დღე: თებერვალი 18, 2025

ვაშინგტონში აშშ-ის პრეზიდენტ დონალდ ტრამპისა და მთავრობის ეფექტიანობის დეპარტამენტის ხელმძღვანელის, ილონ მასკის წინააღმდეგ საპროტესტო აქცია გაიმართა. „როიტერის” ცნობით, ათასობით ადამიანმა ტრამპის ადმინისტრაციის პოლიტიკა გააპროტესტა. დემონსტრანტები აცხადებენ, რომ ილონ მასკსა და მის დეპარტამენტს მინიჭებული აქვს ზედმეტად ფართო უფლებამოსილება. ისინი კონგრესს ჩარევისკენ და ტრამპისა და მასკის გადაწყვეტილებების გაუქმებისკენ მოუწოდებენ.

მეტი...

რუსეთის პრეზიდენტის პრესმდივანი, დიმიტრი პესკოვი რუსეთის მიერ ოკუპირებულ აფხაზეთში ჩატარებულ ე.წ. საპრეზიდენტო არჩევნებს გამოეხმაურა და აღნიშნა, რომ რუსეთს აფხაზეთში სტაბილურობა სურს. „ჩვენთვის მნიშვნელოვანია, რომ საარჩევნო პროცესი დასრულდეს სამართლებრივ ჩარჩოებში. ეს ჩვენთვის ახლო ტერიტორიაა, ჩვენ გვაკავშირებს მჭიდრო თანამშრომლობის კავშირები. ამიტომ, ჩვენ მხარს ვუჭერთ, რომ აფხაზეთში სიტუაცია იყოს სტაბილური“, – განაცხადა კრემლის წარმომადგენელმა. ცნობისთვის, აფხაზეთში ე.წ. საპრეზიდენტო არჩევნები 15 თებერვალს ჩატარდა, სადაც ხუთი კანდიდატი იბრძოდა: ბადრა გუნბა, ადგურ არძინბა, ოლეგ ბარციცი, რობერტ არშბა და ადგურ ხურხუმალი. თუმცა, მეორე ტურიც გაიმართება, რომელშიც ერთმანეთს ბადრა გუნბა და ადგურ არძინბა დაუპირისპირდებიან.

მეტი...

,,ამერიკელმა ოფიციალურმა პირებმა დამარწმუნეს, რომ ვაშინგტონი არ აპირებს აღმოსავლეთ ევროპაში ჯარების რაოდენობის შემცირებას”, – აღნიშნული განცხადება პოლონეთის პრეზიდენტმა, ანჯეი დუდამ რუსეთ-უკრაინის ომის საკითხებში აშშ-ის პრეზიდენტის სპეციალურ წარმომადგენელთან, კიტ კელოგთან შეხვედრის შემდეგ გააკეთა. „ამერიკას არ სურს, რომ აქ, ევროპის ჩვენს ნაწილში შეამციროს აქტივობა, განსაკუთრებით უსაფრთხოების თვალსაზრისით, არ სურს, რომ შეამციროს ამერიკელი ჯარისკაცების რაოდენობა. პირიქით, იმედი მაქვს, რომ პრეზიდენტ დონალდ ტრამპის ძალისხმევის წყალობით, უკრაინაში ომი დასრულდება“, – განაცხადა დუდამ. პოლონეთში ვიზიტის შემდეგ კელოგი კიევში, უკრაინის პრეზიდენტ, ვოლოდიმირ ზელენსკისთან შესახვედრად გაემგზავრება.

მეტი...

,,რუსეთისთვის კატეგორიულად მიუღებელია ნატოს ქვეყნების სამხედრო კონტინგენტის გამოჩენა უკრაინაში”, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა. „ნატოს იმავე ქვეყნების შეიარაღებული ძალების გამოჩენა, თუნდაც სხვა დროშის ქვეშ – ევროკავშირის ან ეროვნული დროშის ქვეშ – არსებითად არაფერს ცვლის. ეს ჩვენთვის, რა თქმა უნდა, მიუღებელია”, – განაცხადა ლავროვმა პრესკონფერენციაზე, რომელიც ამერიკულ მხარესთან მოლაპარაკებების შემდეგ გაიმართა.

მეტი...

