დღე: იანვარი 15, 2025

თეთრი სახლის ინფორმაციით, პატიმრების გათავისუფლების შეთანხმების ფარგლებში აშშ კუბას ტერორიზმის მხარდამჭერი ქვეყნების სიიდან ამოიღებს. კუბაში განაცხადეს, რომ ეტაპობრივად გაათავისუფლებენ 553 პატიმარს, რომლებიც სხვადასხვა დანაშაულისთვის იყვნენ დაკავებული. კუბის პრეზიდენტმა, მიგელ დიაზ-კანელმა განაცხადა, რომ პრეზიდენტ ჯო ბაიდენის ეს გადაწყვეტილება არის ნაბიჯი „სწორი მიმართულებით“. ცნობისთვის, კუბა ტერორიზმის მხარდამჭერთა სიაში დონალდ ტრამპმა თავისი პირველი პრეზიდენტობის ბოლო დღეებში, 2021 წელს დააბრუნა, რითიც აკრძალა აშშ-ის ეკონომიკური დახმარება და ქვეყანაში იარაღის ექსპორტი. ამჟამად კუბა ჩრდილოეთ კორეასთან, სირიასა და ირანთან ერთად არის აშშ-ის ტერორიზმის მხარდამჭერ სახელმწიფოთა სიაში.

ამერიკის შეერთებული შტატების კონგრესის წარმომადგენელთა პალატამ ქალებისა და გოგონების დაცვის აქტი მიიღო. გავრცელებული ინფორმაციით, დოკუმენტს, რომელიც ,,რესპუბლიკელმა” კონგრესმენმა გრეგ სტობმა შეიმუშავა, მხარი ორმა ,,დემოკრატმაც” დაუჭირა მხარი. დოკუმენტის თანახმად, ბიოლოგიურ მამაკაცს ქალთან მეტოქეობა სპორტში ეკრძალება. ასევე, სკოლებს ეკრძალებათ, გოგონებისთვის შექმნილ სპორტულ პროგრამებში ისეთი პირების ჩართვა, რომლებიც დაბადებიდან მამრობითი სქესის იყვნენ. ,,ბიოლოგიური მამაკაცის მეტოქეობა ქალთან საფრთხის მატარებელია ჩვენი გოგონებისთვის. ეს საშიშია, არასამართლიანია, რეალობის უარყოფაა და უბრალოდ არასწორია”, – განაცხადა წარმომადგენელთა პალატის სპიკერმა მაიკ ჯონსონმა.

,,სევდიანი დღე საქართველოში. პოლიტიკური რეპრესიები და ძალადობა იზრდება. ეს საქართველოს EU-სგან სულ უფრო მეტად აშორებს”, – ამის შესახებ საქართველოში გერმანიის ელჩი, პიტერ ფიშერი X-ის საკუთარ გვერდზე წერს. ,,სევდიანი დღე საქართველოში. გასულ კვირას, შობის დღესასწაულზე ყველა საუბრობდა სიყვარულსა და მშვიდობაზე, ბედნიერ ახალ წელსა და ერთიანობაზე დროშის დღეს. მიუხედავად ამისა, პოლიტიკური რეპრესიები და ძალადობა იზრდება. ეს საქართველოს ევროკავშირისგან სულ უფრო მეტად აშორებს. ეს ასე არ უნდა იყოს. ასე არ უნდა იყოს”, – წერს ფისერი.

დღეს უკრაინის პრეზიდენტი ვოლოდიმირ ზელენსკი პოლონეთში ჩავა და პოლონეთის პრემიერ-მინისტრს, დონალდ ტუსკს შეხვდება. 2025 წლის პირველი იანვრიდან პოლონეთი ევროკავშირის საბჭოს თავმჯდომარე ქვეყანა გახდა. მანამდე საბჭოს ექვსი თვის განმავლობაში უნგრეთი ხელმძღვანელობდა. დონალდ ტუსკის თქმით, ევროკავშირის საბჭოს თავმჯდომარეობის განმავლობაში პოლონეთი ეცდება, უკრაინა სათანადო მხარდაჭერით უზრუნველყოს.

,,მოგიწოდებთ სასწრაფოდ გათავისუფლდეს ყველა ჟურნალისტი, რომელიც უსამართლოდ დააკავეს ბათუმსა და თბილისში”, – წერს ესტონეთის საგარეო საქმეთა სამინისტრო X-ზე. ,,მშვიდობიანი მომიტინგეების წინააღმდეგ განგრძობადი რეპრესიები, მათ შორის ჟურნალისტებისა და აქტივისტების დაკავება საქართველოში მიუღებელია. ესტონეთი, როგორც “მედიის თავისუფლების კოალიციის” თანათავმჯდომარე, მოგიწოდებთ, სასწრაფოდ გათავისუფლდეს ყველა ჟურნალისტი, რომელიც უსამართლოდ დააკავეს ბათუმსა და თბილისში”, – წერია გავრცელებულ განცხადებაში.

