დღე: იანვარი 24, 2025

ბელარუსში, მეათე ხუთწლიანი ვადისთვის არჩევნებში მონაწილეობას კვლავ მიიღებს ამჟამინდელი პრეზიდენტი ალექსანდრ ლუკაშენკო. 26 იანვარს, მოქალაქეებს არჩევანის გაკეთება ხუთ კანდიდატს შორის მოუწევთ. 70 წლის ლუკაშენკო ქვეყანას 1994 წლიდან მართავს. 2020 წლის არჩევნების შემდეგ მასობრივმა პროტესტებმა ქვეყანაში დიდი არეულობა გამოიწვია, თუმცა საპროტესტო აქციები დაარბიეს. დასავლეთის ქვეყნებმა – აშშ-მ, ევროკავშირმა, გაერთიანებულმა სამეფომ, კანადამ ლუკაშენკოს არჩევა ლეგიტიმურად არ სცნეს.  

„ზელენსკი ანგელოზი არ არის. მას არასდროს უნდა დაეშვა, ეს ომი მომხდარიყო”, – ამასთან დაკავშირებული განცხადება აშშ-ის პრეზიდენტმა Fox News-თან ინტერვიუში გააკეთა. ,,ზელენსკი ებრძოდა ბევრად უფრო დიდ რამეს, ბევრად უფრო დიდს, ბევრად უფრო ძლიერს. მას ეს არ უნდა გაეკეთებინა, რადგან ჩვენ შეგვეძლო შეთანხმების მიღწევა. შემეძლო ძალიან მარტივად მიმეღწია გარიგებისთვის და ზელენსკიმ გადაწყვიტა : „მინდა, ვიბრძოლო“, – აღნიშნა დონალდ ტრამპმა. მისი თქმით, რუსეთის არმიას 30 000 ტანკი ჰყავს, ზელენსკის, პრაქტიკულად, არცერთი ჰქონდა. „შემდეგ ჩვენ დავიწყეთ აღჭურვილობის გაგზავნა. მათ ჰქონდათ სიმამაცე, გამოეყენებინათ ეს აღჭურვილობა, მაგრამ საბოლოოდ, ეს არის ომის, რომელიც უნდა მოგვარდეს“, –…

,,რობერტ ფიცო ქვეყანაში სახელმწიფო გადატრიალების მზადების შესახებ განცხადებებით საზოგადოების დაშინებას და ამომრჩევლის კონსოლიდაციას ცდილობს”, – ამის შესახებ უკრაინის საგარეო საქმეთა სამინისტროს პრესსპიკერმა, გეორგი ტიხიმ განაცხადა. „ვფიქრობ, სლოვაკეთის პრემიერ-მინისტრმა ყურადღება უნდა მიაქციოს საკუთარ ქმედებებს, რომელიც აღაშფოთებს ხალხს მის ქვეყანაში და გააანალიზოს რატომ ხდება ეს“, – აღნიშნა უკრაინის საგარეო საქმეთა სამინისტროს პრესსპიკერმა. მისი თქმით, უკრაინაში „ღირსების რევოლუციის“ დროს ვრცელდებოდა ყალბი ამბები მომიტინგეებისთვის თანხის გადახდისა და გაწვრთნილი ბოევიკების არსებობის შესახებ. „მეჩვენება, რომ სლოვაკეთის პრემიერ-მინისტრმა უბრალოდ კარადიდან გამოიღო რაღაც, რაც დიდი ხანია გაფუჭდა და ჩემი აზრით, მსგავსი რამის საჯაროდ გამოყენება ულამაზო საქციელია“, – განაცხადა…

აშშ-ის პრეზიდენტის დონალდ ტრამპის განკარგულება საერთაშორისო დახმარების 90 დღით შეჩერების თაობაზე, უკრაინის სამხედრო დახმარების პროგრამებს არ ეხება. ,,უკრაინის უსაფრთხოების დახმარება არ ექვემდებარება ბოლოდროინდელ განკარგულებას საგარეო დახმარების შესახებ, რადგან ეს ეხება მხოლოდ პროგრამის განვითარებას და არა სამხედრო მხარდაჭერას”, – იტყობინება აშშ-ის თავდაცვის დეპარტამენტი. ეს ნიშნავს, რომ ბაიდენის ადმინისტრაციის მიერ, USAI პროგრამის ფარგლებში გაცემული უკრაინისთვის იარაღის წარმოების კონტრაქტები ძალაში რჩება. დონალდ ტრამპმა აშშ-ს საგარეო დახმარების ყველა პროგრამა 90 დღით შეაჩერა

რუსულმა ძალებმა უკრაინას წუხელ Shahed-ის ტიპის დრონებით შეუტიეს. თავდასხმას კიევის ოლქში, სულ მცირე, ორი ადამიანი ემსხვერპლა. უკრაინული მედიის ინფორმაციით, შეტევა მთელი ღამის განმავლობაში, დილამდე გაგრძელდა და საჰაერო თავდაცვის ძალები, დრონების განადგურების მიზნით, საბრძოლო მოქმედებებს ახორციელებდნენ. კიევის საოლქო-სამხედრო ადმინისტრაციის მოვალეობის შემსრულებლის, მიკოლა კალაშნიკის განცხადებით, ერთ-ერთი დაღუპული ცეცხლმოკიდებულ კერძო სახლში იპოვეს, მეორე კი სხვა დასახლებულ პუნქტში, სადაც 10-სართულიანი კორპუსი დაზიანდა. „დაღუპული აღმოაჩინეს კერძო სახლში, სადაც ჩამოგდებული სამიზნის ნამსხვრევების გამო ხანძარი გაჩნდა. ამ დროისთვის ხანძარი ლიკვიდირებულია. მეორე გარდაცვლილი, 36 წლის მამაკაცი სხვა დასახლებულ პუნქტში აღმოაჩინეს, სადაც 10-სართულიანი საცხოვრებელი კორპუსი დაზიანდა“, – აღნიშნა კალაშნიკმა.

