დღე: თებერვალი 7, 2025

აშშ-ის პრეზიდენტი დონალდ ტრამპი ორმხრივი ტარიფების დაწესებას კიდევ რამდენიმე ქვეყნისთვის გეგმავს. ქვეყნების სია ჯერჯერობით უცნობია. მედიის ცნობით, გადაწყვეტილება ტრამპმა რესპუბლიკელ კანონმდებლებს უკვე აცნობა. თავდაპირველად დონალდ ტრამპმა ტარიფები დაუწესა ჩინეთს, მექსიკასა და კანადას. თუმცა კანადისა და მექსიკის ლიდერებთან საუბრის შემდეგ ქვეყნებმა მიაღწიეს შეთანხმებას და ტარიფების დაწესება გადაიდო. ჩინეთის შემთხვევაში ტრამპის გადაწყვეტილება არ შეცვლილა. ჩინეთში აშშ-სთვის საპასუხო ტარიფების დაწესება დააანონსეს.

პროტესტი სახელწოდებით “სლოვაკეთი ევროპაა” 50-ზე მეტ ქალაქში გრძელდება. პროტესტების ორგანიზატორები დემოკრატიული ღირებულებებისადმი საფრთხეზე მიანიშნებენ და პრემიერ-მინისტრ რობერტ ფიცოს გადადგომას მოითხოვენ. სლოვაკეთის გარდა პროტესტები ასევე მსოფლიოს გარშემო რამდენიმე ქალაქში გრძელდება. მედიის თანახმად, პროტესტები დემოკრატიული ღირებულებებისადმი მზარდმა საფრთხეებმა და მოსკოვის გავლენამ გამოიწვია.

“უკრაინა ეძებს ფულს მნიშვნელოვანი პროგრამებისთვის, რომლებიც მანამდე აშშ-ის საერთაშორისო განვითარების სააგენტოს (USAID) მიერ ფინანსდებოდა და უკვე აქვს დაფინანსების წყაროებთან დაკავშირებით წინასწარი გადაწყვეტილებები” – ამის შესახებ ევროპული და ევროატლანტიკური ინტეგრაციის საკითხებში უკრაინის ვიცე-პრემიერმა, ოლგა სტეფანიშინამ განაცხადა. მისი თქმით, უკვე არის წინასწარი გადაწყვეტილებები, სადაც შესაძლებელია აღდგენის, ენერგეტიკული მდგრადობისა და კიბერუსაფრთხოების პროექტებისთვის სასწრაფო დაფინანსების მოზიდვა. „მოლაპარაკებები გრძელდება. უკრაინის მთავრობაში მინისტრებმა უკვე გამართეს შეხვედრები კრიტიკულ პროგრამებთან დაკავშირებით – ეს არის ენერგეტიკის, ინფრასტრუქტურის, ციფრული ტრანსფორმაციის და იუსტიციის სამინისტროები“ – განაცხადა სტეფანიშინამ.

20 იანვრის შემდეგ, აშშ-დან მექსიკაში 11 ათასამდე მიგრანტია დეპორტირებული. ამის შესახებ მექსიკის პრეზიდენტმა, კლაუდია შეინნბაუმმა განაცხადა. მისივე თქმით, აქედან დაახლოებით 2 500 ადამიანი არ არის მექსიკელი. „ეს ნებაყოფლობითია. ჩვენ მათ გავაცილებთ, რათა საკუთარ ქვეყანაში დაბრუნება შეძლონ“- განაცხადა შეიმნბაუმმა.

გასულ წელს უკრაინაში 495 090 სიკვდილის შემთხვევა დაფიქსირდა, რაც შობადობის მაჩვენებელს თითქმის სამჯერ აღემატება. იუსტიციის სამინისტროს ცნობით, 2024 წელს უკრაინაში 176 679 ახალშობილი დაიბადა. 2023 წელთან შედარებით შობადობა 5,7% შემცირდა, ხოლო გარდაცვალების მაჩვენებელი, უმნიშვნელოდ, 0,2% შემცირდა. როგორც Newsweek-ი აღნიშნავს, უკრაინის იუსტიციის სამინისტროს მონაცემები შობადობასა და გარდაცვალების შესახებ იმ რეგიონებს მოიცავს, რომლებსაც დღეის მდგომარეობით კიევი აკონტროლებს. მონაცემები დონეცკის, ხერსონისა და ზაპოროჟიეს ოლქებიდან არ არის სრული, ხოლო ყირიმისა და ლუგანსკის ოლქის შესახებ ინფორმაცია საერთოდ არ არსებობს. უკრაინის იუსტიციის სამინისტროს მონაცემების თანახმად, გასულ წელს უკრაინაში 176 679 ბავშვი დაიბადა, მაშინ როცა 2021 წელს,…