,,უკრაინის ტერიტორიული მთლიანობა და სუვერენიტეტი უდავოა”, – ამის შესახებ თურქეთის პრეზიდენტმა რეჰეფ თაიფ ერდოღანმა უკრაინის პრეზიდენტ ვოლოდიმირ ზელენსკისთან პრესკონფერენციის დროს განაცხადა. ის რუსეთს, უკრაინასა და აშშ-ს შორის შესაძლო სამშვიდობო მოლაპარაკებების მასპინძლობას თურქეთში სთავაზობს. როგორც ცნობილია, დღეს საუდის არაბეთში აშშ-რუსეთის მოლაპარაკებებზე უკრაინელი ოფიციალური პირები არ ყოფილან მიწვეული.

მეტი...

ესტონეთის საგარეო საქმეთა სამინისტრო სალომე ზურაბიშვილსა და პარტია ,,საქართველოსთვის” ლიდერზე, გიორგი გახარიაზე თავდასხმას ეხმიანება. ,,აღმაშფოთებელი და საზიზღარი თავდასხმები მოხდა საქართველოში პრეზიდენტ სალომე ზურაბიშვილსა და ოპოზიციის ლიდერ გიორგი გახარიაზე. ესტონეთი ,,ქართულ ოცნებას” მოუწოდებს, დაუყოვნებლივ შეწყვიტოს ეს თავდასხმები და დამნაშავეები პასუხისგებაში მისცეს”, – წერია განცხადებაში.

მეტი...

აშშ-ის სახელმწიფო მდივანმა, მარკო რუბიომ განაცხადა, რომ რუსეთი და ამერიკის შეერთებული შტატები შეთანხმდნენ მოსკოვსა და ვაშინგტონში საელჩოებში თანამშრომელთა რაოდენობის აღდგენაზე. მისი თქმით, მხარეები დათანხმდნენ ვაშინგტონსა და მოსკოვში საელჩოებში პერსონალის რაოდენობის აღდგენას, რათა შეიქმნას მისიები უკრაინის სამშვიდობო მოლაპარაკებების, ორმხრივი ურთიერთობებისა და უფრო ფართო თანამშრომლობის მხარდასაჭერად. უცხოური მედიის ცნობით, ბოლო რამდენიმე წლის განმავლობაში ორივე საელჩოს მნიშვნელოვნად შეუმცირდა დიპლომატების რაოდენობა მათი მასობრივი გაძევების გამო.

მეტი...

რუსეთის საგარეო საქმეთა სამინისტროს სპიკერის, მარია ზახაროვას განცხადებით, რუსეთის მოთხოვნაა, NATO-მ 2008 წლის ბუქარესტის სამიტის დაპირებები უარყოს. მისი თქმით, უკრაინის NATO-ში გაწევრიანება რუსეთისთვის მიუღებელია, მაგრამ გაწევრიანებაზე უბრალო უარი საკმარისი არ არის. ,,კიევის NATO-ში მიღებაზე უარი ახლა საკმარისი არ არის. ალიანსმა უნდა უარყოს 2008 წლის ბუქარესტის დაპირებები, წინააღმდეგ შემთხვევაში, ეს პრობლემა გააგრძელებს ატმოსფეროს მოწამვლას ევროპის კონტინენტზე”, – თქვა ზახაროვამ.

მეტი...

აშშ-სა და რუსეთის მოლაპარაკების პირველი ეტაპის დასრულების შემდეგ, რომელიც დღეს, საუდის არაბეთში გაიმართა, ვოლოდიმერ ზელენსკი პირველ კომენტარს აკეთებს. როგორც უკრაინის პრეზიდენტი აცხადებს, მას შეექმნა შთაბეჭდილება, რომ ისინი უკრაინისთვის ულტიმატუმს განიხილავენ. „ახლა მიმდინარეობს რაღაც მოლაპარაკებები.  უკრაინის შესახებ, კვლავ უკრაინის შესახებ და უკრაინის გარეშე. საინტერესოა, თუ ჩვენ ყველაზე რთულ მომენტში არ დავთანხმდით ამ ულტიმატუმებს, საიდან არის ასეთი შეგრძნება, რომ ახლა უკრაინა ამას დათანხმდება“, – განაცხადა ვოლოდიმირ ზელენსკიმ. მისივე თქით, უკრაინა რუსეთთან არანაირ ულტიმატუმს დათანხმდება. „არანაირი შეთანხმებები არ ყოფილა რუსებთან არც კიევის ოლქის ოკუპაციის დროს, არც ბელარუსში შეხვედრისა და არც თურქეთში შეხვედრის დროს……

მეტი...