აშშ-ის პრეზიდენტმა, დონალდ ტრამპმა უკრაინის წინააღმდეგ რუსეთის ომის დასასრულებლად, საუდის არაბეთსა და ნავთობის ექსპორტიორ ქვეყანათა ორგანიზაციას (OPEC) მოუწოდა, დაწიონ ნავთობზე მსოფლიო ფასები და აღნიშნა, რომ ამის ამას მსოფლიოს მასშტაბით ცენტრალური ბანკების მიერ საპროცენტო განაკვეთების ,,დაუყოვნებლივი” დაწევა მოჰყვება. ,,მოვუწოდებ საუდის არაბეთსა და OPEC-ს დაწიონ ნავთობის ფასი. უნდა დაწიოთ! სიმართლე გითხრათ, მიკვირს, რომ ეს არჩევნებამდე არ გააკეთეს. ახლა ფასი საკმარისად დიდია, რომ უკრაინის წინააღმდეგ რუსეთის ომი გაგრძელდეს. ნავთობის ფასი უნდა დაწიოთ, რათა ეს ომი დასრულდეს. შეგიძლიათ ამ ომის დამთავრება,” – განაცხადა დონალდ ტრამპმა დავოსის მსოფლიო ეკონომიკურ ფორუმზე გამოსვლისას. აშშ-ის პრეზიდენტმა აღნიშნა, რომ…

რუსეთის საჰაერო თავდაცვის სისტემებმა ღამით ბრიანსკის, რიაზანის, კურსკის, სარატოვის, როსტოვის, მოსკოვის, ბელგოროდის, ვორონეჟის, ტულას, ორიოლის, ლიპეცკისა ოლქებში, დედაქალაქ მოსკოვსა და ყირიმში 121 უკრაინული დრონი გაანადგურეს. რუსეთის თავდაცვის სამინისტროს განმარტებით, 37 დრონი ბრიანსკის ოლქის ტერიტორიაზე გაანადგურეს, 20 – რიაზანის ოლქის ტერიტორიაზე, 17 – კურსკში, 17 – სარატოვში, 7 – როსტოვის ოლქის ტერიტორიაზე, 6 მოსკოვის ოლქის ტერიტორიაზე, 6 – ბელგოროდში, 3 – ვორონეჟში, ორ-ორი ტულას, ორიოლის და ლიპეცკის ოლქების ტერიტორიაზე, ერთი ყირიმში და ერთი მოსკოვის თავზე.

სიეტლში აშშ-ის ფედერალურმა მოსამართლემ დროებით შეაჩერა ამერიკის შეერთებული შტატების პრეზიდენტის, დონალდ ტრამპის აღმასრულებელი განკარგულება, რომელიც ამერიკაში დაბადებით მოქალაქეობის მოპოვების უფლებას ზღუდავს. მოსამართლე ჯონ კოფენურის განცხადებით, მოქალაქეობის დაბადებით მოპოვების გაუქმება აშკარად არაკონსტიტუციურია. მედიია ინფორმაციით, დონალდ ტრამპი კი ფედერალური მოსამართლის გადაწყვეტილების გასაჩივრებას გეგმავს. ასევე, მოქალაქეობის დაბადებით მოპოვების გაუქმების შესახებ დონალდ ტრამპის აღმასრულებელი ბრძანების შეჩერება სურთ შტატებს, რომლებსაც „დემოკრატები“ მართავენ. ისინი ამტკიცებენ, რომ ტრამპის აღმასრულებელი ბრძანება აშკარად არღვევს კონსტიტუციის მე-14 შესწორების, რომელიც აშშ-ის ტერიტორიაზე დაბადებული პირებისთვის ქვეყნის მოქალაქეობის მინიჭებას ითვალისწინებს.

სენატმა ცენტრალური სადაზვერვო სააგენტოს (CIA) დირექტორის თანამდებობაზე ჯონ რეტკლიფი დაამტკიცა. მის კანდიდატურას მხარი 74 სენატორმა დაუჭირა, 25 კი წინააღმდეგ წავიდა. ჯონ რეტკლიფის თქმით, არ დაუშვებს, პოლიტიკურმა ან პირადმა მიკერძოებულობამ გავლენა იქონიოს მის გადაწყვეტილებებზე. რეტკლიფი ეროვნულ დაზვერვას დონალდ ტრამპის პრეზიდენტობის პირველი ვადის დროს, 2020-2021 წლებში ხელმძღვანელობდა. 2015-2020 წლებში კი ტეხასის მე-4 საარჩევნო ოლქს წარმოადგენდა კონგრესში.