დღე: თებერვალი 10, 2025

ევროპის საბჭოს ადგილობრივ და რეგიონულ ხელისუფლებათა კონგრესის ბიურო საქართველოში მიმდინარე მოვლენებთან დაკავშირებით განცხადებას ავრცელებს. კონგრესის ბიურო მოუწოდებს საქართველოს მთავრობას, სრულად სცეს პატივი ადამიანთა უფლებების, დემოკრატიის და კანონის უზენაესობის მხრივ ევროპულ სტანდარტებს. “საქართველოს ხელისუფლებამ დაუყოვნებლივ უნდა მიიღოს ზომები იმ უკიდურესი პოლიტიკური და სოციალური პოლარიზაციის მოსახსნელად, რომელიც აზიანებს მათ ქვეყანას. მათ უნდა უზრუნველყონ სამართალდამცავი უწყებების, სასამართლოს და ყველა საჯარო ინსტიტუტის დამოუკიდებლობა. საჯარო მოხელეები ადგილობრივ და ეროვნულ დონეზე გათავისუფლებული იქნენ პოლიტიკური მიზეზებით. ეს პრაქტიკა უნდა შეწყდეს. ასევე, ყველას უნდა მიეცეს საშუალება, განახორციელოს თავისი დემოკრატიული უფლებები შეკრებისა და გამოხატვის თავისუფლებაზე. მშვიდობიანი პროტესტი დემოკრატიული საზოგადოებების განუყოფელი…

პოლიციის წინააღმდეგობის მიუხედავად, აქციის მონაწილეებმა რუსთაველის გამზირი გადაკეტეს. პარლამენტთან, ცოტა ხნის წინ ხმაური და დაპირისპირება იყო. სამართალდამცველებმა რამდენიმე მოქალქე დააკავეს. პროტესტის 75-ე დღესაც მომიტინგეები საკანონმდებლო ორგანოსთან უცვლელი მოთხოვნებით შეიკრიბნენ – დაინიშნოს ახალი არჩევნები და გათავისუფლდნენ აქციების პერიოდში დაკავებული მოქალაქეები. რუსთაველის გამზირზე პოლიციასა და მომიტინგეებს შორის დაპირისპირება იყო  

რუსთაველის გამზირზე ხმაურია. პოლიციასა და აქციის მონაწილეებს შორის დაპირისპირება მას შემდეგ დაიწყო, რაც მომიტინგეებმა გზის გადაკეტვა სცადეს. პოლიციამ აქციის სამი მონაწილე, მათ შორის „გახარია საქართველოსთვის“ გუნდის წევრი ლევან გოგიჩაიშვილი, გაიყვანა. ისინი პოლიციის მანქანაში ჩასვეს და წაიყვანეს. თუმცა, მათი დაკავების შესახებ, ინფორმაცია ამ ეტაპისთვის არ ვრცლდება. რუსთაველის გამზირზე პერიოდულად სამართალდამცველებსა და აქციის მონაწილეებს შორის დაპირისპირებაა. ადგილზე მობილიზებული პოლიციელები აქციის მონაწილეებს გზის გადაკეტვის საშუალებას არ აძლევენ. პარლამენტის წინა პერიმეტრზე პოლიციას დერეფანი აქვს გაკეთებული.

„ბიბისის“ ინფორმაციით, „ჰამასმა“ ისრაელელი მძევლების გათავისუფლება შეაჩერა. „ჰამასის“ სპიკერმა, ჰუდჰაიფა კაჰლოუტმა განაცხადა, რომ ისრაელმა არ შეასრულა თავისი ვალდებულებები ცეცხლის შეწყვეტის შესახებ, რის გამოც შაბათს დაგეგმილი მძევლებისა და პატიმრების გაცვლა გადაიდება. მისი თქმით, ისრაელის თავდაცვის ძალები აფერხებენ ღაზაში ჰუმანიტარული დახმარების მიწოდებას.

