“უკრაინის დაზვერვის მთავარი სამმართველოს სტრუქტურაში დანაყოფი, სახელწოდებით „ქართული ეროვნული ლეგიონი“, არ არსებობს” – ამის შესახებ ინფორმაციას უკრაინული მედია ქვეყნის თავდაცვის სამინისტროს დაზვერვის მთავარი სამმართველოს განცხადებაზე დაყრდნობით ავრცელებს. ამ განცხადებით, დაზვერვის მთავარი სამმართველო სლოვაკეთის პრემიერ-მინისტრის, რობერტ ფიცოს განცხადებას ეხმაურება. „უკრაინის თავდაცვის სამინისტროს დაზვერვის მთავარი სამმართველო ოფიციალურად იუწყება, რომ მის სტრუქტურაში დანაყოფი, სახელწოდებით „ქართული ეროვნული ლეგიონი“, არ არსებობს“ – ნათქვამია განცხადებაში. მანამდე, რობერტ ფიცომ „ქართული ლეგიონის“ მებრძოლები სლოვაკეთში მიმდინარე ანტისამთავრობო საპროტესტო აქციებში მონაწილეობაში დაადანაშაულა.
მეტი...“დანაყოფი, სახელწოდებით „ქართული ეროვნული ლეგიონი“, არ არსებობს”- უკრაინის დაზვერვა
