დღე: თებერვალი 20, 2025

ეროვნული უსაფრთხოების საკითხებში აშშ-ის პრეზიდენტის მრჩეველმა, მაიკ უოლცმა კიევს მოუწოდა, დაუწიოს ტონს და ხელი მოაწეროს წიაღისეულის შესახებ შეთანხმებას. უოლცმა ახსენა ვიცე-პრეზიდენტ ჯეი დი ვენსის იმედგაცრუება მიუნხენში შეხვედრაზე შეთანხმების ხელმოწერაზე კიევის უარისა და აშშ-ის სახაზინო დეპარტამენტის ხელმძღვანელის, სკოტ ბესენტის გამო, რომელმაც, უოლცის მტკიცებით, ტყუილად გაიარა გზა კიევამდე. „იმის გათვალისწინებით, რაც ამერიკამ უკრაინისთვის გააკეთა, მათ უნდა დაუწიონ ტონს, ყურადღებით შეხედონ და ხელი მოაწერონ ამ შეთანხმებას“-  თქვა უოლცმა.

აშშ-ის ვიცე-პრეზიდენტი ჯეი დი ვენსი აცხადებს, რომ კონფლიქტის გაგრძელება ცუდია, როგორც რუსეთისთვის, ასევე  უკრაინისა და ევროპისთვისაც. ვენსის თქმით, აშშ-ის “ზეწოლის ბერკეტები” გააჩნია კონფლიქტის ორივე მხარეზე. “კონფლიქტმა დააწესა – და აგრძელებს – ზეწოლას ამერიკული სახელმწიფოებრიობის ინსტრუმენტებზე, სამხედრო მარაგებიდან სანქციებამდე (და გაცილებით მეტიც). გვჯერა, რომ კონფლიქტის გაგრძელება ცუდია რუსეთისთვის, ცუდია უკრაინისთვის, და ცუდია ევროპისთვის. მაგრამ რაც ყველაზე მნიშვნელოვანია, ეს ცუდია შეერთებული შტატებისთვის,” – წერს ვენსი

აშშ-ის პრეზიდენტის სპეციალური წარმომადგენელი კოლოგი უკრაინაში იმყოფება. ვოლოდიმერ ზელენსკისა და კოლოგის ოფიციალური შეხვედრა უკვე შედგა, თუმცა, არ ვრცელდება ინფორმაცია, რაზე შეთანხმდნენ მხარეები ან რა წინადადება ჩაუტანა ტრამპის წარმომადგენელმა უკრაინას. შეხვედრის შემდეგ პრესკონფერენცია უნდა გამართულიყო, სადაც  მხრეები მოლაპარაკების თემაზე ისაუბრებდნენ, თუმცა, როგორც ინფორმაცია ვრცელდება,  ამერიკული მხარის თხოვნით მედიასთან შეხვედრა გაუქმდა.

,,გლობალისტურ-ლიბერალურ-სოროსის არასამთავრობო ორგანიზაციების ქსელი ბრიუსელში გარბის მას შემდეგ, რაც პრეზიდენტმა დონალდ ტრამპმა დიდი დარტყმა მიაყენა მათ საქმიანობას აშშ-ში”, – ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელში წერს. ,,ყურადღება! ჩვენი შიშები გამართლდა: გლობალისტურ-ლიბერალურ-სოროსის არასამთავრობო ორგანიზაციების ქსელი ბრიუსელში გარბის მას შემდეგ, რაც პრეზიდენტმა დონალდ ტრამპმა დიდი დარტყმა მიაყენა მათ საქმიანობას აშშ-ში. ახლა მათგან 63 ბრიუსელს ფულს სთხოვს ადამიანის უფლებათა სხვადასხვა პროექტის საბაბით. ეს არ მოხდება. ჩვენ არ მივცემთ მათ ევროპაში თავშესაფრის პოვნის საშუალებას. USAID-ის ფაილებმა გამოააშკარავა გლობალისტური ქსელის ბნელი პრაქტიკა. ჩვენ აღარ წამოვეგებით მათ ანკესზე”, – წერს ორბანი.