,,ტრამპს ომის დასრულებასთან დაკავშირებით ჯერ არ აქვს ოფიციალური გეგმა. არ შეიძლება არსებობდეს ცალმხრივი გეგმა, თუნდაც შტატების ავტორობით”, – ამის შესახებ უკრაინის პრეზიდენტმა ევროპის რეკონსტრუქციისა და განვითარების ბანკის პრეზიდენტთან შეხვედრის შემდეგ გამართულ პრესკონფერენციაზე განაცხადა. როგორც ზელენსკი ამბობს, კიევს ომის დასრულების საკითხზე აქტიური კომუნიკაცია შტატების ადმინისტრაციასთან აქვს. მისი თქმით, უკრაინის საკითხებში პრეზიდენტ ტრამპის სპეციალური წარმომადგენელი კიტ კელოგი უახლოეს მომავალში კიევში ჩავა. ,,რა თქმა უნდა, ჩვენ გვაქვს ხედვა. არის კონკრეტული საკითხები, რომლებიც ამერიკულ მხარესთან ერთად უკვე განვიხილეთ. ჯერ კიდევ პრეზიდენტ დონალდ ტრამპის ინაუგურაციამდე. ჩვენ ერთმანეთის მოსმენის საშუალება გვქონდა. გავიგეთ ერთმანეთის ხედვა მნიშვნელოვან თემებზე,…

რუსეთის პრეზიდენტის პრესსპიკერის, დიმიტრი პესკოვის განცხადებით, უკრაინის საკითხზე მოლაპარაკებებთან დაკავშირებით მოთმინებაა საჭირო. „ამ დროისთვის თემაზე დასამატებელი არაფერი გვაქვს. ბევრი განცხადება და ინფორმაცია ვრცელდება, რომლებიც მეორე დღეს უარყოფილია ან იცვლება. არ არსებობს, არც შესაძლებლობა და არც სურვილი გვაქვს, რომ გამოვეხმაუროთ ყველა ასეთ განცხადებას, სანამ რაიმე არსებითი არ იქნება ამ საკითხთან დაკავშირებით, უბრალოდ მოთმინება გვჭირდება“, – აღნიშნა პესკოვმა.

ჰააგის სისხლის სამართლის საერთაშორისო სასამართლომ აშშ-ის პრეზიდენტის, დონალდ ტრამპის მიერ დაწესებული სანქციები დაგმო. „სისხლის სამართლის საერთაშორისო სასამართლო გმობს აშშ-ის მიერ გამოცემულ ბრძანებას, რომლის მიზანია თანამდებობის პირებისთვის სანქციების დაწესება და დამოუკიდებელი სასამართლოს მუშაობის დაზიანება. სასამართლო გვერდში უდგას პერსონალს და იღებს პასუხისმგებლობას უზრუნველყოს მართლმსაჯულება“, – ნათქვამია სასამართლოს მიერ გავრცელებულ განცხადებაში. ჰააგის სასამართლო მოუწოდებს 125 წევრ ქვეყანას გაერთიანდეს სამართლისა და ადამიანის უფლებების დასაცავად. დონალდ ტრამპი სისხლის სამართლის საერთაშორისო სასამართლოს სანქციებს უწესებს

ისრაელის თავდაცვის მინისტრმა, ისრაელ კაცმა ,,ცაჰალს” ღაზიდან მოსახლეობის დეპორტაციის გეგმის მომზადება დაავალა. გეგმის მიხედვით, პალესტინელები ღაზას ნებაყოფლობით დატოვებენ და იქ გადასახლდებიან, სადაც მათ მიიღებენ. ისრაელ კაცის შეთავაზებული გეგმა ითვალისწინებს კონფლიქტით დაზარალებული რეგიონიდან მოსახლეობის გაყვანას, როგორც საზღვაო, ასევე, საჰაერო და სახმელეთო კორიდორებით. ცნობილია, რომ დონალდ ტრამპმა ისრაელის პრემიერ-მინისტრთან, ბენიამინ ნეთანიაჰუსთან შეხვედრის შემდეგ განაცხადა, რომ შეერთებული შტატები მზადაა, ღაზის სექტორს ,,დაეუფლოს.” მოგვიანებით, ტრამპმა სოციალურ ქსელში დაწერა, რომ საბრძოლო მოქმედებების დასრულების შემდეგ, ღაზის სექტორს ისრაელი ამერიკას გადასცემს.

