დღე: იანვარი 10, 2025

ბიზნესდოკუმენტების გაყალბების საქმეზე დონალდ ტრამპს არ დაეკისრება არც პატიმრობა, არც ჯარიმა და არც პრობაცია. მოსამართლემ ის სასჯელისგან უპირობოდ გაათავისუფლა. შესაბამისი გადაწყვეტილება ნიუ იორკის სასამართლოს მოსამართლემ, ხუან მერჩანმა გამოაცხადა. „გისურვებთ წარმატებას თანამდებობის მეორე ვადით დაკავებისას“, – უთხრა მოსამართლემ აშშ-ის არჩეულ პრეზიდენტს, რომელიც სასამართლოს სხდომას ონლაინ რეჟიმში ჩაერთო. სიტყვით გამოსვლისას დონალდ ტრამპმა საქმეს პოლიტიკურად მოტივირებული უწოდა. მისი განცხადებით, მას ბრალი წაუყენეს იმისთვის, რომ მას საპრეზიდენტო არჩევნებში არ მიეღო მონაწილეობა. დოკუმენტების გაყალბების საქმეზე დონალდ ტრამპი სასამართლომ დამნაშავედ გასული წლის მაისში ცნო. ბრალდების თანახმად, დონალდ ტრამპმა 2016 წლის არჩევნების წინ სექსუალური კავშირის შესახებ დუმილის…

მეტი...

ევროკომისიის პრეზიდენტს, ურსულა ფონ დერ ლაიენს დონალდ ტრამპის ინაუგურაციაზე მიწვევა ჯერ არ მიუღია. ამის შესახებ ევროკომისიის პრესსპიკერმა, პაულო პინომ განაცხადა. „ვნახოთ, თუ მიიღებს მიწვევას, თუმცა ამ ეტაპზე ინაუგურაციაზე დასწრების გეგმები არ არის“- განაცხადა პაულო პინომ პრესბრიფინგზე. როგორც სააგენტო „როიტერი“ წერს, ისტორიულად უცხოელი ლიდერები აშშ-ის პრეზიდენტების ინაუგურაციას არ ესწრებიან და ცერემონიალზე დიპლომატებს აგზავნიან, თუმცა დონალდ ტრამპმა რამდენიმე ლიდერი მიიწვია. მიწვეულებს შორის არიან ჩინეთის ლიდერი სი ძინპინი, ბრაზილიის ყოფილი პრეზიდენტი ჟაირ ბოლსონარუ, ისრაელის პრემიერ-მინისტრი ბენიამინ ნეთანიაჰუ და იტალიის პრემიერ-მინისტრი ჯორჯია მელონი. გავრცელებული ცნობებით, სი ძინპინი ინაუგურაციას არ დაესწრება, თუმცა ვაშინგტონში თავის წარმომადგენელს…

მეტი...

ისრაელის სამხედრო ავიაციამ იემენი დაბომბა. სამხედრო ოპერაციაში მონაწილეობა მიიღეს 20-მა საჰაერო აპარატმა, მათ შორის ავიაგამანადგურებლებმა. ისრაელის თავდაცვის ძალებმა ჩამოაგდო 50-მდე საბრძოლო მასალა სამ მთავარ სამიზნეზე. პარალელურად ცნობილი გახდა, რომ იემენის ტერიტორიაზე ავიაიერიშები განახორციელეს აშშ-ის და ბრიტანეთის სამხედრო თვითმფრინავებმა.  

მეტი...

აშშ-მა რუსეთის ნავთობის მოპოვებისა და ექსპორტის სექტორის წინააღმდეგ სანქციების მსხვილი პაკეტი მიიღო. ამის შესახებ განცხადებას აშშ-ის სახაზინო დეპარტამენტი ავრცელებს. განცხადებაში აღნიშნულია, რომ სანქციებს დიდი ბრიტანეთიც უერთდება, რომელიც ასევე ასანქცირებს ნავთობის ორ უდიდეს რუსულ კომპანიას – “გაზპრომ ნეფტსა” და “სურგუტნეფტეგაზს”. “შეერთებული შტატები ყოვლისმომცველ ზომებს იღებს რუსეთის შემოსავლის საკვანძო წყაროს წინააღმდეგ, მის მიერ უკრაინის წინააღმდეგ სასტიკი და უკანონო ომის დაფინანსებისთვის. ეს გადაწყვეტილება აგრძელებს და აძლიერებს ომის დაწყებიდან ჩვენს მიზანს ჩავშალოთ კრემლის ენერგეტიკული შემოსავლები, მათ შორის “დიდი შვიდეულის” ფასის ზედა ჭერის მეშვეობით, რომელიც 2022 წელს დავამტკიცეთ. დღევანდელი ქმედებით ჩვენ ვზრდით სანქციების რისკს, რომელიც დაკავშირებულია რუსეთის…