აშშ-ის პრეზიდენტის მიერ უკრაინის ლიდერზე, ვოლოდიმირ ზელენსკიზე თავდასხმა მსოფლიოს ახალი წესრიგის ჩამოყალიბებაზე მეტყველებს. სტატიას ამ სათაურით გამოცემა The Wall Street Journal-ი ავრცელებს. როგორც სტატიაშია აღნიშნული, პრეზიდენტმა ტრამპმა ოთხ კვირაში აშშ-ის საგარეო პოლიტიკის მიმართულება მკვეთრად შეცვალა, გადააქცია რა, ამერიკა ნაკლებად სანდო მოკავშირედ და გლობალურ ვალდებულებებზე უარი ათქმევინა ისე, რომ ეს კარდინალურად შეცვლის ამერიკის ურთიერთობას მსოფლიოსთან. The Wall Street Journal-ი აღნიშნავს, რომ ტრამპის წარმომადგენლები რუსეთთან სამშვიდობო მოლაპარაკებების დროს დათმობებზე წავიდნენ, რამაც ევროპელი მოკავშირეები გააოცა. ამის შემდეგ ტრამპმა ზელენსკის დიქტატორი უწოდა, ის ევროპელებს დაშორდა და USAID-ის მუშაობა შეაჩერა, რომელიც განვითარებად ქვეყნებს ეხმარებოდა. ასევე,…

რუსეთის პრეზიდენტი, ვლადიმერ პუტინი გაკვირვებულია ტრამპის თავშეკავებით საკუთარი მოკავშირეების მიმართ, რომლებიც უტიფრად იქცეოდნენ და ამას კვლავ აგრძელებენ. ,,წინასაარჩევნო კამპანიის დროს ვიხილეთ ის, რომ ყველა ევროპელი ლიდერი, გამონაკლისის გარეშე, ფაქტობრივად, პირდაპირ ერეოდა აშშ-ის საარჩევნო პროცესში. საქმე ერთ-ერთი კანდიდატის პირდაპირ შეურაცხყოფამდეც კი მივიდა. ჩვენი მხრიდან ცხადი იყო, ვის მიმართ გვქონდა სიმპათია, თუმცა ჩვენ საკუთარი არავისთვის არ მიგვიცია უფლება ჩავრეულიყავი, მითუმეტეს, არ გაგვიკეთებია არანაირი ხისტი განცხადებები და არ მიგვიყენებია შეურაცხყოფა არცერთი კანდიდატისთვის, ევროპელები კი ამას აკეთებდნენ. სიმართლე გითხრათ, გაკვირვებული ვარ აშშ-ის ხელახლა არჩეული პრეზიდენტის, ტრამპის თავშეკავებით საკუთარი მოკავშირეების მიმართ, რომლებიც პირდაპირ რომ ვთქვათ,…

ევროპარლამენტი და ევროკომისია მოლდოვისთვის 1.9 მილიარდი ევროს დახმარების დამტკიცებაზე შეთანხმდა. არსებული ინფორმაციით, ამ თანხიდან 520 მილიონ ევროს მოლდოვა გრანტის სახით მიიღებს. 1.5 მილიარდი ევრო კი დაბალპროცენტიანი სესხია.  ,,შეთანხმებული 1.9 მილიარდი ევროს ფონდი – ევროკავშირის ყველაზე დიდი ფინანსური მხარდაჭერის პაკეტი მოლდოვის დამოუკიდებლობის ისტორიაში – არის საკვანძო ნაბიჯი ჩვენს პარტნიორობაში.გაზრდილი ფინანსური დახმარებისა და რეფორმების გაერთიანება დააჩქარებს მოლდოვის პროგრესს ევროკავშირის გზაზე, ხელს შეუწყობს ეკონომიკურ დაახლოებასა და მოლდოვის ინტეგრაციას ჩვენს ერთიან ბაზარზე”, – ნათქვამია ევროკომისიის განცხადებაში.

მაკკეინის ინსტიტუტის გლობალური დემოკრატიის პროგრამების უფროსის, ლორა თორნტონის აზრით, საქართველოში ეკონომიკური კრიზისის შექმნაა საჭირო, რათა პროტესტმა გაიმარჯვოს და ხელისუფლებაში ბზარი გაჩნდეს. „ერთმნიშვნელოვანი გზამკვლევი არ არსებობს, ხოლო გამარჯვებისთვის საჭირო ფაქტორები მრავალფეროვანი და ზოგჯერ შემთხვევითობაზეც არის დამოკიდებული. ხშირად მმართველი ელიტის შიგნით არსებული ბზარები ან ეკონომიკური კრიზისი რეჟიმს მოწყვლადს ხდის. თუმცა, წარმატებას, როგორც წესი, შიდა და არა გარე ფაქტორები განსაზღვრავს. გადამწყვეტი არ არის თუნდაც საერთაშორისო საზოგადოების ყველაზე მკაცრი რეაქცია – სანქციები, არაღიარება, ემბარგო (ამის მაგალითია ვენესუელა)“, – წერს თორნტონი.

