დღე: იანვარი 28, 2025

“საქართველოში ყველა უკანონოდ დაკავებული უნდა გათავისუფლდეს, დემონსტრაციების დროს პოლიციის მიერ ძალის გამოყენება უნდა გამოიძიოს”- ამის შესახებ გაეროს ადამიანის უფლებების საკითხებში უმაღლესი კომისრის ოფისი ანგარიშს ავრცელებს. ანგარიში ადამიანის უფლებებში დამოუკიდებელი ექსპერტების მიერაა მომზადებული. „მივიღეთ ცნობები საქართველოში სამართალდამცავებისა და უნიფორმების ან სხვა მაიდენტიფიცირებელი ნიშნების არმქონე პირების მიერ მშვიდობიანი დემონსტრანტების, ადამიანის უფლებების დამცველებისა და ჟურნალისტების წინააღმდეგ განზრახ ფიზიკური ძალადობის, მუქარების, დაშინებისა და შურისძიების შესახებ“, – ნათქვამია ანგარიშში. დამოუკიდებელი ექსპერტები აღნიშნავენ, რომ ამ ბრალდებების მასშტაბი და დემონსტრანტებისთვისა და მოგვიანებით დაკავებული პირებისთვის მოყენებული დაზიანებების სიმძიმე შესაძლებელია კვალიფიცირდეს როგორც წამება და სხვა სასტიკი, არაადამიანური და დამამცირებელი მოპყრობა…

რუსთაველის გამზირზე საპროტესტო აქცია განახლდა. დღეს პროტესტის 62-ე დღეა. მოქალაქეები ქვეყანაში ხელახალი არჩევნების ჩატარებას და აქციაზე დაკავებულების გათავისუფლებას მოითხოვენ. ამ დროისთვის რუსთაველის გამზირი გადაკეტილია. თბილისის გარდა, აქცია რეგიონებშიც ტარდება.  

საპარლამენტო უმრავლესობის წევრმა, ევროპის საბჭოს საპარლამენტო ასამბლეაში საქართველოს საპარლამენტო დელეგაციის ხელმძღვანელმა, თეა წულუკიანმა განაცხადა, რომ საქართველოს დელეგაცია დღესვე დაარეგისტრირებს პროექტზე ცვლილებას, რომელიც ხვალ პლენალურ სხდომაზე განიხილება. მისი თქმით, ოპოზიციას აქედან ყველანაირი მიზეზის გარეშე გაშვების პროექტი ჩაუვარდა. „დასრულდა დღევანდელი დღე. მონიტორინგის კომიტეტმაც უკვე გამოაქვეყნა ის დოკუმენტი, რომლის შემუშავებაც ჰქონდა დავალებული. შესაბამისად, ახლა უკვე ღიად მინდა გითხრათ, რომ კომიტეტზე იყო ორი ვარიანტი განხილული: ერთი – რომ ჩვენ უკვე ხვალვე ახალი მოწვევის პარლამენტის დელეგაცია გავეშვით ასამბლეიდან, როგორც იყო ეს ჩვენი ექსტრემისტი ოპოზიციის და მათი ექსტრემისტი მოკავშირეების სურვილი; მეორე ვერსია იყო ის, რომ რატიფიცირებული…

ესტონეთის ელჩი, მარგე მარდისალუ-კაჰარი აცხადებს, რომ საქართველოში მედიისთვის ბნელი დღეებია. „საქართველოში ევროკავშირის წარმომადგენლობა შეხვდა „ბათუმელებს”, „ნეტგაზეთს” მზია ამაღლობელის მხარდასაჭერად, რომელსაც ციხეში 7-წლიანი პატიმრობა ემუქრება. ის მე-17 დღეა შიმშილობს და მისი მდგომარეობა უკიდურესად შემაშფოთებელია. მისი დაუყოვნებლივ გათავისუფლების მოწოდებით გამოვდივართ. შავი დღეებია თავისუფალი მედიისთვის საქართველოში“ – წერს მარდისალუ-კაჰარი.  