მეტი...

უკრაინის არმიამ რუსეთის როსტოვის ოლქში უპილოტო საფრენი აპარატების საწყობი დაბომბა. უკრაინული მედიის ინფორმაციით, უკრაინის უსაფრთხოების სამსახურმა თავდასხმა რაკეტა „ნეპტუნით“ განახორციელა. გავრცელებული ცნობით, პირველ ეტაპზე უკრაინის უპილოტო თვითმფრინავებმა „გადატვირთეს“ რუსული საჰაერო თავდაცვა, შემდეგ კი „ნეპტუნმა“ დაარტყა ობიექტს. შედეგად კი განადგურდა სადაზვერვო უპილოტო თვითმფრინავების საწყობი, რომელსაც რუსეთი იყენებს უკრაინის ქალაქებსა და ფრონტის ხაზზე დაბომბვის დროს თავდასხმის კორექტირებისთვის.

მეტი...

ფინანსური დოკუმენტების გაყალბების საქმეზე დონალდ ტრამპის მიმართ განაჩენი დღეს გამოცხადდება. საქმის მოსამართლემ, ხუან მერჩანმა უკვე განაცხადა, რომ ის ტრამპს პატიმრობას არ მიუსჯის. აშშ-ის არჩეული პრეზიდენტი სასამართლო სხდომას არ დაესწრება და მონაწილეობას მიიღებს ონლაინ, ფლორიდაში მდებარე საკუთარი სახლიდან. შეგახსენებთ, რომ დონალდ ტრამპი ნაფიცმა მსაჯულებმა ბიზნესჩანაწერების გაყალბების ბრალდებით დამნაშავედ მაისში ცნეს. ტრამპს ედავებიან 2016 წლის წინასაარჩევნო ფონდიდან დახარჯულ 130 ათას დოლარს, რომელიც დოკუმენტებში სამართლებრივი მომსახურების ხარჯებად გატარდა, რეალურად კი, გამოძიების ვერსიით, ეს თანხა პორნოვარსკვლავ შტორმი დენიელსს ტრამპთან სექსუალური კავშირის შესახებ დუმილის სანაცვლოდ გადაუხადეს. აშშ-ის არჩეული პრეზიდენტი საერთოდ უარყოფს, რომ მას ინტიმური სახის…

მეტი...

დანიის პრემიერ-მინისტრმა მეტე ფრედერიკსენმა აშშ-ის არჩეულ პრეზიდენტთან დონალდ ტრამპთან გრენლანდიის საკითხის გარშემო სატელეფონო საუბარი მოითხოვა. ინფორმაციას Politico ავრცელებს. როგორც დანიის პრემიერმა აღნიშნა, ტრამპს მის თხოვნაზე პასუხი ჯერ არ გაუცია. ფრედერიკსენი ფიქრობს, რომ ტრამპთან დიალოგი მისი ინაუგურაციის შემდეგ შედგება. მან ხაზგასმით აღნიშნა, რომ არ არსებობს საფუძველი იმისა, რომ ტრამპი გრენლანდიაში სამხედრო გზით შეიჭრება. მისი თქმით, დანია და აშშ ნატოში მოკავშირეები არიან და მჭიდროდ თანამშრომლობენ.

მეტი...