შვედეთის პრემიერ-მინისტრი, ულფ კრისტერსონი, აშშ-ის პრეზიდენტის, დონალდ ტრამპის მხრიდან უკრაინის პრეზიდენტის, ვოლოდიმირ ზელენსკის კრიტიკას გამოეხმაურა. ,,ომი რუსეთმა დაიწყო. პრეზიდენტი ზელენსკი დემოკრატიული არჩევნების შედეგად აირჩიეს. ვფიქრობ, რომ არავის უნდა უკრაინაზე მეტად არჩევნები, რადგან არჩევნების ჩატარება ნიშნავს, რომ უკრაინაში მშვიდობაა და მათ თავისი ქვეყნის მართვა თავად შეუძლიათ. უკრაინა უნდა იღებდეს მონაწილეობას მშვიდობის პირობების ჩამოყალიბებაში. უკრაინის შესახებ არაფერი უნდა წყდებოდეს უკრაინის გარეშე; ასევე, არაფერი ევროპული პასუხისმგებლობის შესახებ ევროპის მონაწილეობის გარეშე, – და მესამე: მეტმა ქვეყანამ, რაც შეიძლება სწრაფად, ვიმეორებ, რაც შეიძლება სწრაფად უნდა გააძლიერონ თავიანთი თავდაცვა”, – განაცხადა შვედეთის პრემიერ-მინისტრმა ულფ კრისტერსონმა. “დიქტატორმა…

„ვფიქრობ, რუსებს ომის დასრულება სურთ. მე ნამდვილად ასე ვფიქრობ. ვფიქრობ, რომ მათ ხელში კოზირები უკავიათ, ვინაიდან მათ დიდი ტერიტორია დაიპყრეს. მათ კოზირები აქვთ“, – ამის შესახებ აშშ-ის პრეზიდენტმა, დონალდ ტრამპმა განაცხადა. შეგახსენებთ, რომ 18 თებერვალს აშშ-ის და რუსეთის დელეგაციებმა საუდის არაბეთის დედაქალაქ ერ-რიადში მოლაპარაკებები გამართეს. რუსეთის მხრიდან მოლაპარაკებებში მონაწილეობას იღებდნენ საგარეო საქმეთა მინისტრი, სერგეი ლავროვი და პრეზიდენტის თანაშემწე, იური უშაკოვი. აშშ-ის დელეგაცია მოლაპარაკებებზე წარმოდგენილი იყო სახელმწიფო მდივნით მაკრო რუბიოთი, ეროვნული უსაფრთხოების საკითხებში თეთრი სახლის მრჩევლით მაიკ უოლცით და ახლო აღმოსავლეთში აშშ-ის პრეზიდენტის სპეციალური წარმომადგენლით სტივ უიტკოფით.

,,ორშაბათს ვიქნები კიევში, რათა დავადასტურო ესპანეთის მხარდაჭერა უკრაინის დემოკრატიისა და პრეზიდენტ ზელენსკის მიმართ”, – წერს ესპანეთის პრემიერმინისტრი პედრო სანჩესი X-ზე. ,,ორშაბათს ვიქნები კიევში, რათა დავადასტურო ესპანეთის მხარდაჭერა უკრაინის დემოკრატიისა და პრეზიდენტ ვოლოდიმირ ზელენსკის მიმართ. დიდება უკრაინას”, – წერს სანჩესი.

,,NATO-ს ქვეყნების სამხედრო კონტინგენტის უკრაინაში შესაძლო გაგზავნა კრემლის შეშფოთებას იწვევს, ეს თემა ჩვენთვის მნიშვნელოვანია და ყურადღებით ვაკვირდებით”, – ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა. მას კითხვა დაუსვეს გაერთიანებული სამეფოს პრემიერ-მინისტრის, კირ სტარმერის გეგმაზე უკრაინაში 30 000-მდე ევროპელი სამხედროს გაგზავნასთან დაკავშირებით. „რა თქმა უნდა, ჩვენ ძალიან ყურადღებით ვაკვირდებით ყველა ამ შეტყობინებას, ვაკვირდებით ამ საკითხზე ყველა, ზოგჯერ ურთიერთგამომრიცხავ ოფიციალურ განცხადებას ევროპელების მხრიდან. ეს იწვევს ჩვენს შეშფოთებას, რადგან საუბარია ნატო-ს, ჩრდილოატლანტიკური ალიანსის ქვეყნების სამხედრო კონტინგენტების უკრაინაში შესაძლო გაგზავნაზე. ეს სრულიად სხვა მნიშვნელობას იძენს ჩვენი უსაფრთხოების თვალსაზრისით. ამიტომ, ეს თემა მნიშვნელოვანია ჩვენთვის.…

კომპანია SpaceX-ის დამფუძნებელმა და ტრამპის ადმინისტრაციაში აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა სოციალურ ქსელ X-ში დაწერა, რომ უკრაინის პრეზიდენტმა ვოლოდიმირ ზელენსკიმ ამერიკელი ჟურნალისტი გონსალო პირა მოკლა. ცნობისთვის, გონსალო ლირა, რომელიც ზელენსკისა და ბაიდენის კრიტიკით გამოირჩეოდა, 2023 წელს ხარკოვში დააკავეს. მას რუსეთის მხარდაჭერაში დასდეს ბრალი. 2024 წლის 12 იანვარს გონსალო ლირას მამამ თქვა, რომ მისი შვილი უკრაინის ერთ-ერთ საავადმყოფოში გარდაიცვალა.

