დღე: თებერვალი 3, 2025

რუსეთის საჰაერო თავდაცვის სისტემებმა ღამით როსტოვის, ვოლგოგრადის, ასტრახანის, ვორონეჟის, ბელგოროდისა და კურსკის ოლქებში 70 უკრაინული დრონი გაანადგურეს. ვოლგოგრადის გუბერნატორმა, ანდრეი ბოჩაროვმა განაცხადა, რომ რეგიონზე უპილოტო საფრენი აპარატის მასიური თავდასხმა მოიგერიეს. მისი თქმით, ნამსხვრევების ვარდნამ ნავთობგადამამუშავებელი ქარხნის ტერიტორიაზე ხანძარი გამოიწვია, რომლის ლოკალიზებაც ოპერატიულად განხორციელდა. „როსავიაციამ“ განაცხადა, რომ ფრენების უსაფრთხოების უზრუნველსაყოფად ვოლგოგრადის, ასტრახანის, ყაზანის, ულიანოვსკის, ნიჟნეკამსკის და სარატოვის აეროპორტებში დროებითი შეზღუდვები დააწესა.

ბერლინში კონსერვატორების მიერ შეთავაზებული მიგრაციის კანონის გამკაცრების გეგმა ათასობით ადამიანმა გააპროტესტა. ბერლინის პოლიციის ცნობით, ბრანდენბურგის კარიბჭესთან, ბუნდესტაგის ქვედა პალატის გვერდით, დაახლოებით 160 000 ადამიანი შეიკრიბა. აქციის მონაწილეებს ეჭირათ ბანერები წარწერებით : „არავითარი თანამშრომლობა AfD-სთან”, ,,მერც, წადი სახლში, გრცხვენოდეს!”. კანონპროექტი, რომელიც მიგრაციული პოლიტიკის გამკაცრებას ითვალისწინებს, კონსერვატორთა ლიდერმა, გერმანიის კანცლერობის კანდიდატმა „ქრისტიან-დემოკრატიული კავშირისა“ და „ქრისტიან-სოციალური კავშირის“ ბლოკიდან, ფრიდრიხ მერცმა, AfD-ის მხარდაჭერით წარადგინა, Reuters-ი წერს, რომ მერცმა ამით ულტრამემარჯვენე პარტიასთან თანამშრომლობის წინააღმდეგ ტაბუ დაარღვია.  

Forbes-ის ინფორმაციით, კომპანია SpaceX-ის დამფუძნებელმა და ტრამპის ადმინისტრაციაში აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა განაცხადა, რომ ამერიკის პრეზიდენტი დონალდ ტრამპი USAID-ის დახურვას დათანხმდა. მისი თქმით, ის რამდენჯერმე შეხვდა ტრამპს ამ თემაზე და USAID-ის დახურვაზე ჰკითხა: „დარწმუნებული ხართ?“. ტრამპმა თქვა, კი. „შესაბამისად, ჩვენ მას ვხურავთ“, – აღნიშნა მასკმა.

„თუ გაქვს ჭიანი ვაშლი, შეგიძლია ჭიის ამოღება, თუ გაქვს ჭიების მთელი გორგალი, უიმედო მდგომარეობაა. USAID-ი ჭიების გორგალია“, – ამის შესახებ კომპანია SpaceX-ის დამფუძნებელი და დონალდ ტრამპის ადმინისტრაციაში აშშ-ის მთავრობის ეფექტურობის დეპარტამენტის ხელმძღვანელი, ილონ მასკი X-ზე წერს. ცნობისთვის, ილონ მასკმა გუშინ განაცხადა, რომ USAID არის „კრიმინალური ორგანიზაცია და დროა მოკვდეს“. ,,იცოდით, რომ USAID-მა თქვენი საგადასახადო დოლარის გამოყენებით დააფინანსა ბიოიარაღის კვლევა, მათ შორის COVID-19, რომელმაც მილიონობით ადამიანი დაიღუპა?”, – დაწერა მასკმა X-ზე.