პოლონეთის პრემიერ-მინისტრმა დონალდ ტუსკმა პირობა დადო, რომ მისი ხელისუფლება არ დააპატიმრებს ისრაელის პრემიერ-მინისტრს ბენიამინ ნეთანიაჰუს ჰააგის სისხლის სამართლის საერთაშორისო სასამართლოს მიერ გაცემული ორდერის საფუძველზე, თუ ის აუშვიცის საკონცენტრაციო ბანაკის გათავისუფლების 80 წლისთავს ეწვევა. „ჩემთვის ნათელია, რომ ისრაელის სახელმწიფოს თითოეულ წარმომადგენელს ვიზიტის უფლება უნდა ჰქონდეს, განსაკუთრებით წლისთავზე. ამიტომაც, პოლონეთის მთავრობა ისრაელის სახელმწიფოს წარმომადგენლებისთვის უზრუნველყოფს თავისუფალ და უსაფრთხო გარემოს ამ ღონისძიებებში მონაწილეობისთვის“, – ციტირებს პოლონური მედია პოლონეთის პრემიერის კანცელარიას.  

მეტი...

იტალიის პრემიერ-მინისტრმა ჯორჯია მელონიმ წლის შემაჯამებელ პრესკონფერენციაზე განაცხადა, რომ კომპანია SpaceX-ის დამფუძნებელი და ტრამპის ადმინისტრაციაში აშშ-ის მთავრობის ეფექტურობის დეპარტამენტის მომავალი თანახელმძღვანელი, ილონ მასკი დემოკრატიისთვის საფრთხეს არ წარმოადგენს. „მე ვერ ვხედავ ამაში საფრთხეს დემოკრატიისთვის. ილონ მასკი ძალიან ცნობილი და მდიდარი ადამიანია, რომელიც საკუთარ იდეებს ამუშავებს“, – თქვა მელონიმ. იტალიის მინისტრთა საბჭოს თავმჯდომარის განცხადებით, დემოკრატიას საფრთხეს არა მასკი, არამედ ჯორჯ სოროსი უქმნის, რომელიც რესურსებს პარტიების, ასოციაციებისა და პოლიტიკოსების დასაფინანსებლად იყენებს, რითაც სხვა ქვეყნების შიდა საქმეებსა და სუვერენიტეტში ერევა.

მეტი...

იაპონიამ რუსეთის წინააღმდეგ სანქციების სია გააფართოვა. სანქციები შეეხო რუსეთის 29 ორგანიზაციას და სამ ბანკს. 335 პროდუქტის დასახელების მიმართ კი დაწესდა საექსპორტო შეზღუდვები. ასევე, იაპონიის ხელისუფლებამ სანქციების სიაში შეიყვანა რუსეთის 10-ზე მეტი მოქალაქე. მათ შორის არიან „როსტეხის“ გენერალური დირექტორის პირველი მოადგილე ვლადიმირ არტიაკოვი, „ალროსის“ გენერალური დირექტორი პაველ მარინიჩევი, „პსვ ტეხნოლოგიის“ გენერალური დირექტორი სერგეი პეტროვი და სამეცნიერო-სამრეწველო ორგანიზაცია „ელექტრომაშინის“ ხელმძღვანელი იგორ აფანასიევი. გარდა ამისა, სანქციები დაუწესდა 31 უცხოურ კომპანიას ჩინეთიდან, არაბთა გაერთიანებული საამიროებიდან, ყაზახეთიდან, ყირგიზეთიდან, ტაილანდიდან და თურქეთიდან, ასევე კორეის სახალხო-დემოკრატიული რესპუბლიკის ერთ მოქალაქეს. უკრაინაში რუსეთის შეჭრის დაწყების შემდეგ იაპონიამ სხვა ქვეყნებთან…

მეტი...