,,ზელენსკი პრეზიდენტის თანამდებობას სათანადო არჩევნების შემდეგ იკავებს. გაერთიანებული ერების ორგანიზაცია არ მიიჩნევს უკრაინის პრეზიდენტ ვოლოდიმირ ზელენსკის სახელმწიფოს არალეგიტიმურ მეთაურად”, – ამის შესახებ გაერო-ს გენერალური მდივნის ოფიციალურმა წარმომადგენელმა, სტეფან დიუჟარიკმა განაცხადა, რითაც გამოეხმაურა აშშ-ის პრეზიდენტის, დონალდ ტრამპის განცხადებას, სადაც მან ვოლოდიმირ ზელენსკი „დიქტატორად“ მოიხსენია. აშშ-ის პრეზიდენტმა, დონალდ ტრამპმა უკრაინის პრეზიდენტ ვოლოდიმირ ზელენსკის დიქტატორი უწოდა. „დიქტატორი არჩევნების გარეშე. ზელენსკიმ სწრაფად უნდა იმოქმედოს, თორემ ქვეყანა აღარ დარჩება“, – დაწერა ტრამპმა TruthSocial-ის საკუთარ გვერდზე.

,,როდესაც საქმე ეხება რუსეთის მიერ უკრაინაში შეჭრის ბრალს, ყველაზე მეტად პუტინს ვადანაშაულებ”, – წერს ამერიკელი სენატორი, ლინდსი გრემი აშშ-ის პრეზიდენტის განცხადებასთან დაკავშირებით. ,,თუ თქვენ ეძებთ ამერიკელ პოლიტიკოსებს, რომლებსაც დაადანაშაულებთ, ბაიდენი და ობამა ჩემი სიის სათავეში არიან. ისინი პათეტიკურად სუსტნი იყვნენ პუტინთან გამკლავებაში და ვერ დაიცვეს უკრაინა შეჭრისგან. თუ ისტორიამ რამე გვასწავლა, ის არის, რომ აგრესიის დამშვიდება უფრო მეტ აგრესიას იწვევს. ასე იყო ჩემბერლენი ჰიტლერის მიმართ, ხოლო ბაიდენი და ობამა პუტინის მიმართ. დარწმუნებული ვარ, რომ პრეზიდენტი ტრამპი დაასრულებს უკრაინის ომს სწრაფად და ისე, რომ შეაკავებს მომავალ აგრესიას”, – წერს სენატორი.

„უკრაინაში მიმდინარე ომი უკრაინის პირობებით უნდა გადაწყდეს, რადგან აქ აგრესორი რუსეთია და რასაც სასწორზე ვხედავთ, არის წესებზე დაფუძნებული წესრიგის მთლიანობა, გლობალური წესებზე დაფუძნებული წესრიგი”, – ამის შესახებ ავსტრალიის თავდაცვის მინისტრმა, რიჩარდ მარლზიმ განაცხადა. ,,ჩვენ მივესალმებით მცდელობებს, რომ ომი დასრულდეს, მაგრამ ეს არ შეიძლება ნებისმიერი პირობებით მოხდეს. ეს უნდა მოხდეს უკრაინის პირობებით და ჩვენ გავაგრძელებთ უკრაინის მხარდაჭერას ამაში. ეს არის დემოკრატია და ეს არის ბრძოლა ცივილიზაციისთვის. ვლადიმერ პუტინი მკვლელი დიქტატორია და ჩვენ მას ერთი ინჩიც არ უნდა მივცეთ“, – აღნიშნა რიჩარდ მარლზიმ. მან, უკრაინასთან დაკავშირებით აშშ-ის პრეზიდენტ დონალდ ტრამპის პოზიცია გააკრიტიკა.…

„ევროპამ გეოპოლიტიკური და ეკონომიკური ლეთარგიული ძილიდან უნდა გამოიღვიძოს, რომლითაც მას, სამწუხაროდ, უკვე გარკვეული პერიოდია სძინავს“, – ამის შესახებ საბერძნეთის პრემიერ-მინისტრმა, კირიაკოს მიცოტაკისმა განაცხადა. „ბოლოდროინდელი მოვლენები და აშშ-ის განსხვავებული შეხედულებები გვავალდებულებს, რომ სიმართლეს თვალებში ჩავხედოთ, სწრაფად ვიმოქმედოთ და იმ საკითხების შესახებ, რომლებსაც განვიხილავთ, გადაწყვეტილებები მივიღოთ“, – აღნიშნა საბერძნეთის პრემიერ-მინისტრმა.