დღე: იანვარი 26, 2025

იორდანია ღაზაში მცხოვრები პალესტინელების გადაადგილების წინააღმდეგია. როგორც იორდანიის საგარეო საქმეთა მინისტრი აიმან საფადი აცხადებს, მათი გადაწყვეტილება მტკიცე და ურყევია. საფადმა ეს განცხადება მას შემდეგ გააკეთა, რაც ამერიკის პრეზიდენტმა, დონალდ ტრამპმა არაბულ სახელმწიფოებს ღაზის სექტორიდან პალესტინელი ლტოლვილების მიღებისკენ მოუწოდა. „ჩვენი პოზიცია ორი სახელმწიფოს გადაწყვეტის მიღწევაზე არის მტკიცე და ურყევი. ჩვენი წინააღმდეგობა პალესტინელების გადაადგილებაზე ასევე არის მტკიცე და ურყევი. ეს არ არის მხოლოდ მტკიცე და ურყევი პოზიცია, არამედ ის ასევე აუცილებლობაა უსაფრთხოების, სტაბილურობისა და მშვიდობის მისაღწევად, რაც ჩვენ ყველას გვსურს“-  აღნიშნა აიმან საფადმა.  

მეტი...

უნგრეთის პრემიერ-მინისტრი, ვიქტორ ორბანი წერს, რომ “ბრიუსელის ბიუროკრატებმა” ევროკავშირი დანარჩენი მსოფლიოსგან იზოლაციაში მოაქციეს. როგორც ორბანი აღნიშნავს, უნგრეთს არ სურს, ევროკავშირი ლუზერთა კლუბად იქცეს. „ევროკავშირი იზოლაციაში მოექცა მისი ამჟამინდელი ლიდერების მიერ. ნუ მისცემთ უფლებას, მოგატყუონ, როცა იზოლირებულებს ჩვენ გვეძახიან. ჩვენ შევეჩეხეთ ძველ კომუნისტურ ხრიკს: ისინი ყოველთვის ადანაშაულებენ ოპონენტებს იმაში, რასაც თავად აკეთებენ. სიმართლე ისაა, რომ არცერთი სხვა კონტინენტი არ არის ისეთი იზოლირებული მსოფლიო წესრიგის ყველა მთავარი მოთამაშისგან. ევროპა იზოლირებულია ამერიკის ახალი ხელმძღვანელობისგან, ევროპელმა ლიბერალებმა დონალდ ტრამპი დემონად დახატეს და ეს, სამწუხაროდ, გვახსოვს არა მხოლოდ ჩვენ, არამედ აშშ-ის ახალ ადმინისტრაციასაც. ევროკავშირი ჩინეთისგან…

მეტი...

ილონ მასკი თავის სოციალურ ქსელში წერს, რომ სრუტეს, რომელიც დიდ ბრიტანეთსა და საფრანგეთს ყოფს, ჯორჯ ვაშინგტონის სახელი უნდა დაერქვას. “მექსიკის ყურის” შემდეგ “ლა-მანშის სრუტე”- წერს მასკი. მანამდე, შტატების პრეზიდენტის ბრძანებით, “მექსიკის ყურეს” სახელი ოფიციალურად შეეცვალა და “ამერიკის ყურე” ეწოდა.  

მეტი...

უკრაინის პრეზიდენტის, ვოლოდიმირ ზელენსკის ინფორმაციით, რუსებმა მათ წინააღმდეგ გამოიყენეს დაახლოებით 1 250 საავიაციო ბომბი, 750-ზე მეტი თავდასხმის დრონი და 20-ზე მეტი სხვადასხვა ტიპის რაკეტა გამოიყენეს. „მხოლოდ გამბედაობას შეუძლია შეაჩეროს ასეთი ტერორისტები. მუდმივად ვმუშაობთ ჩვენს პარტნიორებთან, რათა გავაძლიეროთ ჩვენი თავდაცვითი შესაძლებლობები და შევამციროთ რუსეთის უნარი, განახორციელოს უკრაინის ტერორი“, – წერს ზელენსკი.    