ევროსაბჭოს საპარლამენტო ასამბლეის მხრიდან მიმდინარე მონიტორინგის პროცედურის ფარგლებში, საქართველოში 14-16 იანვარს ფაქტების დასადგენი მისიით ჩამოვლენ თანამომხსენებლები კლოდ კერნი (საფრანგეთი, ლიბერალ დემოკრატების ალიანსი) და ედიტ ესტრელა (პორტუგალია, სოციალ-დემოკრატიული პარტია). ინფორმაცია ევროსაბჭოს საპარლამენტო ასამბლეის ვებგვერდზე გამოქვეყნდა. პრესრელიზის თანახმად, ვიზიტი არ უნდა განიხილებოდეს მხარდაჭერა ლეგიტიმურობისადმი ან იმ თანამოსაუბრეთა შეხედულებებისადმი, რომლებსაც თანამომხსენებლები შეხვდებიან. „ვიზიტის მიზანია, შეაფასოს საქართველოს, როგორც ევროპის საბჭოს წევრი სახელმწიფოს მიერ ნაკისრი ვალდებულებების შესრულება. კერძოდ, ოქტომბრის არჩევნების შემდეგ შექმნილი პოლიტიკური კრიზისისა და ევროკავშირში გაწევრიანების მოლაპარაკებების შეჩერების ფონზე. ვიზიტის დროს, თანამომხსენებლები შეხვდებიან ყველა ძირითადი პოლიტიკური პარტიის ხელმძღვანელობას, შესაბამის სამთავრობო ოფიციალურ პირებს და ინსტიტუტებს,…

მეტი...

უნგრეთის საგარეო საქმეთა მინისტრმა პიტერ სიიარტომ მის პოლონელ კოლეგას რადოსლავ სიკორსკის ომის მომხრე ჯორჯ სოროსის აგეიტნ უწოდა. ინფორმაციას უნგრეთის პრემიერის პრესსპიკერი ზოლტან კოვაჩი X-ზე ავრცელებს და აღნიშნავს, რომ სიიარტომ ეს განცხადება მას შემდეგ გააკეთა, რაც პოლონურ მედიაში სიკორსკის კონფიდენციალური წერილი გავრცელდა. „პოლონურ-უნგრული ძმობა ევროპაში სოროსის ომის მომხრე ერთ-ერთი აგენტის ინტრიგებს გადაიტანს“, – ციტირებს კოვაჩი სიიარტოს. წერილში სიკორსკი წინადადებით გამოდის, რომ უნგრეთის ელჩისთვის ვარშავაში ყველა მოსაწვევი გაუუქმონ და აგრეთვე უნგრეთის საელჩოსთან ყველა ტიპის, მათ შორის კულტურული ღონისძიებების ფარგლებში, თანამშრომლობა შეაჩერონ.

მეტი...

რუსეთის პრეზიდენტის პრესსპიკერმა, დიმიტრი პესკოვმა აშშ-ის მიერ უკრაინისთვის გამოყოფილი სამხედრო დახმარების ახალ პაკეტზე კომენტირებისას განაცხადა, რომ აშშ-ის ამჟამინდელი ხელმძღვანელობა აპირებს, უკრაინაში კონფლიქტის გასაგრძელებლად ყველაფერი გააკეთოს. „ვხედავთ, რომ ქვეყნები აგრძელებენ თავიანთი პოლიტიკური ნების გამოცხადებას და აგრძელებენ უკრაინის მხარდაჭერას. შეერთებული შტატები, მისი ამჟამინდელი ხელმძღვანელობით, რომელსაც 10 დღე აქვს დარჩენილი, აპირებს გააგრძელოს ყველაფრის გაკეთება ომის გასაგრძელებლად. რა თქმა უნდა, ევროპის ქვეყნები ამ ზოგადი ხაზის გავლენას განიცდიან. ეს არის ის, რაც ეხება შეერთებული შტატების ამჟამინდელ ადმინისტრაციას და მის სატელიტებს, რომლებიც „რამშტაინში“ იმყოფებოდნენ“, – აღნიშნა პესკოვმა.

მეტი...

,,ნებისმიერი სცენარისთვის უნდა ვიყოთ მზად, არავის ეგონა, რომ რუსეთი უკრაინას დაესხმებოდა თავს, მოდით, უფრო ჭკვიანები ვიყოთ”, – ამის შესახებ პოლონეთის თავდაცვის მინისტრმა, ვლადისლავ კოსინიაკ-კამიშმა განაცხადა. „ჰიბრიდული ომი არა მხოლოდ პოლონეთში, მთელს ევროპაში მიმდინარეობს. ეს არის ომის ძალიან სახიფათო ნაწილი. ინტერნეტში სიცრუის დათესვა, ფაქტების დამახინჯება, მანიპულაცია, სოციალური მდგრადობის შესუსტება უსაფრთხოების ერთ-ერთი საყრდენის განადგურებაა. ეს არის სერიოზული თავდასხმა პოლონეთზე. ნებისმიერი სცენარისთვის უნდა ვიყოთ მზად. არავის ეგონა, რომ რუსეთი უკრაინას თავს დაესხმებოდა. მოდით, უფრო ჭკვიანები ვიყოთ. მოდით, მზად ვიყოთ,“ – აღნიშნა პოლონეთის თავდაცვის უწყების ხელმძღვანელმა. ვლადისლავ კოსინიაკ-კამიშმა აღნიშნა, რომ სკანდინავიის ქვეყნებთან გრძელვადიანი სტრატეგიული…

მეტი...

