დღე: იანვარი 20, 2025

ვოლოდიმერ ზელენსკი აღნიშნავს, რომ პრეზიდენტი ტრამპი ყოველთვის გადამწყვეტად მოქმედებს. უკრაინის პრეზიდენტის თქმით, ის ელოდება  აქტიურ და სასარგებლო თანამშრომლობას. „მის მიერ გამოცხადებული პოლიტიკა – მშვიდობა ძალის გზით – იძლევა შესაძლებლობას, განამტკიცოს ამერიკის ლიდერობა და მიაღწიოს გრძელვადიან და სამართლიან მშვიდობას, რაც მთავარი პრიორიტეტია. ეს საუკუნე სწორედ ახლა ყალიბდება და ჩვენ ყველამ ერთად უნდა ვიმუშაოთ, რათა ეს იყოს დიდი და წარმატებული საუკუნე დემოკრატიებისთვის და არა მათთვის, ვისაც ჩვენი მარცხი სურს. გისურვებთ წარმატებებს, პრეზიდენტო ტრამპ. ჩვენ ველოდებით აქტიურ და ორივესთვის სასარგებლო თანამშრომლობას. ჩვენ ერთად უფრო ძლიერები ვართ და შეგვიძლია, უზრუნველვყოთ უფრო მეტი უსაფრთხოება, სტაბილურობა…

მეტი...

ერთ-ერთი საკითხი, რაზეც ამერიკის პრეზიდენტმა ინაუგურაციაზე ისაუბრა, მსოფლიო ომების დასრულებაა. „წარმატებას შევაფასებთ არა მხოლოდ ბრძოლებით, რომლებსაც მოვიგებთ, არამედ იმ ომებითაც, რომლებსაც დავამთავრებთ.  რაც მთავარია, ომებით, რომლებშიც არასდროს შევალთ“ – განაცხადა პრეზიდენტმა. მისივე თქმით ის ყველაზე საამაყო მემკვიდრეობას მშვიდობის სახით დატოვებს. „ჩვენი ძალა შეაჩერებს ყველა ომს, მოუტანს ერთიანობას  მსოფლიოს, რომელიც იყო ბოროტი, სასტიკი და სრულიად არაპროგნოზირებადი“, – განაცხადა ტრამპმა.

მეტი...

რუსეთის პრეზიდენტმა, ვლადიმერ პუტინმა აშშ-ის არჩეულ პრეზიდენტს თანამდებობის დაკავება მიულოცა. ამის შესახებ განცხადება მან დონალდ ტრამპის ინაუგურაციამდე რამდენიმე საათით ადრე გააკეთა და აღნიშნა, რომ რუსეთი აშშ-ის ახალ ადმინისტრაციასთან ურთიერთობისთვის ღიაა. „გვესმის მისი განცხადება იმის შესახებ, რომ საჭიროა მესამე მსოფლიო ომის თავიდან აცილების მიზნით ყველაფერი გავაკეთოთ. რა თქმა უნდა, მსგავს დამოკიდებულებას მივესალმებით და აშშ-ის არჩეულ პრეზიდენტს თანამდებობის დაკავებას ვულოცავთ. აშშ-ის ახალ ადმინისტრაციასთან უკრაინის კონფლიქტის შესახებ დიალოგისთვის ღია ვართ. ყველაზე მნიშვნელოვანი კრიზისის ძირითადი მიზეზების აღმოფხვრაა, რის შესახებაც აქამდე არაერთხელ გვითქვამს“- აღნიშნა რუსეთის პრეზიდენტმა.  

მეტი...

ამერიკის პრეზიდენტის მკაცრი პოლიტიკის აღსრულება დონალდ ტრამლის პირველი სამუშაო დღიდან დაიწყება. როგორც ტრამპმა ინაუგურაციაზე სიტყვთ გამოსვლისას განაცხადა, მთავრობას დღესვე მისცემს მითითებებს. „ხელმოწერილი ბრძანებებით, ჩვენ გამოვაცხადებთ კარტელებს უცხოურ ტერორისტულ ორგანიზაციებად. 1798 წლის უცხოელ მტერთა აქტის გამოყენებით, მივცემ მითითებას ჩვენს მთავრობას, გამოიყენოს ფედერალური და შტატების სამართალდამცავი ორგანოების უზარმაზარი ძალა ყველა უცხოური ბანდისა და კრიმინალური ქსელის აღსაკვეთად.  როგორც მთავარსარდალს, არ მაქვს უფრო მაღალი პასუხისმგებლობა, ვიდრე ჩვენი ქვეყნის დაცვაა. ჩვენ ამას გავაკეთებთ ისეთ დონეზე, როგორიც არავის უნახავს“ – განაცხადა პრეზიდენტმა.

