დღე: თებერვალი 19, 2025

აშშ-ის ვიცე-პრეზიდენტმა, ჯეი დი ვენსმა განაცხადა, რომ აშშ-ის პოლიტიკა არ ეფუძნება რუსულ დეზინფორმაციას. ამ განცხადებით, მან უპასუხა უკრაინის პრეზიენტ ვოლოდიმირ ზელენსკის, რომელმაც თქვა,  რომ დონალდ ტრამპი დეზინფორმაციულ სივრცეში ცხოვრობს. ვენსმა ვოლოდიმირ ზელენსკი გააფრთხილა, რომ დონალდ ტრამპის საჯარო ლანძღვა მხოლოდ უკურეაქციას გამოიწვევს. „ყველა, ვინც იცნობს პრეზიდენტს, გეტყვით, რომ ეს საშინელი გზაა ამ ადმინისტრაციასთან საქმის საწარმოებლად“, – აღნიშნა ვენსმა.

„ჰამასი“ ისრაელს 20 თებერვალს ოთხი დაღუპული მძევლის ცხედარს გადასცემს. ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა. „ხვალ ძალიან მძიმე დღე იქნება ისრაელის სახელმწიფოსთვის. შოკისმომგვრელი დღე, მწუხარების დღე. ჩვენ ვაბრუნებთ სახლში ჩვენი საყვარელი მძევლების, დაღუპული მძევლების ცხედრებს. ჩვენ ვხედავთ, ვისთან და რასთან გვაქვს საქმე, როგორ მონსტრებთან. ჩვენ ვგლოვობთ, ჩვენ გვტკივა, მაგრამ ასევე გადაწყვეტილი გვაქვს უზრუნველვყოთ, რომ მსგავსი რამ აღარ განმეორდეს“, – განაცხადა ნეთანიაჰუმ.

უკრაინის საგარეო საქმეთა მინისტრი, ანდრეი სიბიგა აცხადებს, რომ მათ ვერავინ აიძულებს დანებებას. მისი თქმით, “უკრაინამ ევროპის თანამედროვე ისტორიაში ყველაზე შემზარავ სამხედრო თავდასხმასა და ტოტალური ომის სამ წელს გაუძლო“. „ვერავინ აიძულებს უკრაინას დანებებას, დავიცავთ ჩვენი არსებობის უფლებას. უკრაინელმა ხალხმა და მისმა პრეზიდენტმა ვოლოდიმირ ზელენსკიმ უარი თქვეს დანებებოდნენ პუტინის ზეწოლას” – წერს სიბიგა.

“რჩევნების გარეშე დიქტატორმა ზელენსკიმ ჯობია სწრაფად იმოქმედოს, თორემ ქვეყანა არ დარჩება”- აცხადებს აშშ-ის პრეზიდენტი დონალდ ტრამპი. მისი თქმით, ომი ევროპისთვის გაცილებით უფრო მნიშვნელოვანია, ვიდრე აშშ-სთვის. “ეს ომი ევროპისთვის გაცილებით უფრო მნიშვნელოვანია, ვიდრე ჩვენთვის – დიდი, ლამაზი ოკეანე გვაქვს, როგორც გამყოფი. ამ ყველაფერთან ერთად, ზელენსკი აღიარებს, რომ ფულის ნახევარი, რომელიც გავუგზავნეთ, “დაკარგულია”. უარს ამბობს არჩევნების ჩატარებაზე, ძალიან დაბალი მაჩვენებლები აქვს უკრაინულ გამოკითხვებში, და ერთადერთი რაშიც კარგი იყო, იყო ბაიდენით “მანიპულირება”. დიქტატორმა არჩევნების გარეშე, ზელენსკიმ ჯობია სწრაფად იმოქმედოს, თუ არადა ქვეყანა არ დარჩება. ამავდროულად, ჩვენ წარმატებულ მოლაპარაკებებს ვაწარმოებთ რუსეთთან ომის დასრულებაზე, რასაც ყველა…

