებულებებსა და ინსტიტუტებზე.

რუსეთ-უკრაინის ომის საკითხებში აშშ-ის პრეზიდენტის სპეციალური წარმომადგენელი კიტ კელოგი უკრაინის პრეზიდენტ ვოლოდიმირ ზელენსკის და ქვეყნის ეროვნული უსაფრთხოების გუნდს შეხვდა. ,,ხანგრძლივი და ინტენსიური დღე უკრაინის უფროს ხელმძღვანელობასთან. ვრცელი და პოზიტიური დისკუსია ვოლოდიმირ ზელენსკისთან, ომში მყოფი ქვეყნის მამაც და მებრძოლ ლიდერთან და ეროვნული უსაფრთხოების ნიჭიერ გუნდთან ერთად”, – წერს კელოგი X-ზე.

ბელგრადის ქუჩებში ათასობით ადამიანმა სერბი სტუდენტების მხარდასაჭერი საპროტესტო აქცია გამართა. მოსახლეობა ქალაქის სხვადასხვა კუთხიდან ხუთ კოლონად შეიკრიბა და იმ ადგილისკენ გაემართა, სადაც სტუდენტები, ორ თვეზე მეტია, ყოველდღიურად საპროტესტო აქციებს მართავენ და ქვეყანაში არსებული კორუფციის წინააღმდეგ გამოდიან. მედიის ცნობით, სტუდენტებს რამდენიმე მოთხოვნა აქვთ, მათ შორის, სადგურის სახურავის ჩამონგრევის შესახებ დოკუმენტაციის გამოქვეყნება, სამართლიანობა დამნაშავეებისთვის, სტუდენტური აქციის მონაწილეებისთვის ბრალდებების მოხსნა და უმაღლესი განათლების ბიუჯეტის გაზრდა. ისინი ასევე, ითხოვენ სადგურის განახლებასთან დაკავშირებული ყველა დოკუმენტის გასაჯაროებას და მომხდარზე პასუხისმგებელი პირებისთვის სისხლის სამართლებრივი პასუხისმგებლობის დაკისრებას. ბელგრადში აქციის მონაწილეებმა დუმილით პატივი მიაგეს რკინიგზის სადგურის სახურავის ჩამონგრევის შედეგად…

ტრამპის ბრძანებით, ოვალური კაბინეტიდან ცნობილი მაგიდა Resolute-ი გაიტანეს და რეკონსტრუქციაზე გაგზავნეს. ტრამპმა განკარგულება მას შემდეგ გასცა, რაც თეთრ სახლში ვიზიტის დროს, ელონ მასკის ვაჟმა მაგიდას წვლინტი წაუსვა. ,,ტრამპი უკიდურესად ფრთხილია ასეთ საკითხებში და მიკრობების ეშინია”, – ნათქვამია New York Post-ის მიერ გავრცელებულ სტატიაში. ცნობისთვის, Resolute-ი შეერთებულ შტატებს დედოფალმა ვიქტორიამ გადასცა 1880 წელს. ოვალურ კაბინეტში მაგიდა 1961 წელს დადგეს. მაგიდასთან ბევრი ამერიკელი პრეზიდენტი იჯდა, მაგალითად კენედი, ჯიმი კარტერი და ბილ კლინტონი. ილონ მასკი თეთრ სახლში შვილთან ერთად მუშაობს

სენატმა გამოძიების ფედერალური ბიუროს დირექტორის თანამდებობაზე კეშ პატელი დაამტკიცა. 44 წლის პატელის კანდიდატურას 51-მა რესპუბლიკელმა სენატორმა დაუჭირა მხარი, წინააღმდეგ წავიდა 49 კანონმდებელი, მათ შორის 47 დემოკრატი და ორი რესპუბლიკელი. პატელი ამ თანამდებობაზე შეცვლის კრისტოფერ რეის, რომელიც ტრამპმა 2017 წელს დანიშნა გამოძიების ფედერალური ბიუროს დირექტორად. დონალდ ტრამპის პირველ საპრეზიდენტო ვადაში კეშ პატელი აშშ-ის ეროვნული დაზვერვის უფროსის მრჩევლის თანამდებობას იკავებდა. პატელი გამოძიების ფედერალური ბიუროს უფლებამოსილების შეზღუდვას და ორგანიზაციიდან იმ თანამშრომლების გათავისუფლებას ემხრობა, რომლებიც დონალდ ტრამპს მხარს არ უჭერენ. სენატში გამართული მოსმენის დროს პატელმა უარყო ინფორმაცია იმის შეახებ, რომ მას აქვს „დიფ სთეითზე“…

უკრაინის საჰაერო ძალების ცნობით, რუსეთმა უკრაინას 160 უპილოტო საფრენი აპარატითა და „ისკანდერის“ ტიპის ორი რაკეტით შეუტია. ,,უკრაინის საჰაერო თავდაცვის ძალებმა ჩამოაგდეს 87 დრონი. მათ შორის ხარკოვის, პოლტავის, სუმის, ჩერნიგოვის, ჩერკასის, კიევის, კიროვოგრადის, ჟიტომირის, ვინიცის, ნიკოლაევის, ხერსონისა და დნეპროპეტროვსკის ოლქებში. რუსეთმა „ისკანდერის“ ტიპის რაკეტები ყირიმიდან ოდესის მიმართულებით გაუშვა. დრონები კი ორლოვიდან, ბრიანსკიდან, კურსკიდან, მილეროვოდან და შატალოვოდან”, – ნათქვამია ინფორმაციაში. თავდასხმის შედეგად დაზარალდა ოდესის, კიევის, პოლტავისა და ხარკოვის ოლქები. „კიევის ოლქში, ბუჩისა და ობუხოვის რაიონებში დრონებმა დააზიანეს ელექტროგადამცემი ხაზები, თუმცა მსხვერპლი არ ყოფილა და ელექტრომომარაგება უკვე აღდგენილია“, – აცხადებს ოლქის სამხედრო ადმინისტრაციის…