მთავრობა  „სახელმწიფო გრანტის მართვის სააგენტოს“ შექმნას გეგმავს, რომელიც გრანტებს საზოგადოებრივი ორგანიზაციებისთვის გასცემს. კანონპროექტი პარლამენტში უკვე ინიცირებულია და მას დაჩქარებული წესით განიხილავენ. სააგენტო საბიუჯეტო სახსრებს, კანონმდებლობით დადგენილი წესით, შერჩეულ საზოგადოებრივ ორგანიზაციებზე გასცემს. სახელმწიფო გრანტის მართვის სააგენტოში დაახლოებით ათი ადამიანი დასაქმდება. „იმ ფაქტის გათვალისწინებით, რომ საქართველოში საზოგადოებრივი ორგანიზაციების დაფინანსების წყაროდ მეტწილად უცხოური აქტორები გვევლინება, რომლებიც ძალაუნებურად განსაზღვრავენ აღნიშნული ორგანიზაციების საქმიანობის დღის წესრიგს, საქართველოს მთავრობის ინიციატივაა, შეიქმნას საქართველოს მთავრობის კონტროლს დაქვემდებარებული საჯარო სამართლის იურიდიული პირი – სახელმწიფო გრანტის მართვის სააგენტო, რომლის მიზანი იქნება საქართველოს ბიუჯეტით საქართველოში მოქმედი საზოგადოებრივი ორგანიზაციების მხარდაჭერა, რომელთა საქმიანობის მიმართულებები…

“ჩვენი ქვეყნის ტერიტორიული მთლიანობის აღდგენის გარეშე რუსეთთან დიპლომატიური ურთიერთობები ვერ აღდგება, მაგრამ ჩვენ ვატარებთ პრაგმატულ პოლიტიკას, რომლის გარეშეც საქართველო ვერ გადარჩება”- ამის შესახებ საქართველოს პრემიერ-მინისტრმა ირაკლი კობახიძემ განაცხადა. როგორც მთავრობის მეთაურმა აღნიშნა, საქართველოს რუსეთთან დიპლომატიური ურთიერთობები ამ დრომდე არ აქვს. „როგორც აღვნიშნე, ოთხივე განსხვავებული ომი მოგვიწია და ამ ოთხივე სხვადასხვა ომში ჩართული იყო რუსული მხარე, რუსული სახელმწიფო. ამიტომაც გვაქვს ეს ფრთხილი პოლიტიკა, გვაქვს პრაგმატული პოლიტიკა, რომელსაც ვატარებთ რუსეთის ფედერაციის მიმართ. რუსეთის ფედერაციასთან დიპლომატიური ურთიერთობა ამ დრომდე არ გვაქვს. ჩვენ არ გვაქვს პოლიტიკური კავშირები, არც პოლიტიკური კონტაქტები, ამიტომ კომუნიკაციის ეს ნაწილი უბრალოდ…

“2022 წლიდან ჩვენ ვსაუბრობთ გლობალური ომის პარტიაზე და ჩვენ მტკიცედ გვჯერა, რომ არსებობს არაფორმალური ძალები, რომლებიც სარგებლობენ უზარმაზარი გავლენით, თუნდაც ოფიციალურ ინსტიტუტებზე” – ამის შესახებ საქართველოს პრემიერ-მინისტრმა ირაკლი კობახიძემ განაცხადა. როგორც მთავრობის მეთაურმა აღნიშნა, გლობალური ომის პარტია ევროკავშირისა და შეერთებული შტატების წინა ადმინისტრაციაზე დიდი გავლენით სარგებლობდა. „2022 წლიდან ჩვენ ვსაუბრობთ გლობალური ომის პარტიაზე და ჩვენ მტკიცედ გვჯერა, რომ არსებობენ არაფორმალური ძალები, რომლებიც სარგებლობენ უზარმაზარი გავლენით, თუნდაც ოფიციალურ ინსტიტუტებზე. ევროკავშირში და შეერთებული შტატების წინა ადმინისტრაციაზე ისინი დიდი გავლენით სარგებლობდნენ. ბოლოს და ბოლოს, არსებობენ გავლენიანი ადამიანები, რომლებიც ენთუზიაზმით უწყობდნენ ხელს ომს და…