მეტი...

ამერიკის პრეზიდენტი დონალდ ტრამპი ჯო ბაიდენის პოლიტიკას „მიწასთან ასწორებს“ და აცხადებს, რომ ამერიკას ჰყავს მთავრობა, რომელსაც არ შეუძლია მართოს კრიზისიც ქვეყნის შიგნითაც კი. „ის ვერ იცავს ჩვენს კანონმორჩილ ამერიკელ მოქალაქეებს, მაგრამ თავშესაფარსა და დაცვას სთავაზობს საშიშ კრიმინალებს, რომელთაგან ბევრი ციხეებიდან და ფსიქიატრიული დაწესებულებებიდანაა და უკანონოდ შემოვიდა ჩვენს ქვეყანაში მსოფლიოს სხვადასხვა კუთხიდან. ჩვენ გვყავს მთავრობა, რომელიც უსაზღვრო დაფინანსებას გასცემს უცხო ქვეყნების საზღვრების დასაცავად, მაგრამ უარს ამბობს, დაიცვას ამერიკის საზღვრები ან უფრო მნიშვნელოვანი – საკუთარი ხალხი“ – განაცხადა პრეზიდენტმა ინაუგურაციის ცერემონიაზე.  

მეტი...

ამერიკის ახალი პრეზიდეტი, რომელმაც საპრეზიდენტო ფიცი უკვე დადო, იმ ძირითად რეფორმებზე საუბრობს, რომლის გატარებასაც ის იწყებს. როგორც პრეზიდენტმა აღნიშნა, ახლა ამერიკის ოქროს ხანა იწყება. „ჩვენი ქვეყანა კვლავ აყვავდება და მთელ მსოფლიოში პატივსაცემი გახდება. ჩვენი ყველა ქვეყანას შეშურდება და საკუთარ თავს უფლებას არ მივცემთ, რომ ჩვენით ბოროტად ისარგებლონ. ჩვენი მთავარი პრიორიტეტი ამაყი, აყვავებული და თავისუფალი ქვეყნის შექმნა იქნება. ამერიკა მალე უფრო დიდი, ძლიერი და გამორჩეული გახდება, ვიდრე ოდესმე“, – განაცხადა დონალდ ტრამპმა. პრეზიდენტის თქმით, მზის შუქი მთელ მსოფლიოში ანათებს და ამერიკას აქვს შანსი გამოიყენოს ეს შესაძლებლობა, ისე როგორც არასდროს. „ჩვენი ქვეყანა…

მეტი...

ამერიკის ახალი პრეზიდენტი პირობას იძლევა, რომ ყველაფერს გააკეთებს ქვეყნის დასაცავად და პირველი, რითაც დაიწყებს, ქვეყნის არალეგალებისა და დამნაშავეებისგან გაწმენდა იქნება. „საზღვარზე საგანგებო მდგომარეობას გამოვაცხადებ, საზღვრის კვეთის ყველა უკანონო ფაქტი შეჩერდება; მილიონიბით დამნაშავეს დავაბრუნებთ თავის ქვეყანაში. მექსიკის პოლიტიკა ყველას გახსოვთ და გავაგრძობღ ამ მიმართუ;ებით სვლას; დავასრულებ დაჭერა და შემდეგ გაშვების პრაქტიკას; მოვახდენ სამხედროების გადასროლას სამხრეთ საზღვარზე. ეს ყველაფერი მოხდება იმ ბრძანების საფუძველზე, რომელსაც ხელს მოვაწერ დღეს.  დავიცავ ქვეყანას შემოჭრისა და საფრთხეებისგან“ – განაცხადა პრეზიდენტმა ინაუგურაციის ცერემონიალზე.  

მეტი...

დონალდ ტრამპმა საპრეზიდენტო ფიცი დადო და ოფიციალურად დაიკავა თანამდებობა. მან ფიცი, აშშ-ის უზენაესი სასამართლოს მთავარი მოსამართლის, ჯონ რობერტსის წინაშე დადო. ცოტა ხანში კი მისი სიტყვით გამოსვლა დაიწყება. მანამდე ფიცი დადო ვიცე-პრეზიდენტმა. საინაუგურაციო ცერემონიალუ ვაშინგტონში, კაპიტოლიუმის შენობაში მიმდინარეობს. ინაუგურაციას ესწრება აშშ-ის ყველა ცოცხალი პრეზიდენტი. ისინი სათითაოდ შევიდნენ კაპიტოლიუმში, ქრონოლოგიური თანმიმდევრობით. ამასთან, მიშელ ობამა ერთადერთი ყოფილი პირველი ლედია, რომელიც არ ესწრება ინაუგურაციას.

