დღე: იანვარი 16, 2025

,,არარეალისტურია იმის დაჯერება, რომ უკრაინა შეძლებს დააბრუნოს რუსული ჯარები იქ, სადაც ისინი 2022 წლამდე იდგნენ, ანუ ქვეყანაში რუსეთის შეჭრამდე”, – განაცხადა აშშ-ის არჩეული პრეზიდენტის, დონალდ ტრამპის მიერ სახელმწიფო მდივნის პოსტზე წარდგენილმა მარკო რუბიომ საგარეო საქმეთა სენატის კომიტეტის მოსმენაზე, რომელიც მისი კანდიდატურის დამტკიცებას ეხებოდა. რუბიომ აღნიშნა, რომ მას სურს, რომ უკრაინაში, რომლის აღდგენასაც თაობები დასჭირდება, მკვლელობა დამთავრდეს. მან ასევე აღნიშნა, რომ მილიონობით უკრაინელი უკვე აღარ ცხოვრობს უკრაინაში. „ახლა, როდესაც მე ვსაუბრობ თქვენთან, ნადგურდება უკრაინის ინფრასტრუქტურა, მათ შორის ენერგეტიკული ინფრასტრუქტურა. მათ აღდგენას ასობით მილიონი დოლარი დასჭირდება უახლოესი ათწლეულების განმავლობაში. ასე რომ, ეს…

„ჩვენი შეცდომა ის იყო, რომ ვერ გავაცნობიერეთ, რომ ოლიგარქის ხელში პარტია ჩვენს მაღალ დემოკრატიულ სტანდარტებს ვერასდროს დააკმაყოფილებდა”, – ამის შესახებ გერმანიის პარლამენტის საგარეო ურთიერთობათა კომიტეტის თავმჯდომარემ, მიხაილ როთმა თბილისში მედიასთან შეხვედრაზე განაცხადა. ,,მკაფიოდ ვიტყვი, რომ „ქართული ოცნება“ ჩემი პარტიის ოჯახს მიეკუთვნებოდა. კარგი თანამშრომლობა გვქონდა, ისინი ჩვენს პარტიულ ყრილობებს ესწრებოდნენ. „ქართული ოცნება“ ევროკავშირში პროგრესული პარტიების, სოციალ-დემოკრატებისა და სოციალისტების პარტნიორი იყო. ეს 2012 წელს დაიწყო და, რა თქმა უნდა, გვახარებდა ის, რომ გარკვეული პოზიტიური ცვლილებები იყო და გვქონდა შთაბეჭდილება, რომ ამ პარტიას სურდა და შეეძლო ქვეყანა სწორი მიმართულებით წარემართა. მაგრამ, ყოველთვის როცა…

„დღეს ამერიკაში ყალიბდება უსაზღვრო სიმდიდრის, ძალაუფლებისა და გავლენის ოლიგარქია, რომელიც საფრთხეს უქმნის მთელ ჩვენს დემოკრატიას”, – ამის შესახებ შეერთებული შტატების პრეზიდენტმა, ჯო ბაიდენმა განაცხადა. „მინდა გავაფრთხილო ქვეყანა ზოგიერთი რამის შესახებ, რაც ჩემთვის დიდ შეშფოთებას იწვევს. ეს არის ძალაუფლების სახიფათო კონცენტრაცია ძალიან ცოტა ულტრა მდიდარი ადამიანის ხელში. იქნება სახიფათო შედეგები, თუ მათ მიერ უფლებამოსილების ბოროტად გამოყენებას არ შეაჩერებენ“, – აღნიშნა ბაიდენმა, რომელმაც ამერიკის მოსახლეობას ოვალური კაბინეტიდან გამოსამშვიდობებელი სიტყვით მიმართა. ჯო ბაიდენი ოვალურ კაბინეტს ოფიციალურად 20 იანვარს დატოვებს, როდესაც არჩეული პრეზიდენტი, დონალდ ტრამპი საპრეზიდენტო ფიცს დადებს.