,,ლიეტუვა ქართველი ხალხის გვერდით დგას დემოკრატიისა და ევროპული მომავლისთვის მათ ბრძოლაში”, – წერს X-ზე ლიეტუვის საგარეო საქმეთა მინისტრი, კესტუტის ბუდრისი. ,,ვგმობთ საქართველოში მშვიდობიანი მომიტინგეების, ჟურნალისტებისა და პოლიტიკოსების მიმართ ძალადობრივ რეპრესიებს. ლიეტუვა ქართველი ხალხის გვერდით დგას დემოკრატიისა და ევროპული მომავლისთვის მათ ბრძოლაში”, – წერს ბუდრისი.

„დოიჩე ველეს” ინფორმაციით, გერმანიის კანცლერმა, ოლაფ შოლცმა და გაერთიანებული სამეფოს პრემიერ-მინისტრმა, კირ სტარმერმა შეხვედრაზე განაცხადეს, რომ კიევის დახმარებას გააგრძელებენ. „მოვიდა დრო, ჩვენ, როგორც ევროპელებმა და უკრაინის მეგობრებმა, საერთო სტრატეგია შევიმუშაოთ. ეს, უპირველეს ყოვლისა, ნიშნავს რომ ჩვენ გავაგრძელებთ კიევის მხარდაჭერას“, – განაცხადა შოლცმა. ასევე, ოლაფ შოლცსა და კირ სტარმერს შორის გამართული მოლაპარაკებების შედეგების შესახებ პრესრელიზი ბრიტანეთის მთავრობის ვებგვერდზე გამოქვეყნდა. „პრემიერ-მინისტრმა გაიმეორა, რომ მნიშვნელოვანია, უახლოეს თვეებში უკრაინის პოზიციები მაქსიმალურად ძლიერი იყოს, რათა მშვიდობა ძალის გამოყენებით მიიღწევა. ლიდერები შეთანხმდნენ, რომ რუსეთის სრულმასშტაბიანი შეჭრა უკრაინაში ხაზს უსვამს ევროპაში თავდაცვის წარმოების გაზრდისა და კოორდინაციის მნიშვნელობას“,…

უკრაინის პრეზიდენტის, ვოლოდიმირ ზელენსკის მრჩეველი, დიმიტრო ლიტვინი უკრაინასა და რუსეთში აშშ-ის პრეზიდენტის, დონალდ ტრამპის სპეციალურ წარმომადგენელს, კიტ კელოგის განცხადებას ეხმაურება, რომლის თქმითაც უკრაინაში არჩევნები უნდა ჩატარდეს. „არ გვინახავს ბატონი კელოგის სრული ინტერვიუ, ჩვენ ვნახეთ მხოლოდ რამდენიმე ციტატა არჩევნების შესახებ, ამიტომ მისი პოზიციის სრულად შეფასება რთულია. მაგრამ თუ მისი გეგმა მხოლოდ ცეცხლის შეწყვეტა და არჩევნებია, ეს წარუმატებელი გეგმაა – პუტინი მხოლოდ ამ ორი რამით არ შეშინდება. მოსკოვი აგრძელებს რაკეტებისა და საბრძოლო მასალის წარმოების გაზრდას, სანქციების გვერდის ავლის ახალი გზების პოვნას და ნავთობიდან ფულის შოვნას. ცხადია, ყველა ეს იარაღი არ იქმნება დემოკრატიული…

Telegram არხების ინფორმაციით, პრიმორსკის მხარის ვიცე-გუბერნატორი სერგეი ეფრემოვი, კურსკის ოლქში, ავტომანქანით გადაადგილებისას ნაღმზე აფეთქდა. მის გარდა, დაიღუპა რუსული არმიის ოფიცერიც. ეფრემოვი სამხედრო სასწავლებლის კურსდამთავრებული იყო, პრიმორიეში ხელმძღვანელობდა ჯარის, ავიაციისა და ფლოტის ხელშეწყობის საზოგადოებას. 2022 წელს, ომის დაწყების შემდეგ მეთაურობდა მოხალისეთა რაზმ ტიგრს. 2024 წლის თებერვალში დაბრუნდა ფრონტიდან და გახდა პრიმორიეს ვიცეგუბერნატორი, კურსკში სამხედრო ოპერაციის დაწყების შემდეგ, მეორედ გაემგზავრა ომში, ამჯერად კურსკის ოლქში. 2023 წელს მიიღო თვითგამოცხადებული დონეცკის სახალხო რესპუბლიკის ორდენი დნრ-ის გმირი.

