დღე: თებერვალი 17, 2025

პარლამენტთან საპროტესტო აქცია განახლდა. აქციის მონაწილეებმა რუსთაველის გამზირი კვლავ გადაკეტეს. მათ ადგილზე სხვადასხვა შინაარსის ბანერები და საქართველოსა და ევროკავშირის დროშები აქვთ მიტანილი. “არ გავჩერდებით, ჩანიშნე არჩევნები”, “ხალხი ითხოვს სამართალს”; “საქართველო აჯანყდი” , “ცეცხლი ოლიგარქიას”, “ხალხის ძალის გეშინოდეთ” – დემონსტრანტები სკანდირებენ. პროტესტის 82-ე დღესაც მომიტინგეები საკანონმდებლო ორგანოსთან უცვლელი მოთხოვნებით შეიკრიბნენ – დაინიშნოს ახალი არჩევნები და გათავისუფლდნენ აქციების პერიოდში დაკავებული ადამიანები.

„ქართული ოცნების“ აღმასრულებელი მდივანი მამუკა მდინარაძე   „გახარია საქართველოსთვის“ ლიდერის,  აეროპორტში კვერცხების სროლის ფაქტს გამოეხმაურა. მდინარაძე ამბობს, რომ გახარიას დამცირება არავის აინტერესებს. „კვერცხები ასეთი დონის მოღალატესაც არ უნდა ესროლო – გახარიას უფრო მეტად დამცირება შეუძლებელია. PR-ში ნასწავლი მეთოდებით პირდაპირ ბიძინა ივანიშვილს, რომ ადანაშაულებს. ეს უკვე იმდენად გაცვდა მისი და მისი თანაგუნდელების – დანარჩენი „გახარიების“ მხრიდან, რომ საზოგადოებას უკვე სასაცილოდაც არ ჰყოფნის. არავის აინტერესებს მისი დამცირება, ისედაც დამცირებულია თავისი ქმედებებით. მეტს ვეღარ დაამცირებ. გახარიას უფრო მეტად დამცირება შეუძლებელია. ამიტომ ადამიანებს, როლებიც მის მიმართაც გამოხატავენ პროტესტს, ამ ფორმით ნუ გამოხატავენ იმიტომ, რომ წამებულების რანგში გამოდიან“  – განაცხადა…

საქართველოში ევროკავშირის ელჩმა, პაველ ჰერჩინსკიმ „ევროკავშირის პრიზი ჟურნალისტიკაში“ ღონისძიებაზე სიტყვით გამოსვლისას „ნეტგაზეთისა“ და „ბათუმელების“ დამფუძნებელზე, მზია ამაღლობელზე ისაუბრა. მისი განცხადებით, ამაღლობელი 37 დღეა, რაც შიმშილობს. ელჩის თქმით, მისი მხრიდან ეს საოცარი სიმამაცის და მიზანდასახულობის აქტია. “დღეს მინდა ერთ-ერთ მათგანზე მზია ამაღლობელზე ვთქვა რამდენიმე სიტყვა. უკვე 37 დღეა, რაც მზია შიმშილობს. მისი მხრიდან ეს საოცარი სიმამაცის და მიზანდასახულობის აქტია. დღეს მზია ჟურნალისტური სიმამაცისა და სამართლიანობისთვის შეუპოვარი ბრძოლის სიმბოლოა. ის ყველა უსამართლოდ დაკავებულის სულისკვეთებას გადმოსცემს. ჩვენ ძალიან ვღელავთ მის ჯანმრთელობასთან დაკავშირებით და გარწმუნებთ, რომ ვაგრძელებთ მოწოდებას, რომ ის დაუყოვნებლივ იქნას გათავისუფლებული –…

სისხლის სამართლის კოდექსს დაემატება „სამშობლოს ღალატის“ მუხლი. შესაბამისი გადაწყვეტილების შესახებ განცხადება „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა მამუკა მდინარაძემ უმრავლესობის სხდომის დასრულების შემდეგ ბრიფინგზე გააკეთა. მდინარაძის თქმით, მუხლი თავის დროზე „ნაციონალურმა მოძრაობამ“ ამოიღო კოდექსიდან. „დავიწყებ ერთ-ერთი მთავარი გადაწყვეტილებით, რომელიც დღევანდელ სხდომაზე უმრავლესობამ დაადასტურა. ჩვენი გადაწყვეტილებით, საქართველოს სისხლის სამართლის კოდექსს დაემატება, უფრო სწორი იქნება თუ ვეტყვით, აღდგება სისხლის სამართლის კოდექსში სამშობლოს ღალატის მუხლი, რომელიც თავის დროზე „ნაციონალურმა მოძრაობამ“ ამოიღო სისხლის სამართლის კოდექსიდან, რაც არ უნდა ვინმეს გაუკვირდეს, არ გაუკვირდეს ან სიმბოლური იყოს, ეს მოხდა, ეს გააკეთეს აგვისტოს ომამდე, 2007 წლის…