,,აშშ-მა უკრაინას 350 მილიარდი დოლარის დახმარება გაუწია, მაგრამ სად არის ეს ფული?”, – ამის შესახებ აშშ-ის პრეზიდენტმა, დონალდ ტრამპმა განაცხადა. „პრეზიდენტმა ზელენსკიმ გასულ კვირას განაცხადა, რომ მას არ მიუღია იმ თანხების ნახევარიც კი, რომელიც აშშ-მა უკრაინას გადასცა. კიევს მივაწოდეთ, ვფიქრობ, 350 მილიარდი დოლარი. კარგი, შეიძლება ცოტა ნაკლები, მაგრამ ეს მნიშვნელოვანი თანხაა. მაგრამ სად არის ეს ფული? სად მიდის? მე არასოდეს მინახავს ამის შესახებ ანგარიშგება. ევროპამ უფრო ნაკლები თანხა დახარჯა, დაახლოებით 100 მილიარდი დოლარი. მიუხედავად იმისა, რომ მათთვის ამ ომის ზეგავლენა უფრო დიდია, ვიდრე ჩვენთვის. ჩვენ გვაშორებს ოკეანე, მათ კი არა“,…

,,უკრაინას ამერიკის სამხედრო-პოლიტიკური მხარდაჭერის გარეშე ძალიან გაუჭირდება. ყველაფერი უნდა გავაკეთოთ იმისათვის, რათა ვაშინგტონმა კიევის მხარდაჭერა გააგრძელოს”, – ამის შესახებ უკრაინის თავდაცვის სამინისტროს დაზვერვის მთავარმა სამმართველოს ხელმძღვანელმა კირილ ბუდანოვმა განაცხადა. მისი თქმით, უკრაინასა და შეერთებულ შტატებს ორმხრივად სარგებლიანი ურთიერთობა აკავშირებთ, ევროკავშირს კი თავად სჭირდება უკრაინა, რადგან მის გარეშე ევროპის კონტინენტზე გლობალურ უსაფრთხოებას ვერ უზრუნველყოფს. მან ისიც აღნიშნა, რომ სამშვიდობო მოლაპარაკებები ეფექტიანი ვერ იქნება, თუკი მასში ომში უშუალოდ მონაწილე მხარეები არ ჩაერთვებიან.

,,საფრანგეთი არ აპირებს თავისი სახმელეთო ჯარების გაგზავნას უკრაინაში”, – ამის შესახებ საფრანგეთის პრეზიდენტმა, ემანუელ მაკრონმა განაცხადა. „2024 წელს პარიზში სამიტზე მე ვთქვი, რომ სტრატეგიული ორაზროვნება უნდა აღვადგინოთ. მე არასდროს მითქვამს, რომ საფრანგეთი სახმელეთო ჯარებს გაგზავნიდა. დღეს საფრანგეთი არ ემზადება სახმელეთო ჯარების გაგზავნისთვის. ჩვენ განვიხილავთ უსაფრთხოების გარანტიების საკითხს“, – აღნიშნა ემანუელ მაკრონმა.

,,კრემლი ჩვენს სიმტკიცეს ვერ გატეხს”, – ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, კაია კალასი X-ზე წერს. „სანქციებისთვის გვერდის ავლის საწინააღმდეგო ზომების გამკაცრებით, იმპორტსა და ექსპორტზე ახალი აკრძალვების შემოღებით და პუტინის „ჩრდილოვან ფლოტზე“ სანქციების დაწესებით, ჩვენ რუსეთის სამხედრო მანქანის „ფარულ კარს“ ვხურავთ. რუსეთის წინააღმდეგ სანქციების მე-16 პაკეტის შესახებ შეთანხმებას მივესალმები, კრემლი ჩვენს სიმტკიცეს ვერ გატეხს“, – წერს კაია კალასი. ცნობისთვის, დღეს, ევროკავშირის ელჩები რუსეთის წინააღმდეგ სანქციების ახალი პაკეტის დამტკიცების შესახებ შეთანხმდნენ.