,,ჩვენ გვაქვს დაგეგმილი შეხვედრები და მოლაპარაკებები სხვადასხვა მხარესთან, მათ შორის უკრაინასთან და რუსეთთან და ვფიქრობ, რომ ეს დისკუსიები რეალურად საკმაოდ კარგად მიმდინარეობს”, – განაცხადა აშშ-ის პრეზიდენტმა, დონალდ ტრამპმა ჟურნალისტებთან საუბრისას. დონალდ ტრამპის ამ განცხადებამდე, მისმა სპეციალურმა წარმომადგენელმა უკრაინასა და რუსეთში, კიტ კელოგმა განაცხადა, რომ თუ რუსეთსა და უკრაინას ომის მოლაპარაკებების გზით მოგვარება სურთ, ორივე მხარეს გარკვეულ დათმობაზე წასვლა მოუწევს.

,,მიუღებელია მშვიდობიანი მომიტინგეების, ჟურნალისტებისა და პოლიტიკოსების სასტიკი დარბევა, საქართველომ კანდიდატი ქვეყნის არანაირი მოლოდინი არ გაამართლა”, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, კაია კალასი X-ზე წერს. ,,მიუღებელია მშვიდობიანი მომიტინგეების, ჟურნალისტებისა და პოლიტიკოსების სასტიკი დარბევა, რაც თბილისში ამ საღამოს მოხდა. საქართველომ კანდიდატი ქვეყნის არანაირი მოლოდინი არ გაამართლა. ევროკავშირი დგას ქართველი ხალხის გვერდით მათ ბრძოლაში თავისუფლებისა და დემოკრატიისთვის”, – წერს კალასი.

,,დროა, ევროკავშირმა სანქცია დაუწესოს არალეგიტიმურ ივანიშვილს და მის ახლობლებს, რომლებმაც გააყალბეს არჩევნები და ახლა სასტიკად არბევენ ქართველ ხალხს”, – საქართველოში განვითარებულ მოვლენებს ამერიკელი კონგრესმენი, ჰელსინკის კომისიის თავმჯდომარე, ჯო უილსონი X-ზე ეხმაურება. ,,მე კვლავ შთაგონებული ვარ ქართველი ხალხის სიმამაცით, რომელიც 67-ე დღეა ამ წუთებშიც ქუჩაში დგას ივანიშვილის უკანონო რეჟიმის გასაპროტესტებლად. ამ სასტიკმა რეჟიმმა გაუყალბა არჩევნები და ახლა მათ ესხმის თავს, აკავებს და მათ სახლებს არბევს. დროა, ევროკავშირმა სანქცია დაუწესოს არალეგიტიმურ ივანიშვილს და მის ახლობლებს, რომლებმაც გააყალბეს ოქტომბრის არჩევნები და ახლა სასტიკად არბევენ ქართველ ხალხს. სამწუხაროდ, უნგრეთი და სლოვაკეთი არასწორად ბლოკავენ სანქციებს.…

,,საქართველო ამ მთავრობით ვერასდროს შევა NATO-სა და ევროკავშირში”, – წერს X-ზე აშშ-ის ეროვნული უშიშროების საბჭოს ევროპის მიმართულების ყოფილი უფროსი დირექტორი, მაიკლ კარპენტერი. ,,ამაზრზენია ის, რაც ხდება საქართველოს ქუჩებში. რეჟიმის ავაზაკები ძალადობრივად სცემენ დემონსტრანტებს. საქართველო ამ მთავრობით ვერასდროს შევა NATO-სა და ევროკავშირში”, – წერს კარპენტერი.