საქართველოში ევროკავშირის ელჩმა, პაველ ჰერჩინსკიმ „ევროკავშირის პრიზი ჟურნალისტიკაში“ ღონისძიებაზე სიტყვით გამოსვლისას განაცხადა, რომ დღეს არის მცდელობა, გააჩუმონ საპირისპირო აზრის გამომხატველი ხმა და ამავდროულად, დაუსჯელი დარჩეს ის, ვინც ჟურნალისტებზე ძალადობს. ჰერჩინსკიმ სიტყვით გამოსვლისას ისაუბრა „ნეტგაზეთისა“ და „ბათუმელების“ დამფუძნებელზე, მზია ამაღლობელზე და აღნიშნა, რომ მზია სიმამაცისა და სამართლიანობისთვის შეუპოვარი ბრძოლის სიმბოლოა. “ჟურნალისტებისთვის საქართველოში არსებული მდგომარეობა ძალზე მძიმეა. გარემო სულ უფრო მტრულია; მუქარა და ძალადობა, რომელსაც ისინი ყოველდღე აწყდებიან, იმატებს. დღეს ზეიმის დრო არ არის, თუმცა სწორედ ასეთ დროს უნდა გამოვიჩინოთ სიმტკიცე ჩვენი ვალდებულების წინაშე – პატივი ვცეთ და დავიცვათ დამოუკიდებელი ჟურნალისტიკა. ყველანი ვხედავთ,…

ოკუპირებულ ახალგორში ტყეში ხანძარია. სახელმწიფო უსაფრთხოების სამსახურში აცხადებენ, რომ ხანძრის სოფლამდე გავრცელების საშიშროება არ არის. გააქტიურებულია ცხელი ხაზი, ასევე, საქმის კურსშია ევროკავშირის სადამკვირვებლო მისიაც.

ჯანმრთელობის დაცვისა და სოციალურ საკითხთა კომიტეტმა „საქართველოს ოკუპირებული ტერიტორიიდან იძულებით გადაადგილებულ პირთა-დევნილთა შესახებ“ კანონში ცვლილების პროექტი პირველი მოსმენით, ზოგადი პრინციპების დონეზე განიხილა. აფხაზეთის ავტონომიური რესპუბლიკის უმაღლესი საბჭოს მიერ წარმოდგენილი კანონპროექტი სხდომაზე აფხაზეთის ავტონომიური რესპუბლიკის უმაღლესი საბჭოს იურიდიულ და საპროცედურო საკითხთა კომიტეტის თავმჯდომარემ ვახტანგ ყოლბაიამ გამოიტანა. მისი ინფორმაციით, კანონპროექტის მიღება აუცილებელია იმისთვის, რომ გრძელვადიანი საცხოვრებელი ფართით უზრუნველყოფის ან სათანადო ფულადი დახმარების თაობაზე შესაბამისი სამართლებრივი აქტის გამოცემის შემდეგ ოჯახის რომელიმე წევრის გარდაცვალების შემთხვევაში, დევნილ ოჯახს არ დააკლდეს ქულები და აქედან გამომდინარე, არ მიიღოს ნაკლები საცხოვრებელი ფართი. „ამგვარად, დევნილ ოჯახს შეუნარჩუნდება ქულათა ის…

ჯანმრთელობის დაცვისა და სოციალურ საკითხთა კომიტეტმა „იარაღის შესახებ“ კანონში შესატან ცვლილებას ერთხმად დაუჭირა მხარი. შინაგან საქმეთა მინისტრის მოადგილემ ალექსანდრე დარახველიძემ კანონპროექტის მიღების მიზეზებსა და მიზნებზე ისაუბრა. მისი განმარტებით, აღნიშნული კანონპროექტის მომზადება დანაშაულის პრევენციის, საზოგადოებრივი უსაფრთხოების, ადამიანის სიცოცხლისა და ჯანმრთელობის დაცვის ეფექტიანობის გაზრდის საჭიროებით არის განპირობებული. მისივე თქმით, ვინაიდან იარაღი მომეტებული საფრთხის წყაროს წარმოადგენს, განსაკუთრებით მნიშვნელოვანია იარაღთან კონტაქტში მყოფი პირის ჯანმრთელობის მდგომარეობა იყოს კანონმდებლობით განსაზღვრულ მოთხოვნებთან შესაბამისი. „პირის ჯანმრთელობის მდგომარეობის შემოწმების კუთხით არსებული მექანიზმები, მაგალითად როგორიც არის ცნობა ჯანმრთელობის მდგომარეობის შესახებ, ბოლომდე ვერ უზრუნველყოფს პოტენციური რისკების გამორიცხვას. კერძოდ, შესაძლებელია პირის ჯანმრთელობის…