მეტი...

Fox News-ის ინფორმაციით, ინაუგურაციის შემდეგ დონალდ ტრამპი მექსიკის საზღვარზე აშშ-ის ჯარების განლაგების ბრძანებას გასცემს. გარდა ამისა, დონალდ ტრამპი მექსიკის საზღვართან კედლის მშენებლობის გაგრძელებისა და საზღვარზე აშშ-ის ჯარების განლაგების განკარგულებას გასცემს. ასევე, ერთი-ერთი აღმასრულებელი ბრძანების თანახმად,  ტრამპი კარტელებსა და კრიმინალურ დაჯგუფებებს ტერორისტულ ორგანიზაციებად გამოაცხადებს.

მეტი...

ამერიკის შეერთებული შტატების მოქმედმა პრეზიდენტმა ჯო ბაიდენმა და შტატების პირველმა ლედიმ ახლად არჩეული პრეზიდენტ დონალდ ტრამპსა და მის მეუღლეს უმასპინძლა. რამდენიმე საათში კი ინაუგურაციის ოფიციალური ღონისძიება დაიწყება. ცნობილია ტრამპის მკაცრი დამოკიდებულება ემიგრანტებთან და საემიგრაციო პოლიტიკასთან დაკავშირებით. ცნობილია ისიც, რომ   47-ე პრეზიდენტი ყვეყნის საზღვრებს მაქსიმალურ კონტროლს უწესებს და ამ კუთხით ის 11 ბრძანების გამოცემას გეგმავს. ერთ-ერთი ინფორმაციით, მექსიკის საზღვართან კედლის მშენებლობა გაგრძელდება და პერიმეტრზე აშშ-ის ჯარები განლაგდებიან.  

მეტი...

აშშ-ის ამჟამინდელმა პრეზიდენტმა ჯო ბაიდენმა რამდენიმე თანამდებობის პირი შეიწყალა, რომლებიც შესაძლოა, არჩეული პრეზიდენტის, დონალდ ტრამპის მიერ დევნის რისკის ქვეშ ყოფილიყვნენ. CNN-ის ინფორმაციით, ბაიდენმა შეიწყალა გაერთიანებული შტაბის ყოფილი ხელმძღვანელი, მარკ მილი, რომელმაც ტრამპს „ფაშისტი“ უწოდა და აშშ-ის აშშ-ის ალერგიისა და ინფექციურ დაავადებათა ეროვნული ინსტიტუტის ყოფილი დირექტორი ენტონი ფაუჩი. „პრევენციულ შეწყალებაში ასევე შედიოდნენ კონგრესის წევრები, რომლებიც მუშაობდნენ კომიტეტში და კაპიტოლიუმზე 2021 წლის 6 იანვარს თავდასხმის საქმეს იძიებდნენ“, – წერს მედიასაშუალება. ბაიდენის ყველა შეწყალება მკაცრად გააკრიტიკეს ტრამპმა და მისმა მოკავშირეებმა. განცხადებაში ბაიდენმა ასევე აღნიშნა, რომ შეწყალება არ ნიშნავს დანაშაულის აღიარებას.

მეტი...

,,დავასრულებ ომს უკრაინაში, შევაჩერებ ქაოსს ახლო აღმოსავლეთში, თავიდან ავიცილებ მესამე მსოფლიო ომს, წარმოდგენაც კი არ გაქვთ, რამდენად ახლოს ვართ ამასთან”, – ამის შესახებ აშშ-ის არჩეულმა პრეზიდენტმა, დონალდ ტრამპმა ვაშინგტონში, მხარდამჭერებთან შეხვედრის დროს განაცხადა. მისი თქმით, ამერიკის უკუსვლა შეჩერდება და ამერიკული ძლიერების და კეთილდღეობის დრო დაიწყება. „ჩვენ ვაპირებთ დავასრულოთ წარუმატებელი და კორუმპირებული პოლიტიკური ისტებლიშმენტის მეფობა ვაშინგტონში, წარუმატებელი ადმინისტრაცია. ჩვენ შევაჩერებთ ჩვენს საზღვრებში შემოჭრას. ჩვენ ვაპირებთ ჩვენი ნავთობის დაბრუნებას. ჩვენ ვაპირებთ გავხსნათ თხევადი ოქრო, რომელიც ჩვენს ფეხქვეშ არის. ჩვენ ვაპირებთ, დავუბრუნოთ კანონი და წესრიგი ჩვენს მოქალაქეებს. ჩვენ ვაპირებთ აღვადგინოთ პატრიოტიზმი ჩვენს სკოლებში.…

მეტი...