მეტი...

ალექსანდრე ლუკაშენკოს განცხადებით, მისთვის არ აქვს მნიშვნელობა, აღიარებს თუ არა ევროკავშირი ბელარუსის საპრეზიდენტო არჩევნების შედეგს. „აღიარებთ თუ არა ამ არჩევნებს ევროკავშირში, ეს გემოვნების საკითხია. დამიჯერეთ, ვფიცავ, აბსოლუტურად არ მადარდებს, აღიარებთ თუ არა ჩვენს არჩევნებს“- აღნიშნა ლუკაშენკომ. მისი თქმით, მთავარია, არჩევნები ბელარუსმა ხალხმა აღიაროს და ისევე მშვიდობიანად დამთავრდეს, როგორც დაიწყო.

მეტი...

“ბოლო სამმა წელმა აჩვენა, რომ სანქციები უაზროა, სანქციებმა ზიანი მიაყენა ევროპის ეკონომიკას, უზარმაზარი ეკონომიკური ზიანი მიაყენა უნგრეთს” – ამის შესახებ უნგრეთის საგარეო საქმეთა მინისტრმა, პიტერ სიიარტომ რუსეთის წინააღმდეგ დაწესებულ სანქციებზე კომენტირებისას განაცხადა. სიიარტოს მტკიცებით, სანქციებით გამოწვეული სირთულეები, გამოწვევები და ზიანი კიდევ უფრო გაიზარდა იმ შემზღუდავი ზომებით, რაც უკრაინამ მისი ტერიტორიის გავლით ენერგორესურსების მიწოდებაზე დააწესა. „ყოველთვის ვამბობდით, რომ სანქციების პოლიტიკა წარუმატებლად მიგვაჩნია და ახლა ვფიქრობ, რომ სანქციებით მიყენებული ზიანის დონემ კრიტიკულ დონემდე მიაღწია. მეტიც, ახალი ვითარებაა, შეერთებული შტატების ახალი პრეზიდენტიც ეძებს გამოსავალს რუსეთთან და ვფიქრობ, რომ ამ ძიების შედეგი არ შეიძლება უგულებელყოფილ…

მეტი...

ბელარუსის პრეზიდენტის, ალექსანდრე ლუკაშენკოს განცხადებით, ეუთო/ოდირს თავად არ სურდა ბელარუსში ჩასვლა და საპრეზიდენტო არჩევნებზე დაკვირვება. მისი მტკიცებით, ეუთო/ოდირს მიწვევა გაუგზავნეს, თუმცა მათ განაცხადეს, რომ გაგზავნა დაგვიანებული იყო. “უბრალოდ არ გინდოდათ ჩამოსვლა. არავისთვის აგვიკრძალავს ბელარუსში შემოსვლა“ – განაცხადა ლუკაშენკომ. ბელორუსში საპრეზიდენტო არჩევნები მიმდინარეობს.  

მეტი...

სუდანში, საავადმყოფო აფეთქდა. შემთხვევის შედეგად 70 ადამიანი დაიღუპა, 19 კი დაშავდა. ამის შესახებ ინფორმაცია მსოფლიო ჯანდაცვის ორგანიზაციის თავმჯდომარემ სოციალურ ქსელში გაავრცელა. უპილოტო საფრენი მოწყობილობით თავდასხმა, ქალაქ ელ ფიშერში, ერთადერთ მოქმედ სამედიცინო პუნქტზე განხორციელდა. ადგილობრივი მთავრობა თვლის, რომ თავდასხმის უკან სამოქალაქო ომის ერთ-ერთი მხარე ე.წ. სწრაფი მხარდაჭერის ძალები დგას.

მეტი...

