დღე: იანვარი 26, 2025

აშშ-ის პრეზიდენტი, დონალდ ტრამპი არაბულ სახელმწიფოებს ღაზის სექტორიდან პალესტინელი ლტოლვილების მიღებისკენ მოუწოდებს. მისი განცხადებით, ეს წინადადება უკვე განიხილა იორდანიის მეფე აბდულა მეორესთან სატელეფონო საუბრისას, ხოლო 26 იანვარს გეგმავს ამ საკითხის განხილვას ეგვიპტის პრეზიდენტთან, აბდელ ფატაჰ ალ-სისისთან. „რაღაც უნდა მოხდეს, რაღაც უნდა შეიცვალოს, ის ფაქტობრივად განადგურების ადგილია, თითქმის ყველაფერი განადგურებულია და ხალხი იხოცება“-  განაცხადა ტრამპმა. აშშ-ის პრეზიდენტის თქმით, ამ სიტუაციაში ურჩევნია, ითანამშრომლოს ზოგიერთ არაბულ ქვეყანასთან, რათა ააშენოს საცხოვრებელი სახლები პალესტინელი ლტოლვილებისთვის ღაზას სექტორის გარეთ, „სადაც ისინი მშვიდობიანად იცხოვრებენ“.

მეტი...

აშშ-ის პრეზიდენტი, დონალდ ტრამპი, შესაძლოა, პირველი საერთაშორისო ვიზიტით საუდის არაბეთში ან დიდ ბრიტანეთში ჩავიდეს. „ეს, შეიძლება, იყოს საუდის არაბეთი ან, შეიძლება, ტრადიციულად იყოს დიდი ბრიტანეთი“- ასე უპასუხა დონალდ ტრამპმა ჟურნალისტის კითხვას, თუ სად შეიძლება გაემგზავროს პირველი საერთაშორისო ვიზიტით. ტრამპმა აღნიშნა, რომ დიდი ბრიტანეთის პრემიერ-მინისტრთან, კირ სტარმერთან „ძალიან კარგი ურთიერთობა აქვს“. ტრამპის თქმით, მომდევნო 24 საათის მანძილზე მათ ექნებათ სატელეფონო საუბარი.

მეტი...

ბელარუსში საპრეზიდენტო არჩევნები მიმდინარეობს. საარჩევნო უბნები ადგილობრივი დროით 08:00 საათზე გაიხსნა და 20:00 საათზე დაიხურება. ქვეყნის მასშტაბით, ჯამში, 5 325 საარჩევნო უბანია გახსნილი. მოქალაქეებს არჩევანის გაკეთება ხუთ კანდიდატს შორის მოუწევთ, მათ შორის არის ალექსანდრ ლუკაშენკო, რომელიც არჩევნებში მეათე ხუთწლიანი ვადის მოსაპოვებლად მონაწილეობს.  

მეტი...