ამერიკისა და რუსეთის დელეგციების შეხვედრის პირველი ეტპი დასრულებულია. შეხვედრა საუდის არაბეთში შედგა და ის უკრაინაში ომის დასრულებას ეხებოდა. მოლაპარაკების შედეგების შესახებ აშშ-ის სახელმწიფო დეპარტამენტი ინფორმაციას ავრცელებს. „პრეზიდენტ ტრამპს სურს, შეაჩეროს მკვლელობები; შეერთებულ შტატებს სურს მშვიდობა და იყენებს თავის ძალას მსოფლიოში ქვეყნების გასაერთიანებლად. პრეზიდენტი ტრამპი ერთადერთი ლიდერია მსოფლიოში, ვისაც შეუძლია, უკრაინა და რუსეთი ამაზე დათანხმებას აიძულოს. ჩვენ შევთანხმდით: დავაარსოთ საკონსულტაციო მექანიზმი ჩვენს ორმხრივ ურთიერთობებში არსებული გამაღიზიანებელი ფაქტორების მოსაგვარებლად, რომ გადავდგათ აუცილებელი ნაბიჯები დიპლომატიური მისიების ნორმალური ფუნქციონირების აღსადგენად; დავნიშნოთ შესაბამისი მაღალი დონის გუნდები, რომლებიც დაიწყებენ მუშაობას უკრაინაში კონფლიქტის რაც შეიძლება სწრაფად დასრულების…

მეტი...

„კონფლიქტში ჩართული ყველა მხარე თანახმა უნდა იყოს მის დასრულებაზე“ – ეს განცხადება გააკეთა აშშ-ის სახელმწიფო მდივანმა, მარკო რუბიომ ერ-რიადში აშშ-სა და რუსეთს შორის გამართული მოლაპარაკებების დასრულების შემდეგ. მისივე თქმით, ეს მოლაპარაკება იყო  გრძელი და რთული გზის პირველი ნაბიჯი, რომლის მიზანი იყო უკრაინაში ომის სამართლიანი და მტკიცე დასრულება. რუბიომ ასევე აღნიშნა, რომ ევროკავშირი,  გარკვეულ ნაწილში ჩართული უნდა იყოს  მოლაპარაკებებში და არავინ უნდა დარჩეს მის მიღმა.  

მეტი...

აშშ-ის სახელმწიფო დეპარტამენტის ინფორმაციით, აშშ-ის და რუსეთის დელეგაციები საუდის არაბეთში გამართული შეხვედრის შედეგად შეთანხმდნენ, რომ შექმნიან სპეციალურ ჯგუფებს, რომლებიც უკრაინაში კონფლიქტის დასრულებაზე იმუშავებენ. „შევთანხმდით, შევქმნათ მაღალჩინოსნებით დაკომპლექტებული შესაბამისი ჯგუფები, რათა დავიწყოთ მუშაობა უკრაინაში კონფლიქტის სწრაფ დასრულებაზე იმგვარად, რომ ეს იყოს მყარი, მდგრადი და მისაღები ყველა მხარისთვის. ერთი სატელეფონო ზარი და ერთი შეხვედრა საკმარისი არ არის მყარი მშვიდობის დასამყარებლად. ჩვენ უნდა ვიმოქმედოთ, და დღეს ჩვენ მნიშვნელოვანი ნაბიჯი გადავდგით ამ მიმართულებით“, – ნათქვამია სახელმწიფო დეპარტამენტის მიერ გავრცელებულ ინფორმაციაში. საუდის არაბეთში აშშ-სა და რუსეთის დელეგაციების შეხვედრა დასრულდა  

მეტი...

,,აშშ-ის პრეზიდენტის დონალდ ტრამპისა და რუსეთის ლიდერის ვლადიმერ პუტინის შეხვედრის ზუსტ თარიღზე საუბარი ჯერ ნაადრევია”, – ამის შესახებ პუტინის თანაშემწემ, იური უშაკოვმა ამერიკულ დელეგაციასთან შეხვედრის დასრულების შემდეგ განაცხადა. „საჭიროა ორივე ქვეყნის დელეგაციების მჭიდრო მუშაობა. ჩვენ ამისთვის მზად ვართ, მაგრამ ჯერ რთულია ვისაუბროთ ორი ლიდერის შეხვედრის თარიღის შესახებ“, – აღნიშნა უშაკოვმა. მისი თქმით, ნაკლებად სავარაუდოა, რომ პუტინისა და ტრამპის შეხვედრა მომავალ კვირაში შედგეს. საუდის არაბეთში აშშ-სა და რუსეთის დელეგაციების შეხვედრა დასრულდა

მეტი...