ევროპის საბჭოს გენერალურმა მდივანმა, ალენ ბერსემ განაცხადა, რომ თბილისში ვიზიტს მოჰყვა შედეგები: არაპროპორციული ძალის გამოყენების თავიდან აცილების ვალდებულება, პოლიციის მხრიდან ძალადობის ბრალდებების დამოუკიდებელი, გამჭვირვალე და ეფექტური გამოძიების გარანტია. „ჩვენ ყოველთვის პირდაპირ უნდა ვთქვათ სათქმელი და ეს პატიოსნად და ობიექტურად გავაკეთოთ. სწორედ ამ განწყობით ვიმყოფებოდი საქართველოში დიდ დელეგაციასთან ერთად და ამავე სულისკვეთებით გაემგზავრნენ თქვენი მომხსენებლებიც. ადამიანის უფლებათადამცველი კომისარი რამდენიმე დღის წინ იმყოფებოდა საქართველოში. და ვიზიტმა, რომელიც დეკემბერში მქონდა თბილისში, მოგვცა შედეგები – არაპროპორციული ძალის გამოყენების თავიდან აცილების ვალდებულება, პოლიციის მხრიდან ძალადობის ბრალდებების დამოუკიდებელი, გამჭვირვალე და ეფექტური გამოძიების გარანტია. ასევე მზაობა ერთობლივი…

ბათუმში, სპეციალურ საგამოძიებო სამსახურთან „ბათუმელებისა“ და „ნეტგაზეთის“ დამფუძნებლის, მზია ამაღლობელის მხარდამჭერი საპროტესტო აქცია გაიმართა. ჟურნალისტები მოითხოვენ, რომ მზია ამაღლობელს დაზარალებულის სტატუსი მიენიჭოს. „მოვითხოვთ, მიენიჭოს მზია ამაღლობელს დაზარალებულის სტატუსი. სპეციალურმა საგამოძიებო სამსახურმა დაიწყოს გამოძიება ბათუმის პოლიციის უფროსის მიერ მზია ამაღლობელის მიმართ არაადამიანური მოპყრობისა და დამცირების ფაქტზე. შეუჩერდეს სამსახურებრივი უფლებამოსილება ბათუმის პოლიციის უფროსს ირაკლი დგებუაძეს. რატომ არ ენიჭება მზია ამაღლობელს დაზარალებულის სტატუსი? გამოიკითხა ბათუმის პოლიციის უფროსი ირაკლი დგებუაძე? რა საგამოძიებო მოქმედებები ჩაატარეთ ირაკლი დგებუაძის მხრიდან ჩადენილ სავარაუდო დანაშაულზე? რატომ არ გამოიძიეთ საპროტესტო აქციებზე ჟურნალისტებზე თავდასხმის ფაქტები?”- აცხადებენ ჟურნალისტები.

აშშ-ის ჰელსინკის კომისიის თავმჯდომარე, კონგრესმენი ჯო უილსონი პარტია „ქართული ოცნების“საპატიო თავმჯდომარის, ბიძინა ივანიშვილისა და მისი ოჯახის დასანქცირების მოთხოვნით კიდევ ერთხელ გამოდის. ამის შესახებ, კონგრესმენი X-ის საკუთარ გვერდზე წერს. მისი განცხადებით,  რომ აშშ-ს შეუძლია სანქციების დაწესება იმ ინსტიტუტებისთვის, რომლებიც ივანიშვილის ქონებას მართავს. „ევროკავშირსა და დიდ ბრიტანეთს მოვუწოდებ დაასანქცირონ ბიძინა ივანიშვილი, მისი უახლოესი ოჯახი და მისი ახლო მეგობრები. შეერთებულ შტატებს შეუძლია მეორადი სანქციებით დაწესება იმ ინსტიტუტების წინააღმდეგ, რომლებიც მის უკანონო სიმდიდრეს მართავენ. ტრამპი ამას გამოასწორებს“ – წერს უილსონი.  

საქართველოში საფრანგეთის ელჩი, შერაზ გასრი X-ის საკუთარ გვერდზე წერს, რომ „ბათუმელების“ რედაქტორი მზია ამაღლობელი დაკავებულია და შიმშილობს, მაშინ როდესაც ის დაცული უნდა იყოს. ის შესაბამის უწყებებს ამაღლობელის გათავისუფლებას მოუწოდებს. „ევროკავშირის წარმომადგენლები შეხვდნენ ნესტან ცეცხლაძეს, “ბათუმელებს”, ეთერ თურაძესა და „ნეტგაზეთს” მზია ამაღლობელის მხარდასაჭერად, რომელიც დაკავებულია და შიმშილობს მაშინ, როდესაც ის დაცული უნდა იყოს. დაკავებულების გამოშვების მოწოდებით გამოვდივართ” – წერს გასრი.