აშშ-ის პრეზიდენტმა, დონალდ ტრამპმა გააუქმა მისი წინამორბედის, ჯო ბაიდენის ადმინისტრაციის მიერ დაწესებული აკრძალვა ისრაელისთვის 900-კილოგრამიანი ბომბების მიწოდების თაობაზე. ინფორმაციას, „ბლუმბერგი“ ავრცელებს. „ისრაელელები დიდი ხანია, ელოდებიან ამას, ისინი დიდი ხანია, საწყობში ინახება“- განაცხადა ტრამპმა. ჟურნალისტის კითხვაზე, რატომ მიიღო ეს გადაწყვეტილება, ტრამპმა უპასუხა: „რადგან ისრაელელებმა იყიდეს ისინი“.

მეტი...

აშშ-ის პრეზიდენტის, დონალდ ტრამპის წარმომადგენელი რიჩარდ გრენელი სერბეთში მიმდინარე აქციასთან დაკავშირებით სოციალურ ქსელში წერს. მისი განცხადებით, დემოკრატიული პროცესი დაცული უნდა იყოს. „ყოველთვის მნიშვნელოვანია ხმის ამაღლება, რათა მოგისმინონ. თუმცა, ყველამ უნდა დაგმოს ძალადობა და მშვიდობიან დემონსტრაციებს მიემხროს. დემოკრატიული პროცესი დაცული უნდა იყოს. ჩვენ მხარს არ ვუჭერთ მათ, ვინც ძირს უთხრის კანონის უზენაესობას ან ვინც ძალისმიერად იღებს სამთავრობო შენობებს. თუ არ მოგწონთ კანონი ან ლიდერი, იმუშავეთ ამის შესაცვლელად, მაგრამ არ მიმართოთ ძალადობას“- აცხადებს რიჩარდ გრენელი.  

მეტი...

უკრაინის პრეზიდენტი ვოლოდიმირ ზელენსკი აცხადებს, რომ აშშ-ის პრეზიდენტს დონალდ ტრამპს აქვს ომის დასრულების რეალური შანსი. ამის შესახებ მან მაია სანდუს ვიზიტის ფარგლებში გამართულ პრესკონფერენციაზე ისაუბრა. “დარწმუნებული ვარ, რომ ტრამპს აქვს რეალური შანსი დაასრულოს ომი. თუმცა, ამის განხორციელება მხოლოდ უკრაინის ჩართულობითაა შესაძლებელი. სხვანაირად არ გამოვა. მსოფლიოში ძალიან ბევრია ისეთი ინსტიტუტი, რომლებსაც აშშ ეხმარება. ამჯერად მე სამხედრო დახმარებაზე ვარ ორიენტირებული, რომელიც, მადლობა ღმერთს, არ შეჩერებულა” – განაცხადა ვოლოდიმირ ზელენსკიმ. აშშ-ის სახელმწიფო მდივანმა, მარკო რუბიომ რამდენიმე დღის წინ დააანონსა, რომ შტატები 90 დღე დაფინანსებას აჩერებს. შეგახსენებთ, რომ უკრაინა აშშ-გან სამხედრო დახმარების 40 %-ს…

მეტი...

დონეცკის ოლქის რამდენიმე დასახლებულ პუნქტში ქალების, ბავშვებისა და მოხუცების სავალდებულო ევაკუაცია გამოცხადდა. გადაწყვეტილება საოლქო სამხედრო ადმინისტრაციამ ინტენსიური საბრძოლო მოქმედებების ფონზე მიიღო. პარალელურად ვრცელდება ცნობები, რომ საოკუპაციო ძალებმა რეგიონში სოფელი ვრემოვკა დაიკავეს.  

მეტი...