“ჩვენ ამ ქვეყანაში დემოკრატიისთვის 2012 წლიდან ვიბრძვით”- ამის შესახებ საქართველოს პრემიერ-მინისტრმა ირაკლი კობახიძემ განაცხადა. პრემიერი ამბობს, რომ 2004 წლიდან 2012 წლამდე საქართველოში დემოკრატია არ არსებობდა, თუმცა ყოფილი ხელისუფლება, სააკაშვილის მთავრობა, დემოკრატიული ხელისუფლების ერთ-ერთ საუკეთესო ნიმუშად იყო აღწერილი. “დემოკრატია მუდმივად საფრთხის ქვეშაა და ჩვენ უნდა ვიბრძოლოთ. ჩვენ მუდმივად უნდა ვიბრძოლოთ ამ ქვეყანაში დემოკრატიის შესანარჩუნებლად. 2004 წლიდან 2012 წლამდე საქართველოში დემოკრატია არ არსებობდა, მაგრამ ყოფილი ხელისუფლება, სააკაშვილის მთავრობა, დემოკრატიული ხელისუფლების ერთ-ერთ საუკეთესო ნიმუშად იყო აღწერილი. მე აღვნიშნე ბევრი დანაშაული, რომელსაც ისინი სჩადიოდნენ ქართველი ხალხის წინააღმდეგ, ამიტომ არ იყო დემოკრატია. მაგრამ კვლავ, საერთაშორისო…

ქუთაისის საქალაქო სასამართლომ ცხრა ადამიანი სამართალდამრღვევად ცნო და ადმინისტრაციული სახდელის სახით 5 000 -5 000-ლარიანი ჯარიმა დააკისრა. დღევანდელ სასამართლო პროცესზე შსს ცხრავე პირის სამართალდამრღვევად ცნობას და მათ მიმართ ჯარიმის დაკისრებას ითხოვდა. ამ მოთხოვნას არ ეთანხმებოდნენ ადმინისტრაციულ პასუხისგებაში მიცემული ადამიანი და მათი ადვოკატები. შეგახსენებთ, რომ სხვადასხვა სფეროს წარმომადგენლების წინააღმდეგ ადმინისტრაციული წარმოება 26 იანვარს, ქუთაისში მოსამართლე მალხაზ ოქროპირაშვილის სახლთან გამართული აქციის გამო დაიწყო. შეკრებილები ,,ბათუმელებისა” და ,,ნეტგაზეთის” დამფუძნებელ მზია ამაღლობელის პატიმრობას აპროტესტებდნენ და სოლიდარობას უცხადებდნენ. საქმეზე წარმოება ადმინისტრაციული სამართალდარღვევათა კოდექსის 174-ე პრიმა პირველი მუხლის მესამე ნაწილით მიმდინარეობდა. ქუთაისის საქალაქო სასამართლოში სხვადასხვა პროფესიის…

საქართველოს პარლამენტის თავმჯდომარემ, შალვა პაპუაშვილმა დღევანდელ ბიუროს სხდომაზე „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებითი საგამოძიებო“ კომისიის წევრების ვინაობა დაასახელა. „ცნობად ვიღებთ „ქართული ოცნების“ მომართვას 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი საქართველოს პარლამენტის დროებით საგამოძიებო კომისიაში ფრაქციის წევრების თეა წულუკიანის, ალექსანდრე ტაბატაძის, თენგიზ შარმანაშვილის, ალუდა ღუდუშაურის და პაატა სალიას წარდგენის შესახებ, იგივე კომისიაში, პოლიტიკური ჯგუფის „ხალხის ძალიდან“ წარდგენილი არიან სოზარ სუბარი და გურამ მაჭარაშვილი, ასევე იმავე კომისიაში ევროპელი სოციალისტებიდან წარდგენილი არის ბატონი ილია ინჯია. როგორც იცით, კომისია შედგება…

,,2020 წლის არჩევნების შემდეგ განსაკუთრებით გამოჩნდა, რომ უცხოური დახმარების სტრუქტურებმა ჩაანაცვლეს დიპლომატია, თუ კლასიკურად ქვეყნებს შორის ურთიერთობა ხდებოდა დიპლომატიური არხებით, ელჩებით, მთავრობების შეხვედრებით, სადაც ინტერესები არ ემთხვევა, იქ დიპლომატიის ამოცანაა, კონფლიქტები არ წარმოიშვას, ეს არის კლასიკური დიპლომატია, ამის ნაცვლად ეს ჩანაცვლდა საგარეო დახმარების სტრუქტურებით”, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა. მისი თქმით, უცხო ქვეყნებიდან შემოედინება ფული, რითაც ფინანსდება „ენჯეოები“, შემდეგ კი ისინი წამოწევენ თემას, რომელიც თითქოს არის მიმღები ქვეყნის ხალხთა ინტერესში. პაპუაშვილი აცხადებს, რომ სწორედ ასე ხდებოდა ბოლო წლების განმავლობაში, როცა ხელისუფლების წარმომადგენლებს ამა თუ იმ ქვეყნის…