აშშ-ის ხელისუფლებამ დროებით შეაჩერა უკრაინელებისა და ლათინოამერიკელების საიმიგრაციო განცხადებების მიღება, რომლებსაც ჯო ბაიდენის პრეზიდენტობის დროს ქვეყანაში გარკვეული პროგრამების საფუძველზე შესვლის უფლება ჰქონდათ. CBS News-ის ცნობით, საიმიგრაციო განაცხადების მიღება შეჩერდა გაურკვეველი დროით, სანამ ამერიკის მთავრობის წარმომადგენლები არ შეისწავლიან თაღლითობის სავარაუდო ფაქტებს და არ გააუმჯობესებენ პროცედურას, რათა ეროვნულ და საზოგადოებრივ უსაფრთხოებასთან დაკავშირებული რისკები შეამცირონ. არსებული ინფორმაციით, ჯერჯერობით უცნობია, თუ რამდენ ადამიანს შეეხება საიმიგრაციო განაცხადების განხილვის შეჩერება, ბაიდენის მიერ ინიციირებული პროგრამა ასი ათასობით მიგრანტს აშშ-ში ლეგალურად დარჩენის უფლებას აძლევდა. ტელეარხის ცნობით, ბაიდენმა უკრაინელებისთვის სპეციალური პროგრამა რუსეთის შეჭრის შემდეგ აამოქმედა. პროგრამის ამოქმედებიდან დღემდე აშშ-ში…

,,კიევის სოციოლოგიის საერთაშორისო ინსტიტუტის მიერ ჩატარებული კვლევის თანახმად, ჩემს მიმართ ნდობა 57%-ია”, – ასე ეხმაურება ვოლოდიმირ ზელენსკი აშშ-ის პრეზიდენტის, დონალდ ტრამპის განცხადებას იმის შესახებ, რომ უკრაინის პრეზიდენტის რეიტინგი 4%-მდე დაეცა. „თუ ვინმეს ჩემი შეცვლა ახლავე სურს, მაშინ ეს ახლა არ იმუშავებს. თუ 4%-ზე ვსაუბრობთ, მაშინ ჩვენ ეს დეზინფორმაცია ვნახეთ და გვესმის, რომ ის რუსეთიდან მოდის და ამის მტკიცებულებებიც გვაქვს. სამწუხაროდ, პრეზიდენტი ტრამპი, რომელსაც დიდ პატივს ვცემ, ამ დეზინფორმაციულ სივრცეში ცხოვრობს“, – განაცხადა ვოლოდიმირ ზელენსკიმ.

„ჯერ კიდევ გუშინ, ერ-რიადში გამართული ყბადაღებული შეხვედრის შემდეგ, კიდევ ერთხელ ცხადი გახდა, რომ რუსეთის წარმომადგენლები ისევ იტყუებიან, როცა აცხადებენ, რომ ისინი უკრაინის ენერგეტიკულ სექტორს მიზანში არ იღებენ”, – ასე ეხმაურება უკრაინის პრეზიდენტი, ვოლოდიმირ ზელენსკი რუსული ძალების მიერ ოდესაზე განხორციელებულ მასიურ თავდასხმას. ,,თითქმის პარალელურად კი, მათ მორიგი შეტევა დაიწყეს და დრონების გამოყენებით ელექტრო ტრანსფორმატორებს დაარტყეს. არასდროს უნდა დაგვავიწყდეს, რომ რუსეთს პათოლოგიური მატყუარები მართავენ. მათი ნდობა არ შეიძლება და მშვიდობის მიღწევისთვის მათზე ზეწოლა უნდა განხორციელდეს“, – წერს ვოლოდიმირ ზელენსკი X-ზე.

,,საუდის არაბეთში გამართულ მოლაპარაკებებს რუსეთი და აშშ პოზიტიურად აფასებენ”, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა. მისი თქმით, ეს ჩვეულებრივი მოლაპარაკებები არ იყო, რადგან ბოლო სამი წლის განმავლობაში რუსეთსა და აშშ-ს შორის კონტაქტები არ ყოფილა. „წარმოიდგინეთ, კონტაქტები არ ყოფილა ორ ქვეყანას შორის, რომლებიც გაერო-ს უშიშროების საბჭოს მუდმივი წევრები არიან, რომლებიც მსოფლიოში მნიშვნელოვან როლს თამაშობენ, რომლებსაც საერთო პრობლემები, კითხვები და საქმეები აქვთ. კონტაქტი არ ყოფილა, რადგან იგი წინა ადმინისტრაციის მიერ სრულიად დაბლოკილი იყო“, – აღნიშნა ზახაროვამ. შეგახსენებთ, გუშინ ერ-რიადში, აშშ-ისა და რუსეთის დელეგაციებს შორის მოლაპარაკებები გაიმართა.