,,ვაპირებთ, გავასაჯაროოთ ჩანაწერები, რომლებიც ეხება ჯონ კენედის, რობერტ კენედისა და მარტინ ლუთერ კინგის მკვლელობებს”, – აღნიშნულის შესახებ აშშ-ის არჩეულმა პრეზიდენტმა ვაშინგტონში მხარდამჭერებთან შეხვედრის დროს განაცხადა. „ჩვენ ვაპირებთ, გავასაჯაროოთ დარჩენილი ჩანაწერები, რომლებიც ეხება პრეზიდენტ ჯონ კენედის, მისი ძმის, რობერტ კენედის, ასევე დოქტორ მარტინ ლუთერ კინგის მკვლელობებს და ჩვენთვის დიდი საზოგადოებრივი ინტერესის მქონე სხვა თემებს. ეს ყველაფერი გასაჯაროვდება“, – აღნიშნა დონალდ ტრამპმა.

მეტი...

„თუ ეს სიმართლეა, ეს იქნება სირცხვილი“, – ასე ეხმაურება რომის პაპი ფრანცისკე აშშ-ის არჩეული პრეზიდენტის, დონალდ ტრამპის გეგმას მიგრანტების მასობრივ დეპორტაციასთან დაკავშირებით. მისი თქმით, ამგვარი გადაწყვეტილებები „საწყალ, უბედურ ადამიანებს შეეხებათ“. ფრანცისკეს განცხადებით, პრობლემების გადაჭრა ამგვარად არ ხდება. ცნობისთვის, აშშ-ის არჩეულმა პრეზიდენტმა, დონალდ ტრამპმა განაცხადა, რომ პრეზიდენტის უფლებამოსილების გადმობარებისთანავე ის აშშ-ში არალეგალურად მყოფი მიგრანტების მასობრივ დეპორტაციებს გეგმავს.

მეტი...

„გერმანიის საელჩო ყურადღებით აკვირდება დემონსტრანტების წინააღმდეგ მიმდინარე აქტუალურ სასამართლო პროცესებს, მათ შორის, ავთანდილ კუჭავასა და დავით გოგილაშვილის წინააღმდეგ”, – ამის შესახებ საქართველოში გერმანიის საელჩოს განცხადებაშია აღნიშნული. ,,თბილისის საქალაქო სასამართლოში გამართულ მათ სასამართლო პროცესებს გასულ კვირას ჩვენს ევროპელ, ამერიკელ და ბრიტანელ პარტნიორებთან ერთად დავესწარით. ამასთან განსაკუთრებით ვაქცევთ ყურადღებას, დაცული არის თუ არა სასამართლოში სამართლებრივი სახელმწიფოს პრინციპები. დაკავებულებს ბრალად ედებათ სამართალდამცავი ორგანოების მოთხოვნებისადმი დაუმორჩილებლობა. ბევრი მათგანი პროტესტების დროს პოლიციის გადამეტებული ძალადობის მსხვერპლიც გახდა. იმ ადამიანების მიზანმიმართული დევნა, რომლებიც თავიანთ ძირითად უფლებებს იცავენ, აზიანებს დემოკრატიას, სასამართლო სისტემასა და სამართლებრივი სახელმწიფოს პრინციპებს საქართველოში”, –…

მეტი...

,,სევდიანი დილაა მოსკოვის, თეირანის, პეკინის, ფხენიანის, კარაკასისა და თბილისის დიქტატორებისთვის, დონალდ ტრამპი დაბრუნდა”, – წერს აშშ-ს ჰელსინკის კომისიის თავმჯდომარე და კონგრესმენი, ჯო უილსონი X-ზე. ,,სევდიანი დილაა მოსკოვის, თეირანის, პეკინის, ფხენიანის, კარაკასისა და თბილისის დიქტატორებისთვის. დონალდ ტრამპი დაბრუნდა! ამერიკა კვლავ დიდებული გახდება. მშვიდობა ძალის მეშვეობით”, – წერს უილსონი.

მეტი...