სომხეთის პრემიერ-მინისტრ ნიკოლ ფაშინიანი ვაშინგტონში, თეთრ სახლში აშშ-ის ვიცე-პრეზიდენტ ჯეიმს დევიდ ვენსს შეხვდა პრემიერ-მინისტრის აპარატის ცნობით, შეხვედრაზე განიხილეს სომხეთსა და აშშ-ს ორმხრივ ურთიერთობებსა და რეგიონულ დღის წესრიგთან დაკავშირებული საკითხები. ფაშინიანი შეერთებულ შტატებში რელიგიის თავისუფლების მე-5 ყოველწლიურ სამიტში მონაწილეობის მისაღებად ჩავიდა, რომელიც ვაშინგტონში იმართება.

13 თებერვალს სტრასბურგში, ევროპარლამენტში კენჭს უყრიან რეზოლუციას, „საქართველოში პოლიტიკური სიტუაციის გაუარესების შესახებ“. კენჭისყრა თბილისის დროით 15:00-დან 17:00 საათამდე გაიმართება. ინფორმაცია ევროპარლამენტის ვებგვერდზეა განთავსებული.  

Associated Press-ის ინფორმაციით, მიუნხენის უსაფრთხოების კონფერენციაზე უკრაინის დელეგაციას პრეზიდენტი ვოლოდიმირ ზელენსკი უხელმძღვანელებს. ღონისძიებას ასევე დაესწრებიან აშშ-ის ვიცე პრეზიდენტი ჯეი დი ვანსი და აშშ-ის პრეზიდენტის სპეციალური წარმომადგენელი უკრაინასა და რუსეთში კიტ კელოგი. უკრაინის პრეზიდენტის ადმინისტრაციის ხელმძღვანელის, ანდრეი ერმაკის განცხადებით, უკრაინის დელეგაცია წარადგენს ქვეყნის პოზიციას ომის დასრულებასთან დაკავშირებით და შეხედულებებს იმის შესახებ, თუ როგორ მიაღწიონ გრძელვადიან მშვიდობას. „ჩვენ ძალიან ახლოს ვართ ამ ომის დასრულებასთან სამართლიანი და ხანგრძლივი მშვიდობით, მაგრამ აუცილებელია ერთად ვიყოთ, არ მივცეთ რუსეთს მსოფლიოს გაყოფის, პარტნიორების გაყოფის შესაძლებლობა“, – აღნიშნა ერმაკმა. ერმაკმა დაადასტურა ინფორმაცია, რომ დონალდ ტრამპის სპეციალური წარმომადგენელი უკრაინასა…

„თუ ისინი დაგვემუქრებიან, ჩვენც დავემუქრებით. თუ ისინი განახორციელებენ ამ მუქარას, ჩვენც განვახორციელებთ ჩვენს მუქარას. თუ ისინი თავს დაესხმებიან ჩვენი ერის უსაფრთხოებას, ჩვენც უყოყმანოდ დავესხმებით თავს მათ უსაფრთხოებას“, – ამის შესახებ ირანის უზენაესმა ლიდერმა, აიათოლა ალი ხამენეიმ არმიის მეთაურებთან შეხვედრისას განაცხადა. მისი მტკიცებით, ირანმა საკუთარი გამოცდილებით იცის, რომ ამერიკის შეერთებულ შტატებთან მოლაპარაკება არაგონივრულია. ამ კონტექსტში მან შეერთებულ შტატებთან და სხვა ქვეყნების მთავრობებთან 2010-იან წლებში გამართული მოლაპარაკებები და მიღწეული შეთანხმება გაიხსენა და განაცხადა, რომ შეერთებულმა შტატებმა ამ შეთანხმებით გათვალისწინებული ვალდებულებები არ შეასრულა.