,,სალომე ზურაბიშვილი მაკკეინის ინსტიტუტის მიერ დაქირავებული ადამიანია და მოქმედებს მაკკეინის ინსტიტუტის დღის წესრიგის შესასრულებლად”, – განაცხადა საქართველოს პარლამენტის თავმჯდომარემ, შალვა პაპუაშვილმა. როგორც მან აღნიშნა, მაკკეინის ინსტიტუტი ცდილობს, საკუთარ დაქირავებულ ადამიანებს საქართველოში სიტუაცია აარევინონ. „თეთრი ძაფით ნაკერი საკითხებია. სალომე ზურაბიშვილი მაკკეინის ინსტიტუტის მიერ დაქირავებული ადამიანია და მოქმედებს მაკკეინის ინსტიტუტის დღის წესრიგის შესასრულებლად. დღისით, მზისით, ცდილობენ, საკუთარ დაქირავებულ ადამიანებს აარევინონ სიტუაცია საქართველოში. მაკკეინის ინსტიტუტიდან უკვე ვიცით, ერთი ლორა თორნთონი და მეორე – სალომე ზურაბიშვილი, ვიცით, არც ერთს და არც მეორეს ქართველი ხალხისთვის და საქართველოსთვის სიკეთე არ უნდა“, – განაცხადა პაპუაშვილმა.

თბილისის საკრებულოში წლის პირველი სხდომა მიმდინარეობს, რომელზეც დეპუტატები ბიუჯეტზე მსჯელობენ. ამ საკითხთან დაკავშირებით განცხადება თბილისის საკრებულოს თავმჯდომარემ, გიორგი ტყემალაძემ, გააკეთა და დასძინა, რომ ქალაქის ბიუჯეტმა ისტორიულ ნიშნულს, 2 192,862.9 ათას ლარს, მიაღწია. თბილისის საკრებულოს თავმჯდომარის თქმით, ბიუჯეტის ზრდა თბილისისთვის მნიშვნელოვან შესაძლებლობებს გააჩენს და ეს თანხები სხვადასხვა პრიორიტეტული მიმართულების პროექტებს მოხმარდება. ასევე, სხდომაზე განიხილავენ 40-მდე საკითხს, მათ შორის, სპორტის აკადემიის ტერიტორიაზე მეგა-კომპლექსზე 12 სართულის დამატების ნებართვას. პროექტს აპროტესტებს ოპოზიცია, რომელიც ბოიკოტის რეჟიმშია და სხდომებს არ ესწრება.

სპეციალურ საგამოძიებო სამსახურთან „ბათუმელებისა“ და „ნეტგაზეთის“ დამფუძნებლის, მზია ამაღლობელის სოლიდარობის მიზნით, მედიის წარმომადგენლები მორიგ აქციას მართავენ. აქციის მონაწილეების მოთხოვნაა, გათავისუფლდეს მზია ამაღლობელი. მედიის წარმომადგენლები მზია ამაღლობელის ჯანმრთელობის მდგომარეობაზე პასუხისმგებლობას ხელისუფლებას აკისრებენ. მათი თქმით, 17-დღიანი შიმშილობის შემდეგ, ამაღლობელის ჯანმრთელობასთან დაკავშირებით შესაძლოა სერიოზული საფრთხეები არსებობდეს.

,,სერბეთი გვაძლევს მაგალითს, ორთვიანი პროტესტის შემდეგ გადადგა პრემიერი!”, – წერს საქართველოს მეხუთე პრეზიდენტი სალომე ზურაბიშვილი. ,,სერბეთი დღეს გვაჩვენებს სწორ გზას და გვაძლევს მაგალითს. ორთვიანი პროტესტის შემდეგ გადადგა პრემიერი! ასე უფრთხილდებიან ქვეყანაში მშვიდობას და საზოგადოებრივ განწყობებს!”, – წერს ზურაბიშვილი. მილოშ ვუჩევიჩიმ სერბეთის პრემიერ-მინისტრის თანამდებობა დატოვა

,,საარჩევნო კოდექსში“ ხორციელდება ცვლილებები, რომლის მიხედვით, საუბნო საარჩევნო კომისიის წევრთა ფუნქციების გასანაწილებელი წილისყრა კენჭისყრამდე არაუგვიანეს მე-7 დღისა გაიმართება. ,,ქართული ოცნების“ დეპუტატების მიერ მომზადებული კანონპროექტის თანახმად, ,,საარჩევნო კოდექსში“ ჩაიწერება, რომ საუბნო საარჩევნო კომისიის წევრთა ფუნქციების გასანაწილებელი წილისყრა კენჭისყრამდე არაუგვიანეს მე-7 დღისა ტარდება. ჯერ კიდევ მოქმედი კანონის გათვალისწინებით კი, აღნიშნული პროცედურა არჩევნების დღის – დილის 07:00 საათიდან 08:00 საათამდე პერიოდში უნდა გაიმართოს.