ირანის პრეზიდენტმა, მასუდ ფეზეშქიანმა NBC News-თან ინტერვიუში განაცხადა, რომ ირანს დონალდ ტრამპის მკვლელობა არასდროს დაუგეგმავს. „ჩვენ ეს არასდროს გვიცდია და ამას არც არასდროს გავაკეთებთ. ირანს ვინმეს მკვლელობა არასდროს უცდია და დაუგეგმავს. ყოველ შემთხვევაში, რამდენადაც მე ვიცი“, – განაცხადა ირანის პრეზიდენტმა. მისი თქმით, ირანი დონალდ ტრამპის ადმინისტრაციასთან დიალოგისთვის მზად არის. „პრობლემას დიალოგი არ წარმოადგენს. ჩვენ ეჭვი გვაქვს, რომ რის შესახებაც არ უნდა ვისაუბროთ, ისინი ხელისუფლების დამხობას ცდილობენ და არა პრობლემების მოგვარებას“, – აღნიშნა მასუდ ფეზეშქიანმა.

სამხრეთ კორეის იმპიჩმენტირებული პრეზიდენტი, იუნ სუკ იოლი გამომძიებლებმა მეორე მცდელობის შემდეგ დააკავეს. BBC-ის ცნობით, სასამართლოს მიერ გაცემული დაკავების ორდერის აღსრულებისთვის იუნ სუკ ოილის რეზიდენციასთან პოლიციამ დაახლოებით 1000 ოფიცერი განათავსა. იმპიჩმენტირებული პრეზიდენტის რეზიდენციასთან შეკრებული მოქალაქეები აცხადებდნენ, რომ პოლიციას იუნ სუკ იოლის დაკავების საშუალებას არ მისცემდნენ. შეგახსენებთ, სამხრეთ კორეის პარლამენტმა ქვეყანაში საომარი მდგომარეობის გამოცხადების გამო იუნ სუკ იოლს 14 დეკემბერს იმპიჩმენტი გამოუცხადა. თუმცა საკონსტიტუციო სასამართლომ უნდა გადაწყვიტოს, გადააყენოს ის პრეზიდენტის პოსტიდან თუ თანამდებობაზე აღადგინოს. იმპიჩმენტის საკითხზე სასამართლო პროცესი გუშინ დაიწყო, თუმცა იუნ სუკ იოლი სასამართლოში არ გამოცხადდა და პროცესი დაწყებიდან რამდენიმე წუთში…

გერმანიის მთავრობამ უკრაინისთვის გადაცემული სამხედრო დახმარების სია განაახლა, რომელიც ათასობით საარტილერიო ჭურვისა და დრონის მიწოდებას ადასტურებს. გავრცელებული ინფორმაციით, დეკემბრის ბოლოდან გერმანიამ უკრაინას 155 მმ კალიბრის 14 000 ჭურვი და 122 მმ კალიბრის 19 000 ჭურვი, ასევე Leopard 1 ტანკების საბრძოლო მასალა გადასცა. კიევმა ასევე მიიღო HF-1 ტიპის 600 თავდასხმის დრონი, VECTOR-ის ტიპის 50 სადაზვერვო დრონი, RQ-35 HEIDRUN ტიპის 46 სადაზვერვო დრონი და SONGBIRD-ის ტიპის 43 სადაზვერვო დრონი. გერმანიის მიერ მიწოდებული სამხედრო დახმარება ასევე მოიცავდა 120 მმ-იან 11 000 საბრძოლო მასალას ნაღმმტყორცნებისთვის, საველე სათვალეებს, Marder-ის ქვეითთა ​​საბრძოლო მანქანებს, RCT-30 Boxer-ის ქვეითთა…

უკრაინის მთელ ტერიტორიაზე, სარაკეტო თავდასხმის საფრთხის გამო, საჰაერო განგაში გამოცხადდა. ინფორმაციას უკრიანული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს. მათი ცნობით, ხარკოვში აფეთქებების ხმები ისმოდა. რაკეტები დაფიქსირდა ხარკოვის ოლქის სამხრეთით, ასევე სუმის ოლქში და უკრაინის სხვა ტერიტორიაზე. სამხედროებმა ჩერნიგოვის რაიონის ქალაქ პრილუკის მოსახლეობას თავშესაფრებში გადასვლისკენ მოუწოდეს.