,,რუსეთი საჰაერო ტერორისტულ აქტებს მთელ მსოფლიოში გეგმავდა”, – განაცხადა პოლონეთის პრემიერ-მინისტრმა დონალდ ტუსკმა ვარშავაში გამართულ პრესკონფერენციაზე. მისი თქმით, პოლონეთი „მთავარ როლს თამაშობს ევროპაში დივერსიის აქტების წინააღმდეგ ბრძოლაში, რომლებსაც რუსეთი აწყობს და არა მხოლოდ პოლონეთის ტერიტორიაზე“. დონალდ ტუსკმა აღნიშნული განცხადება იმ ფონზე გააკეთა, როცა მედიაში გავრცელდა ინფორმაცია იმის შესახებ, რომ მოსკოვი ევროკავშირის ქვეყნებიდან ჩრდილოეთ ამერიკაში მიმავალი სატვირთო და სამგზავრო თვითმფრინავებისთვის ცეცხლის წაკიდების მიზნით ოპერაციებს გეგმავდა. The Wall Street Journal-ი, დასავლურ სადაზვერვო სააგენტოებზე დაყრდნობით, წერდა, რომ დივერსიული აქტები მოიცავდა ზაფხულის ინციდენტებს, მათ შორის ხანძრებს DHL ლოჯისტიკურ ცენტრებში ლაიფციგში, გერმანიაში და ბირმინგემში, ბრიტანეთში.…

დიდი ბრიტანეთის პრემიერ-მინისტრი, კირ სტარმერი დღეს კიევს ეწვევა. პრემიერ-მინისტრის თანამდებობის დაკავების შემდეგ ეს კიევში კირ სტარმერის პირველი ვიზიტი იქნება. დიდი ბრიტანეთის მთავრობის განცხადებით, კიევში ვიზიტის ფარგლებში, დიდი ბრიტანეთის პრემიერ-მინისტრი, კირ სტარმერი და უკრაინის პრეზიდენტი, ვოლოდიმირ ზელენსკი 100 წლიანი პარტნიორობის შესახებ შეთანხმებას გააფორმებენ. „უსაფრთხოების საკითხებში კავშირების გაღრმავებისა და მომავალი თაობებისთვის პარტნიორობის გასაძლიერებლად დიდი ბრიტანეთი და უკრაინა 100-წლიან პარტნიორობის შესახებ ისტორიული მნიშვნელობის შეთანხმებას ხელს მოაწერენ. ხელშეკრულება საზღვაო უსაფრთხოების სფეროში სამხედრო თანამშრომლობას განამტკიცებს, რათა ბალტიის, შავი და აზოვის ზღვების უსაფრთხოების გაძლიერება და მიმდინარე რუსული აგრესია შეჩერება მოხდეს“, – აცხადებს დიდი ბრიტანეთის მთავრობა.

,,მამაცი ქართველი ხალხი პროტესტს აგრძელებს, მოვუწოდებ ყველა ამერიკელს, გვერდში დაუდგნენ” – ჯო უილსონი”, – ამის შესახებ აშშ-ის ჰელსინკის კომისიის თავმჯდომარე, რესპუბლიკელი კონგრესმენი ჯო უილსონი წერს. „მიუხედავად ამისა, მამაცი ქართველი ხალხი აგრძელებს პროტესტს. სალომე ზურაბიშვილმა, საქართველოს ლეგიტიმურმა პრეზიდენტმა, უკიდურესად გაბედული პოზიცია დაიკავა, შეუერთდა რა აქციის მონაწილეებს და მოითხოვა თავისუფალი და სამართლიანი არჩევნების ჩატარება. მადლობელი ვარ, რომ ჩემს ორპარტიულ და ორპალატიან კოლეგებთან ერთად ქართველი ხალხის და პრეზიდენტ ზურაბიშვილს გვერდით ვდგავარ. მოვუწოდებ ყველა ამერიკელს, გვერდში დაუდგეს ქართველებს, რადგან ისინი იბრძვიან საკუთარი თავისუფლებისთვის“, – წერს უილსონი. მისი თქმით, ქართველი ხალხი შეერთებული შტატების დიდ მეგობრებს…

დანიის პრემიერ-მინისტრმა, მეტე ფრედერიქსენმა აშშ-ის არჩეულ პრეზიდენტს, დონალდ ტრამპს სატელეფონო საუბრის დროს უთხრა, რომ გრენლანდიამ თავად უნდა გადაწყვიტოს თავისი მომავალი. ინფორმაციას Politico დანიის პრემიერის ოფისზე დაყრდნობით ავრცელებს და აღნიშნავს, რომ ფრედერიქსენმა ტრამპს გაუმეორა გრენლანდიის პრემიერ-მინისტრის, მუტე ეგედეს განცხადება, რომ „გრენლანდია არ იყიდება“. შეგახსენებთ, რომ შეერთებული შტატების არჩეულმა პრეზიდენტმა კუნძულ გრენლანდიის ყიდვის სურვილი გამოთქვა და ამ სურვილის შესასრულებლად კი სამხედრო ძალის გამოყენებაც არ გამორიცხა.