,,უკრაინას დღეს 3 მილიარდ ევროს გადავცემთ, „დიდი შვიდეულის“ სესხის ფარგლებში ევროკავშირის წილის პირველ გადახდას”, – ამის შესახებ ევროკომისიის პრეზიდენტი, ურსულა ფონ დერ ლაიენი X-ზე წერს. რუსეთის აგრესიული ომიდან თითქმის 3 წლის შემდეგ, უკრაინას შეუძლია მეგობრების და პარტნიორებზე იმედი ჰქონდეს. საჭიროა უკრაინისთვის ფინანსური დახმარების აღმოჩენა, რათა მან თავისუფლებისთვის ბრძოლა გააგრძელოს და გაიმარჯვოს”, – აღნიშნა ლაიენმა. გასული წლის ბოლოს, ევროკომისიამ გამოაცხადა, რომ ევროკავშირის სესხის პირველ ტრანშს უკრაინა 2025 წლის იანვრის დასაწყისში მიიღებდა. სესხის მთლიანი თანხა, 18,1 მილიარდი ევრო, კიევს 2025 წლის განმავლობაში გადაეცემა და ის გაყინული რუსული აქტივებიდან მიღებული შემოსავლის დაიფარება.

მეტი...

,,ევროკავშირი მზად იქნება, უკრაინის მხარდაჭერის თაობაზე ლიდერობა გადაიბაროს, თუ ამის სურვილი აღარ ექნება ამერიკის შეერთებულ შტატებს”, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა. „მე ნამდვილად დარწმუნებული ვარ, რომ ყველა სხვა წევრი და იმედია, ამერიკის შეერთებული შტატებიც, მზად არიან, გააგრძელონ უკრაინის მხარდაჭერა. ევროკავშირი ასევე მზად არის, გადაიბაროს ეს ლიდერობა, თუ ამერიკის შეერთებული შტატებს აღარ ექნება ამის სურვილი“, – განაცხადა კალასმა. მისი თქმით, აშშ-ის ინტერესებში არ შედის, რომ რუსეთი იყოს ყველაზე ძლიერი ძალა მსოფლიოში.

მეტი...

გერმანიის ბუნდესტაგის რამდენიმე ფრაქცია საქართველოსთან დაკავშირებით ერთობლივ განცხადებას ავრცელებს. გერმანელი დეპუტატები მხარს უჭერენ მიზანმიმართული სანქციების დაწესებას ევროკავშირის დონეზე იმ პირებისთვის, რომლებიც მათი თქმით, პასუხისმგებლები არიან მშვიდობიანი დემონსტრანტების მიმართ ადამიანის უფლებების დარღვევებზე. ,,ფედერალური მთავრობა სამართლიანად უჭერს მხარს მიზანმიმართული სანქციების დაწესებას ევროკავშირის დონეზე იმ პირებისთვის, რომლებიც პასუხისმგებლები არიან მშვიდობიანი დემონსტრანტების მიმართ ადამიანის უფლებების სერიოზულ დარღვევაზე. ეროვნულ დონეზე 9 პირის მიმართ უკვე დაწესებულია ქვეყანაში შესვლის აკრძალვა. მივესალმებით იმ ფაქტს, რომ მხარდაჭერის ბევრი ღონისძიება შეჩერებულია. ვადასტურებთ ჩვენს მტკიცე მხარდაჭერას ქართველი ხალხის კანონიერი – ევროპისა და დემოკრატიისკენ მისწრაფებების მიმართ. მყარად ვდგავართ საქართველოს დემოკრატების მხარეს და…

მეტი...