აშშ-ის პრეზიდენტმა, დონალდ ტრამპმა განაცხადა, რომ შესაძლოა, განიხილოს ჯანდაცვის მსოფლიო ორგანიზაციაში დაბრუნება. მანამდე  ხელი მოაწერა აღმასრულებელ განკარგულებას, რომლის თანახმადაც აშშ ჯანდაცვის მსოფლიო ორგანიზაციიდან გამოსვლის პროცესს იწყებდა. ბრძანების ტექსტში აშშ-ის გამოსვლის მიზეზად დასახელებულია, მათ შორის, ჯანდაცვის მსოფლიო ორგანიზაციის მიერ „კოვიდ-19“-ის პანდემიისა და ჯანდაცვის სხვა გლობალური კრიზისების არასწორი მართვა. ამასთან, აშშ-ის პრეზიდენტმა ისაუბრა ინფლაციასა და საზღვრების დაცვაზე. „ჩვენ ვაპირებთ, დავამარცხოთ ინფლაცია, შევამციროთ ფასები. ჩვენ ვაპირებთ ხელფასების გაზრდას. ვაპირებთ, ჩავდოთ მეტი ფული თქვენს ჯიბეებში, დავიცვათ ჩვენი საზღვრები, აღვადგინოთ კანონი და წესრიგი ჩვენს ქალაქებში. ჩვენ ვაპირებთ, ამერიკა კვლავ დიდებული გავხადოთ“, – განაცხადა ტრამპმა.

მეტი...

სლოვაკეთის პრემიერ-მინისტრი, რობერტ ფიცო ქვეყანაში ანტისამთავრობო საპროტესტო გამოსვლებთან დაკავშირებით უკრაინის პრეზიდენტის, ვოლოდიმირ ზელენსკის კომენტარს ეხმაურება და აცხადებს, რომ ეს განცხადებები სლოვაკეთის შიდა საქმეებში არაადეკვატური ჩარევაა. ფიცომ ეს განცხადება მას შემდეგ გააკეთა, რაც ვოლოდიმირ ზელენსკიმ სოციალურ ქსელ X-ში გამოაქვეყნა სლოვაკეთში გამართული ანტისამთავრობო აქციების – „სლოვაკეთი ევროპაა“ – მონაწილეების ფოტო, რომლის ქვეშ ეწერა: “ბრატისლავა არ არის მოსკოვი. სლოვაკეთი ევროპაა”. საპროტესტო გამოსვლების კომენტირებისას ფიცომ განაცხადა, რომ გადადგომას არ აპირებს.

მეტი...

რუსეთში, რიაზანის რეგიონში მდებარე ნავთობგადამამუშავებელი ქარხანას დრონებით დაესხნენ თავს. ის დრონების  სამიზნე ერთ კვირაში უკვე მეორედ გახდა. რუსეთში აცხადებენ, რომ უცნობი უპილოტო საფრენი აპარატები თავს დაესხნენ ნავთობგადამამუშავებელ ქარხანას. ამის შემდეგ კი ობიექტს ხანძარი გაუჩნდა. ქარხნის საპროექტო სიმძლავრე  წელიწადში 18.8 მილიონი ტონა ნავთობია. 2013 წლიდან ქარხანა როსნეფტის კონტროლის ქვეშ იმყოფება.  

მეტი...

რუსეთის ხელისუფლებამ სრული საპასპორტო კონტროლი შემოიღო, ქერჩის სრუტეზე გამავალი ხიდის შესასვლელთან, რომელიც კრასნოდარის მხარეს ანექსირებულ ყირიმთან აკავშირებს.  მედიის ინფორმაციით, ნახევარკუნძულისკენ მიმავალ მძღოლებსა და მგზავრებს საბუთებს უმოწმებენ. როგორც ანექსირებული ყირიმის ე.წ. ტრანსპორტის მინისტრი, ალექსანდრე ოვდიენკო განმარტავს, გადაწყვეტილება სპეცსამსახურების მუშაობას უკავშირდება და რომ ისინი ანტიტერორისტულ საქმიანობას ახორციელებენ. არ არის დაკონკრეტებული, რას უკავშირდება ეს ოპერაცია. ასევე უცნობია, რამდენ ხანს იმოქმედებს დოკუმენტების გადამოწმების რეჟიმი.

მეტი...