დღე: თებერვალი 13, 2025

უკრაინის პრეზიდენტი, ვოლოდიმირ ზელენსკი სოციალურ ქსელ X-ში წერს, რომ მსოფლიო ლიდერები გააფრთხილა არ ენდონ პუტინის განცხადებებს ომის დასრულების მზადყოფნასთან დაკავშირებით. ზელენსკი აცხადებს, რომ პუტინთან მოლაპარაკებები არ შეიძლება დაიწყოს უკრაინის, ევროპისა და აშშ-ის ერთიანი პოზიციის გარეშე. „ვესაუბრე პოლონეთის პრემიერ-მინისტრს, დონალდ ტუსკს. განვიხილეთ უკრაინაში რეალური მშვიდობისთვის საჭირო პირობები და შევთანხმდით, რომ პუტინთან მოლაპარაკებები არ შეიძლება დაიწყოს უკრაინის, ევროპისა და აშშ-ის ერთიანი პოზიციის გარეშე. პრემიერ-მინისტრს ვაცნობე ტრამპთან ჩემი საუბრის შესახებ. განვიხილეთ მთავარი გზავნილები და მთელი ევროპისთვის წარმატებული შედეგების მისაღწევად ყველა ევროპელის პოზიციების კოორდინაციის საჭიროება. ხაზგასმით აღვნიშნე, რომ უკრაინამ უნდა აწარმოოს მოლაპარაკებები ძლიერი პოზიციიდან,…

ევროკავშირის უმაღლესმა წარმომადგენელმა, კაია კალასმა განაცხადა,რომ ჩვენ ზურგს უკან ნებისმიერი გარიგება არ იმუშავებს, უკრაინა გააგრძელებს წინააღმდეგობას. მისივე თქმით, ნებისმიერი შეთანხების შესრულებას სჭირდება უკრაინისა და ევროპის მონაწილეობა. „ნათელია, რომ ჩვენს ზურგს უკან ნებისმიერი გარიგება არ იმუშავებს, ნებისმიერ შეთანხმებას ასევე სჭირდება უკრაინისა და ევროპის მონაწილეობა. ცხადია, რომ დამშვიდება ასევე ყოველთვის წარუმატებელია. ასე რომ, უკრაინა გააგრძელებს წინააღმდეგობას და ევროპა გააგრძელებს უკრაინის მხარდაჭერას. თქვენ გჭირდებათ ევროპა და უკრაინა ამ შეთანხმების შესასრულებლად. ასე რომ, მოლაპარაკებების მაგიდასთან ჩვენ გარეშე, თქვენ შეიძლება შეთანხმდეთ რაზეც გინდათ, თუმცა ეს უბრალოდ წარუმატებელი იქნება შესრულების გარეშე. ნებისმიერი სწრაფი მოგვარება არის ბინძური…

ვოლოდიმირ ზელენსკი აცხადებს, რომ უკრაინა არ მიიღებს რუსეთსა და ამერიკას შორის მიღწეულ არანაირ ორმხრივ შეთანხმებას უკრაინის მონაწილეობის გარეშე. „ჩვენ, როგორც დამოუკიდებელი ქვეყანა, უბრალოდ ვერ შევძლებთ რაიმე შეთანხმების მიღებას ჩვენი მონაწილეობის გარეშე“- განაცხადა ზელენსკიმ. უკრაინის პრეზიდენტის განცახდებით, ტრამპის პუტინთან სატელეფონო ზარს არ განიხილავს, „როგორც იმის ნიშანს, რომ რუსეთთან საუბარი აშშ-ის პრეზიდენტის პრიორიტეტი იყო“.  მისივე თქმით, არცერთ შემთხვევაში, ეს სასიამოვნო არ იყო. „უკრაინაზე საუბარი არ უნდა იყოს უკრაინის გარეშე და მოლაპარაკების მაგიდასთან ევროპელებიც უნდა იყვნენ“- აღნიშნა ზელენსკიმ.  