საჯარო სამართლის იურიდიული პირის, საჯარო სამსახურის ბიუროს ლიკვიდაცია 2025 წლის 1-ელ აპრილამდე განხორციელდება. ბიუროს ფუნქციები და უფლებამოსილებები კი, მთავრობის ადმინისტრაციას გადაეცემა. შესაბამისი ცვლილებების ინიცირება ბიუროს დღევანდელ სხდომაზე მოხდა. კანონპროექტის მიხედვით, ბიუროს უფლებამონაცვლედ მთავრობის ადმინისტრაცია ჩაითვლება. ბიუროს ლიკვიდაციის მიზნით კი მთავრობამ სალიკვიდაციო კომისია კანონის ამოქმედებიდან ათი დღის ვადაში უნდა შექმნას. პროექტით, ლიკვიდაციის შედეგად ბიუროდან გათავისუფლებულ თანამშრომლებს მიეცემათ კომპენსაცია – ერთი თვის თანამდებობრივი სარგოს ოდენობით.  

,,როდესაც „ქართულმა ოცნებამ“ გამომიცხადა ნდობა და დავინიშნე იუსტიციის მინისტრად, მაშინ სამინისტროში დამხვდა სია, შედგენილი ბატონი ზურა ადეიშვილის მიერ და ამ სიას მოფერებით საჯარო მოხელეები ეძახდნენ „კეთილი ბიძიების“ სიას”, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებით საგამოძიებო კომისიის“ ხელმძღვანელმა, პარლამენტის ვიცე-სპიკერმა თეა წულუკიანმა კომისიის დღევანდელ სხდომაზე განაცხადა. ,,კეთილ ბიძიაში იგულისხმებოდა ის ბიზნესმენი, რომელიც ვითომდა ნებაყოფლობით მივიდოდა სამინისტროში და გადაწყვეტდა, რომ ესა თუ ის თავისი ქონება ეჩუქებინა სამინისტროს გამოყენებისათვის. სიასაც ასე ერქვა, დაცინვით, რა თქმა უნდა. ესეც მახასიათებელია რეჟიმის, რომ ადამიანს აუბედურებ, აიძულებ და…

„ნაციონალური მოძრაობის“ ხელისუფლების საქმიანობის შემსწავლელ დროებით საგამოძიებო კომისიის მომდევნო სხდომაზე, რომელიც 21 თებერვალს, 10:00 საათზე გაიმართება, მიწვეული არიან ზურაბ ჭიაბერაშვილი, ნათია მოგელაძე და ლევან გაჩეჩილაძე. როგორც კომისიის თავმჯდომარე თეა წულუკიანმა განაცხადა, მიწვეული პირები დღეიდან მიიღებენ ოფიციალურ შეტყობინებებს. „წამყვანი თემა იქნება 2003-2012 წლებში გამართული სხვადასხვა დონის არჩევნები, მაგრამ მოცემულმა პირებმა ისიც უნდა იცოდნენ, რომ მათთან გასაუბრება არ იქნება მხოლოდ არჩევნებით შემოფარგლული. ყველა ის საკითხი, რომლის შესახებაც ჩვენ გვექნება ინფორმაცია, რომ მოცემული პირები ამა თუ იმ ფორმით მონაწილეობდნენ ან ჩართული იყვნენ სხვადასხვა საკითხის გადაწყვეტასა თუ მოწესრიგებაში, ჩვენ უფლება გვექნება, რომ არჩევნების მიღმაც…

,,მოვიდნენ ღირსეულად და ღირსეულად წავლენ, წინააღმდეგ შემთხვევაში, კანონი მკაცრია. ამაზე მეტს არ ვამბობ, რადგან ვინმემ ეს მუქარად არ გააფორმოს, მაგრამ საკმარისზე მეტს ვამბობ, რომ ყველა დაფიქრდეს და ითანამშრომლოს. ჩვენ არ ვხუმრობთ და ცეცხლს ნურავინ ეთამაშება“, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებით საგამოძიებო კომისიის“ ხელმძღვანლმა, თეა წულუკიანმა განაცხადა. „ნურაფერს ნუ დაუყენებენ წინ იმას, რომ ოფიციალური შეტყობინების შემდეგ მობრძანდნენ და თავი მოგვასმენინონ. კომისია პირობას დებს, რომ თითოეულ მოსულ პირს, ვინც არ უნდა იყოს და რა თემაზეც არ უნდა იყოს მობრძანებული, კომისიის ფარგლებში მაქსიმალურად…