ბათუმის საქალაქო სასამართლოს მოსამართლემ, ლევან ყოლბაიამ ხელოვნების უნივერსიტეტის დეკანი მამუკა ჯორბენაძე და ამავე უნივერსიტეტის 3 სტუდენტი – გურამ მიქელაძე, დავით გვიანიძე და გიორგი დავითაძე 5000-ლარიანი გირაოს სანაცვლოდ გაათავისუფლა, ხოლო 1 სტუდენტი, ანრი კაკაბაძე პატიმრობაში დატოვა. ანრი კაკაბაძის შემთხვევაში მოსამართლემ გაითვალისწინა, ბრალდების მხარის არგუმენტი, რომ იგი წარსულში ნასამართლევია. შეგახსენებთ, რომ ბათუმის ხელოვნების უნივერსიტეტში პროფესორი და ერთ-ერთი ფაკულტეტის დეკანი, მამუკა ჯორბენაძე და 4 სტუდენტი 9 დეკემბერს დააკავეს. მათ გამოძიება ჯგუფური ძალადობის ჩადენას ედავება. გამოძიების ინფორმაციით, 2024 წლის 3 დეკემბერს, ბათუმში გამართული საპროტესტო აქციის ფარგლებში, აქციის მონაწილეთა ჯგუფი ბათუმის ხელოვნების სასწავლო უნივერსიტეტში შევიდა რექტორის…

ნარკოდანაშაულში ბრალდებული 22 წლის თედო აბრამოვი კვლავ პატიმრობაში რჩება. აღნიშნული გადაწყვეტილება თბილისის საქალაქო სასამართლოს მოსამართლემ ლელა კალოჩენკომ მიიღო. აბრამოვი 7 დეკემბერს სამართალდამცავებმა იმ დროს დააკავეს, როცა ის რუსთაველზე, საპროტესტო აქციაზე მიდიოდა. მას ბრალდება სისხლის სამართლის კოდექსის 260-ე მუხლის მე-6 ნაწილით მიმდინარეობს, რაც განსაკუთრებით დიდი ოდენობით ნარკოტიკული საშუალების შეძენა, შენახვა ტარებას გულისხმობს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.

„კოალიცია ცვლილებისთვის“ წევრი, პოლიციელზე თავდასხმაში ბრალდებული საბა სხვიტარიძე კვლავ პატიმრობაში რჩება. აღნიშნული გადაწყვეტილება თბილისის საქალაქო სასამართლოს მოსამართლე ნატო ხუჯაძემ მიიღო. სხდომას ამერიკის საელჩოს წარმომადგენელი და ევროკავშირის დელეგაცია ესწრებოდა. საბა სხვიტარიძეს ბრალდება სისხლის სამართლის კოდექსის 353-ე პრიმა მუხლის მეორე ნაწილით აქვს წარდგენილი, რაც პოლიციელის ჯანმრთელობის ხელყოფას სამსახურებრივ საქმიანობასთან დაკავშირებით გულისხმობს. სახელმწიფო ბრალდების განმარტებით, სხვიტარიძის ქმედების შედეგად სამართალდამცავმა ფიზიკური დაზიანება მიიღო, კერძოდ კი, მას თავი ჰქონდა გატეხილი. აღნიშნული ქმედება სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.

„კენჭისყრაზე გამოჩნდება, გაიმარჯვებს თუ არა ექსტრემისტი ქართული ოპოზიცია. ყველაფერს ვაკეთებთ, რომ ჩვენი ამომრჩეველი, რომლისთვისაც ძვირფასია სამშობლო და მისი სტაბილურობა, ღირსეულად იყოს წარმოდგენილი“, – განაცხადა საქართველოს პარლამენტის თავმჯდომარის მოადგილემ, თეა წულუკიანმა. ,,პროცედურა აღიძრა, პროცედურა მიმდინარეობს, ჩვენ მოგვეცა ჩვენი პოზიციის გამოთქმის საშუალება, თუმცა როდესაც ქვეყნის ბედი წყდება, ალბათ რამდენიმე წუთში ეს არ უნდა წყდებოდეს და ამის შესახებ მე პლენარულ სხდომაზეც, როცა მომეცა გამოსვლის საშუალება, გამოვთქვი წუხილი, რომ ნამდვილი დებატები უნდა იმართებოდეს, როდესაც ასეთი საკითხი წყდება, და მით უმეტეს იმ ქვეყნის, რომლის 20% კვლავ ოკუპირებულია რუსეთის ფედერაციის მიერ. შედგება კენჭისყრა და იქ გამოჩნდება,…