„ბრიქსის“ რომელიმე ქვეყანამ დოლარის განადგურება რომ ახსენოს, 150%-ანი ტარიფი დაეკისრება”, – ამის შესახებ აშშ-ს პრეზიდენტმა, დონალდ ტრამპმა რესპუბლიკელი გუბერნატორების ასოციაციის შეხვედრაზე განაცხადა, სადაც ქვეყანაში რეგულაციების შემსუბუქების პირობა დადო. „ბრიქსის“ ქვეყნებს დაახლოებით ექვსი ქვეყანა წარმოადგენს, რომლებიც ცდილობდნენ ჩვენი დოლარის განადგურებას. იცით, ახალი ვალუტის შექმნას აპირებდნენ. სავარაუდოდ, უნდოდათ ჩინური იუანის გამოყენება. და ბაიდენმა თქვა: „კარგი, ეს რთული სიტუაციაა. ბევრს ვერაფერს გავაკეთებთ. ამას ვერ ვუშველით“. მე ვთქვი: „შეგვიძლია ვუშველოთ“. როცა მოვედი, პირველი რაც ვთქვი იყო, რომ „ბრიქსის“ ნებისმიერ ქვეყანას, რომელიც თუნდაც ახსენებს დოლარის განადგურებას, 150%-იანი ტარიფი დაეკისრება“, – განაცხადა ტრამპმა.

,,მხარს ვუჭერ მამაც უკრაინელ ხალხს, პრეზიდენტი ტრამპი განსაჯეთ მისი შედეგებით”, – ამის შესახებ სოციალურ ქსელში კონგრესმენი ჯო უილსონი წერს. ,,მე მხარს ვუჭერ მამაც უკრაინელ ხალხს, რომლებმაც წარმატებით შეაჩერეს ომის დამნაშავე პუტინის თავდასხმა. პრეზიდენტ ტრამპის ნებისმიერი განცხადება არის კეთილი მცდელობა, რომ ომი დასრულდეს. მისი ქმედებები ნათელია – წარსულში ჯაველინების რაკეტების გაგზავნა უკრაინისთვის, პოლონეთში ამერიკელი ჯარისკაცების განთავსება, Nord Stream 2-ით ომის დამნაშავე პუტინის დაფინანსების გაუქმება, რათა მშვიდობა დაამყაროს ძალის გამოყენებით. პრეზიდენტი ტრამპი განსაჯეთ მისი შედეგებით ყველა საკითხზე”, – წერს უილსონი.

,,მან იცის, რომ სრული კრახით დამარცხდებოდა, მიუხედავად იმისა, რომ აკონტროლებს უკრაინის ყველა მედიასაშუალებას, ამიტომ გააუქმა არჩევნები. ვიწვევ მას, ჩაატაროს არჩევნები და უარყოს ეს”, – ამერიკის შეერთებული შტატების მთავრობის ეფექტურობის დეპარტამენტის ხელმძღვანელი, ილონ მასკი სოციალურ ქსელში აზიარებს სტატიას რეიტინგის შესახებ, რომლის მიხედვითაც, დაზვერვის სამსახურები ვარაუდობენ, რომ ზელენსკის რეალური მხარდაჭერა დაახლოებით 4%-ია. მისი თქმით, ტრამპი სწორად იქცევა, როდესაც იგნორირებას უკეთებს ზელენსკის და ცდილობს მშვიდობის მიღწევას იმ ,,საზიზღარი, უზარმაზარი კორუფციული მანქანისგან დამოუკიდებლად, რომელიც იკვებება უკრაინელი ჯარისკაცების გვამებით”.

აშშ-ის კონგრესში ქვეყნის გაეროდან და მასთან დაკავშირებული ყველა ორგანიზაციიდან გასვლის შესახებ კანონპროექტი შეიტანეს. კანონპროექტის ავტორი „რესპუბლიკელი“ სენატორი იუტას შტატიდან მაიკლია. მისი თქმით, გაერო ტირანების და ამერიკასა და მის მოკავშირეებზე თავდასხმის ადგილად იქცა. ,,ჩვენ უნდა შევწყვიტოთ მისი დაფინანსება. ახლა, როცა პრეზიდენტი ტრამპი ჩვენ საგარეო პოლიტიკაში რევოლუციას აწყობს, აყენებს რა ამერიკას პირველ ადგილზე, ჩვენ უნდა დავტოვოთ ეს ფიქციური ორგანიზაცია და პრიორიტეტი ნამდვილ ალიანსებს მივანიჭოთ, რომლებიც ჩვენი ქვეყნის უსაფრთხოებაზე და აყვავებაზე მუშაობენ“, – ციტირებს Fox News-ი სენატორს. გავრცელებული ინფორმაციით, იდენტური კანონპროექტის ინიციირებას, ოღონდ წარმომადგენელთა პალატაში კონგრესმენი ჩიპ როი აპირებს.