„უკრაინის ნატო-ში გაწევრიანება რუსეთისთვის მიუღებელია. ეს ჩვენს უსაფრთხოებას სერიოზულ საფრთხეს შეუქმნის და მთელი ევროპისთვის კატასტროფულ შედეგებს გამოიწვევს“, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა. „კიევის ნატო-ში მიღებაზე უარის თქმა ახლა საკმარისი არ არის. ალიანსმა ბუქარესტის 2008 წლის სამიტის დაპირებები უნდა უარყოს, რომელიც მომავალში უკრაინის ჩრდილო-ატლანტიკურ ბლოკში გაწევრიანების გარანტიას უზრუნველყოფდა“, – აღნიშნა ზახაროვამ.

მეტი...

საუდის არაბეთში აშშ-სა და რუსეთის დელეგაციების შეხვედრა დასრულდა. ერ-რიადში, აშშ-ისა და რუსეთის დელეგაციებს შორის გამართული მოლაპარაკებები ოთხ საათზე მეტხანს გაგრძელდა. „ძალიან სერიოზული საუბარი იყო ყველა იმ საკითხზე, რომლის წამოჭრაც გვინდოდა. შევთანხმდით, რომ ერთმანეთის ინტერესებს გავითვალისწინებთ. ამასთან, ჩვენ ორმხრივ ურთიერთობებს გავაძლიერებთ, რადგან ამით მოსკოვიც და ვაშინგტონიც დაინტერესებულები არიან“, – რუსეთის პრეზიდენტის თანაშემწემ, იური უშაკოვმა მოლაპარაკებების დასრულების შემდეგ განაცხადა. მოლაპარაკებებში მონაწილეობდნენ აშშ-ის სახელმწიფო მდივანი მარკო რუბიო და რუსეთის საგარეო საქმეთა მინისტრი ლავროვი. შეხვედრაზე არ იმყოფებოდა უკრაინული მხარე.

მეტი...

პოლონური მედიის ცნობით, ევროკავშირს სურს, უკრაინისთვის სამხედრო დახმარების უზრუნველსაყოფად ახალი ფონდი შექმნას. გავრცელებული ინფორმაციით, ევროკავშირის ელჩები დაიწყებენ ახალი ფონდის შექმნის ინიციატივის განხილვას, რომელიც დაფინანსდება ევროკავშირის წევრი ქვეყნების ნებაყოფლობითი შენატანებით. მთავარი მიზანია უკრაინის თავდაცვითი საჭიროებების დაკმაყოფილება, მათ შორის საუბარია მსხვილკალიბრიან საარტილერიო საბრძოლო მასალაზე, საჰაერო თავდაცვის სისტემებსა და შორ მანძილზე მოქმედ რაკეტებზე, ასევე უკრაინის შეიარაღებული ძალების ბრიგადების აღდგენასა და უკრაინის სამხედრო მრეწველობის მხარდაჭერაზე. მედიის ცნობით, ფონდის დაფინანსება განხორციელდება წევრი სახელმწიფოების ნებაყოფლობითი შენატანებით, მათი ეროვნული შემოსავლის პროპორციულად, ასევე გაყინული რუსული აქტივებიდან მიღებული მოგებით, რაც დაეხმარება ევროკავშირის ქვეყნებს ფინანსური ტვირთის შემცირებაში. ,,ევროპულ ქვეყნებს შეეძლებათ,…

მეტი...

,,ევროკავშირში უკრაინის გაწევრიანება კიევის სუვერენული უფლებაა, რადგან საქმე ეხება ეკონომიკურ და არა სამხედრო გაერთიანებას”, – ამის შესახებ ჟურნალისტებს რუსეთის პრეზიდენტის პრესმდივანმა, დიმიტრი პესკოვმა განუცხადა. „ეს არის ნებისმიერი ქვეყნის სუვერენული უფლება. საქმე ეხება ინტეგრაციულ, ეკონომიკურ პროცესებს და აქ, რა თქმა უნდა, არავის შეუძლია, რამე უკარნახოს რომელიმე ქვეყანას. ამის გაკეთებას არ ვაპირებთ, მაგრამ სრულიად განსხვავებული პოზიცია გვაქვს უსაფრთხოებასთან, თავდაცვასთან ან სამხედრო ალიანსებთან დაკავშირებულ საკითხებზე. ეს უკვე სხვა საკითხია და ის ყველასთვის კარგადაა ცნობილი“, – განაცხადა პესკოვმა. მისი თქმით, უკრაინის კონფლიქტის კომპლექსური მოგვარება საერთოევროპული უსაფრთხოების საკითხების განხილვის გარეშე შეუძლებელია. „კომპლექსური მოგვარება, გრძელვადიანი მოგვარება,…

მეტი...