„ჰამასი“ ადასტურებს, რომ ცეცხლის შეწყვეტის შეთანხმების შესაბამისად სამ მძევალს გაათავისუფლებს. მძევლების გათავისუფლება 15 თებერვალს იგეგმება. „ჰამასის“ დელეგაციამ ეგვიპტის დედაქალაქ კაიროში შეხვედრა გამართა ეგვიპტის და ყატარის შუამავლებთან, რომლის დროსაც ისრაელს და „ჰამასს“ შორის დადებული ცეცხლის შეწყვეტის და მძევლების გათავისუფლების შეთანხმების პირობები განიხილეს. საუაბრი შეეხო პალესტინელების განსახლების, სამედიცინო უზრუნველყოფის და საწვავით მომარაგების საკითხებს. „ჰამასში” აცხადებენ, რომ ეგვიპტელი და ყატარელი შუამავლები დაბრკოლებების მოხსნისთვის იმუშავებენ, რომლებიც ხელს უშლიან ღაზის სექტორში ჰუმანიტარული დახმარების გაგრძელებას. შეგახსენებთ, რომ მიმდინარე კვირის დასაწყისში „ჰამასი“ დაიმუქრა, რომ გადადებდა მძევლების გათავისუფლებას, რადგან ისრაელი ხელს უშლის არაბულ ანკლავში ჰუმანიტარული დახმარების შესვლას. ამ…

„კეთილი იყოს თქვენი მობრძანება ჩრდილოეთ კორეაში, მეგობრებო!”, – უკრაინის უმაღლესი რადის დეპუტატმა, ალექსეი გონჩარენკომ პარლამენტში სიტყვით გამოსვლისას უკრაინა ჩრდილოეთ კორეას შეადარა, ხოლო ვოლოდიმირ ზელენსკის კიმ ჩენ ზე უწოდა. ,,იცვით, სანამ აქ სხდომას ვატარებდით, ლიბერტარიანობამ უკრაინა ჩრდილოეთ კორეად გადაიქცა. შეხედეთ თავად, რა გვაქვს. საზღვრები დაკეტილია, ყველა ტელეარხი ხელისუფლების მიერაა კონტროლირებადი, გვყავს ბელადი კი ჩენ ზე“, – თქვა გონჩარენკომ. მისი თქმით, უკრაინის ხელისუფლება კერძო საკუთრებას პატივს არ სცემს და დაკავებულია იმით, რომ მეწარმეების წინააღმდეგ სანქციები შემოაქვს და მათ ქონებას ძარცვავს.

აშშ-ის პრეზიდენტის, დონალდ ტრამპის სპეციალური წარმომადგენელი კიტ კელოგი 13-22 თებერვალს გერმანიას, ბელგიასა და უკრაინას ეწვევა. სახელმწიფო დეპარტამენტის ინფორმაციით, ელოგი ხსენებულ ქვეყნებში ჩადის „რათა წინ წაწიოს პრეზიდენტ ტრამპის მიზანი უკრაინაში მშვიდობის უზრუნველყოფა ძალის დემონსტრირებით და ამერიკის შეერთებული შტატების ეროვნული ინტერესების დაცვა“. „პრეზიდენტმა ტრამპმა ნათლად განაცხადა, რომ საომარი მოქმედებები უნდა შეწყდეს, და შეერთებული შტატები მზადაა მხარი დაუჭიროს გრძელვადიან გადაწყვეტილებას. პრეზიდენტის სპეციალური წარმომადგენელი კელოგი მზადაა გაატაროს ხისტი დიპლომატია, რომელიც საჭიროა პრეზიდენტის მიზნის მისაღწევად“, – აღნიშნულია სახელმწიფო დეპარტამენტის ინფორმაციაში.

უკრაინის უმაღლესი რადის ფრაქცია „ევროპული სოლიდარობას“ დეპუტატებმა საკანონმდებლო ორგანოს ტრიბუნა დაბლოკეს, რის გამოც მუშაობის პროცესი შეჩერდა. უკრაინული მედიის ცნობით, მას შემდეგ, რაც პლენარულ სხდომათა დარბაზში უკრაინის ჰიმნი შესრულდა და წუთიერი დუმილით რუსეთ-უკრაინის ომში დაღუპულებს პატივი მიაგეს, დეპუტატები სპიკერის ტრიბუნაზე ავიდნენ და პლაკატები გამოფინეს. ამის შემდეგ რადის თავმჯდომარემ რუსლან სტეფანჩუკმა შესვენება გამოაცხადა. დეპუტატების განცხადებით, სხდომა დღეს აღარ განახლდება. უკრაინამ პეტრო პოროშენკოს სანქციები დაუწესა

ევროპარლამენტმა „საქართველოში პოლიტიკური ვითარების კიდევ უფრო გაუარესების შესახებ” რეზოლუცია მიიღო. რეზოლუციას 400 ევროპარლამენტარმა დაუჭირა მხარი, 63 წინააღმდეგი წავიდა, 81-მა კი თავი შეიკავა. რეზოლუციის ავტორი 57 ევროპარლამენტარია.