გუშინ, აშშ-ის სენატში გამართულ მოსმენაზე შეერთებული შტატების მომავალმა სახელმწიფო მდივანმა მარკო რუბიომ აშშ-ის წინააღმდეგ მოქმედი შეთქმულების თეორიებთან და დეზინფორმაციასთან ბრძოლის გზების შესახებ ისაუბრა. ,,ეს არ არის უბრალოდ დეზინფორმაცია. ეს არის ცალსახა ზეგავლენის მოხდენა სახელმწიფოების შეხედულებებზე აშშ-სთან დაკავშირებით, შეთქმულების თეორიებისა და პროპაგანდის გავრცელების გზით, რომელიც ძირს გვითხრის ჩვენ და ჩვენს პოზიციებს, ეს ხდება აფრიკაშიც და სულ უფრო ხშირად ვხედავთ იმავეს დასავლეთ ნახევარსფეროშიც. ამასთან დაპირისპირების ერთ-ერთი საუკეთესო საშუალებაა იყო წარმოდგენილი, იყო იქ და აჩვენო ის, რასაც ვაკეთებთ და ვისაუბროთ იმაზე, რასაც ვაკეთებთ. ერთი რამ, რაც მაწუხებს, არის ის რომ USAID-ში არის გარკვეული…

„დარწმუნებული ვარ, რუსეთს ეშინია აშშ-ის, ჩინეთის და გაერთიანებული ევროპის. ევროპას უკრაინის არმიის გარეშე რუსეთის ჯართან გამკლავება არ შეუძლია, რადგან რუსული არმია რიცხოვნობით უფრო დიდია. რუსეთს მეტი იარაღი აქვს, მეტი ხალხი ჰყავს და უფრო სასტკია, ვიდრე ევროპელები”, – უკრაინული მედიის ცნობით, ამის შესახებ ზელენსკიმ პოლონურ მედიასთან ინტერვიუში განაცხადა. მისი თქმით, ევროპელები ცხოვრობენ დემოკრატიაში და რუსეთისგან განსხვავებით არ იციან რა არის ომი. „ევროპას, სამწუხაროდ, უკრაინული არმიის გარეშე დღეს რუსეთის წინააღმდეგ არანაირი შანსი არ აქვს. პუტინმა ეს იცის და ამის შესახებ თავის წრეში საუბრობს. ამიტომ, თუ უკრაინა თავს არ დაიცავს, ის სწრაფად წავა…

,,სალომე ზურაბიშვილთან ვისაუბრეთ იმაზე, თუ როგორ შეუძლია საქართველოს დაძლიოს არსებული ორმაგი კრიზისი, ქვეყნის შიგნით, ასევე გერმანიასთან, ევროკავშირთან და სხვებთან ურთიერთობაში”, – ამის შესახებ გერმანიის ფედერაციული რესპუბლიკის საგანგებო და სრულუფლებიანი ელჩი საქართველოში, პიტერ ფიშერი X-ზე წერს და საქართველოს მეხუთე პრეზიდენტთან, სალომე ზურაბიშვილთან ერთად გადაღებულ ფოტოს აქვეყნებს. ,,დიდი პატივი იყო პრეზიდენტ სალომე ზურაბიშვილისა და დეპუტატ მიხაილ როთის მასპინძლობა. ვისაუბრეთ იმაზე, თუ როგორ შეუძლია საქართველოს დაძლიოს არსებული ორმაგი კრიზისი – ქვეყნის შიგნით, ასევე გერმანიასთან, ევროკავშირთან და სხვებთან ურთიერთობაში. მე დავარწმუნე პრეზიდენტი ზურაბიშვილი, რომ გერმანია დარჩება საქართველოს სანდო მეგობრად”, – წერს ფიშერი.

,,სწორედ ამიტომ ხედავთ ჩვენგან ახალ სანქციებს, დახმარების შემცირებას და სტრატეგიული ურთიერთობების შეჩერებას”, – განაცხადა აშშ-ის სახელმწიფო დეპარტამენტის სპიკერმა, მეთიუ მილერმა. ,,გვრჩება დიდი შეშფოთებები საქართველოს მთავრობის ისეთ ქმედებებზე, როგორიცაა საკუთარ მოსახლეობაზე ზეწოლა, დემოკრატიული გზიდან და უფრო დიდი, ევროატლანტიკური ინტეგრაციის გზიდან გადახვევა, რომელზეც ისინი იყვნენ. სწორედ ამიტომ ხედავთ ჩვენგან ახალ სანქციებს საქართველოს მთავრობის წევრების წინააღმდეგ, დახმარების შემცირებას, რომლის გადაცემასაც ვაპირებდით საქართველოს მთავრობისთვის, მათთან სტრატეგიული ურთიერთობების შეჩერებას”, – ამბობს მილერი.