,,რაც ოპოზიციაა, ის ლიდერია”, – ასე შეაფასა პარლამენტის თავმჯდომარემ შალვა პაპუაშვილმა მიხეილ სააკაშვილის დღევანდელი განცხადება, სადაც ის ამბობს, რომ საკმარისი ასოებითაა ჩაწერილი მსოფლიოს ისტორიაში და ეცოდება ყველა, ვისაც ჰგონია, რომ ამ გაუბედურებულ ქვეყანაში რაიმე თანამდებობის დაკავებაში კონკურენტია. ჟურნალისტი ასევე დაინტერესდა, რას ფიქრობს სააკაშვილის იმ განცხადებაზეც, სადაც ასევე მოუწოდა ოპოზიციას გააქტიურებისკენ, რამაც მათ შორის აზრთა სხვადასხვაობა გამოიწვია. „რაც ოპოზიციაა, ის ლიდერია. როცა კრიმინალი, წამების სისტემის შემქმნელი გყავს ლიდერად, გასაგებია რა ოპოზიციასთან გვაქვს საქმე. არ ვიცი მე რაიმე შიდა დინებები აქვთ თუ არა, მაგრამ ერთი უბედურებაა საერთო ჯამში ჩვენი ოპოზიცია“, – აღნიშნა…

საქართველოს პრემიერ-მინისტრი ირაკლი კობახიძე მსოფლიო მთავრობათა სამიტში მიიღებს მონაწილეობას, რომელსაც, 11-13 თებერვალს, არაბთა გაერთიანებული საამიროები ქალაქ დუბაიში მასპინძლობს. საქართველოს მთავრობის მეთაური მსოფლიო მთავრობათა სამიტის მონაწილეებს 11 თებერვალს სიტყვით მიმართავს. პრემიერ-მინისტრი დუბაიში დელეგაციასთან ერთად გაემგზავრა, რომლის შემადგენლობაში პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი მაკა ბოჭორიშვილი, იუსტიციის მინისტრი ანრი ოხანაშვილი და მთავრობის ადმინისტრაციის უფროსი ლევან ჟორჟოლიანი არიან. 2025 წლის მსოფლიო მთავრობათა სამიტის მთავარი თემაა „მომავლის მთავრობების ჩამოყალიბება“ და მას 6 ათასზე მეტი მონაწილე ჰყავს. სამიტი, საერთაშორისო თანამშრომლობის ხელშეწყობისა და გამოწვევებთან გამკლავების ინოვაციურ გზებზე მსჯელობისთვის თავს უყრის…

ქუთაისის საქალაქო სასამართლოში სხვადასხვა პროფესიის წარმომადგენლების სასამართლო პროცესი იმართება. საქმეს მოსამართლე ციცინო მოსიძე განიხილავს. 9 ადამიანის მიმართ საქმე ადმინისტრაციული წარმოებით აღიძრა. განსასჯელის სკამზე სხედან: გელა მთივლიშვილი – ჟურნალისტი, საქართველოს ამბები / მთის ამბების რედაქტორი; ნინო ქათამაძე – მუსიკოსი, „ნინო ქათამაძის ფონდის“ დამფუძნებელი; ვლადიმერ აფხაზავა – მასწავლებელი, მასწავლებლის ეროვნული ჯილდოს პირველი მფლობელი; ხვიჩა ვაშაყმაძე – ჟურნალისტი; ქეთევან ფილაური – ფსიქოლოგი; მაია ცირამუა – ფსიქოლოგი; ირინა ზარანდია – სამოქალაქო აქტივისტი; გივი ცინცაძე – ლანჩხუთის საკრებულოს წევრი; ეკა კუხალაშვილი – „ქუთაისი პოსტის“ ჟურნალისტი. მათ 26 იანვარს „ბათუმელებისა“ და „ნეტგაზეთის“ დამფუძნებლის მზია ამაღლობელის პატიმრობის…