,,უკრაინის გარეშე უკრაინის შესახებ არანაირი მოლაპარაკება არ შეიძლება“, – ამის შესახებ გაერთიანებული სამეფოს თავდაცვის მინისტრმა, ჯონ ჰილიმ ნატო-ს თავდაცვის მინისტრების შეხვედრამდე ბრიუსელში ჟურნალისტებს განუცხადა, როდესაც უკრაინის ომთან დაკავშირებით დონალდ ტრამპის კომენტარებს გამოეხმაურა. „ჩვენ გვსურს ვიხილოთ გრძელვადიანი მშვიდობა და არა კონფლიქტისა და აგრესიის დაბრუნება. არ უნდა დაგვავიწყდეს, რომ რუსეთი საფრთხედ უკრაინის მიღმაც რჩება. ნატო-ს ამოცანაა დააყენოს უკრაინა რაც შეიძლება ძლიერ პოზიციაში ნებისმიერი მოლაპარაკებისთვის“, – აღნიშნა ჯონ ჰილიმ.

,,ეს ოთხი წელი, რომელსაც ჩვენ დაკარგულად მივიჩნევთ, აშშ-სა და აზერბაიჯანის ურთიერთობებში, უკვე ისტორია გახდება”, – წერს აზერბაიჯანის პრეზიდენტი, ილჰამ ალიევი ,,იქსისს” საკუთარ გვერდზე, შეერთებულ შტატებთან დაკავშირებით.

„Reuters-მა აშშ-ის მთავრობისგან მილიონობით დოლარი მიიღო მასშტაბური სოციოლოგიური ტყუილისთვის. ეს სიტყვასიტყვით წერია შესყიდვის შეკვეთაში. ეს სრული თაღლითობაა. უბრალოდ გასაოცარია“, – მის შესახებ აშშ-ის მთავრობის ეფექტიანობის დეპარტამენტის ხელმძღვანელმა, ილონ მასკმა X-ზე დაწერა. მთავრობის ეფექტიანობის დეპარტამენტის გამოძიების შედეგად დგინდება, რომ 2018-2022 წლებში ამერიკის შეერთებული შტატების თავდაცვის დეპარტამენტმა Reuters 9 მილიონი დოლარი სოციოლოგიური პროექტებისთვის გამოუყო.

„ჰეგსეტის ხედვა უკრაინის ნატოში გაწევრიანების შესახებ არ არის ახალი ამერიკულ პოლიტიკაში”, – ამის შესახებ ,,რადიო თავისუფლების“ ევროპის ბიუროს რედაქტორმა, რიკარდ იოზვიაკმა სოციალურ ქსელ X-ში დაწერა. ,,გაიხსენეთ, რომ ზუსტად DC (ვაშინგტონმა) 2023 და 2024 წლებში უკრაინას უარი უთხრა წევრობის მკაფიო გეგმის მინიჭებაზე. ევროკავშირი ფულის გადამხდელია, და არა მოთამაშე. როგორც ყოველთვის. ასეთი გრძნობა მაქვს, რომ ბრიუსელში ამას ყველა ეთანხმება“, – დაწერა მან. ცნობისთვის, გუშინ პენტაგონის ხელმძღვანელმა პიტ ჰეგსეტმა განაცხადა, რომ ნატოში უკრაინის გაწევრიანება არარეალისტურია.

,,მსოფლიო მთავრობათა სამიტის ფარგლებში კარგი შეხვედრა მქონდა საქართველოს პრემიერ-მინისტრ ირაკლი კობახიძესთან”, – ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელ X-ზე წერს. ,,მსოფლიო მთავრობათა სამიტის ფარგლებში კარგი შეხვედრა მქონდა საქართველოს პრემიერ-მინისტრ ირაკლი კობახიძესთან. შევთანხმდით, რომ უახლოეს მომავალში ბუდაპეშტში გაიმართება უნგრეთ-საქართველოს მთავრობათაშორისი სამიტი”, – აღნიშნავს ვიქტორ ორბანი.